Jax sâu thưr 4 hnuz 5/10/2016:

Ntâu kror yiêz nhoz Hnuz hôiv Vênhx huôv Thêv thao thiêz Du lix cxuô mênhx cxưx faz Bắc jiês tiv 13

Nus: Thor cox puz pâuz! Hnuz hôiv vênhx huôv thêv thao thiêz du lix cxuô mênhx cxưx thax tsav faz Bắc kriz uô muôx tsiv gri li chak đros côngv thôngx cxuô mênhx cxưx tsơưs nênhs faz Bắc?

Têz: Hnuz hôiv vênhx huôv thêv thao thiêz du lix faz Bắc muôx iz kror tsiv gri lok six zov chênhr trâu tsôngv box cxuô mênhx cxưx chor tỉnh faz Bắc. Tsêx tsung lok tsôngv box 8 tinhv faz Bắc li têx kror vênhx huôv jông tiv zix, thiêz têx kror thêv thao mênhx cxưx cxôngx nzor tsênhv muôx thiêz tsuv tâu tuôr chiê phuôx huiz. Chor tiv phaz zuôr xêir tsov chor nênhs zos mênhx cxưx tsơưs nênhs thiêz xêir tsov têx ntênhk hôiv, trik yo, suôz gâux, pax vuôs tâu ntâuk gri zos jông tiv zix nhoz tiv phaz chox tuôx siz pir ntơưv hnuz hôiv no. No zuôr zos têx kror chiê sơưr đơưk seiz shuôk ntơưv faz Bắc.

Nus: Đros tsênhv njiêz “Chor mênhx cxưx thax tsav  faz Bắc sik côngv siêz thiêz huôv tsar-Ndar txos shông du lix  têz qơưk shông 2017, Zos li hnuz hôiv shông no zuôr muôx têx kror yiêz tưs thor cox puz pâuz nzir?

Têz: Kror txơưr shông no zos tas nro chor nênhs cxaz chuôz nhoz 8 đoanx zuôr muôx jiês hêik pâuz lok yênhx tinhv. Tas nro chor nênhs cxaz chuôz muk đhâu kror qơư uô thiêz zuôr uô zuk mênhx cxưx li cxuô zav, têx zav sênhr suôz muôx thiêz hnar zuk mênhx cxưx li chor trik yo jông gâux tiv zix. Đros co, sâuv qơư uô cux zuôr muôx lok six ntâu đuôz shav paz piêr pâuz trâu chor đoanx cxuô tinhv muk đhâu.

Nus: Uô li kror tưs zos vênhx huôv, lênhx nênhs Lào Cai ntơưv hnuz hôiv vênhx huôv thêv thao thiêz du lix faz  Bắc?

Têz: Đros Lào Cai mak zuôr tâu uô hâur jiês kriz uô. Jiês no zuôr hêik cxuô lok thax tsav faz Bắc hêik cxuô. Hâur co zuôr uô tsênhz đuô lok Lào Cai. Faz Bắc muôx lok six ntâu kror lok vênhx huôv mak pêz zuôr xêir tsov têx kror jông nhoz yênhx tiv phaz. Txix kriz uô txos trâu chor huôx tôngv puôr lênhx zos chiê zaz zâuv tsôngv kruô tuôx trâu thax tsav faz Bắc hêik cxuô thiêz Lào Cai hêik taz.

Nus: Uô vênhx huôv mênhx cxưx đros du lix tiv phaz zos hnuz hôiv vênhx huôv thêv thao thiêz du lix cxuô mênhx cxưx thax tsav faz Bắc li tsưr ziv, no cux zos du liv Lào Cai li tsưr ziv ntâu shông đhâu. Cox ho phêiz kênh đros nênhs nhiêv mnôngs Đaix TNVN li kror no?

Têz: Xav jênhv vênhx huôv mênhx cxưx zos kror chênhr, zos tsênhv njiêz du liv viv li lào Cai hâur ntâu six cxiv tso tơưv têx dưv anr tuôr chiê phuôx huiz vênhx huôv mênhx cxưx. Txos six hơưv no, Lào Cai zos iz hâur chor tinhv sơưr thơưx têz qơưk lok bê ntơưr vênhx huôv cxuô zav cấp têz qơưk tâu côngz jênhv. Tỉnh no tưz muôx 16 di sản vênhx huôv phi vật thể cấp têz qơưk. Hâur co muôx sik truz hluô tâu côngz jênhv zos vênhx huôv phi vật thể thiêz zuôr txos no tsênhv uô ntâuz ntơưr Then chiê hêik UNESCO côngz jênhv.

Pêz muôx tsưr ziv xar tsênhv tsênhz hâur xar tuôr chiê tsôngv kruô tuôx thiêz tror tuôx trâu Lào Cai mak kror xuz thơưx zos tror uô jông tuôr chiê têx vênhx huôv jông. Thôngx cxix tsuv têx di sản co zos yênhx têx kror jông tsiv gri. Têx kror muôx đros du liv puôr lênhx tsuv muôx hlôngr yiêz. Zuôr txos no Lào Cai tsênhv zuôr sir jos uô têx ntênhk hôiv du lix lơưr 4 chêix.

Thor uô cox tsâus ntâu!

(TTT-Lik Thox cxêik nhênhv)

Phênhv thưr 4.5.10.2016:

Phênhv đêx hur thiêz vêv xênhz tênhx qơư

          Tsaz yênhx têz qơưk li qơư tsov txos đêx hur-vêv xênhz tênhx qơư nôngx cxênhz nhoz tỉnh Sơn La thâuv tưs cux reik đros tsưr ziv txu yeiz cxuôv pluôs thiêz cxiv tsa nôngx cxênhz yiêz thiêz tsaz yênhx phuôv tsar kinh tế xã hội li têx tsưr ziv tso tơưv. Đros phênhv pênhr hâur tsaz yênhx têz qơưk li qơư tsov txos đêx hur- vêv xênhz tênhx qơư nôngx cxênhz, tỉnh Sơn La tưz uô uô cê têx tsaz yênhx, dự án txơưr sâuv thax tsav chiê yưv pênhr trâu têx tsaz yênhx cungz đêx xênhz huôx. Cxôngx shông 2010 txos nhiv no, tưz uô tiêr thiêz chox lol sir zôngv yênhx puôk côngz tsinhx cungz đêx chêx chôngk thiêz yênhx cxênhz côngz tsinhx cungz đêx mê, tuôv zênhv zoz qơưx zôngv đêx hur trâu tsôngv box. Đrâuv co, côngz xưv yax mông lok đêx hur thiêz vêv xênhz tênhx qơư nôngx cxênhz tror tâu cxơưz tiês, yax six thiêz tsi so, tiv zix zos luz hli ndar txos ciêz têz qơưk đêx hur thiêz vêv xênhz tênhx qơư niêx shông tưz uô hlôngr yiêz tsôngv box li jênhv pâuz, cê phuôx huiz pênhr jos hâur tsôngv box, cê tso tsês tâu iz cxiê cêr cor cav pôngz kaz; chêx cuk uô hâux lưv cungz đêx hur thiêz vêv xênhz tênhx qơư chuôz ndê tsênhz mênhx; chêx cuk yưv pênhr taz por lơưr saz truôx vênhs, ntâu trâur nuv công nghệ cungz đêx yiêz tâu sir zôngv huv đros, muôx chêx cuk... Lơưr ntâus grê, chêx cuk lok cungz đêx sâuv thax tsav tỉnh Sơn La txos shông 2015, tsôngv box nôngx cxênhz tâu cungz đêx huv vêv xênhz tax 82%; chor ziv chuôz zis muôx tsêr vêv xênhz tax 53%; muôx 491 sâuv 818 luz tsêr cơưv hâur tas nro tỉnh muôx tsêr vêv xênhz; 54 sâuv 204 trạm y tế muôx tsêr vêv xênhz; 34% têx guôx cơư tsiêx cxu  huv vêv xênhz. Cxiv tsa nôngx cxênhz yiêz lok ploz tsênhr tênhx qơư tâu cxơưz tiês uô, txos tas shông 2015 tưz muôx 5 xã tax ploz tsênhr lok tênhx qơư, 38 xã uô tiêr tsưr ziv sir zôngv đêx xênhz huôx huv vêv xênhz.

          Uô têz qơưk li qơư tsov txos lok đêx hur thiêz vêv xênhz tênhx qơư nôngx cxênhz tưz tâu Thủ tướng thôngz đhâu; Nghị quyết Đại hội Đảng bộ tỉnh jiês tiv 14 thiêz dự án seiz car, kho đuô, cxaz nzir tsưr ziv cungz đêx- vêv xênhz nôngx cxênhz ntu 2016-2020 thiêz ndar txos shông 2025. Tsưr ziv txos tas shông 2020, tỉnh Sơn La sir jos tax 95% tsôngv box nôngx cxênhz tâu cungz đêx huv vêv xênhz, hâur co 65% tax ploz tsênhr QC-02/BYT; 90% ziv chuôz zis sir zôngv tsêr vêv xênhz; 78% ziv chuôz zis tu zus muôx guôx huv vêv xênhz ( hâur co 52% ziv chuôz zis muôx kror bioga); 100% têx tsêr cơưv mê nhuôs zâu, tsêr cơưv phổ thôngz, trạm y tế tâu cungz đêx thiêz muôx tsêr vêv xênhz huv vêv xênhz; sir jos muôx 23 xã tax ploz tsênhr nôngx cxênhz yiêz, 85 xã tax ploz tsênhr số 17 lok tênhx qơư. Chiê tax tâu tsưr ziv no, jênhv vưv hâur six hơưv zuôr txos zos tror cxơưz tiês côngz xưv yax mông zaoz zux côngv thôngx chiê muôz siêz têx cấp, têx nganhx thiêz tsôngv box li jênhv pâuz hâur cxaz chuôz car chêx cungz đêx hur- vêv xênhz tênhx qơư nôngx cxênhz, uô hlôngr yiêz jênhv pâuz hâur côngv thôngx; krêz uô muôx chêx cuk lok yưv pênhr thiêz coar lik côngz tsinhx cungz đêx hur- vêv xênhz tênhx qơư đhâu thâuv yưv pênhr uô./.

( Tuyết Lan- Txâur Vax cxeik nhênhv)