Tsiêz Pây Tái- tsôngv box mênhx cxưx Tày, Nùng cêr vênhx huôv jông

          Têx hnuz đraz hli 7 zênhz lix, lênhx tưs cux bax trâu hnuz ntênhs lox tiv oz hâur shông. Pos Bế Thị Điều nhoz xã Lương Thông, huyện Hà Quảng, tỉnh Cao Bằng tưz bax cxôngx ntâu hnuz no, cux xưk li ntâu chuôz zis txơưr, pos cux chiv chir uô nduôr blâuv- zav nduôr khênhr uô hâur nox 15/7 zênhz lix. Tiv zix zos tsuv muôx iz tul ok trâu hnuz ntênhs muôx ziz njiêz tiv zix hâur shông:

          “Cur tưz bax jông trâu hnuz 15 cxôngx kuôk nor 2,3 hnuz, cxôngx hnuz 12 zênhz lix lơưv. Cur tưz krơr nduôr, qêz suô vax tsêr....heik cxuô mak bax tiêr hur si lơưv, nhiv no tsuôk tos tuz nhuôs lok tsêr thiêz xưz. No zos nênhs Tày Nùng li tsiêz chax chês, txơưv luz nênhx muôx ntâu hlôngr yiêz li chas zuk cux tsuv tuôr tsês luz tsiêz jông no”.

          Ntênhs “Pây tái” muôx ziz njiêz zos: Têx nhuôv nxeik thâuv zuôr txir, yênhx shông nhoz uô nênhx đros pos zơưs, txir tuz tsoz phưz chuôz zis. Hâur shông no tsuôk muôx hnuz xiêz 2/1 thiêz hnuz 15/7 zênhz lix zos six hơưv tâu tror muk seiz niêv teik zơưv txir, chiê tsoz phưz niêv teik zơưv txir, txi côngv pox côngz zơưv côngz. Trịnh Hoàng Vũ shông siêz thâuv tâu đros chuôz zis cxôngx niêv đrôngs Thái Bình lok tsêr seiz niêv teik zơưv txir:

          “Cur lok six shir phaz viv hnuz no tâu lok seiz niêv teik zơưv txir. Hnuz 15/7 zênhz lix shông no ndax trâu hnuz xiêz 2/9 hnuz Quốc khánh viv li ziv lov jêv đuô. Cur lok six nhiêv nox tsiêz chax chês no, đhâu co cur pâuz cxaz lok zuk mênhx cxưx li vênhx huôv jông”.

          Ndax hnuz nox tsiêz 7 hli, iz lênhx nxeik thâuv tưz muk zuôr txir tror lok seiz niêv teik zơưv txir cux tsuv gra 1 gơưv ok lok uô ntênhs “pâu tái”. Thâuv suôv câuv, niêv teik zơưv txir ho tror muôz trâu tul nxeik iz tul ok. Greix ok khênhr tâu nox đros cuz thaz zos pox nhuôs chiv chir uô. Đros nênhs Tày Nùng nhoz Cao Bằng, trôngx mor txi côngv hnuz ntênhs “pây tái” tsuv muôx iz tul ok cxiêz, muôx têx zav nduôr blâuv. Lơưr lênhx nênhs nhênhz chơưv Hoàng Đức Hiền, nhiv no nhoz uô nênhx ntơưv Cao Bằng mak nênhs Tày Nùng li tas nro têx hnuz tsiêz hnuz ntênhs hâur shông puôr lênhx reik đros tsiv uô kôngz nuv, thiêz hnuz tsiêz 7 hli cux li ntơưv:

          “ Mênhx cxưx Tày Nùng muôx lo luk heik txos uô lox tôngv xênhz yar li no “Hli 1 tsi nox greix ok, hli 7 tsi nox greix keiz”- co zos hnuz 15/7 mak cheix ntux lok nas, đêx pur tu zus ok, yuôr hli 1 zos cheix ntux kruôr tu zus keiz. No zos luz tsiêz reik đros uô lox tôngv xênhz yar”.

          Yênhx tiv phaz, yênhx mênhx cxưx njuôs xav nhiês muôx nhiês tsưr ziv bax têx chuôz zênhx trâu hnuz tsiêz hli 7, taz sik tas nro puôr lênhx muôx ziz njiêz zos xar njôngr muôx jông đas jos, chuôz zis nhoz uô nênhx shir phaz lov jêv, tiv zix zos tso pov siêz ndo cxênhx nênhs tov ntêx hâur xênhv nênhs li txiêx njik. Tsi taz zos iz vênhx huôv jông mak Pây Tái tsênhv zos six hơưv chiê têx cxênhx tuz nhuôs ndo txos pox côngz zơưv côngz, niêv teik zơưv txir li têx txiêx njik./.

(Tiểu Nguyệt-Txâur Vax cxeik nhênhv)

Chôngz lênhx nênhs sik đros muk hâur Lăng chiê hơưv zơưv hloz Hôx

Sâuv Quảng trường Ba Đình, muôx tuk qix liêz đêi đros trâu chôngz lênhx nênhs sơưr uô hax ntêr muk trâu hâur Lăng chiê hơưv zơưv Hloz hôx đros trâu siêz xar lok iz lênhx nênhs txơưx tưz lênhx tov cách mạng Việt Nam tâu yênhx côngz.

Hâur ntu muôx moz Covid-19 phiv liv, sơưr đơưk tưz uô jông chox ntâuz bos kror ndâux thiêz nzuôr têk uô ntêx thâuv zuôr muk hơưv zơưv hloz Hôx. Tưz zênhx zos kror muôx đrêiv thâuv txos trâu jiês Quốc khánh, chôngz lênhx nênhs nhoz Thủ đô ho xêir tsov qơư muk uô si sêiz shuôk zos Lăng hloz Hôx xưk li zos iz kror qơư chiê sơưr đơưk hêik tơưv zuk siêz ndo txos zơưv hloz Hôx tsik plox. No zos niêv tix Nguyễn Lan Anh, nhoz phường Ngã Tư Sở, (Đống Đa) puz pâuz:

“Cur siêz nhiêv ndo txos chủ tịch Hồ Chí Minh, lênhx nênhs sơưr thơưx mênhx cxưx Việt Nam, pêz tso siêz lok zơưv hloz Hôx. Têx hnuz no pêz tuôx ntơưv no chiê tâu hơưv hloz Hôx. Pêz tuôx lok six chôngz, txơưv tiêk shông no muôx moz Covid, taz sik pêz cux tuôx ntơưv no chiê hơưv txos hloz Hôx”.

Đros chor bôv đôiv lâul jiês xuz thơưx ciês tâu tuôx trâu Hà Nội xưk li zơưv Nguyễn Huy Biên lênhx xaz pênhz nhoz xar Đông Thanh, huyện Đông Sơn, tỉnh Thanh Hóa thiêz zơưv Lường Văn Ân nhoz Sơn La mak no zos têx jiês ndo njôngr trâu hâur siêz tsik plox:

“No cê zos hnuz xar lok zuk chax chês, cê zos hnuz têz qơưk tâu tiêx tuk. Pêz sik đros tuôx hơưv zơưv hloz Hôx. Tuôx sêiz shuôk Lăng mak shir phaz, xar txos hloz hôx ntu nênhx mak cux shir phaz thiêz uô tsâus ntâu hênhr”.

“Jiês xuz thơưx ciês txix Sơn La lok ntơưv no chiê hơưv zơưv hloz Hôx, cur tuôx đros têx tuz nhuôs sơưr đơưk….”.

Đros chor nhuôs zâu thiêz shux xênhz, muk hâur Lăng chiê hơưv zơưv hloz Hôx đros trâu sêiz shuôk zơưv hloz Hôx luz tsêr nhoz thiêz uô hâux lưv thiêz ndis shuôk Bảo tàng Hồ Chí Minh zos iz kror nriêr pâuz jông thiêz muôx liv, paz cxơưz cxiz trâu cxênhx hluôk sir jos đuô hâur cxiv tsa thiêz por vêv têz qơưk. Bùi Ngọc Thùy Dương, shux xênhz tsêr cơưv cxênhx iz thị trấn Gia lộc, huyện Gia Lộc, tỉnh Hải Dương hêik:

“Hnuz no cur muk hâur Lăng chiê sêiz zơưv hloz Hôx, cur lok six shir phaz. Cur pov zơưv hloz Hôx jông xưk li dêiv đuô hâur têx ntâuz ntơưr”.

Uô ntêx co, chôngz lênhx nênhs tưz tuôx txix thâuv lok six nzor chiê sêiz pov tâu jiês chào cờ sâuv Quảng trường Ba Đình lịch sử, qơư 75 shông đrav ntêx hloz Hôx tưz nhênhv Tuyên ngôn độc lập, hêik yênhx lix thiêz têz qơưk Việt Nam tâu tiêx tuk trâu tsôngv box thiêz ntiêx têz pâuz./.

 (VOV1-Lik Thox cxêik nhênhv)