Jax sâu thưr 4, hnuz xiêz 5/04/2017:

Điện Biên sir jos por hưv jông têx jôngr ntông Mường Nhé

     Hnuz xiêz 1/03/2017, ciês thâuv uỷ ban tỉnh Điện Biên luôs hâux lưv tso tơưv zos 420 tâu fuô yax kriê, zuôr xar 500 lênhx canr bôv, chiến sỹ têx lưv lươngv, hâur ntơư, lar heik zos Công an tỉnh tưz tâu chuôz tsar muk trâu huyện Mường Nhé. 7 tổ côngz xưv zênhx max tâu yênhx lix, hâur ntơư 6 tổ buôk ti muk yênhx thax tsav seiz car 11 xã thiêz iz tổ thường trực nhoz trâu ntơưv tsênhv qơư huyện. Luôs hâux lưv zov chênhr xuz thơưx zos xav tinhv têx lênhx tsôngv box khiêr têz qơưk lok nhoz hâur huyện thiêz yax kriê trâu tsôngv box lok sâuv gra siêz txux chi, tsưr ziv por hưv jôngr.

    Cxaz chuôz dự iz jiês cơưv jêx jok ntơưv jok Si Ma 2, xã Chung Chải đros tổ côngz xưv lênhx ngênhx, 100% ziv chuôz zis tsôngv box hâur jok puôr lênhx jông siêz, thôngx ziv đros tsênhv njiêz yax kriê tsi ntor luôx, uô ruôr hiêv têx jôngr ntông thiêz phax tir thêir tsi chiê tsôngv box khiêr têz qơưk tsi trơưk chei lok nhoz hâur thax tsav. Têx tsênhv njiêz yax kriê txix pheiz têx ntơưr piêr kriê txix 2 zav luk zos luk Choz Tsiz thiêz luk Hmôngz tưz paz tsôngv box sơưr đơưk pâuz tsênhz đuô têx cui tinhv lok sâuv kror tưs tâu chei uô, kror tưs tsi tâu ntor luôx têx shôngz ntông....; thiêz heik kriê trâu têx cơ quan muôx vax huôv thâuv pov tsôngv box khiêr têz qơưk tsi trơưk chei lok nhoz hâur thax tsav. Ntơưv jiês cơưv, têx chuôz zis tsôngv box puôr lênhx thôngx ziv cir ntơưr nhav taz  por txiv ngaz, ngaz tuk, tsi tsir têz qơưk, tsi ntor luôx têx jôngr ntông tsi trơưk chei trâu lênhx tsar jok thiêz tổ côngz xưv. Tix lâus Phar Chiz Xênhv Vưx, tsar jok Si Ma 2, xã Chung Chải, huyện Mường nhé heik:

     "Tsôngv box sơưr đơưk hâur jok thôngx ziv tiêk, cux tsuv sir jos tsi chiê lênhx tiz nênhs tưs khiêr têz qơưk tsi trơưk chei lok nhoz nzir hâur thax tsav no. Tiv 2 zos lok sâuv seiz car, por hưv têx har jôngr, kror no cux tâu tsôngv cưr tix nênhx tsa cir ntơưr nhav tas, txix nhiv no tror zar muk zos lênhx tưs tsi mnôngs trơưk chei têz qơưk kriê lok sik muk ntor luôx, uô hiêv têx jôngr ntông mak chuôz zis ntơư taz txơưx jênhv trâu têx cơ quan muôx vax huôv".

     Taz sik tsi tiêk thax tsav qơư tưs, têx tổ côngz xưv cux nzor pâuz thiêz txeik tâu tsôngv pêx xênhv sơưr đơưk têx cêr jông siêz, thôngx ziv uô trơưk têx chei fuô kriê. Nhoz thiêz uô hâux lưv trâu ntơưv xã Leng Su Sìn, thax tsav qơư cuz nxor lok sâuv khênhr muôx yưv qênhx shênhx ntor luôx jôngr thiêz khiêr têz qơưk tsi trơưk chei hâur huyện Mường Nhé, têx canr bôv, chiến sĩ tổ côngz xưv ntơưv no chuôs li tsi muôx six hơưv so. 30 lênhx canr bôv, chiến sỹ tsuv nox nhoz, xênhz huôx hâur tsêr vênhx huôv jok Phứ Ma grêiv thiêz ti hâur ntu nhoz uô hâux lưv seiz car, kriê tsôngv box sơưr đơưk uô nox. Niêx hnuz, têx canr bôv, chiến sĩ tsuv muk trâu têx thax tsav, xuz tsuôs mak têx lênhx nênhs ntor luôx, co ntông tsi trơưk chei chiê qênhz shuôs, muk jêx jok yax kriê tsôngv box tsi ntor luôx jôngr, tsi khiêr têz qơưk tsi trơưk chei.....

     Trung tá Lâm Quốc Phương, phưv tsar phongx PA88, Công an tỉnh Điện Biên, Tổ phưv seiz car thax tsav xã Leng Su Sìn heik pâuz: tsuôk muôx meir cơư ntông thiêz trâux xưz, hâur nhos 4-5 hnuz, iz lênhx nênhs muôx meir, ntor luôx, cơư tâu 6 cxênhz yiv đruôz ntông phax  phưv. Têx lênhx nênhs li heik no hâux lưv ntor luôx, cơư têx ntông ziv hnuz ziv txơưx jêik thiêz nhiês ntor luôx, cơư. Ntâu lênhx nênhs, lơưr zôngv meir cơư tsuôk cơư 2/3 tuk ntông hâur jôngr, tok txos thâuv muôx chuô lox mak iz ndis thax tsav têx ntông ntơư chiv chir vâu lok siz ntâuk kâus trâu hâur ar. Chênhr viv li, thâuv qênhz pov têx ntông tưz vâu tas co cux lax pâuz tâu mênhx, shor zos lênhx tiz nênhs tưs ntor. Ntâu lênhx mak heik lơưr tsênhv tsi mnôngs:

    "Hmo xiêz 4/3/2017, thâuv ntơư muôx 9 six tsâuk ntux, pêz txeik tâu mông, tsôngv box lơưr heik tiêk, muôx iz lênhx nênhs zôngv meir cơư, ntor ntông pêv har jôngr. Thâuv ntơư pêz tưz zênhx max tso nênhs muk qênhz shuôs hlo thâuv hmo ntux. Muk txos qơư, tổ côngz xưv tưz cov tso tsês tsi cxoz ntor, cơư ntông, lênhx tiz nênhs no tưz zôngv meir cơư lok tir tổ côngz xưv thiêz liv zôngv thâuv hmo ntux tsi pov cêr, lênhx nênhs heik no tưz tso têk khiêr gâuv".

     Hla đhâu têx phiv liv thiêz uô hâux lưv txov nhêv njuôr, đhâu iz hlik sir jos uô nuv, têx tổ côngz xưv tưz tsưr tsix 118 jiês cơưv đros tsôngv box sơưr đơưk, muôx zuôr xar 4.500 lênhx cxaz chuôz; pheiz tâu 2.700 đeiv ntơưr fuô kriê thiêz tsưr tsix trâu 4.300 ntâu chuôz zis cir ntơưr nhav tsi khiêr têz qơưk mul lok tsi trơưk chei, tsi ntor luôx jôngr. Đhâu qênhz shuôs, têx lênhx tsôngv box khiêr têz qơưk lok nhoz hâur thax tsav shông 2017 zos 31 chuôz zis, 109 lênhx nênhs. Nhiv no, têx tổ côngz xưv tưz vênhv tôngv, muôz yêz xa lơưr tror lok mul trâu lơưr kuz têz kuz qơư 25 chuôz zis, 79 lênhx nênhs.

    Đhâu qênhz yuôx, qênhz shuôs, lưv lươngv muôx vax huôv tưz qênhz pov 49 txuz, 76 lênhx nênhs ntor luôx, uô hiêv têx jôngr ntông, xav hur si têx jôngr ntông trâus ntor luôx, cơư tas xar muôx 280 cxênhz xưv phaz. Cơ quan Công an tưz qir xơưz xưv 15 txuz, 16 lênhx nênhs ntor luôx, uô hiêv têx jôngr ntông, xưv bluô uô cxâuv hành chính 13 txuz, 14 lênhx nênhs; tsênhv qênhz yuôx, xav jênhv uô tsênhz mênhx 21 txuz. Thiếu tướng Hồng Xênhv Shôngx, Giám đốc Công an tỉnh Điện Biên-Cơ quan thường trực tỉnh tsưr ziv 420 heik pâuz:

    "Hâur six hơưv zuôr txos, Ban chox kriê tror chox kriê têx tổ côngz xưv qênhz shuôs cov tâu têx lênhx tsôngv box mak lơưr khiêr têz qơưk lok nhoz hâur Mường Nhé chiê nhênhz chơưv trâu cấp ủy, hâu nov muôx têx tsênhv chei lok sik têx tsưr ziv chiê đơưk uô hâux lưv no. Đros thiêz têx chuôz zis tưz lok nhoz  hâur Mường Nhé tâu ntâu shông, lơưr tưz truôx tuk luz nênhx, muôx vax tsêr nhoz, muôx ar uô liêx têz mak fuô kriê trâu lơưr uô têx ntâuz ntơưr, sổ hộ khẩu....trâu lơưr chiê tsôngv box muôx vax huôv uô lơưr têx tsênhv chei têz qơưk".

     Hâu nov Công an tỉnh Điện Biên cux heik pâuz, six hơưv zuôr txos, lưv lươngv car uô đreiv luôs hâux lưv heik sâuv zuôr tror qênhz shuôs thiêz sir jos uô jông têx hâux lưv zok muôz hâur thax tsav huyện Mường Nhé, tror kuôk cêv, por hưv thiêz choz trâu tsôngv box seiz car. Đros thiêz têx thax tsav jôngr ntông mak trâus ntor luôx, uô ruôr hiêv, zuôr tror heik cov chos nzir trâu thiêz muôx têx tsênhv chei trâu tsôngv box chiê tsôngv box moz siêz đros por hưv têx jôngr ntông.

Iz chas ntơư, têx tổ côngz xưv tror tsưr tsix cơưv tsôngv pêx xênhv sơưr đơưk, cir ntơưr nhav, pheiz têx ntơưr fuô kriê, vênhv tôngv tsôngv box sơưr đơưk tsi ntor, luôx jôngr thiêz khiêr têz qơưk mul lok tsi trơưk chei, zênhx max xưv bluô têx lênhx tiz nênhs uô ruôr hiêv jôngr thiêz uô têx nuv tsi trơưk chei li: tir ntâuk têx lưv lươngv muôx vax huôv. Chor tổ côngz xưv tror đros hâu nov ntơưv qơư đơưk tu zênhx max têx cuz nxor, phiv liv lok sik tsôngv box sơưr đơưk têx tsưr ziv, siêz xar./.

                                  (Vũ Lợi-Riê Lâux cxeik, nhênhv)

Phênhv thưr 4.5.4.2017:

Yuôx njuôz paz kho moz tso jis thax

          Điz iêz: Zos fôngx zưs trâus moz tso jis thax zav 2, tsuv hâuk iz ntiv cuô điz iêz iz hnuz. Điz iêz tsi taz paz txu grês thax hâur nyar mak tsênhv muôx txux zôngv phax tar moz trưx phax, moz plơưr...

          Tsoz cà ri: Zos nênhs Ấn Độ li iz zav yuôx chax chês. Zav yuôx no tâu chos  ntâu sâuv ntâu têz qơưk nhoz sâuv ntiêx têz. Cux jông li điz iêz, cà ri cux muôx njik iêz. Muôx txux zôngv kho moz tso jik thax cxôngx zôngv blôngx thiêz txir cà ri. Lơưr nhênhz chơưv nênhs trâus moz tso jik thax zos hâuk iz điêr nôngz cà ri tsâu đêx đhâu iz hmo mak zuôr paz uô txu grês thax muôx hâur nyar. Taz sik tsuv hâuk thâuv sơưr nzor hâur hnuz.

        Nha đam: Zos iz zav yuôx muôx njik iêz. Muôx ntâu txux zôngv kho moz li: kho thâuv trâus cuz nhiêz, siz mêx siêz, uô luz chêr lax khiêv đuô. Yuôx li chor cuô zôngv kho tsi tâu moz tso jik thax. Zông yuôx nha đam, blôngx ciêv fix thiêz iz đraz điêr môngr kriêr đax đo uô cê, hâuk uô ntêx iz six hơưv thâuv nox su lok sik nox hmo zuôr paz nênhs moz txu grês thax hâur nyar.

         Tsoz húng quế: Húng quế thiêz hnar liêz muôx txux zôngv kho moz tso jik thax. Zôngv iz tês blôngx húng quế juôx thiêz chox mul râuz đros iz ntiv đêx chox lol liv chiê hâuk trâu tas cik hnuz tov kaz. Nox 2-3 blôngx húng quế hâur hnuz cux muôx txux zôngv kho moz. Zôngv 3-4 blôngx txir trâuv buô nzuôr cov hur, râuz bâu tsês iz hmo. Tas cik hnuz tov kaz muôz liv hâuk thâuv sơưr nzor uô ntêx thâuv nox yeik. Tsov cưv tsi cxoz uô lơưr tsưr ziv no ntâu jiês hâur iz hnuz, viv uô li ntơưv zuôr txu grês thax muôx hâur nyar ntâu lok six riêz nênhs. Tsưr ziv no tsuv uô jông zuôr paz kho moz gênhs..../.

( Thu Thùy- Txâur Vax cxeik nhênhv)