Qiv hơưv nhoz Yên Bái txơưr txar, mê nhuôs tuôx tsêr kho moz chuôz ndê

Zuôr xar 1 luz hlik no, nênhs moz zos chor mê nhuôs zâu tuôx seiz njuôs thiêz kho moz ntơưv tsêr kho moz nhuôv zâu Yên Bái chuôz ndê siêz pir li luz hlik uô ntêx, tiv zix zos mê nhuôs tsi tâu muôx 3 shôngk. Pos Hà Thị Hải nhoz xã Hồng Ca, huyện Trấn Yên tsoz phưz tul nhuôv xênhz nzưr muôx 2 luz hlik ntâu puz pâuz: Cxôngx thâuv qiv hơưv hlôngr cheix, pos tul nhuôv xênhz nzưr khênhr lok njưk, kuôk no 5 hnuz pov mê nhuôs moz, nôngk thiêz hơưz uô tsik yuô tâu pa, viv li chuôz zis thiêx chox mê nhuôs tuôx kho moz:“Nhoz hâur tsêr mê nhuôs nôngk, ntuôr viv li chox mê nhuôs tuôx tsêr kho moz sản nhi seiz njuôs, nhoz tsêr mak tsi pâuz muôz nox yuôx tul tsi. Tuôx ntơưv no bác sĩ seiz njuôs thiêz heik tiêk mê nhuôs trâus moz kak chax đaz, viv li nhoz ntơưv no chiê kho moz thiêz txos nhiv no pov mê nhuôs jông đuô lơưv”.

          Lơưr nênhs sâu xor xưv sêiz pov, ntơưv Tsêr kho moz nhuov zâu Yên Bái, phênhv ntâu têx qar moz ntơưv Khoa mê nhuôs zâu puôr lênhx muôx chôngz lênhx ntâu tul nênhs moz tuôx pur tas. Bác sĩ Đỗ Thị Phương Thảo, Phưv tsar khoa mê nhuôs zâu puz pâuz: Cxôngx kaz hlik hli 9 txos nhiv no chor nênhs moz tuôx kho moz qir tax 100 lênhx sâuv 87 luz txax trâu nênhs moz. Khoa tưz cxaz nzir txax trâu nênhs moz zos 139 luz chiê tos jênhv nênhs moz. Taz sik, txos nhiv no nênhs moz tsênhv zos 152 lênhx sâuv 139 txax trâu nênhs moz:“Fênhx yax ntu no nênhs moz nhoz khoa mê nhuôs zâu siêz tiv zix zos 130 lênhx, taz sik nhiv no tưz ndê txos 150, zos phênhv siêz tiv zix cxôngx thâuv yênhx lix tsêr kho moz txos nhiv no. Thâuv nênhs moz chôngz, tiv zix zos cheix no muôx ntâu zav caz moz huôv xênhz viv li chiê jav tâu mak lok six lax”.

          Bác sĩ Trần Văn Hiển, Phưv giám đốc Tsêr kho moz nhuôv zâu Yên Bái puz pâuz: Chor nênhs moz tuôx seiz njuôs thiêz kho moz hâur hli 10 phênhv ntâu zos moz lok cêr uô pa...viv li chor hnuz kho moz tsuv truz ntêr đuô. Nhiv no hâur tsêr kho moz yax six muôx 200 ntâu nênhs moz kho moz, hâur co lênhx nênhs y tế mak muôx tsi txâuk, viv li têx cán bộ, y bác sĩ nhoz no tsuv uô hâux lưv yênhx hnuz yênhx hmo.

          Lơưr Sở y tế tỉnh Yên Bái li pov cov, zuôr xar iz luz hlik jê ntơưv no, nênhs moz tuôx seiz njuôs thiêz kho moz ntơưv têx qơư y tế puôr lênhx chuôz ndê, tiv zix zos mê nhuôs tsi tâu muôx 5 shôngk. Tsênhz mênhx, hâur hli 9 tsuôk muôx 11 cxênhz ntâu lênhx mê nhuôs, txos hli 10 no tưz muôx txos zuôr xar 15 cxênhz lênhx mê nhuôs tuôx seiz njuôs thiêz kho moz ntơưv têx qơư y tế. Lơưr pos Lê Thị Hồng Vân, Giám đốc Sở y tế tỉnh yên Bái, niêx shông thâuv qiv hơưv txơưr txar nênhs moz tuôx seiz njuôs thiêz kho moz puôr lênhx chuôz ndê:          “Chiê phax tar têx zav moz, tiv zix zos moz lok cêr uô pa trâu nênhs lâuk thiêz mê nhuôs zâu, tsôngv box tsuv chuv tôngv tuôr cov luz chêr sor si thâuv qiv hơưv txơưr txar. Tiv 2 zos chuôz tsar thâuv thiv thao chiê taz por đas jos. Tiv 3 zos chuôz tsar nox txâuk tsơưr pưr, hâuk ntâu đêx, nox ntâu txir ntông, têx zav nox muôx ntâu vitamin chiê chuôz cxaz đas jos”.

          Njuôs pov hâur ntu zuôr txos, chor nênhs moz tuôx seiz njuôs thiêz kho moz tiv zix zos mê nhuôs zâu zuôr tror chuôz ndê. Viv li, Sở y tế Yên Bái tưz heik têx taz viv chuôz cxaz txax cov txâuk trâu nênhs moz pư, yuôx kho moz, chuôz tsar cán bộ nhoz têx khoa muôx tsơưs nênhs moz tuôx paz trâu khoa muôx chôngz nênhs moz....chiê tuôv zênhv zoz qơưx seiz njuôs thiêz kho moz thâuv nênhs moz chuôz ndê./.

(Thừa Xuân- Txâur Vax cxeik nhênhv)

Nênhs lâul li pưk txux, têx uô tâu trâu chuôz zis, xar hôiv

Nhiv no, tas nro têz qơưk muôx 11 triệu ntâu lênhx nênhs lâul. Txơưv tiêk tưz hla trâu hnuz nhôngs nhoz so taz sik chôngz lênhx nênhs lâul cux tsênhv sir jos cxuô luôs hâux lưv xar hôiv, hêik sơưr đơưk sik đros côngv cxuô zav, hnuz côngz, tsưr ziv txux chi paz đros cxiv tsa huôv tsar têz qơưk, tuôr chiê, phuôx huiz tsiv gri chor di sản vênhx huôv mênhx cxưx sâuv thax tsav.

Chôngz lênhx cán bộ Hôiv nênhs lâul tưz sir jos gôngr côngv muôx 10 shông, 15 shông thiêz 20 shông trâu côngz xưv Hôiv. Thiêz hâur chor nênhs co tsuv hêik txos zơưv Nguyễn Văn Thức, 12 shông uô hâux lưv Chủ tịch Hôiv nênhs lâul phường Phú Cát, thành phố Huế, tỉnh Thừa Thiên Huế muôx ntâu tsưr ziv tsưr tsix hâux lưv tsoz phưz đas jos trâu nênhs lâul xưk li ntâuk tik kêiz, uô vênhx nghệ… Zơưv Nguyễn Văn Thức thiêz chor Hôiv viên Hôiv nênhs lâul phường Phú Cát tsênhv moz siêz txos côngz xưv tuôr chiê thiêz phuôx huiz tsiv gri chor di sản vênhx huôv mênhx cxưx sâuv thax tsav. Zơưv tưz hêik pêx xênhv chiv chir gôngr côngv muôx 300 triệu đêiv ntâu kho đuô đình jêx jok Phú Cát, lox jông. Zơưv Nguyễn Văn Thức puz pâuz:“Muôx ntâu hôiv, đoanx xar uô taz sik uô tsik tâu. Thâuv hôiv nênhs lâul sơưr lok uô mak pêx xênhv njênhs siêz đuô, luôs njiê pov tâu têx kror ndax ndênhk hâur co. Muôx chor nênhs mak pêz hêik tsik tâu lok sik chor nênhs tsik zos nênhs nhoz ntơưv Phường Phú Cát taz sik lơưr pov tâu hâux lưv kho đuô đình zos kror hâux lưv jông viv li cux thôngx ziv siêz paz trâu zuk”.

Nênhs lâul zênhx tsik so uô ntêx hlo hâur cxuô luôs hâux lưv ntơưv tiv phaz, tiv zix zos phongz yaox yax kriê trâu pêx xênhv tso tsês têx phongx cxưx pôngz kaz, hâur co muôx qênhx shênhx siz zuôr nzor, siz zuôr cxênhx jêz hâur tsôngv box mênhx cxưx tsơưs nênhs. Zơưv Thạch Um, nênhs Khmer; Chủ tịch Hôiv nênhs lâul xar Lương Hòa, huyện Châu Thành, tỉnh Trà Vinh puz pâuz, tiv tsôngv box zos mênhx cxưx Khmer. Viv li, qênhx shênhx siz zuôr nzor zos iz hâur têx qir tiv muôx yưv yêiz pluôs, pôngz kaz, phiv liv ntâu txos đas jos, chiê khưx phưx mak tsuv muôx tsưr ziv uô, zơưv thiêz chor hôiv viên tưz sir jos yax kriê têx chêi siz zuôr đros trâu chor jiês cơưv jêx jok, txos trâu yênhx ziv chuôz zis. Txix co, pêx xênhv tưz hlôngr yiêz đuô têx jênhv pâuz, uô truôx jông lơưr cêr chêi lok siz zuôr thiêz chuôz zis, qênhx shênhx siz zuôr li hêik tas co sâuv thax tsav tưz tsik yuôr lơưv. Zơưv Thach Um hêik:“Cur cơưv shâuv thiêz uô lơưr Lâul Hôx li têx cêr uô nênhx jông, tsuv sir jos yax kriê đêz đar txos trâu sơưr đơưk pâuz lok Đảng, têz qơưk têx cêr chêi. Cur sir jos hêik kriê, zos tiêk hêik tsik tâu mak hnuz tưs cux tuôx hêik, txos thâuv tưs hêik tâu lơưr mnôngs lơưv mav chiê li”.

Đros têx sir jos viv côngz xưv cxiv tsa thiêz por vêv têz qơưk, txix ntâu kror hâux lưv uô tsênhv tsênhz, tsiv gri, Hôiv nênhs lâul têx tiv phaz sâuv tas nro têz qơưk tưz muôx têx gôngr côngv zov chênhr trâu hâux lưv huôv tsar kinh têr-xar hôiv, taz por ngaz tuk chính trị, ngaz tuk xar hôiv sâuv thax tsav, paz cxiv tsa trâu cxiv luôs chính trị hênhr đuô. Đhâu chor nênhs lâul li têx hâux lưv uô tâu, nênhs lâul li têx sir jos ziv hnuz ziv khav tênhv tâu zuk li pưk txux, zos yênhx chor nênhs chiê trâu cxênhx hluôk cơưv shâuv thiêz uô trơưk./.

(Thu Hiền-Lik Thox cxêik nhênhv)