Jax sâu hnuz xiêz 5/9/2015:

Chủ tịch têz qơưs traz ntơưr hâur shông cơưv yiêz 2015-2016

 

 

Cxuô lênhx cưk kriê ntơưr thiêz cán bộ uô hâux lưv nhoz ngênhx zoz zux thiêz cxuô lênhx uô niêv uô txir đros trâu cxuô lênhx shuv xênhz sđ hmor yuô!

Ndax trâu shông cơưv yiêz 2015-2016, cur muôx luk xa txos trâu cxuô lênhx cưk kriê ntơưr, cxuô lênhx cán bộ nhoz hâur ngênhx zoz zux thiêz cxuô lênhx shuv xênhz hâur hur si têz qơưs, hla trâu shông cơưv yiêz zuôr njiz ntâu kror jông lok huôv tsar cơưv txux chi.

Shông cơưv 2015-2016, tâu cxuô cấp cxuô ngênhx thiêz xã hội paz max txos, ngênhx zoz zux tưz uô tâu ntâu kror jông, hlôngr yiêz, tâu fuô uô trâu cxuô luz tsêr cơưv.

Viv tsôngv tuz nxêik shuv xênhz; cxuô lênhx cưk kriê, cán bộ nhoz ngênhx zoz zux tưz sir tas đas jos tsưr ziv yax kriê tâu ntơưr truôx jông trâu cxuô lênhx shuv xênhz. Xêir tsov shuv xênhz tưr Olym Píc cux tâu truôx.

Cur sâu jênhv thiêz muôx luk kruôk txos cxuô lênhx cưk kriê ntơưr uô tâu tiêr cxuô luôs hâux lưv jông nhoz ngênhx zoz zux hâur shông đhâu.

Shông cơưv 2015-2016, ngênhx zoz zux tsuv tror sir jos đuô trâu luôs hâux lưv “kriê jông, cơưv jông” thiêz uô cov tâu trơưk li nghị quyết 29-NQ/TW, lok luôs hâux lưv tso tơưv ntơưv hội nghị Trung ương 8 khoá 11, chiê hlôngr yiêz kriê cơưv txux chi.

Tsuv nhênhz chơưv tsênhz mênhx, bax cov tâu cxix cxuô thiêz mnôngs, sâu jênhv tsôngv px, cxuô lênhx sêiz car zoz zux têx luk hêik cxaz, hur si xã hội thôngx ziv. Sir jos bax fuô uô trơưk Nghị quyết số 88/2014/QH 13, hnuz 28/11/2014 ntơưv Quốc hội hêik lok hlôngr yiêz ntơưr giáo khoa phổ thông.

Ndax trâu ntu no, cur hêik trâu cxuô cấp uỷ Đảng, hâu nov ntơưv qơư, cxuô tsưr tsix, ziv chuôz zis thiêz xã hội, tsuv sik đros moz siêz txos ngênhx zoz zux.

Cxuô lênhx cưk kriê hmor yuô!

Hâur ntu tsênhv yuôr ntâu cêr txov nhêv, cxuô lênhx cưk kriê, lar hêik zos chor cưk kriê ntơưr nhoz thax tsav tox siêz đêz đrôngl, thax tsav ntus đriv, thax tsav poz hiêr, tưz sir tas jos tsưr ziv uô, muk đhâu ntâu cêr txov nhêv thiêz truôx siêz bo trâu luôs haux lưv kriê ntơưr trâu shuv xênhz. Cur vav njôngr tiêk: Cxuô lênhx cưk kriê ntơưr tsênhv zuôr sir jos đuô trâu luôs hâux lưv kriê cơưv ntơưr.

Cxuô lênhx shuv xênhz sđ hmor yuô!

Cxuô lênhx tuz cxêik hluôk shuv xênhz zos chor zuôr tsưx phưv thiêz cxiv kho têz qơưs VN hâur ntu zuôr txos. Cur vav njôngr tiêk:  Cxuô lênhx shuv xênhz zuôr sir jos cơưv cov tiêr ntơưr, đros nhênhz chơưv khoa học kỹ thuật chiê cxiv kho zuk luz nênhx truôx njês thiêz paz phênhv cxiv kho têz qơưs truôx tuk, huôv tsar iz zav li cxuô têz qơưs sâuv ntiêx têz.

Phôngv côngz jông txos trâu cxuô lênhx cưk kriê ntơưr, cxuô lênhx cán bộ nhoz ngênhx zoz zux, cxuô lênhx shuv xênhz zuôr kriê cơưv tâu ntơưr truôx hâur shông cơưv yiêz 2015-2016./.

                                                                (Báo giáo dục)

 

 

 

 

 

 

Jax thưr 7, hnuz 5/9/2015

Khêis- Iz zav chuôz zênhx mê, taz sik uô tâu ntâu zav hâux lưv

 

Txix thâuk ntêx txos nhiv no sơưr đơưk khênhr heik txos “ hlôngr yiêz tsưr ziv uô nox” thiêz muôx têx lênhx tiz nênhs tưs cux tưz pov tâu tsênhz têx tsưr ziv jông huôv tsar uô nox. Taz sik nhoz thax tsav tox siêz, tsôngv box cux tsênhv niêx hnuz uô têx têz nxaz, liêx kêz ntêir, xar uô cov tâu trơưk têx tsưr ziv yiêz hâur huôv tsar uô nox cux tsuv muôx têx chuôz zênhx jông uô, thiêx uô tâu.

Nhoz huyện Bắc Hà, tỉnh Lào Cai, tox trôngz hâur pêk nxaz, ar tsơưs, poz jêz ntâu, tsi jông muôz meir lêix, viv li thâuv tưs tsôngv box nhoz no cux zos muôz nhux tưv lêix thiêz zôngv đreiv têx khêis đrav ntêx chiê lêix têz. Cux chênhr viv li, txos nhiv no cux tsênhv huôv tsar uô trơưr têx khêis lêix têz.

Muk seiz tix lâus Vax Văn Tám, nhoz jok Na Hối Tày, xã Na Hối, huyện Bắc Hà, tỉnh Lào Cai chuôz zis. Seiz pov tix lâus Tám 43 shông, tsênhv uô hưk ntưk lus, jâuv ntơưv ntus chuz ntâuk khêis, li pâuz tâu tiêk, xar uô tâu iz luz khêis chox lêix têz cux tsi zôngx ziv. Sik đros thav pêv, tix lâus Tám heik pâuz: Tix lâus tưz tsi ndo shor chuôz zis luôs hâux lưv ntâuk khêis, nquôr  khêis muôx thâuv tưs lok, tsuôk ndo tix lâus txir kriê tix lâus tsưr ziv ntâuk khêis thiêz uô đreiv hâux lưv no txix thâuv tix lâus muôx 13, 14 shông tax txos nhiv no. Iz jiês no tix lâus tưz uô zav nuv no tâu 30 ntâu shông lok, thiêz iz cêr shir phaz zos txix thâuv ntơư tax txos nhiv no tsi tâu muôx iz jiês tix lâus chuôz zis qơư ntâuk hlâu, nquôr khêis tsuv so, viv tsôngv box nhoz no sir zôngv txos têx chuôz zênhx co ntâu. Mnôngs tix lâus thav kriê, chiê uô tâu iz luz khêis jông lêix têz, tsi zos txơưx ntâuk, txơưx tsov mak uô tâu, tsuv muôx hur si têx kuôr hlâu jông li uô tâu:

Băng: “ Chiê uô tâu iz luz khêis, tsuv muôx ntâu zav li: Kuôr hlâu, thênh, cxa ar jông chiê nquôr hlâu, chênhv hlâu…”.

Khêis tâu muôz têx kuôr hlâu hlơưr, ntâuk, nquôr uô. Hur tiz si têx kuôr hlâu, ar, thênh, tix lâus Tám chuôz zis puôr lênhx yưv nhiêx zuôr, lok sik muôz luz khêis kuz pâur luz khêis yiêz.

Băng: “Thâuv kruô tuôx zuôr khêis mak lơưr khênhr gra têx khêis kuz tuôx pâur, lok sik muôz luz kuz pâur luz yiêz, nzir mê njik nhiêx, uô li ntơư fênhx zis đuô, zos lơưr tsi gra khêis kuz tuôx pâur mak tsuv zuôr civ mê njik”.

Tix lâus Tám tsi tiêk ntâuk khêis, nquôr khêik mak tsênhv ntâuk triêv, ntâuk hlâu thiêz paz tsôngv box kho đuô têx triêv txuôk, hlâu uô têz….. Tix lâus qơư nquôr khêis, ntâuk hlâu, triêv txuôk txơưv tiêk mê, taz sik cux paz muôx nzir phênhv sâu tâu trâu chuôz zis. Iz ciêz tix lâus muôs tâu muôx 30 luz khêis, triêv txuôk; muôs iz luz 100 cxênhz đeiv nhiêx, cux txâuk chiê zuôr njêr, zuôr jâuz nox thiêz muôx cxaz nzir nhiêx trâu 2 tuk nhuôv muk cơưv đại học.

Txơưv li ntơư, taz sik hâux lưv ntâuk hlâu, nquôr khêis cux tsuôk zos uô trơưk six hơưv, tsi zos thâuv tưs cux uô tâu, iz shông uô thâuv luz 5, 6 hli xưz. Viv thâuv ntơư tsi uô đaz tsi thiêx shênhx, tsôngv box sâu têx hlâu, triêv txuôk kuz tuôx kho, chênhv; muk ciêz xeir zuôr têx kuôr hlâu, tsôngv box muôz têx triêv, txuôk, khêis kuz pâur zuôr luz yiêz….. viv li têx qơư ntâuk hlâu, nquôr khêis thâuv co thiêx muôx six hơưv, hnuz nhôngs nhoz uô.

Ntơưv ciêz, tix lâus Tám muôs iz luz khêis yiêz 100 cxênhz đeiv, zos lênhx nênhs zuôr muôz têx khêis kuz pâur mak lơưr tsuv thêv 80 cxênhz nhiêx, li ntơư fênhx zis đuô 20 cxênhz.

Niêv lâuk Sở Xênhv Shôngx, nhoz xã Hoàng Thu Phố, đhâu 2 shông hlôngr đuô iz luz khêis, viv niêv lâuk chuôz zis têx liêx têz phênhv ntâu zos têz nxaz.

Băng: ( Tiếng Mông):

Têx par liêx kêz ntêir seiz njiê jông jav xưk li têx trâur pax ntâuz, tsi zos tiêk tsôngv box tox siêz sir đas jos, tsưr ziv krêz khơưz, uô tâu li ntơư cux zos muôz têx khêis li heik sâuv chox lok lêix uô tâu. Iz zav chuôz zênhx  tâu zôngv đros đreiv tsôngv box tox siêz luz nênhx hâur niêx hnuz. Txơưv XH zuôr huôv tsar jông li chas lok têx khêis ntơư cux tâu zôngv txos hâur tsôngv box tox siêz luz nênhx./.

                                     ( VOV4-Riê Lâux cxeik- nhênhv)