Jax sâu thưr 3 hnuz xiêz 5/7/2016:

Sơn La:  pov cêr lul trâu tox siêz

Thâuv ntêx no, hâur yênhx hnuz, luz chuz tơưs tsik so chis zos kror muôx tsik so hâur chor chuôz zis jok Pá Ban, xã Phiêng Pằn, huyện Mai Sơn, tỉnh Sơn La. Zơưv Shôngx A Dênh nhoz jok Pá Ban zos iz kror li co. Thâuv tsik tâu muôx tênhv, xar râuz đêx lok sik uô jâuz mor, zơưv Dênh tsuv tâu trâur tơưk. Zơưv dênh hêik pâuz tiêk: Thâuv tsik tâu muôx tênhv mak phiv liv hênhr, đruôz hnuz tsuv tâu trâur tơưk, hmo ntux mak tơưl tênhz trox a, nhiêx txiêx zuôr trox a cux tas ntâu thiêz txos chêix hlêik blêx tsuôk zos xuôk têk ntâuk blêx, tsik zôngx ziv uô, nhiv no muôx tênhv tênhz têz qơưk zôngv, pox nhuôs hâur jêx jok lok six shir phaz:

 “Muôx tênhv mak zos muôx mêir ntâul blêx, luôv blêx, muôx tênhv tơưl pov cêr, uô jâuz, uô mor. Nhiv no zuôr nzir mak muôx zôngv, muôx tênhv mak shir phaz hênhr lơưv, uô đaz tsi lok tsik phiv liv li thâuv ntêx lơưv”.

Cêr shir phaz tâu sir zôngv tênhv tênhz têz qơưk tưz tsik zos muôx đros xã Phiêng Pằn, huyện mai Sơn xưz, cêr shir phaz co tsênhv muôx đros tas nro chor chuôz zis nhoz xã Chiềng Phung, huyện Sông Mã, tỉnh Sơn La. Nhiv no txos trâu xã Chiềng Phung, tưz  hnor têx suôz gâux, suôz trax txix loa đaix, ti vi đror nxê ntưk; têx suôz mêir jov poz cưk, jov blêx; zos chor tênhz chis pov cêr txix têx tsêr lơưx thâuv hmo ntux…Hâur jok nhiv no lênhx tưs cux shir phaz, tso siêz đros luz nênhx yiêz. Zơưv Lò Văn Thân, bí thư Đảng ủy xã Chiềng Phung, huyện Sông Mã hêik:

 “Nhiv no tas nro pox nhuôs sơưr đơưk puôr lênhx lok six shir phaz tưz muôx tênhv. Đhâu thâuv muôx tênhv tênhz têz qơưk mak tập thể thường trực Đảng ủy, cux xưk li ban thường vụ Đảng ủy  cux hêik trâu pox nhuôs uô xênhz yar lơưr tsưr ziv yiêz, muôz tênhv tênhz sir zôngv hâur côngz xưv uô xênhz yar”.

Dự án cungz tênhv tênhz têz qơưk trâu chor chuôz zis pêx xênhv tsik tâu muôx tênhv tênhz hâur thax tsav tỉnh Sơn La shông 2015 tâu kriz uô txix hli 11/2015, cungz tênhv trâu 5.000 ntâu chuôz zis xã Phiêng Pằn, xã Chiềng Nơi, huyện Mai Sơn thiêz xã Nà Nghịu, xã chiềng Phung, xã Nậm Ty, huyện Sông Mã. Đros phênhv pênhr yưv muôx 150 tỷ đêiv ntâu, cxiv tsa yiêz 200 ntâu cêik cêr tênhv 35KV thiêz 0,4KV; cxiv uô yiêz thiêz kho đuô 38 trạm biến áp 35/0,4Kv. Đhâu 8 hli kriz uô, dự án tưz tâu uô tiêr xưk li nênhs yưv pênhr li tsưr ziv uô đros côx hôiv thiêz chính phủ. Txos hnuz 30/6/2016 zuôr cungz tênhv tênhz têz qơưk trâu 5.000 ntâu ziv chuôz zis. Iz chuôz zis tsênhv tâu paz 50 yiv hluô công tơ, bảng tênhv, iz luz kê tênhz, 5 yiv hluô hâur tsêr thiêz qơư njiê tênhv. Zơưv Phạm Văn Long, phưv giám đốc công ty tênhv jos Sơn La puz pâuz:

 “pêz zos chor nênhs tsưr tsix kriz uô dự án, pêz cux lok six shir phaz. Kor tiv iz zos pêz li luk jênhv, nganhx tênhv li luk jênhv tsês trâu tsôngv box cxuô mênhx cxưx tưz tâu uô. Kror tiv oz thiêz zos đhâu cungz tênhv li co, chor chuôz zis tsôngv box mênhx cxưx tỉnh Sơn la li sir zôngv tênhv ziv hnuz ziv chuôz ndê”.

Xav txos hnuz 30/6/2016, sâuv thax tsav tỉnh Sơn La, chor ziv chuôz zis tâu sir zôngv tênhv tênhz têz qơưk zos 88% ntâu. Sir jos tas shông 2016 no, đros chor dự án tik tênhv tênhz lok trâu tsôngv box mênhx cxưx tsơưs nênhs tsênhv tâu kriz uô, iz huôv tỉnh Sơn La zuôr muôx 90% ntâu chor chuôz zis pêx xênhv tâu sir zôngv tênhv tênhz têz qơưk./.

                                    (Hoàng Long-Lik thox cxêik nhênhv)

Phênhv thưr 3.5.7.2016:

Phênhv: NÔNGX MÊNHX ZUÔR TSUV PÂUZ

Lul Hmôngz: số 9

Hnuz tso 05/7/2016

Uô: VOV4

Tsôngv box thiêz cưr tix fôngx zưs hmor yuô! Liêx kêz nteir tâu tsôngv box Hmôngz nhoz Mù Cang Chải têx tsưr ziv đas jos uô tâu tiêr. Thâuv ntêx, pox nhuôs ntơưv no tsuôk zos uô têz pês tsêz chos kôngz lôngk, pox nhuôs tsi tâu muôx tsưr ziv uô liêx kêz nteir. Taz sik, Têx shôngk jê lok no, pox nhuôs, pox nhuôs sđ tưz pâuz uô blêx liêx ntêir, tsôngv box tox siêz luz nênhx tưz muôx ntâu hlôngr yiêz.

Chuôz tsar chiv chos sâuv liêx kêz nteir

          Zơưv Hờ Xênhv Khang nhoz jos Háng Tầu Dê, xã Chế Cu Nha, huyện Mù Cang Chải, tỉnh Yên Bái chuôz zis muôx 1000 yiv ndis liêx kêz nteir. Thâuv ntêx, tiv tsuôk pâuz uô iz chiv, chuôz zis muôx 7 lênhx nênhs yax six trâus yeiz. Chiê muôx cxur trâu mê nhuôs gra mul tsêr cơưv, uô nox ntơưr, zơưv 2 niêv txir tsuv uô cxuô hâux lưv cxênhx txuôk yênhx đeiv nhiêx txiêx, pluôs nox pluôs zông chiê cxơưx trâu tuz nhuôs. Cxôngx hnuz tâu heik kriê chuôz tsar chiv chos sâuv liêx kêz nteir, zơưv Hờ chuôz zis tưz chos 2 chiv blêx. Zơưv chuôz zis hla đhâu cêr yeiz pluôs, jux jus muôx cxur cxênhx tsês chiê muôs.

          Chế Cu Nha zos iz hâur 3 xã muôx liêx kêz nteir jông gâux tiv zix nhoz huyện Mù Cang Chải. Tas nro xã muôx zuôr xar 540 ziv chuôz zis đros thiêz 2.300 lênhx nênhs puôr lênhs zos nênhs Hmôngz. Viv cêr cor cav uô iz chiv blêx iz shôngk, viv li txơưv muôx zuôr xar 200 hecta liêx kêz nteir, taz sik chor ziv chuôz zis pluôs, chuôz zis trâus yeiz kuôk nor 3-4 shông tsênhv zos 75%. Cxôngx shông 2010, xã qir muôx têx mênhv chêx chos 2 chiv xuz thơưx, txos nhiv no 80% ntâu mênhv chêx liêx chos tâu 2 chiv, iz cxiê mênhv chêx chos poz cưk thiêz cxuô zav jâuz tâuv. Tsôngv pox nhuôs luz nênhx hlôngr yiêz jông, chor chuôz zis pluôs grês yuôr 60%, tsi yuôr chuôz zis yax six trâus yeiz. Zơưv Nhà Xênhv Hờ, phưv chủ tịch UB xã ntâus grê “ Thâuv ntêx pox nhuôs nhoz no trâus yeiz ntâu. Krêz chos 2 chiv thiêz tiv zix zos chos blêx txuôv mak nhiv no chor chuôz zis pluôs txu grês, kôngz krâur taz por đuô pir đros thâuv ntêx”. Chiê pox nhuôs nênhs Hmôngz tox siêz hlôngr cxôngx chos 1 chiv yênhx chos 2 chiv li nhiv no, huyện tưz vênhv tôngv, heik kriê têx chuôz zis cán bôv, đangv viên uô uô ntêx. Thâuv pov muôx chêx cuk, têx chuôz zis no tưz vênhv tôngv cưr tix nênhx tsa, jêx jos uô lơưr. Canr bôv kôngz nuv huyện heik kriê, qênhz yuôx.

          Huyện Mù Cang Chải muôx 4.300 ntâu hecta liêx kêz nteir. Đhâu zuôr xar 5 shông, txos nhiv no huyện tưz muôx 1.300 ntâu hecta liêx chos 2 chiv blêx, 2.000 ntâu hecta tsi jông chos blêx mak hlôngr chos poz cưk, kok zax zưv, blêx mos, kriêr...Zơưv Lê Trọng Khang, phưv chủ tịch UB huyện Mù Cang Chải puz pâuz “ Txos thâuv tâu 1.800 hecta mak tso tsês. Huyện li chủ trương zos tsi zuôr ciz tênhv chos 2 chiv mak zuôr xeir iz cxiê tsoz chos huv đros, chox lol chêx cuk kinh têr chiê chos”.

          Phênhv nôngx mênhx zuôr tsuv pâuz ciêz no zos Đeix nta suôz VN đros tsênhv qơư cxuêz kôngz têz qơưk uô./.

( Txâur Vax cxeik nhênhv)