Phax tar moz Covid-19, Lai Châu uô đrux ntov luôs hâux lưv seiz car têx yêz kruô muk lol hâur six hơưv tsiêz

Qơư tsav yêz kruô tỉnh Lai Châu têx hnuz hâur kaz shông, chor kruô lol muk trâu têx tỉnh, TP tiêx đras thiêz nênhs lox tôngv muk uô nox đêz tror lok Lai Châu nox tsiêz muôx chôngz nênhs đuô txix 5 six sơưr nzor tax txos 12 six iz tas hmo. Chiê taz por luôs hâux lưv phax tar moz Covid-19, chor lươngv cux tưz uô đrux ntov luôs hâux lưv seiz car têx yêz muk lol thiêz tâu chor doanh nghiệp sik hux jos paz. Tix lâus Đoàn Xuân Thanh, tsar yêz thâux xa kruô trâu tsưr yêz Hưng Thành txix Lai Châu muk Hà Nội heik pâuz:“Nhiv no muôx kruô, pêz heik cov kruô uô lơưr jông têx tsưr ziv lok phax tar moz, pheiz ntâuz bos kror ndâux, muôz cuô yuôx nzuôr têk thiêz thâux kruô trơưk li ngênhx zoz thôngz cui tinhv. Thâuv kruô muk, pêz nus lơưr qơư nhoz, nus qơư lơưr uô hâux lưv hur si thiêx thâux, zos tsi uô li mak pêz cux tsi thâux xa. Chor thax tsav li Hải Dương, Quảng Ninh zos qơư cuz nxor lok muôx moz, nhiv no kruô lok, pêz tsi yuô xar thâux, zos muk txix suôv qơư muôx moz lok, pêz zênhx tsi thâux li”.

Tỉnh Lai Châu nhiv no muôx 35 taz viv muôx yêz lox thâux xa kruô muk lol; hâur co ntơưv qơư tsa yêz kruô tỉnh muôx 10 taz viv yêz lox thâux xa kruô. Chiê taz por truôx tuk trâu hâux lưv phax tar moz, Ban seiz car qơư tsav yêz tưz tso canr bôv tsi so qênhz yuôx shuôs, heik chor nênhs uô hâux lưv lênhk tok kruô trâu têx taz viv muôx yêz lox thâux xa kruô  uô lơưr têx tsưr ziv phax tar moz Covid-19. Zơưv Nguyễn Minh Sơn, Giám đốc qơư tsa yêz kruô tỉnh Lai Châu heik pâuz: Tas nro têx lênhx kruô muk thiêz lok hâur thax tsav đhâu qơư tsav yêz puôr lênhx tâu heik pâuz lol zuk lênhx nênhs, đas jos thiêz muk txix thax tsav qơư tưs lok hâur 21 hnuz chiê ntơưv qơư tsav yêz pâuz. Lưv lươngv thanh tra zoz thôngz uô hâux lưv thơưv hnuz thơưv hhmo ntơưv qơư tsav yêz thiêz qơư qênhz shuôs moz sâuv cxuô cêr muk lol chiê qênhz yuôx shuôs hur si têx yêz muk lol hâur thax tsav:“Qơư tsav yêz cux xav tinhv zos qơư zôngx ziv siz cik tâu moz hâur côngv thôngx, chênhr viv li jiês no, pêz sir jos uô jông luôs hâux lưv qênhz yuôx, qênhz shuôs têx yêz muk lol đhâu hâur qơư tsav yêz cux iz zav li têx hâux lưv phax tar moz”.

Txos nhiv no, tỉnh Lai Châu tsi tâu pov muôx lênhx nênhs tưs trâul moz Covid-19. Taz sik, nhiv nor ntơưv qơư tsênhv uô lơưr tsưr ziv kuôk cêv y tế trâu zuôr xar iz cxênhz lênhx nênhs, hâur co muôx 600 ntâu lênhx tâu xav zos zôngx ziv cik tâu moz tsênhv tâu seiz car, sox njuôk shuôs đal jos, tso lơưr nhoz lơưr iz kro trơưk cui tinhv thiêz zuôr xar 300 lênhx tâu nhoz jê, buôk ti đros chor nênhs moz tưz tâu qênhz pov. Zơưv Nguyễn Văn hưởng, Phưv Giám đốc Sở Zoz thôngz tỉnh Lai Châu heik pâuz: Txix moz têx huôv xênhz txơưr txar phiv liv, thâuv ntâu thax tsav qơư tsi so qênhz pov chor nênhs trâul moz yiêz. Sở Zoz thôngz tỉnh Lai Châu tưz heik têx taz viv muôx yêz lox thâux xa kruô muk lol uô lơưr jông têx cui tinhv lok phax tar moz Covid-19:“Ngênhx tưz chox kriê têx phongx, ban cik txos yax kriê txos trâu chor doanh nghiệp muôx yêz lox, doanh nghiệp qơư tsav yêz heik cov lơưr uô jông trơưk têx cui tinhv qênhz yuôx lok sâuv bê têx lênhx kruô cheix yêz muk lol, chiê uô qơư yơưz phơưz, qênhz pov chor nênhs zôngx ziv trâul cik tâu moz uz no trâu cơ quan seiz car thâuv zuôr trâul txos; thiêz uô jông trơưk têx cui tinhv lok phax tar moz thâuv thâux xa kruô muk lol tâus cêr”.

Moz Covid-19 têx huôv xênhz txơưr txar phiv liv yiêz nhiv no tưz tâu chor nênhs nhênhz chơưv khav tinhv, siz cik tâu sei đuô thiêz zôngx ziv uô tuôs nênhs đuô. Chênhr viv li, iz chas cơ quan muôx vax huôv têx sir jos phax tir thêir, tsôngv px cux tsuv gra siêz tsưr ziv jênhv pâuz, tsi tâu tso siêz, chiê taz por truôx tuk trâu zuk lênhx nênhs, chuôz zis thiêz tas nro XH./.

(Khắc Kiên-Riê Lâux cxeik, nhênhv)

Vax huôv cxaz chuôz siz bâus hâur têx hâux lưv vênhx huôv

Hiến Pháp shông 2013 tưz hêik tsênhz mênhx txos têx vax huôv vênhx huôv ntơưv Grê 5, Grê 41, Grê 42. Lơưr co, cxuô lênhx nênhs, hâur co muôx tsôngv box mênhx cxưx tsơưs nênhs muôx vax huôv tâu cxaz chuôz trâu chor hâux lưv hâur luz nênhx vênhx huôv thiêz tuôr chiê têx vênhx huôv jông; vax huôv tâu sir zôngv thiêz hêik pâuz têx luk hêik ntơưr sâu thiêz xêir tsov têx luk hêik chiê thav luk; vax huôv tâu nriêr pâuz thiêz tâu sơưv liv têx tsiv gri vênhx huôv. Hâur co, vax huôv tâu cxaz chuôz trâu têx hâux lưv vênhx huôv tâu sêiz zos kror paz trâu yênhx lênhx nênhs huôv tsar zuk cux xưk li chuôz cxaz uô zuk cxuô kror đros trâu côngv thôngx, tâu sêiz muôx gri, por vêv, thiêz tâu uô trơưk têz qơưk thôngz đhâu têx tsưr ziv “cxuô lênhx nênhs muôx vax huôv siz bâus lơưr chêi têz qơưk thiêz tsik trâus sêiz tsik muôx grik sâuv cxuô kror hâur luz nênhx”. Yênhx lênhx nênhs puôr lênhx muôx vax huôv sir zôngv têx qơư vênhx huôv tâu Têz qơưk, xar hôiv thiêz côngv thôngx cxiv tsa, iz zav li: têx qơư uô si công côngv, công viên, tsêr vênhx huôv, thư viện, tiêx vận động, bảo tàng, qơư internet công côngv. Đros co, vax huôv tâu buôs ti, vax huôv tâu côngz jênhv, vax huôv sưv đros thiêz vax huôv cxaz chuôz trâu luz nênhx vênhx huôv tsênhv tâu taz por thôngz đhâu Hiến Pháp têx cui tênhv lok mênhx cxưx li “vax huôv xav jênhv zuk mênhx cxưx, sir zôngv zuk têx luk hêik, xêir tsov têx luk hêik chiê thav luk”.

Lơưr pos Nguyễn Thị Hải Nhung, Vụ trưởng Vụ Vênhx huôv mênhx cxưx, Bôv Vênhx huôv, Thể thao thiêz Du lịch: Chiê uô truôx jông vax huôv no, pêz têz qơưk tưz tsik zos tso tơưv têx chêi paz uô lơưr pháp lý trâu uô têx vax huôv mak tsênhv muôx têx tsênhv chêi, đề án tuôr chiê thiêz huôv tsar vênhx huôv li: Đề án tuôr chiê, huôv tsar vênhx huôv cxuô mênhx cxưx tsơưs nênhs Việt Nam txos shông 2020 lơưr Quyết định số 1270/QĐ-TTg lok sik Bôv Zoz zux li cui tênhv lok hâux lưv tso tơưv tsưr ziv kriê luk mênhx cxưx tsơưs nênhs trâu cán bộ, công chức uô côngz xưv ntơưv thax tsav mênhx cxưx tsơưs nênhs; tuôr chiê, phuôx huiz têx tsôngk yo cxôngx nzor cxuô mênhx cxưx tsơưs nênhs Việt Nam hâur ntu nênhx nhiv no. Tiv zix hâur Đề án huôv tsar cxuô nro kinh têr xar hôiv thax tsav tsôngv box mênhx cxưx tsơưs nênhs thiêz tox siêz ntu 2021-2030 mak cux tsês iz ncxiê kror cik txos, chiê tuôr chiê, phuôx huiz tâu têx tsiv gri vênhx huôv thiêz vax huôv cxaz chuôz trâu chor hâux lưv vênhx huôv mênhx cxưx tsơưs nênhs thiêz tox siêz.“Tsêx trung kriz uô Côx hôiv li Nghị quyết số 88 lok tso tơưv Đề án huôv tsar cxuô nro kinh têr xar hôiv thax tsav tsôngv box mênhx cxưx tsơưs nênhs thiêz tox siêz ntu 2021-2030 chiê tuôr chiê thiêz phuôx huiz tâu truôx jông mênhx cxưx tsơưs nênhs têx tsiv gri vênhx huôv vật thể thiêz phi vật thể chiê paz gra siêz đuô kror tâu sơưv têx vênhx huôv thiêz phuôx huiz  tâu tsôngv box mênhx cxưx li kror uô tsưr hâur cxiv tsa luz nênhx vênhx huôv”.

Taz sik, cux tsuv ndo njôngr tiêk, vax huôv cxaz chuôz trâu luz nênhx vênhx huôv tsik zos iz kror vax huôv tas nro, lơưr co, vax huôv no cux zuôr tsuv tâu uô trơưk têx cêr chêi têz qơưk thiêz tâu uô trơưk têx kror muôx hâur Grê 14 Hiến pháp shông 2013, tsênhv tsênhz zos têx kror “tsuv tâu uô trơưk viv côx phax, ngaz tuk têz qơưk, ngaz tuk xar hôiv, shưz xar xar hôiv, côngv thôngx li đas jos”./.

(VOV4-Lik Thox cxêik nhênhv)