Yên Bái: Tsôngv box tsov cưv txos têx cui tênhv txưr tsi hâuk chơưr thâuv tsar yêz muk lok tâus cêr

          Ntêr lol no, hâuk chơưr tưz yênhx ntâu lênhx tsôngv box tox siêz li iz cêr cor cav. No cux zos iz hâur têx qir tiv uô muôx yưv ntâu txuz txiêz nanv zaoz thôngz zov chênhr. Hâur têx hnuz xuz thơưx uô Chei phax tar chơưr, bia li txux hiêv thiêz Nghị định 100/2019/NĐ-CP muôx txux zôngv, tsôngv box tỉnh Yên Bái tưz muôx têx tsov cưv jông txos hâux lưv no. Ntơưv têx qơư công côngv lok sik hâur têx chuôz zis tsênhv sik seiz lax lok têx hâux lưv trâus txưr li: tsar yêz cxaz chuôz zaoz thôngz mak hâur nyar lok sik uô pa pov muôx chơưr; hâux lưv zâuv lênhx nênhs txơưr hâuk chơưr, bia; nênhs tsi tâu txâuk 18 shông hâuk chơưr, bia; cán bộ, công chức, viên chức, nênhs lox tôngv hâur têx chiz coaz, tsưr tsix, sĩ quan, hạ sĩ quan, quân nhân chuyên nghiệp, chiến sĩ, nênhs uô hâux lưv hâur lưx lươngv vũ trang; shux xênhz hâuk chơưr bia hâur six hơưv uô hâux lưv, cơưv ntơưr thiêz hâur six hơưv so hâux lưv, cơưv ntơưr....Tix lâuk Nguyễn Huy Hoàng, tsôngv box đrôngs Yên Bái puz pâuz:“Cur thâuv tnêx cux khênhr hâuk chơưr, bia. Thâuv pâuz muôx nghị định no mak cur zuôr uô jông uô trơưk, thâuv hâuk chơưr bia mak tsi tsar yêz cxaz chuôz zaoz thôngz. Cur zuôr yax kriê cur chuôz zis, lênhx nênhs cxênhz jê, fôngx zưs thâuv hâuk chơưr bia mak tsi cxoz tsar yêz cxaz chuôz zaoz thôngz”.

          Ntơưv têx tiv phaz, chinhr quyênx têx cấp cux chêx chôngk lok côngz xưv thôngz xor mông, zaoz zux, yax mông chiê muôz siêz jênhv pâuz, hlôngr yiêz tsôngv box li cêr cor cav hâuk chơưr bia, tiv zix zos tsôngv box tox siêz, qơư muôx cêr cor cav hâuk chơưr bia ntâu. Thôngx cxix heik kriê tsênhz mênhx têx cui tênhv yiêz hâur hâux lưv sir zôngv chơưr bia txos cán bộ, công chức, viên chức thiêz nênhs lox tôngv hâur têx chiz coaz, taz viv, đhâu co uô jông trơưk cêr chei, tsi uô cxâuv cêr chei. Zơưv Lê Huy Quang, Phưv chủ tịch UB xã Đông An, huyện Văn Yên puz pâuz:“Uô ntêx thâuv chei no muôx txux zôngv pêz tưz cxiv tsa tsưr ziv thôngz xor mông sâuv Đeix, đrâuv co pêz heik pưv phênhv vênhx huôv-thôngz xor mông sir zôngv loa nta suôz mul txos têx jêx jos yax mông trâu tsôngv box. Đros cán bộ, công chức, viên chức pêz txưr tsi hâuk chơưr bia hâur six hơưv uô hâux lưv”.

          Nhiv no lưx lươngv cảnh sát zaoz thôngz tỉnh Yên Bái cux tsênhv muôx têx jiês qênhz yuôx yưr lir uô cxâuv lok taz por zaoz thôngz, hâur co tsov cưv yưr lir uô cxâuv hâuk chơưr bia. Lơưr co, krêz uô têx qơư qênhz yuôx sâuv têx cêr thiêz thax tsav tsênhv, truôx siêz yưr lir txos qơư têx uô cxâuv. Thiếu tá Bùi Quốc Quỳnh- Tuêv tsar tuêv cảnh sát zaoz thôngz Công an huyện Văn Yên puz pâuz:“Cuiz tênhv yiêz lok hâux lưv hâuk chơưr bia đros lênhx nênhs tsar yêz cxaz chuôz zaoz thôngz mak tas nro têx lênhx nênhs tưs hâuk chơưr. Bia cxaz chuôz zaoz thôngz puôr lênhx zuôr trâus yưr lir. Chiê uô jông vênhv thix no uô ntêx pêz tsuv uô jông côngz xưv yax mông txos tas nro tsôngv box, nênhs cxaz chuôz zaoz thôngz”.

          Lơưr nênhs sâu xor xưv li sâu jênhv ntơưv iz cxiê qơư nox hâuk sâuv thax tsav tỉnh Yên Bái, têx đeiv ntơưr sâu “Đhâu hâuk chơưr, bia tsik tsar chiê tsar yêz” tưz tâu đei ntơưv têx qơư zôngx ziv pov tâu chiê yax mông, canhv pov tsôngv kruô tuôx nox hâuk  pâuz txos./.

(Thừa Xuân- Txâur Vax cxeik nhênhv)