Jax sâu thưr 3 hnuz 5/4/2016:

Tsaz yênhx 135 paz uô hlôngr yiêz thax tsav mênhx cxưx

Tỉnh Tuyên Quang muôx 61 xã txov nhêv tiv zix, xã ATK thiêz 245 jêx jok txov nhêv tiv zix nhoz chor xã thax tsav I, thax tsav II tâu sơưv têz qơưk li tsênhv chêi yưv pênhr txix tsaz yênhx 135.

Chiê paz pênhr jos trâu tsongv box chor xã txov nhêv muôx tsar tov sir jos hâur luz nênhx, hâux lưv yưv  pênhr uô cxuô zav trâu jêx jok zos iz hâur têx kror zov chênhr tsuv uô. Uô tsaz yênhx 135, hâur ntu III, tỉnh Tuyên Quang tưz kriz uô cxiv tsa tâu 690 côngz trinhx, hâur co muôx 270 ntâu côngz trinhx zoz thôngz, 74 côngz trinhx đêx liv, 173 côngz trinhx tsêr cơưv ntơưr, 137 tsêr xênhz huôx côngv thôngx, 22 côngz trinhx tênhv, 4 trạm y tế, 10 côngz trinhx đêx hur….đros tas nro pênhr nhiêx uô xar muôx 335 tỷ đêiv.

Jok Cao Đường, xã Yên Thuận (huyện Hàm Yên) zos iz hâur chor jok txov nhêv tiv zix, nhoz kuôk tsênhv qơư xã 10 ntâu cêik cêr. Thâuv ntêx, jêx jok xưk li cêv kuôk tsik pâuz txos saz đrâuv, viv cêr muk lok phiv liv, cán bộ tuôx jêx jok uô hâux lưv tsuv tas iz tos hnuz. Txix thâuv tâu têz qơưk yưv pênhr uô cêr muk lok txuôk txos tsênhv qơư xã, pox nhuôs tưz tâu muk lok zôngx ziv đuô.

Zơưv Dương Minh Toàn, bí thư chi bộ jok Cao Đường puz pâuz: txix phênhv pênhr 135, pox huôs hâur jok tâu têz qơưk paz zus yil, cxaz nzir phênhv sâu. Tiv zix, jok tâu yưv pêhr cxiv tsa côngz trinhx đêx liv truôx jông. Thâuv ntêx, pox nhuôs 30 ntâu hec ta ar chos blêx muôx tsik txâuk đêx tsuôk uô tâu iz chiv, nhiv no tưz uô tâu oz chiv, iz cxiê qơư tsêhv chos tâu 3 chiv thiêz, pêx xênhv luz nênhx txix co tưz hlôngr yiêz đuô thâuv têx lok six ntâu.

Tưz tsik zos chor dự án cxiv tsa cxuô zav phuôx huiz tâu chêx cur, chor dự án paz uô xênhz yar cux muôx chêx cur lok six ntâu. Txix shông 2014 txos nhiv no, txix phênhv pênhr 135, tỉnh tưz cxiv uô 27 tsưr ziv huôv tsar uô xênhz yar, paz xar muôx 24.000 tuk tsiêx cxu, kêiz ol trâu chor chuôz zis pluôs, zuôr xar 6.400 chuôz zis pluôs tâu paz zuôr mêir phưx vưv uô xênhz yar kôngz nuv…. Đros co zos tsưr tsix chor lớp kruôz kriê uô kôngz, jôngr nuv, kruôz kriê lok tsưr ziv cxuôv yêiz thiv pluôs thiêz kriê nghêx trâu hluôk nênhs mênhx cxưx tsơưs nênhs đros nhiêx txiêx uô muôx 66,5 tỷ đêiv. Ntâu tsênhv chêi muôz txêik pênhr huôv tsar uô xênhz yar cux tâu tỉnh Tuyên Quang kriz uô tưz paz trâu pox nhuôs hla đhâu cêr pluôs truôx đrênhk.

Zơưv Chẩu Xuân Oanh, trưởng ban mênhx cxưx tỉnh Tuyên Quang, puz pâuz: tsaz yênhx 135 tưz gôngr phênhv zov chênhr trâu tỉnh li côngz xưv cxuôv yêiz thiv pluôs, tiv zix zos tsôngv box mênhx cxưx tsơưs nênhs nhoz têx thax tsav txov nhêv./.

(KT-Lik Thox cxêik nhênhv)

Phênhv thưr 3, hnuz 5/4/2016:

Tsôngv box Hậu Giang thiêz tsưr ziv chos txir lưk kâuz tsi muôx nôngz, sâu tâu nju, muôs tâu grê

Zơưv Tô Chí Thâm, nhoz jok Phú Qưới, xã Đông Thạnh, huyện Châu Thành, iz lênhx uô hâux lưv hâur hợp tác xã kôngz nuv Thạnh Phước heik pâuz: Thâuv ntêx zơưv muôx 6 cxênhz xưv phaz têz uô blêx, đhâu ntơư chos txir lưv tsiz taz sik sâu tâu tsi tâu pêk tsơưs. Kuôk no 6 shông, zơưv muôz têxntông lưv tsiz ntor por tsês, hlôngr chos txir lưk kâuz tsi muôx nôngz. Xav txix thâuv têx txir lưk txi txir tâu sâu đê txos nhiv no, iz shông zơưv chuôz zis sâu tâu yênhx puô tsov đeiv:

“ Muôx têx txir lưk no paz cxuz cêr yeiz pluôs jông, viv đê sâu tâu nju thiêz grê muôs cux truôx tuk, txix ntơư pêz tsôngv box thiêx hla đhâu yeiz pluôs. 6 cxênhz xưv phaz têz no, têx txir lưk tsi muôx nôngz, muôx kênh tsoz tưz chos tâu 6 shông, têx tsoz chos tâu 3 shông, mak iz shông yưx hur si têx côngk đas jos, nhiêx ntiêr uô, zuôr qir zuôv…..tas, chuôz zis tsênhv tâu muôx 400 tsov đeiv. Txix ntơư cur chuôz zis luz nênhx tưz truôx tuk”.

Tsi tiêk zos zơưv Tô Chí Thâm, mak 80 ntâu lênhx hâur hợp tác xã kôngz nuv Thạnh Phước puôr lênhx muôx phênhv sâu tâu txix 2, 3 puôk tsov đeiv txos iz tỷ đeiv iz shông txix têx txir lưk kâuz tsi muôx nôngz. Phênhv sâu no tâu ntâu đuô yênhx châuv jiês pir li uô blêx. Zơưv Nguyễn Văn Chiến-Giám đốc no heik pâuz: kuôk no 10 ntâu shông, zơưv zos lênhx xuz thơưx gra chor nôngz txir lưk kâuz tsi muôx nôngz lok chos hâur thax tsav qơư. Seiz pov têx txir lưk ntơư chos tâu thiêz txi txir sei, viv li zơưv tưz uô zuz muôz pheiz trâu tsôngv box sđ hâur thax tsav đros chos, đhâu ntơư sơưr yênhx lix hợp tác xã kôngz nuv thiêz uô yênhx cui tinhv, tsưr ziv li: Txix tsiv uô txos trâu sâu zuôr tsôngv box têx txir uô tâu chiê muôs. Zos đrav ntêx, têx txir lưk kâuz tsi muôx nôngz tsuôk muôs hâur têz qơưs mak nhiv no tưz muôs ntâu muk trâu luôs 2 chas têz qơưs sâuv ntiêx têz:

“Sâu zuôr, muôs têx xiv uô tâu trâu têx ziv chuôz zis tsôngv box. Zos chos txir lưk kâuz mak pêz đas cir sâu zuôr hur si têx txir trâu lơưr chiê tsôngv box tso siêz chos, zuk uô 2, 3 trâur nuv VietGAP, GlobalGAP, zuk muôz tso jông trâu thôngz, têx far ntơưr trâu têx têz qơưs li: Trung Đông, txơưv niêv ciêz châu Âu lok pêz cux muôx muôs hur si”.

Lơưr zơưv Lê Văn  Đời, Phưv giám đốc sở kôngz nuv thiêz huôv tsar tox siêz tỉnh Hậu Giang. Hâur six hơưv đhâu, iz chas hâux lưv paz têx ziv chuôz zis tsôngv box nhoz no chos txir lưk kâuz tsi muôx nôngz lơưr tsưr ziv uô nox yiêz, ngênhx kôngz nuv tỉnh cux tưz qir uô lơưr têx tsưr ziv no cov zuôr xar 3 shông, hợp tác xã kôngz nuv Thạnh Phước tâu lơưr Cục seiz car têx lênhx muôx txux chi tsưr ziv jông hâur huôv tsar uô nox côngz ntơưr côngz jênhv “ têx txir lưk kâuz tsi muôx nôngz Hậu Giang”. Ntơư zos tsưr ziv jông chiê têx txir lưk tsi muôx nôngz nhoz suôv qơư no muôx qơư sơưr truôx hâur niêv ciêz hâur thiêz đrâuv luôs 2 chas têz qơưs. Nhiv no huyện Châu Thành muôx zuôr xar 800 ha têz chos txir lưk kâuz tsi muôx nôngz. Iz hnuz thax tsav no muôx 40 tênhr txir lưk tâu hợp tác xã kôngz nuv Thạnh Phước thiêz têx tuz luôv nhoz luôs 2 chas thax tsav, suôv qơư đrâuv tuôx sâu zuôr chox muk muôs ntơưv têx ciêz đrôngs hâur thiêz đrâuv luôs 2 chas têz qơưs, taz sik cux muôx tsi txâuk trâu têx tuz luôv zuôr:

“ Hợp tác xã tsuv tror uô li chas hâur tsiv uô chiê pêz cê cxênhx txuôs nhiêx txiêx thiêz uô tâu ntâu đuô, ntơư zos tsưr ziv mak tsuv uô lơưr têx tsưr ziv yiêz hâur huôv tsar uô nox thiêz iz chas ntơư chiê taz por pêz tsơưr lươngv xiv huv hâur niêv ciêz tâu sđ moz siêz txos, hợp tác xã thiêz têx lênhx nênhs hâur hợp tác xã li tuôr tâu truôx zuk côngz bê thiêz tsơưr lươngv têx xiv huv, uô tâu li ntơư hâur six hơưv zuôr txos, pêz thiêx huôv tsar nthuôr uô tâu đar hâur thax tsav”.

Iz chas thâuv ntâu xiv huv kôngz nuv hâur têz qơưs tsênhv sênhv muôs tsi tas mak têx txir lưk kâuz tsi muôx nôngz ntơưv tỉnh Hậu Giang ho gra cêr shir phaz, chiê siêz lok trâu ntâu ziv chuôz zis tsôngv box nhoz no. Đros  qơư sâu zuôr truôx tuk, muôx têx jiês tsênhv chuôz ndê grê viv li têx txir lưk kâuz tsi muôx nôngz nhiv no tâu seiz zos tsoz chos uô tâu jông đros ntâu ziv chuôz zis nhoz cxuô thax tsav, suôv qơư hâur tỉnh. Txix têx txir lưk kâuz tsi muôx nôngz uô tâu nhoz Hậu Giang tso pov, hâur ntu huôz chuô txơưr txar phiv liv li nhiv no, ntâu lênhx tsôngv box nhoz tiêx đras niêv đêx Cửu Long tsênhv tuôr xav tsưr ziv hlôngr yiêz tsoz chos, tsiêx tu zus cov fiv đros./.

                                      (TTĐBSCL-Riê Lâux cxeik, nhênhv)