Tsôngv box Sơn La tưz xar txos hâux lưv “muôz nhiêx xiêz zuôr

điểm thik”

Chiz coaz txiv ngaz qênhz yuôx- Công an tỉnh Sơn La xav tênhv, hâur jiês thik THPT têz qơưk 2018 tỉnh Sơn La, têx lênhx nênhs: Trần Xuân Yến, Nguyễn Thị Hồng Nga, Đặng Hữu Thủy, Cầm Thị Bun Sọi, Lò Văn Huynh, Nguyễn Thanh Nhàn, Đỗ Khắc Hưng thiêz Đinh Hải Sơn tưz liv zôngv hâu nov, qênhx liv tâu choz, sik côngv kho đuô jax thik, chuôz ndê điểm thik trâu 44 lênhx shux xênhz. Chiz coaz txiv ngaz qênhz yuôx xav tênhv, bị can Trần Xuân Yến liv zôngv hâu nov jênhv kho đuô điểm thik trâu 13 lênhx shux xênhz. Bị can no jênhv, hâur 13 lênhx tưz jênhv kho đuô điểm thik, muôx 8 lênhx zos Giám đốc Sở heik paz kho. Bị can Nguyễn Thị Hồng Nga jênhv kho jax thik chuôz ndê điểm trâu 16 lênhx shux xênhz. Đhâu qênhz yuôx, bị can bo jênhv tưz thôngx ziv jênhv paz kho đuô jax thik trâu 4 lênhx shux xênhz. Yuôr bị can Đặng Hữu Thủy jênhv kho đuô jax thik trâu 4 lênhx shux xênhz...

          Lok “nhiêx txiêx” chiê paz kho đuô jax thik chuôz ndê điểm thik, muôx bị can jênhv chiê kho đuô jax thik chuôz ndê điểm 3 môn cov tax zoz qơưx xeir zuôr cơưv đại học, chungz fênhx iz lênhx 1 tỷ đeiv. Tâu pâuz, đhâu qênhz yuôx, iz cxiê bị can tưz chiv chir tror thêv chor nhiêx txiêx tưz jênhv co. Cxôngx xor mông lok hâux lưv muôz nhiêx txiêx xiêz chiê chuôz ndê điểm thik, niêv lâuk Lò Thị Hanh nhoz phường Quyết Thắng, đrôngs Sơn La puz pâuz: Lok hâux lưv no mak niêv đrôngs tưz tâu pâuz cxôngx nzor, cur cux pâuz lok xor mông no. Six hơưv tov ntêx muôx têx lênhx tsênhv heik kriê trâu cxuô lênhx nênhs tiêk pôngz hor ntâu nhiêx txiêx chiê mê nhuôs thik tâu mul cơưv đại học thiêz. Txos thâuv tâu qênhz pov, têx lênhx uô niêv uô txir thiêx li xar tiêk môngr jông tsi heik paz seiz điểm uô ntêx trâu mê nhuôs, taz sik thâuv lơưr teix chor nhiêx txiêx siêz li ntơưv mak khov tsi tâu:       “Xor mông xiêz nhiêx chiê zuôr điểm muôx cxôngx nzor lok, têx shông tov ntex têx lênhx uô niêv uô txir cux heik txos hâux lưv no nhoz têx chiz coaz lok sik qơư muôx chôngz lênhx nênhs. Viv li lok hâux lưv no mak pêz cux txơưv pâuz lơưv. Đros têx chuôz zis bluô nux mak 1 tỷ 2 tỷ tsi zos iz hâux lưv zov chênhr chiê mê nhuôs tâu mul cơưv đại học”.

          Heik lok zuk li siêz xar, zơưv Trần Văn Hà nhoz đrôngs Sơn La puz pâuz: hâur 8 bị can trâus ntês cxov, ntâu lênhx zơưv cux tưz pâuz txos lơưv nzor. Đhâu seiz shuôk hâux lưv no tưz tâu sik seiz lax muôx tsưr ziv uô cov jông cxôngx nzor thiêz tsuv muôx Giám đốc Sở chox kriê. Zơưv Hà thiêz ntâu lênhx tsôngv box li siêz xar njôngr zos tsuv uô tsênhz mênhx lok chor nhiêx txiêx xiêz zuôr điểm thik viv no zos iz hâux lưv uô cxâuv zov chênhr: Têx lênhx nênhs chấm thik mak uô cxâuv txơưv pâuz lơưv taz sik tsuôk heik tơưv tiêk zos liv zôngv qênhx uô nov thâuv uô hâux lưv, zos muôx nhiêx txiêx, muôx uô cxâuv mak zos hâux lưv xiêz nhiêx zuôr điểm, viv lơưr jênhv chor nhiêx txiêx co chiê uô hâux lưv phamv cxâuv. Vênhv thix no pháp luật cui tênhv tsênhz mênhx lơưv, tsuôk zos tsi pâuz sor pok uô trơưk xưz?”

          Hâur têx xor mông lok chor nhiêx txiêx xiêz chiê zuôr điểm thik lok six siêz li ntơưv, ntâu lênhx tsôngv box Sơn La xar njôngr nhiv no chiz coaz muôx txơưx jênhv nzor uô tsênhz mênhx, lênhx tưs muôz nhiêx txiêx xiêz, xiêz li chas, lơưr li coaz siv zos li chas? Zos uô tâu tsênhz mênhx zos tsuv tik cêr cxâuv txos qơư, jav qênhx shênhx cxoz txưv heik đaz heik tuôs chiê jeik zuk li hâux lưv uô cxâuv, lok sik ciêv trâu lênhx nênhs txơưr.“Lơưr chêx cuk ntu 1 mak cur pov zos tưz thix ziv tik cêr cxâuv 8 lênhx nênhs, taz sik tsôngv box cux xar uô cov tsênhz mênhx đuô thiêz. Tiv zix nhiv no nhoz iz cxiê chi bộ nhiv no pov muôx iz cxiê cán bộ tsi car jênhv lơưr muôz nhiêx txiêx xiêz chiê zuôr điểm trâu lơưr mê nhuôs. Muôx têx lênhx mê nhuôs tâu chuôz ndê 25 điểm mak ho heik tiêk tsi pâuz viv li chas cuk mê nhuôs ho tâu điểm siêz li ntơưv. Zos chiz coaz muôx txơưx jênhv tsi uô tsênhz mênhx hâux lưv no mak tsôngv box zuôr tsi tso siêz chiê zuk mê nhuôs cơưv ntơưr thiêz”.

          Suôv câuv ntu 1 qênhz yuôx txuz uô cxâuv zov chênhr hâur jiês thik THPT têz qơưk nhoz Sơn la shông 2018, chiz coaz txiv ngaz qênhz yuôx, Công an tỉnh Sơn La tưz thix ziv tik cêr cxâuv 8 lênhx nênhs. Tỉnh Sơn La cux tưz tso tơưv cuiz tênhv tsi puz nhoz hâur Đảng đros 8 lênhx nênhs no. Nhiv no chiz coaz muôx txơưx jênhv tsênhv chêx chôngk nhênhz chơưv ntâuz ntơưr, uô ntâuz ntơưr xa trâu Tòa án tỉnh chiê nzor chox txuz hâux lưv no lok krêz tik cêr cxâuv. Hâux lưv no tso pov têx chiz coaz muôx txơưx jênhv li siêz sir jos uô txos qơư, tâu tsôngv box thôngx ziv, ntâus grê siêz. Tsôngv box Sơn La lok six xar njôngr chiz coaz qênhz yuôx nzor chox têx chứng cứ uô tsênhz mênhx thiêz krêz tik cêr cxâuv txos qơư hâux lưv muôz nhiêx txiêx xiêz chiê zuôr điểm thik thiêz jênhv nhiêx txiêx xiêz chiê uô têx hâux lưv cxâuv cui chế thik no./.

(Thanh Thủy-Txâur Vax cxeik nhênhv)

Têx lo luk nus tsik so njiz lok cxax yuôx vắc xin phax moz vưv 2

* Kruôz kriê sir zôngv vắc xin cxax phax moz vưv?

Vắc xin hov kruôr mak đơưz uô ntêx thâuv zuôr cxax tsuv muôz tor cov uô cuô. Chiê tor uô cuô:

Hlê hâu luz hưx yuôx vắc xin

Muôz côngz cxax gruk chor cuô tor yuôx trâu hâur traz côngz cxax, đhâu co muôz chor cuôz co cxuôr txix traz côngz cxax trâu hâur luz hưx yuôx.

Muôz luz hưx yuôx co cho cov chor yuôx zax tas uô cuô.

Gruk iz côngz yuôx vắc xin zos chor cuô co. Cxax ntâu lok tsơưs khov trâu qơư cxax vắc xin. Zos cxax ntơưv chax baz mak 0.5ml iz côngz cxax; zos cxax tơưr grêix mak 0.1ml iz côngz cxax.

Viv vắc xin Veroral tsik muôx tsơưr por hưv tsês chiê, viv li chor yuôx vắc xin tưz tâu tor uô cuô mak tsuv tâu tsês jông chiê tsik trâus cik moz. Vắc xin đhâu thâuv tor uô cuô tá smak tsuôk tâu sir zôngv ntêx tiv zix zos 8 luz six hơưv; đhâu 8 luz six hơưv zos sir zôngv tsik tas mak tsuv muôz chor yuôx tsênhv yuôr hâur luz hưx por tsês.

* Cxax yuôx phax moz vưv trâu nhuôs zâu thâuv trâus đêr, mir tov puôk tâu?

Vắc xin no tâu zôngv chiê phax tar moz vưv nhoz nhuôs zâu thiêz nênhs lâul. Zuôr cxax tâu avức xin no uô ntêx lok sik đhâu trâus cik caz moz chiê phax tar lok sik tror cxax tâu nzir.

* Cxax vắc xin phax moz vưv trâu lênhx nênhs thâuv trấu sđêr, mir tov puôk phiv liv li chak, puôk uô hiêv txos đas jos, puôk tsuv cxơưx li chak hlo?

Veroral zos iz zav vắc xin ngaz tuk thiêz zuôr phax tar tâu moz siêz đhâu thâuv tâu cxax txưv côngz yuôx, six hơưv por vêv zos iz shông zos cxax huv tsưr ziv. Phêhv ntâu chor têz qơưk tưz zôngv vắc xin no txix shông 1985. Cxax vắc xin phax moz vưv Veroral tsik uô hiêv thiêz tsik phiv liv li chak txos đas jos./.

(Thu Thùy-Lik Thox cxêik nhênhv)