Sơn La: Taz por truôx tuk trâu nênhs lox tôngv hâur ntu muôx moz Covid-19

Tưz 10 shông uô đreiv luôs hâux lưv qêz suô têx vuôz tsuôz, kiêk nênhs thiêz vêv xênhz têx cêr mul lok hâur đrôngs, taz sik tsi tâu muôx jiês tưs niêv lâuk Lò Thị Thắm, Xí nghiệp tênhx qơư ciêz đrôngs, nhoz Công ty tênhx qơư ciêz đrôngs Sơn La pov zuk hâux lưv uô hâur niêx hnuz ho hlôngr ntâu thiêz phiv liv li no.

Thâuv ntêx, niêv lâuk tsi so uô têx hâux lưv heik sâuv 3 jiês hâur iz hnuz, mak nhiv no tsuôk uô iz jiês iz hnuz xưz, qir txix tas cik sơưr nzor tax txos thâuv tưs uô tas hâux lưv qêz suô têx vuôz tsuôz, kiêk nênhs mav li so. Lar heik, uô ntêx zuôr uô têx hâux lưv heik sâuv, niêv lâuk puôr lênhx tâu Xí nghiệp njuôk shuôs đal jos, qênhz yuôx têx chuôz zênhx, tsôngk tril yo hnar hur si; uô tas hâux lưv mak tsuôs yuôx tuô lov caz moz trâu têx chuôz zênhx uô hâux lưv, muôz cuô yuôx nzuôr têk hur si mav tror lok tsêr. Niêv lâuk Lò Thị Thắm heik:“Cur heik têx vir ndâuk tiêk, uô zar tas cik, thâuv tưs uô tas hâux lưv thiêx tâu lok tsêr. Qêz suô 3 jâuk hâur iz hnuz muôz hlôngr uô iz jâuk qêz cux phiv liv đuô, taz sik pêz cux sir jos, uô tiêr tâu jông têx hâux lưv zok muôz”.

Tix lâus Lèo Văn Mai, hâux lưv qêz suô têx vuôz tsuôz, kiêk nênhs, blôngx kruô ntơưv têx cêr mul lok jêx jok, nhoz Xí nghiệp tênhx qơư heik sâuv heik pâuz: Thâuv ntêx, tix lâus paz mak uô hâux lưv zar tsâuk ntux, thâuv luôs cxuô ziv chuôz zis tưz sâu khơưk tas têx vuôz tsuôz, kiêk nênhs tso trâu hâur thôngz trơưk li cui tinhv, taz sik 20 ntâu hnuz lok no, pêz paz uô hâux lưv tưz hlôngr uô trâu zar tas cik.  Uô ntêx thâuv zuôr uô hâux lưv, sđ puôr lênhx tâu njuôk shuôs đal jos, iz chêr hur si. Ntâu chuôz zis hâur thax tsav lơưr tsi tâu sưv đros luz six hơưv sâu, khơưk têx vuôz tsuôz kiêk nênhs, viv li tix lâus đros têx lênhx đros zuk uô hâux lưv uô cê, cê qêz suô têx kiêk nênhs, vuôz tsuôz, cê yax kriê chiê px sđ pâuz, muôz têx kiêk nênhs vuôz tsuôz por hâur thôngz trơưk six hơưv, trơưk cui tinhv, paz taz por qơư nox nhoz, ciêz đrôngs, cêr mul lok hur si đu lus:“Xuz thơưx Xí nghiệp choz hâux lưv mak cê cxiz sđ moz siêz lês uô têx hâux lưv, cê muôz ntâuz bos kror ndâux, kriê têx tsưr ziv chiê muk qêz suô, khơưk sâu têx kiêk nênhs vuôz tsuôz lok. Zuk mak sir jos uô hâux lưv phax tar moz Covid chiê cov tsi muôx moz, sđ tror tâu uô hâux lưv li kuz”.

Công ty tênhx qơư thiêz dịch vụ ciêz đrôngs Sơn La muôx 10 ntâu qơư nhoz têx huyện, TP, zuôr xar 500 lênhx canr bôv, công nhân viên chức thiêz nênhs lox tôngv; phênhv ntâu zos têx lênhx buôk ti qêz suô, khơưk sâu têx kiêk nênhs vuôz tsuôz. Têx lênhx nênhs no zos chor zôngx ziv trâul cik tâu moz Covid-19, viv tsi so nhoz jê, buôk ti têx vuôz tsuôz, lar heik zos ntâuz bos kror ndâux thiêz cxuô kiêk nênhs, vuôz tsuôz txơưr đuô; lok sik iz zav li têx lênhx lês têx hâux lưv phưx vưv trâu têx ntênhs moz ntênhs tuôs, tsuv tsi so nhoz jê, buôk ti đros ntâu lênhx nênhs, muôx têx hur si chor nênhs nhoz đêz tuôx. Pâuz tsênhz tâu moz gênhs têx tsi jông, riêz nênhs, Công ty tưz bax 3 cxênhz đeiv ntâuz bos kror ndâux, 300 hưx cuô yuôx nzuôr têk, zuôr xar 30 luz meir njuôk shuôs đal jos, đros ntâu zav chuôz zênhx txơưr đuô cik txos, chiê taz por truôx tuk trâu canr bôv, công nhân viên chức thiêz nênhs lox tôngv, txo grêk tsơưs moz siz cik tâu thâuv uô hâux lưv. Iz chas ntơư hlôngr six hơưv uô hâux lưv trơưk li heik kriê chiê txo grêk tsơưs nênhs siz chuôs njiz, taz sik tsuv taz por qêz suô, khơưk sâu tas têx kiêk nênhs, vuôz tsuôz hâur niêx hnuz. Zơưv Lê Văn Tuất, Giám đốc Xí nghiệp Công ty tênhx qơư thiêz dịch vụ ciêz đrôngs Sơn La heik pâuz: Ciês ntơưv đrôngs Sơn La, iz hnuz, têx kiêk nênhs vuôz tsuôz tsuv qêz suô, khơưk sâu zos 70 tênhr. Six hơưv no, Công ty tsưr ziv uô hâux lưv zos cê taz por qơư nox nhoz, ciêz đrôngs, cêr mul lok hur si, cê tsoz phưz đas jos trâu têx canr bôv thiêz uô jông hâux lưv phax tar moz Covid-19:“Xuz thơưx pêz cux xav, nhiv no zuk tsuv bax têx chuôz zênhx chiê uô li chas hlôngr yiêz tâu six hơưv uô hâux lưv, lar heik zos hâur ntu muôx moz huôv xênhz phiv liv li no. Viv pêz cux xav txos têx tsi jông, têx zov chênhr, zos hmôngr tsi jông mak têx lênhx nênhs lês uô zav hâux lưv no trâul muôx moz, kror lox yax cux zos hâur XH, lok six phiv liv, zos hmôngr tsi jông chor nênhs no tsuv tâu kuôk cêv nưk nhoz nưk iz kro mak tsi pâuz shor zuôr nriêr lênhx tưs lok hlôngr chor nênhs co uô hâux lưv qêz suô têx vuôz tsuôz, kiêk nênhs”.

Hâur ntu moz Covid-19 huôv xênhz phiv liv, taz sik txix têx lênhx canr bôv, công nhân viên chức thiêz nênhs lox tôngv hâur Công ty têx cêr moz siêz uô hâux lưv, sir jos phax tir thêir têx moz gênhs, tsênhv uô tâu jông cxuô luôs hâux lưv zok muôz; iz chas ntơư sik đros XH phax tar, txo grêk tsơưs têx moz riêz nênhs tsi chiê siz cik tâu lok hâur thax tsav qơư./.

(Trấn Long-Riê Lâux cxeik, nhênhv)

Phax tar moz trâu tsiêx cxu hâur ntu ntux txơưr txar phiv liv

Chiê bax phax tar moz trâu têx tsiêx cxu tu zus tâu trơưk li tsưr ziv, lênhx nênhs tu zus tsuv uô jông lơưr têx li đrav kaz:

1. Uô jông trơưk têx tsưr ziv truôx tuk hâur tu zus:

Qơư tu zus tsuv qêz suô vêv xênhz hur si, hâur cheix ntux sor tsuv lax nziês; tsi so qêz hur si têx qơư tu zus, nzuôr têx đaz đêx, đaz krâur, chuôz zênhx tu zus. (Zos uô tâu mak uô qơư trâu têx qir tsiêx cxu chiê zuôr chor pa qir uô tơưk trâur cê taz por vêv xênhz cê zôngv tâu chiê trâur uô jâuz uô mor nox) đhâu ntơư tsuôs yuôx tuô lov têx caz moz, caz vêiv uz no.

Sir zôngv têx yuôx plênhr kror cxaz, plênhr moz tsuv tor cov huv, tsuôs trơưk li lênhx nênhs tsiv uô têx yuôx co heik kriê: Tsuôs sâuv lok trâu hâur, saz hâur trâu saz đrâuv. Qơư tu zus buô, keiz ok tsuv muôx qơư trâu têx yuôx tsuôs tuô, lov caz moz tso jê ntơưv trôngx vak zuôr muk hâur qơư tu zus chiê thâuv tưs muk trâu buô, keiz ok têx qơư nhoz tsuv tsuôs yuôx uô ntêx. Zos muôx six hơưv thiêz uô tâu mak iz qơư tu zus nưk zôngv nưk têx chuôz zênhx phưx vưv tu zus tsiêx cxu...chiê txo grêk tsơưs moz ơưk tsi yuô siz cik tâu.

Zuôr têx qơư tsi muôx moz, pâuz tsênhz, muôx ntâuz ntơưr côngk nhav tsi muôx moz li têx nôngz tsiêx cxu lok zus. Zos tu zus ntâu têx buô, keiz ok, ntâu paz ntâu fâuv hâur iz qơư, chor tsiêx cxu yiêz nhiv kruôr zuôr lok tsuv tâu tso nưk nhoz nưk iz kro tsơưs tsơưs hâur 2 ciêz xuz thơưx, hâur six hơưv no, zos pov tus tưs tsi njôngk, tsi muôx moz li chas mav muôz tso lok đros trâu têx paz txơưr đuô hâur qơư tu zus. Hok keiz ok mak jông đuô hur si zos uô thiêz xor thêir qơư ntov chiê zus, tsênhz đuô zos zus keiz ok, xar cov tu tâu trơưk tsưr ziv mak sđ tu zus iz fâuv, iz zav tsiêx chiê zuôr uô cê, muôs uô cê iz tês; đhâu muôs tas sđ qêz suô, tsuôs yuôx tuô, lov caz moz hur si thiêz chiê kror qơư co nưk nhoz nưk li co txix 10-15 hnuz mav tror zuôr đuô nôngz lok zus.

2. tsuv cxax yuôx vắcxin phax tar moz trơưk li cơ quan kho moz tsiêx cxu heik kriê, lar heik zos cxax têx yuôx vắcxin phax tar chor moz txơưx siz cik riêz nênhs, siz cik tâu sei li: Moz tơưv ndâux hlê trâu nhoz têx tsiêx lox, moz ơưk buô, moz ơưk keiz ok...

Tsưv ziv: Cxax yuôx phax tar moz tsuv uô trơưk đreiv li têx cui tinhv por hưv têx yuôx vắcxin, six hơưv cxax....chiê tâu trơưk li tsưr ziv siêz xar đhâu cxax yuôx phax tar moz tas.

Bax tsưr ziv heik trâu têx hloz ntơưv qơư pâuz thâuv têx tsiêx cxu muôx moz, tsi cxoz jêik, tsi muôz têx tsiêx cxu muôx moz muôs, tsi tuô tsênhr têx tsiêx cxu moz, tsi muôz chor tsiêx cxu moz tuôs ntơư por tsês ntơưv têx uô moz siz cik trâu luôs lưv thax tsav qơư. Heik ban kho moz tsiêx cxu hâur xã pâuz chiê tâu qênhz yuôx, heik kriê têx tsưr ziv tu thiêz kho moz, paz max yuôx tsuôs tuô lov caz moz thâuv zuôr trâul txos./.

(Thanh Thủy-Riê Lâux cxeik, nhênhv)