Tsâu sor sâuv têz qơưk cách mạng Việt Nam-Lào

Zơưv Tsaz Lao Lử, nhoz jok Lao Khô, xã Phiêng Khoài, huyện Yên Châu, zos lênhx lâul nênhs cách mạng Tsaz Lao Khô li tuk tuz. Txơưv shông no tưz muôx 80 shông, taz sik zơưv cux ndo njôngr txos chor hnuz thâuv zâu, đros chuôz zis thiêz pox nhuôs hâur jok jêik cán bộ Việt Minh thiêz kuz chủ tịch Cay –xỏn Phôm-vi-hản thâuv ntêx. Thâuv co zơưv tưz tsik tâu muôx 10 shông, pox nhuôs tsênhv yuôr ntâu txov nhêv, taz sik tsôngv box jok Phiêng Sa, zos jok Lao Khô nhiv no tưz sir jos paz kôngz krâur , zav nox cux xưk li nhiêx txiêx paz Ban Xung phong Lào Bắc zuôr triêv fov phưx vưv ntâuk tros châuz. Tiv zix, Lâul Lao Khô tưz zos nênhs chox cêr Ban xung phong Lào Bắc muk hâur har jôngr huôx tôngv, yênhx hnuz muôz kongz krâur, hax huv muk hâur jôngr Thẩm Mế chiê tu zus cán bộ, lâul tsaz Lao Lử tror ndo txos:

“Tsênhv ndo thâuv ntêx cux txov nhêv taz sik muôx ntâu cêr siz hluz. Cán bộ nhoz hâur jôngr tsik muôx đaz tsi nox, chuôz zis jov poz cưk, muôx nênhs mak uô jâuz mor, thâuv uô siêr tas mak muôz krưr hâur blôngx tsơưz gra muk trâu zơưv Cay-xỏn thiêz cán bộ Việt Minh nox hâur co”.

Cách mạng yênhx côngz, cêr côngv siêz thôngx ziv Việt-Lào cux tâu pêx xênhv oz saz têz qơưk sir jos uô. Tsik hêik zos nênhs Lào, nênhs Việt, lơưr sik phêiz kênh chênhz zênhv uô xênhz yar, cxuôv yêiv thiv pluôs, sik paz thâuv muôx cêr pôngz siêz, cêr shir phaz. Jok Lao Khô muôx 110 ntâu ziv chuôz zis, 600 ntâu lênhx nênhs mak hâur co ntâu gơưv niêv txir zos pêx xênhv nhoz oz têz qơưk siz zuôr. Txos nhiv no chor ziv chuôz zis pluôs hâur jok tưz tâu txo grêk tsơưs ntâu, muôx tênhv tênhz tơưl pov cêr, muôx cêr bê tông muk lok hâur jêx jok, muôx ntâu ziv chuôz zis txơưx uô kinh tế, 100% chor tuz nhuôs txâuk hnuz nhôngs tâu muk cơưv ntơưr, hâur co muôx chôngz nênhs tưz cơưv tiêr đại học thiêz hâux lưv uô tror lok phưx vưv trâu zuk qơư nhoz.

Niêv tix Tsaz Thị Dủa, mênhx cxưx Lào tưz lok nhoz ntơưv jok Lao Khô thiêz zuôr txir tâu muôx 20 shông lok no, khov muôx chuôz zis paz, cux xưk li pêx xênhv nhoz ntus đriv cêr sik côngv truôx, niêv tix Dủa nzor truôx tuk luz nênhx, huôv tar kinh tế txix tu zus thiêz chos muôx 1 hec ta ntâu txir khơưz đuz, iz shông sâu tâu muôx 100 triệu đêiv ntâu. Niêv tix Tsaz Thị Dủa hêik:

“Thâuv tâu chiê nhoz hâur jok Lao Khô mak sơưr đơưk hâur jok cux paz thiêz hluz. Hok nênhs Lào thiêz Lao Khô cux xưk li nênhx hâur iz tsêr, sik đros uô nênhx nhoz, huôv tsar ziv hnuz ziv jông”.

Chiê ntâuk chiv lênhx tov cách mạng Lào Cay-xỏn Phôm-vi-hản thiêz đội xung phong Lào Bắc li six hơưv huôx tôngv cách mạng ntơưv Sơn La, cux xưk li uô truôx đuô cêr côngv siêz Việt-Lào, hâur hlik hli 7 no ntơưv jok Lao Khô, xã Phiêng Khoài zuôr uô tiêr qơư di tích lịch sử cách mạng Việt Nam-Lào. Ntơưv no, ntâu zav tsênhv tâu tuôr tsês chiê li đêiv pav sor, lâux câuz uô mor, hưx cêik râu đêx, ntiv, điêr ntông… mak pêx xênhv chor jêx jok tưz zôngv chiê tu zus lênhx nênhs cách mạng Cay-xỏn Phôm-vi-hản thiêz cán bộ Việt Minh. Chuôr yuô qơư di tích lịch sử cách mạng Việt Nam-Lào, zơưv Phan-ta Thon-vông-xạ, bí thủ, chủ tich huyện Xiềng Khọ, tỉnh Hủa Phăn, têz qơưk Lào puz pâuz:

“Jiês no cur lok six shir phaz, no cux zos qơư sik njiz đros qơư di tích lịch sử saz Lào. Cur cux lok six jông siêz, shir phaz pêx xênhv Yên Châu, Sơn La tưz paz trâu cách mạng Lào”.

Qơư cách mạng Lao Khô thâuv ntêx nhiv no tưz muôx ntâu hlôngr yiêz, cxuô zav, pêx xênhv luz nênhx nhoz 2 sz ntus đriv Việt-Lào ziv hnuz ziv huôv tsar, cêr côngv siêz Việt-Lào ziv hnuz ziv truôx đuô. Pox nhuôs nênhs Lào, nênhs Việt sik đros cxiv tsa luz nênhx tsâu sor, ntus đriv thôngx ziv./.

                             (Hoàng Long-Lik Thox cxêik nhênhv)

NÊNHS TRÂUS MOZ O TXIÊ TSI PUZ NOX TUL TSI?

          1- Tsi nox têx zav jâuz njuôz.

          Lơưr ntâu nhênhz chơưv pov tâu tiêk hâur têx zav jâuz njuôz muôx têx tsơưr uô tir tar tsơưr iod nhoz poz ka. Chênhr viv li thâuv nox têx zav jâuz njuôz cux zos uô zênhr shar txos ka thiêz uô moz o txiê ziv hnhar đuô.

          Iz cxiê zav jâuz tsi cxoz nox zos: jâuz ntus hâur pâuk, jâuz njuôz, jâuz poz...Tiv zix nênhs trâus moz o txiê tsi cxoz nox jâuz poz đơưz viv zuôr uô moz ziv hnhar thiêz o lox đuô.

          2- Tsi nox tâuv pâur:

          Nênhs trâus moz o txiê tsi nox tâuv pâur lok sik nox tsơưs, tsi li moz zuôr ziv hnhar đuô. Viv hâur tâuv pâur muôx tsơưr uô trâu xâuk tsi tâu iod uô moz o txiê ziv hnhar đuô.

          3- Tsi nox hâuk têx tsơưr uô muôx zênhs.

          Nênhs trâus moz o txiê tsi cxoz uô tul moz ziv hnhar đuô, tsi nox hâuk têx tsơưr uô muôx zênhs li: đêx hâuk muôx ga, chơưr, bia, zênhz nzeik...

          No zos têx zav nox hâuk nênhs moz tsuv jav, tsi li moz zuôr ziv hnhar đuô, zos tsi tâu kho moz zuôr lok six riêz nênhs. Tsuv por vêv zuk li đas jos cxôngx têx tsưr ziv nox hâuk jông tiv zix./.

                                                                                                               (Thu Thùy- Txâur Vax cxeik nhênhv)