Sơn La: Cxiv kho tênhv tênhz trâu chor chuôz zis pluôs tok tsiêz têz qơưs

        Lò Thị Chanh chuôz zis đrôngl Ít Ong, huyện Mường La zos chuôz zis pluôs, luz nênhx txov nhêv. Zos iz lênhx niêv tsêr khưr tu zus niêv pos muôx 90 ntâu shông hnuz nhôngs thiêz tu zus  pos Chanh tus txir trâus muôx moz hnhar. Hâur luz tsêr tsar lơưx kâus kiz jik, tsuôk muôx luz ti vi kuz đros trâu muôx oz pêz luz kê tênhz tơưk pov cêr. Têx xor tik tênhv tênhz hâur chuôz zis tsik truôx, tsik so trâus tu, trâus puôk tsuôx, pos Chanh hêik pâuz: “Hnuz no tâu cán bộ, công nhân tênhv tênhz tuôx paz kho têx xor tênhv thiêz hlôngr đuô qơư tso tơưk tênhv tênhz, đhok kê tênhz trâu chuôz zis, cur jông siêz hênhr. Txix nhiv no muk, têx qơư tso sir zôngv tênhv tênhz truôx kho, cur chuôz zis tso siêz sir zôngv tênhz tênhz”

          Kê tênhv tênhz yiêz tâu đhok tso tơưk pov cêr lul hâur lênhx tuz lênhv lâuk Lù Văn Hà nhoz xã Chiềng Xôm, đrôngl Sơn La. Hâur 40 shông đhâu zos tuz lênhv đros tir ntâuk tros châuz trâu têz qơưs Lok Tsuôk, nhiv no zơưv Hà oz niêv txir, shông hnuz nhôngs tưz lâuk, kho tsik tâu têx tênhv tênhz sir zôngv hâur chuôz zis. Pâuz tâu zơưv Hà chuôz zis njiz trâu têx phiv liv, chor nênhs uô hâux lưv cxiv kho tênhv tênhz nhoz đrôngl Sơn La tưz tuôx đros kho têx xor tênhv, qơư tso tênhv tênhz tơưk pov cêr, zơưv Lù Văn Hà hêik pâuz: “Chuôz zis muôx luz nênhx txov nhêv, taz sik tâu công ty tênhv tênhz Sơn La tuôx paz kho têx xor tênhv, qơư tso tênhv tênhz tơưk pov cêr, cur chuôz zis muooxx luk uô tsâus”

          Iz chas pos Chanh thiêz zơưv Hà chuôz zis, muôx zuôr xar 60 chuôz zis hâur thax tsav đrôngl Sơn La cux tâu tok txêik ngênhx tênhv tênhz Sơn La têx huv tsiêz muôz puz. Chor chuôz zis no, phênhv ntâu zos têx xor tênhv tênhz, qơư tso tênhv trâus puôk tsuôx tas iz cxiê, kê tênhv tênhz sir zôngv ntêr, tso tênhv tơưk cux tsi yuô pov cêr. Chênhr zos li hêik ntơư, chiê fuô uô cov tâu truôx luôs hâux lưv paz kho têx xor tênhv, qơư tso tênhv tênhz tơưk pov cêr, công nhân tênhv tênhz tsuv muk qênhz yuôx, sâu bê chor chuôz zis muôx luz nênhx txov nhêv chiê bax cov txâuk xor tênhv đros trâu kê tênhz, paz hlôngr xor tênhv, hlôngr kê tênhz tơưk pov cêr cov huv đros. Tix lâus Nguyễn Tiến Việt, công nhân tênhv tênhz Sơn La hêik pâuz: “Chor chuôz zis hnuz no pêz hlôngr đhok têx xor tênhv, qơư tso tênhv tênhz zos chor ziv chuôz zis nênhs lâuk, muôx luz nênhx txov nhêv, têx xor tênhv hâur chuôz zis trâus puôk tsuôx, pêz hlôngr kho tâu truôx jông tơưk pov cêr lul”

          Têx luôs hâux lưv uô muôx liv ntơư, tưz paz tâu trâu cxuô chuôz zis pluôs, muôx luz nênhx txov nhêv, hla trâu têx phiv phiv lok hlôngr kho têx xor tênhv tênhz. Pos Lê Thị Song Hảo, Phưv Giám đốc Công ty Tênhv tênhz Sơn La hêik pâuz nzir tiêk: Iz chas hlôngr kho têx xor tênhv trâu chuôz zis pluôs, chuôz zis muôx luz nênhx txov nhêv, Công ty Tênhv tênhz Sơn La cux fuô uô têx luôs hâux lưv muôx liv trâu tsôngv px sir zôngv tênhv tênhz chiê shir phaz lul tok shông yiêz. “Hâur luz hli uô têx luôs hâux lưv muôx liv no, zos kho đuô têx xor tênhv thiêz hlôngr yiêz xor tênhv, qơư tso tênhv tênhz trâu tsôngv px nhoz thax tsav jêx jos tox siêz thiêz kho đuô têx xor tênhv sir zôngv trâu têx tsêr kho moz gênhk; thax tsav qơư trâu caz moz Covid-19 uô ruôr hiêv, chiê tsôngv px muôx tênhv tênhz tơưk pov cêr lul hâur chêix ntux yiêz shông 2022”

        Iz chêix ntux yiêz lok zuôr txos, tsôngv px cxuô chuôz zis muôx tênhv tênhz tơưk pov cêr lul, zos cêr shir phaz ziv hnuz ziv muôx luz nênhx tsâu sor./.

Tsu cxêik nhênhv-Lê Hạnh-CQTT Tây Bắc

Huôv tsar BHXH txưv zênhv nhoz tỉnh tox siêz Yên Bái

          Tsâus ntux kaz ciêz, yênhx châuv lênhx tsôngv box zos nênhs lox tôngv txưv zơưx nhoz tuêv jênh phố Đồng Phú, phường Nam Cường, TP Yên Bái tưz muôx njêx muôk ntơưv tuêv li tsêr vênhx huôv chiê mnôngs cán bộ BHXH tỉnh Yên Bái yax mông lok chính sách BHXH txưv zênhv. Đhâu mnôngs cán bộ yax mông, sđ ziv pâuz tsênhz đuô lok zuk li qênhx liv thâuv cxaz chuôz BHXH txưv zênhv. Pos Bùi Thị Duyên, iz lênhx tsôngv box nhoz hâur tuêv heik:          “Đhâu BHXH li yax mông mak cux chiê pêz muôx cxaz yênhx tưv, jênhv pâuz cxaz tâu tiêk tsuv cxaz chuôz BHXH chiê muôx nhiêx shar so lâuk. Nhiv no zuk tsênhv hluôk muôx đas jos mak tsi cxaz chuôz tov kaz no lâuk tsi muôx nhiêx shar so lâuk chiê taz por trâu zuk luz nênhx”.

          Zơưv Đỗ Đình Quý, Chủ tịch UB phường Nam Cường, TP Yên Bái puz pâuz: Phường muôx 4 cxênhz ntâu lênhx nênhs, nênhs lox tôngv txưv zơưx, nênhs muôv muôs hax huv tsav phênhv ntâu, viv li hâux lưv yax mông, vênhv tôngv tsôngv box cxaz chuôz BHXH txưv zênhv zos lok six zuôr trâus, chiê tsôngv box tsi cxơưx lok ntu lâuk.“Nhiv no pêz tsênhv sir jos krêz uô hâur tsôngv box chiê uô li chas cov côngz xưv BHXH tâu tas nro tsôngv box cxaz chuôz”.

          Chiê côngz xưv yax mông tax chêx cuk, BHXH tỉnh Yên Bái tsênhv sik côngv đros chính quyênx tiv phaz muk txos tsôngv box yênhx thax tsav qơư nhoz, tsêr nhoz uô yax mông, car chêx paz tsôngv box pâuz tsênhz đuô lok chính sách BHXH txưv zênhv thiêz liv zix muôx tâu thâuv cxaz chuôz BHXH txưv zênhv. Zơưv Nguyễn Hồng Phong, Phưv chủ tịch UB xã Tuy Lộc, TP Yên Bái puz pâuz: Txos nhiv no, tas nro xã nhiv kruôr muôx zuôr xar 40 lênhx nênhs cxaz chuôz BHXH txưv zênhv. Tiv iz pưv phênhv tsôngv box li jênhv pâuz kis; ntâu ziv chuôz zis mak kinh têr txov nhêv; tiv zix zos tsênhv muôx ntâu lênhx nênhs xar tiêk BHXH txưv zênhv cux xưk li têx zav Bảo hiểm muôv muôs viv li tsi xar cxaz chuôz. Ntu zuôr txos, xã zuôr sir jos côngv đros cán bộ BHXH chuôz tsar yax mông chiê tsôngv box pâuz thiêz sir jos cxaz chuôz.“Nhiv no lênhx nênhs cxaz chuôz tsênhv kis, pêz li tsưr ziv hâur ntu zuôr txos zos sik côngv đros BHXH tỉnh, têx ban nganhx đoanx thêv tiv phaz chiê uô jông côngz xưv yax mông, uô li chas chiê pox nhuôs sir jos cxaz chuôz BHXH txưv zênhv”

          Shông 2021, txơưv njiz ntâu phêv liv tiv moz Covid-19, taz sik đros tas nro cxix luôk chinhr trị li sir jos, Yên Bái tưz huôv tsar muôx 7 cxênhz 700 ntâu lênhx nênhs cxaz chuôz BHXH txưv zênhv. Tas nro tỉnh sir jos txos tas shông no, lênhx nênhs cxaz chuôz BHXH txưv zênhv zos 24 cxênhz ntâu lênhx. Zơưv Phạm Quốc Tuấn, Phưv giám đốc BHXH tỉnh Yên Bái puz pâuz:“No zos Đangv, têz qơưk li chính sách lox chiê uô li chas cov tas nro tsôngv box thiêz têx zav kinh têr puôr lênhx tâu cxaz chuôz BHXH. Lok cơ chế, chính sách thiêz têz qơưk li cui tênhv mak nganhx BHXH tưz tsưr tsix yax mông thiêz shông tưs cux tsov cưv txos côngz xưv no, thôngz đhâu lok six ntâu kênh, ntâu tsưr ziv uô thiêz muôx tas nro cxix luôk chính trị sik côngv chox kriê”

          Chiê uô qơư tsov txos zos krêz đar lênhx nênhs cxaz chuôz BHXH txưv zênhv, BHXH tỉnh Yên Bái xav tênhv tror uô jông têx jênhv vưv sâu, thêv, hlôngr yiêz ntâuz ntơưr hành chính... Taz sik, chiê huôv tsar tâu ntâu đuô lênhx nênhs cxaz chuôz BHXH txưv zênhv, đrâuv nganhx BHXH li sir jos, lok six zuôr trâus txos tsôngv box thiêz têx tsưr tsix chinhr trị-xã hội li sik côngv siêz uô, chiê uô hlôngr yiêz jông têx cấp ủy đảng, chinhr quyênx, doanh nghiệp sir zôngv lox tôngv, nênhs lox tôngv thiêz tsôngv box li jênhv pâuz lok BHXH txưv zênhv./.

(VOVTB-Txâur Vax cxeik nhênhv)