Tênhv tênhz Điện Biên krêz uô ntâu luôs hâux lưv taz por cungz tênhv hâur kaz shông thiêz ntu Tsiêz 2018

          Hla đhâu iz ntu cxiv tsa thiêz huôv tsar, Công ty tênhv tênhz tỉnh Điện Biên li cxix luôk tênhv tênhz ziv hnuz ziv tâu hlôngr yiêz jông, gôngr phênhv muôz siêz tsơưr lươngv luz nênhx trâu tsôngv box sâuv thax tsav. Xav txos six hơưv no, 100% chor xã, phường, thị trấn sâuv thax tsav tỉnh Điện Biên tưz muôx tênhv; zuôr xar 90% chor ziv chuôz zis tsôngv box tâu zôngv tênhv tênhz têz qơưk.

Chiê taz por muôx txâuk tênhv cungz hâur kaz shông 2017 thiêz hâur ntu nox Tsiêz 2018, phưx vưv tsôngv box li zoz qơưx nox tsiêz sâuv thax tsav, uô jông têx jênhv vưv tưz tso tơưv hâur six hơưv zuôr txos, ciês hâur shôngk shông 2018 Công ty tênhv jos tỉnh Điện Biên tưz chox kriê têx chi nhánh tênhv jos chuôz tsar tần suất qênhz yuôx hnuz, hmo têx cêr tênhv thiêz trạm biến áp….Tix lâuk Đỗ Việt Cường, Tuêv tsar tuêv coar lik cêr tênhv thiêz trạm, Công ty tênhv tênhz Điện Biên puz pâuz:

          “ Chiê phưx vưv jông tênhv jos huyện mak pêz yax six qênhz yuôx lơưr six hơưv thiêz zos muôx têx hâux lưv tsi jông muôx yưv mak pêz yưr lir, car chêx chiê taz por tênhv tênhz phưx vưv chinhr trị thiêz tsôngv box hâur thax tsav”.

          Đrâuv hâux lưv chuôz tsar qênhz yuôx, pov thiêz yưr lir têx hâux lưv muôx yưv lok xor tênhv thiêz têx trạm biến áp, côngz xưv taz por lox tôngv cux tâu nganhx tênhv jos tỉnh Điện Biên tso tơưv xuz thơưx. Vênhv thix no tâu tso pov tsênhz cxôngx hâux lưv krêz uô jênhv vưv ciês hâur yênhx hli, yênhx quý, chuôz tsar yax mông, heik kriê thôngx cxix cux yưr lir txos qơư têx lênhx nênhs uô cxâuv cui tênhv taz por tênhv tênhz nhoz công ty, cxôngx co taz por jông thâuv uô hâux lưv. Khov co hâur shông 2017, cxix luôk tênhv tênhz sâuv thax tsav tâu taz por jông, tsi muôx hâux lưv tưs tsi jông muôx yưv.

          Xav tênhv hâux lưv hâur six hơưv đhâu, sâuv thax tsav têx xã muôx cêr tênhv mul đhâu tsênhv muôx txiêz nanv tênhv hâur tsôngv box, lênhx coaz txos hâux lưv cxiv tsa, kho đuô tsêr nhoz nhoz jê cêr tênhv, ntor ntông thiêz trâus zênhr shar tiv ntux nas…Viv li chiê tênhv tênhz tâu taz por, ngaz tul tsi so phưx vưv tsôngv box sâuv thax tsav, jav tâu têx txiêz nanv muôx yưv, nganhx tênhv jos Điện Biên cux cxơưz tiês côngz xưv yax mông txos tsôngv box tsi ndê ndêx tênhv, trạm tênhv tênhz thâuv tsi muôx jênhv vưv, tsi cưr, chos ntông jê cêr tênhv. Muôz siêz tsôngv box li jênhv pâuz lok têx hâux lưv tsi jông muôx yưv lok tênhv tênhz, ciêr chênhr thôngz pov trâu nhân viên nganhx tênhv tuôx chiê khưx phưx têx hâux lưv tsi jông muôx yưv. Zơưv Trần Đức Long, Giám đốc Tênhv tênhz huyện Điện Biên, Công ty tênhv tênhz tỉnh Điện Biên puz pâuz:

          “ Đros côngz xưv qênhz yuôx cêr tênhv thiêz trạm biến áp thâuv tưs taz viv cux tso tơưv xuz thơưx chiê taz por jông tiv zix. Viv li đros thiêz taz viv tưz chuôz tsarr côngz xưv yax mông por vêv tênhv tênhz cao áp cux xưk li txu grês txiêz nanv hâur tsôngv box. Ntâus grê tsôngv box li jênhv pâuz sâuv thax tsav mak tsôngv box cux jênhv pâuz tâu jông lok por vêv taz por cux xưk li pâuz tâu têx txiêz nanv zuôr muôx yưv chiê por vêv nganhx tênhv li chuôz zênhx chuôz tas, pov trâu tênhv jos chiê yưr lir”.

          Xav txos nhiv no, cxix luôk tênhv tênhz sâuv thax tsav tỉnh Điện Biên cux tuôv zênhv tâu ploz tsênhr kỹ thuật, đros 850 trạm biến áp, 4 cxênhz 700 ntâu cei cêr tênhv nhoz 2 cấp 35 KV thiêz 22 KV. Txos tas shông 2017, Công ty tênhv jos Điện Biên tưz cungz tênhv txos 100% chor huyện, thị , thành phố, đros 100% chor xã, phường, thị trấn muôx tênhv tênhz têz qơưk. Hâur co chor xã muôx tênhv zos 100%, chor ziv chuôz zis tâu zôngv tênhv zos 109 cxênhz ziv, tax zuôr xar 90%... Viv li txơưv tênhv yuôr ntâu phêv liv taz sik canr bộ, công nhân viên nganhx tênhv ntơưv Điện Biên tsênhv sir jos khưx phưx cxuô phêv liv, taz por cungz tênhv tsi so trâu tsôngv box. Hâur co cux tsov cưv txos têx thax tsav coaz tsôngv li: chiz coaz lênhs tov tỉnh li qơư uô xưv, têx tsêr kho moz, qơư tsiv uô đêx hur, têx qơư muôx huôx tôngv chinhr trị, vênhx huôv, nghệ thuật hơưv tos tsiêz yiêz, ntênhs phêv… cxôngx hâux lưv chuôz tsar tso tênhv thiêz kho đuô tênhv hâur yênhxx hnuz yênhxx hmo, bax tênhv tênhz cxênhx tsês ntơưv têx qơư tsưr tsix ntênhs phêv…Zơưv Trần Đức Dũng, Phưv giám đốc muôv muôs Công ty tênhv jos Điện Biên heik:

          “ Chiê bax trâu côngz xưv tas shông 2017, bax trâu hâur shôngk shông 2018 thiêz bax chiê tos tsiêz shông 2018, công ty tênhv jos Điện Biên tưz krêz uô têx tsưr ziv taz por cungz tênhv taz por, tsi so phưx vưv trâu tsôngv box li hnuz ntênhs. Đrâuv co nriêr têx hâux lưv tsi tâu uô tâu yưr lir, taz por tso tênhv tsi so, thâuv muôx hâux lưv tưs mak ciêr chênhr yưr lir sei tiv zix”.

          Đros têx tsưr ziv uô tsênhz mênhx tso tơưv thiêz canr bộ, nhân viên nganhx tênhv tênhz tỉnh Điện Biên li siêz sir jos hla đhâu cxuô phêv liv, njênhs njôngr Tênhv tênhz Điện Biên zuôr uô jông jênhv vưv, tsưr ziv tso tơưv hâur shông 2018, taz por cungz tênhv taz por trâu tsôngv box shir phaz nox tsiêz yiêz./.

( Vũ Lợi- Txâur Vax cxeik nhênhv)

Luôs hâux lưv huôv tsar Đảng nhoz Đảng bộ huyện Yên Châu

Chiê uô jông nghị quyết lok cxiv tsa thiêz huôv tsar Đảng nhoz tiv phaz, Ban thường vụ huyện ủy Yên Châu tưz tso tơưv luôs hâux lưv sôr 18 hnuz 5/7/2006 lok qênhz shuôk chor jêx jok, tsêr cơưv ntơưr, trạm y tế tsik tâu muôx đảng viên thiêz tsik tâu muôx chi bộ đros tsênhv njiêz zos: Qênhz shuôk chor jêx jok, tiểu khu, trạm y tế tsik tâu muôx chi bộ, đảng viên, taz sik tsik tâu muôx txâuk đảng viên chiê yênhx lix chi bộ thiêz taz viv jêx jok tsik tâu muôx đảng viên. Chor tiv phaz cxiv tsa tsưr ziv paz chiê huôv tsar Đảng ntơưv chor jêx jok, tiểu khu, chor cơ quan, tsêr cơưv ntơưr, trạm y tế chiê txâuk tsar tov yênhx lix Chi bộ (Muôx tsưr ziv, six hơưv, phêiz côngz txơưx jênhv sêiz shuôk, hêik pâuz chêx cur đros Thường trực huyện ủy, Ban thường vụ huyện ủy). Ban thường vụ huyện ủy yênhx lix Ban chox kriê uô lơưr nghị quyết zos phưv bí thư thường trực uô trưởng ban; Trưởng ban tsưr tsix huyện ủy uô phưv ban thiêz yênhx lix tổ paz hâux lưv chiê sêiz kaz, hêik pâuz chêx cur uô ntơưv chor đảng bộ tiv phaz.

Chêx cur qênhz shuôk shông 2016, tas nro Đảng bộ huyện muôx 146/158 jêx jok, tiểu khu muôx chi bộ, muôx 12 jêx jok tsik tâu muôx chi bộ, hâur co 10 jêx jok muôx đảng viên, 2 jêx jok tsik tâu muôx đảng viên; 48/52 tsêr cơưv ntơưr, 13/15 trạm y tế muôx chi bộ, muôx 4 tsêr cơưv ntơưr, 2 trạm y tế tsik tâu muôx chi bộ, đảng viên tsuv xênhz huôx uô cê. Đros tsưr ziv uô tsênhz thiêz tas nro Đảng bộ li sir jos, txos shông 2014, 100% chor tsêr cơưv ntơưr, trạm y tế tiv phaz hâur tas nro huyện tưz muôx chi bộ; txos shông 2016, 100% chor jêx jok tiểu khu, chor tsêr cơưv ntơưr, chor trạm y tế puôr lênhx muôx chi bộ, zos 196 chi bộ jêx jok, tiểu khu 62 chi bộ tsêr cơưv ntơưr, 15 chi bộ trạm y tế.

Chiê cxiv tsa chi bộ hênhr, huyện Yên Châu cux tưz hlôngr yiêz gra siêz tsơưr lươngv xênhz huôx trâu chi bộ, chuôz cxaz côngz xưv qênhz yuôx, sêiz kaz, kruôz kriê chi bộ, gra siêz đas jos, txux chi trâu cán bộ, đảng viên. Zơưv Muôk Xênhv Shôngx, bí thư chi bộ jok Páo Của, Đảng bộ xã Phiêng Khoài, puz pâuz: chi bộ li tsưr tsix xênhz huôx tâu uô huv lơưr huyện ủy li kruôz kriê, xưk li: xênhz huôx tsik so, sik thav thôngx ziv têx tsênhv njiêz xênhz huôx hâur cấp ủy uô ntêx zuôr tsưr tsix xênhz huôx chi bộ; chor nênhs hâur cấp ủy sir jos hlôngr yiêz tsưr ziv tsưr tsix xênhz huôx paz muôx dân chuv hâur xênhz huôx…Chiê gra siêz txux chi trâu cán bộ, đảng viên, ban thường vụ huyện ủy choz zok trâu chor cơ quan hêik pâuz, paz qênhz shuôk chor cán bộ tsênhv uô hâux lưv thiêz chor cán bộ bax tsês chiê sêiz shuôk, tso muk cơưv chor lớp kruôz kriê. Thôngx cxix, paz tsar tov trâu chor cán bộ, công chức muôx zoz qơưx cơưv ntơưr chiê gra siêz txux chi, đas jos uô côngz xưv, tax tâu huyện thiêz tiv phaz li zoz qơưx hlôngr yiêz.

Cxiv tsa chi bộ jông, muôx jos lok six zov chênhr trâu hâux lưv uô truôx jông, kho đuô, gra siêz tsưr tsix đảng li đas jos lênhx tov thiêz tsav txênhz. Ban thường vụ huyện ủy Yên Châu tưz tso tơưv luôs hâux lưv huôv tsar Đảng ntơưv chor chi bộ muôx tsơưs đảng viên, sir jos txos shông 2019, tsuôk yuôr 8-9 chi bộ muôx tsơưs đuô 9 lênhx đảng viên; njuôk xav shông 2020, 100% chor chi bộ hâur đảng ủy tiv phaz muôx cấp ủy. No zuôr zos chor tsênhv njiêz cuêz tênhv chiê gra siêz tsưr ziv trâu tsưr tsix  đảng, tror uô luôs hâux lưv huôv tsar đảng viên thiêz cxiv tsa Đảng bộ huyện truôx jông./.

                          (KT-Lik thox cxêik nhênhv)