Tổng Bí thư, Chủ tịch têz qơưk Nguyễn Phú Trọng li

ntơưr phôngv jông trâu nganhx zoz zux

Tổng Bí thư, Chủ tịch têz qơưk tưz sâu jênhv nganhx Zoz zux li têx sir jos hâur hâux lưv kriz uô cxix cxuô têx tsưr ziv chiê tax tâu chêx cur jông, chor cưk kriê ntơưr, canr bôv sêiz car zoz zux tsik so tâu gra siêz lok txux chi thiêz tsơưr lươngv. Hâux lưv bax trâu kriz uô tsaz yênhx, ntơưr cơưv yiêz cux tưz tâu sir jos kriz uô.Tổng Bí thư, Chủ tịch têz qơưk Nguyễn Phú Trọng vav tiêk shông cơưv yiêz, cxuô lênhx cưk kriê nhoz cxuô luz tsêr cơưv zuôr sir jos kruôz kriê chax chês lịch sử, vênhx huôv mênhx cxưx, huôv tsar cêr uô nênhx jông thiêz cxiv tsa tênhv qơư zoz zux ngaz tuk, sưv jê thiêz truôx jông.

Tổng Bí thư, Chủ tịch têz qơưk vav tiêk cxuô lênhx cưk kriê ntơưr, canr bôv sêiz car, nênhs lox tôngv nganhx Zoz zux tsik so tuôr truôx lok chính trị, moz siêz sir jos uô hâux lưv, tsik so hlôngr yiêz, xar tơưv, paz ntâu đuô trâu côngz xưv kruôz kriê lênhx nênhs, vav tiêk cxuô lênhx tuz nxêik shux xênhz zuôr tror sir jos cơưv ntơưr cov yênhx chor nênhs muôx txux chi siêz, paz trâu têz qơưk li hloz Hôx tsưr ziv siêz xar njôngr./.

(Bích Thủy-Lik Thox cxêik nhênhv)

Mường Tè, Lai Châu: Cêr mul lok trâu têx tsêr cơưv tưz tsi yuô phiv liv

Coz nas lox hâur hli 7 nhiv kruôr, đêx nas tưz cuôr yôngz tas tix lâus Lù Văn Thin nhoz jok Nà Hừ 2, xã Bum Nưa, huyện Mường Tè vax tsêr, chuôz zênhx chuôz tav, trâus njiz luz nênhx txov nhêv. Têx uz no tsênhv yuôr tsuôk zos têx pav, vix tsav, lâux câuz, fiêz tâu hâu nov ntơưv qơư paz. Cêr xênhz huôx niêx hnuz đros trâu uô nox uô hnar txơưv tiêk tsi tâu truôx tuk, taz sik thâuv chor cưk kriê ntơưr tuôx txos tsêr vênhv tôngv, paz max, tix lâus Thin tưz tso têx nhuôs muk tsêr cơưv nzor chiê ndar tâu hnuz krêz shông cơưv yiêz:“Vax tsêr trâus đêx nas cuôr yôngz tas taz sik cur 2 niêv txir cux heik thiêz muôz six hơưv trâu têx nhuôs muk cơưv ntơưr. Txov nhêv thiêz phiv liv li ntơư, taz sik cux muôx ntơưr cơưv trâu têx mê nhuôv tas lơưv”.

Mường Tè zos tỉnh Lai Châu huyện ntus đriv lok six txov nhêv. Thâuv ntêx, hâux lưv hu têx nhuôs shux xênhz tuôx tsêr cơưv, cơưv ntơưr hâur shôngk shông lok six phiv liv, ntâu tsêr cơưv tsuôk muôx 60-70% shux xênhz tuôx cơưv xưz. Qir tiv iz phênhv viv zos têx nhuôs tsênhv nhoz hâur tsêr đros niêv txir ntêik, lêis sâu têx poz cưk, blêx, phênhv ntâu zos cêr mul lok đhâu cheix ntux nas puôr lênhx trâus xưz poz tsi jông tas, phiv liv mul lok. Zuôr chênhz zênhv txix têx shông uô ntêx, shông cơưv no, chor cưk kriê ntơưr tưz bax tsưr ziv nzor đuô chiê buôk ti muk têx jêx jok, yênhx chuôz zis, yax kriê hu zâuv thiêz tok chor nhuôs shux xênhz tuôx nox nhoz hâur tsêr cơưv, cơưv ntơưr niêv txir zus mor. Pos Phạm Thị Hương Phưv tsar phongx Zoz zux thiêz Thox cxov huyện Mường Tè heik pâuz, đros trâu Ban giám hiệu tsêr cơưv, têx lênhx cưk kriê ntơưr cux li cấp ủy, hâu nov têx xã cêr moz siêz, tsênhv muôx canr bôv, chiến sĩ têx Zênhx pênhz phax hâur thax tsav đros paz thiêz. Txos kaz hli 8, chor shux xênhz cxuô cxênhx cơưv tuôx tsêr cơưv chiê cơưv ntơưr tưz tâu 90% ntâu. Uô ntêx hnuz krêz shông cơưv yiêz, cxuô tsêr cơưv tsênhv heik shux xênhz têx lênhx uô niêv uô txir đros kho đuô, qêz suô têx qar tsêr lớp cơưv, tsêr nhoz hâur tsêr cơưv trâu zuk têx tuz nhuôs tuôx nox nhoz cơưv ntơưr. Tas nro huyện nhiv no muôx 500 ntâu qar tsêr cơưv tưz tâu cxiv kho, uô đuô khor truôx, 200 ntâu qar tsêr cơưv tâu cxiv kho khor thiêz tsuôk yuôr 120 qar tsêr cơưv lav nhoz lav cơưv tax:“Têx tsêr cơưv txix ciês hâur shôngk shông cơưv cux tưz lês uô zênhx max têx hâux lưv bax trâu kriê txux chi, tsưr tsix qơư nox nhoz ntơưv têx tsêr cơưv trâu shux xênhz thiêz tsưr tsix uô têx hâux lưv ngoại khóa, muôz qơư uô si lov jêv trâu shux xênhz thâuv tuôx tsêr cơưv, cơưv ntơưr. Iz chas ntơư, têx lênhx fôngx zưs tuôx tsêr cơưv mak yax kriê thiêz zâuv chor tsi tâu tuôx tsêr cơưv đros tuôx muk cơưv ntơưr” 

Ntơưv ntâu xã, jêx jok thax tsav đêz đrôngs hâur huyện Mường Tè ntux cux tsênhv lok nas, huyện tưz huiz tôngv têx doanh nghiệp hâur thax tsav phênhz têx yêz, meir uz no nhoz jor ntơưv iz cxiê txox cêr mul lok zôngx ziv trâus xưz poz chiê taz por trâu chor cưk kriê ntơưr thiêz shux xênhz tuôx tâu trâu tsêr cơưv truôx tuk. Chênhr viv li, têx cưk kriê ntơưr thiêz shux xênhz nhoz no tưz tsi yuô phiv liv mul lok trâu tsêr cơưv./.

                    (Thanh Thủy-Khắc Kiên-Riê Lâux cxeik, nhênhv)

Cưk kriê Dương Văn Vấn cơưv shâuv Hloz Hôx uô ntâu hâux lưv jông trâu shux xênhz

          14 shông uô hâux lưv kriê ntơưr nhoz huyện Kon Rẫy, tỉnh Kon Tum, zos thax tsav qơư tsôngv box luz nênhx tsênhv yuôr ntâu phêv liv, cưk kriê Dương Văn Vấn, 37 shông, cưk kriê tsêr cơưv cxênhx 2 Đăk Rve thâuv tưs cux xar cxuô tsưr ziv chiê paz têx mê nhuôs shux xênhz muôx luz nênhx txov nhêv tâu muk cơưv ntơưr cxix cxuô. Đros siêz xar cơưv shâuv uô lơưr Hloz Hôx zos uô cxôngx têx hâux lưv hâur niêx hnuz, paz têx mê nhuôs shux xênhz, kuôk nor 3 shông ntâu cưk kriê Vấn yênhx lix paz lênhx nênhs txưv zênhv “Kon Rẫy sik côngv thiêz pheiz kênh” zos cưk kriê uô lênhx nênhs sơưr thơưx: “ Cur xar lok six ntâu, cur thor iz cxiê lênhx nênhs li ziv chênhv, tiv zix zos cur pox niêv. Cur nus tas, heik tiêk luz nênhx mak xar uô tul tsi txơưv uô, tsi uô nyei tov kaz no uô tsi tâu. Cxôngx co cur hu grus iz cxiê lênhx nênhs tưz muôx têx huôx tôngv taz sik tsi tâu yênhx lix paz lênhx nênhs. Qir thơưx tsuô zos paz têx lênhx nênhs muôx luz nênhx txov nhêv chiê tâu mul cơưv ntơưr uô ntêx”.

          Qir thơưx cưk kriê Dương Văn Vấn li paz lênhx nênhs txưv zênhv “ Kon Rẫy sik côngv thiêz pheiz kênh” chêx chôngk lok hâux lưv tsưr tsix têx pluôs nox tsi zuôr nhiêx txiêx chiê sik côngv têx mê nhuôs shux xênhz. Cxôngx co lơưr li huôx tôngv tâu ntâu lênhx nênhs thiêz tsưr tsix jông siêz thôngx ziv. Cưk kriê Vấn puz pâuz, đhâu 3 shôngk ntâu huôx tôngv, lơưr tưz khơưk muôz tâu 270 phênhv học bổng, yênhx cxênhz phênhv huv, pluôs nox tsi zuôr nhiêx txiêx đros tas nro tsiv gri zuôr xar 1,5 tỷ đeiv trâu têx mê nhuôs shux xênhz. Têx lênhx nênhs hâur paz lênhx nênhs txưv zênhv cux chuôz ndê txos 800 ntâu lênhx, tsi tâu heik txos têx lênhx nênhs cộng tác viên. Cưk kriê Dương Văn Vấn li hâux lưv uô đros paz lênhx nênhs txưv zênhv “Kon Rẫy sik côngv thiêz pheiz kênh” tưz paz ntâu lênhx shux xênhz muôx luz nênhx txov nhêv tror tâu mul cơưv ntơưr, tôngv vênhx têx mê nhuôs shux xênhz tror truôx siêz cơưv ntơưr. Shux xênhz Lương Ngọc Khánh Uyên, cơưv lớp 8A, tsêr cơưv cxênhx 2 Đăk Rve, thị trấn Đăk Rve, huyện Kon Rẫy heik lok zuk lênhx cưk kriê li no:     “Cur pov cưk kriê zos iz lênhx nênhs siêz jông, khênhr luôs. Hâur côngz xưv Đội mak cưk kriê thâuv tưs cux xar tsưr ziv chiê pêz uô si lov jêv, sik côngv têx fôngx zưs hâur tsêr cơưv, uô trâu pêz pâuz ntâu đuô, sir jos đuô hâur hâux lưv cơưv ntơưr”.

          Đros sik côngv tsưr tsix muôx chêx cuk huôx tôngv txưv zênhv viv shux xênhz nziv hluz, hâur côngz xưv chuyên môn cưk kriê Dương Văn Vấn cux muôx ntâu xar tơưv jông. Đros pưs txux zos Tổng phưv txơưx Đội, cưk kriê muôx tsưr ziv yênhx lix, tuôr truôx chêx cuk huôx tôngv “Tuv ntơưr Hloz Hôx”. Cxôngx phênhv nhiêx txiêx vênhv tôngv tâu, cưk kriê đros Ban giám hiệu tsêr cơưv cxiv tsa trâur nuv “Ndêx đriv têz Trường Sa” ntơưv iz qơư jông hâur tsêr cơưv li qar tiêx. No zos qơư mak tsêr cơưv li têx cưk kriê paz shux xênhz nhiêv txos zuk têz qơưk niêv đêx hiêr đuô, nhiêv têz nhiêv qơư thiêz txưv haox lok zuk mênhx cxưx hâur têx jiês sik thav ngoại khóa. Cưk kriê Lương Tấn Thanh, Phưv Hiệu trưởng tsêr cơưv cxênhx 2 Đăk Rve thav lok cưk kriê Vấn li no:“ Cưk kriê Dương Văn Vấn zos cưk kriê Tôngv phưv txơưx Đội hâur tsêr cơưv. Cưk kriê thâuv tưs cux uô ntêx nyuôk hâur cxuô côngz xưv thiêz tax tâu ntâu yênhx tix hâur tsêr cơưv cux xưk li hâur nganhx zaoz zux. Cưk kriê yax six heik tsêr cơưv tsưr tsix têx huôx tôngv zaoz zux trâu shux xênhz cov muôx chêx cuk. Cưk kriê thâuv tưs cux uô ntễ xnyuôk hâur nganhx thiêz tsêr cơưv li têx phongz yaox tưr thik”.

          Hâur 14 shông uô hâux lưv kriê ntơưr nhoz huyện pluôk Kon Rẫy, tỉnh Kon Tum, cưk kriê Dương Văn Vấn tưz uô tâu ntâu luôs hâux lưv jông paz trâu têx mê nhuôs shux xênhz. Cơưv shâuv Hloz Hôx thiêz uô lơưr Hloz Hôx, lênhx hluôk nênhs Huế nhiv no zos têz qơưk Kon Rẫy li tuz nhuôs tâu ntâu lênhx tsôngv box tiv phaz pâuz txos thiêz seiz tsiv gri./.

(Khoa Điềm –Txâur Vax cxeik nhênhv)