Jax sâu thưr 5 hnuz 6-10-2016

Tox siêz yên Bái  hâur têx hnuz shông cơưv yiêz , tưz tso tsês jux juk  têx tsêr cơưv jêx jok

Shông cơưv no, tsêr cơưv cxênhx iz xar Chêr Cu Nha, huyện Mux Cang Chaiv tok muôx 120 ntâu lênhx shux xênhz txix chor tsêr cơưv jêx jok lok trâu tsêr cơưv tsênhv qơư. Chôngz lênhx muk tsik cav đêz tsêr viv li cux kuôx thiêz hêik xar lok tsêr, chor cưk kriê ntơưr tưz uô jông hêik thiêz sêiz shuôk chiê chor nhuôs tso siêz. Đros chor shux xênhz lớp 1 tsênhv zâu, đrâuv chor cưk kriê ntơưr li tsoz phưz, sêiz shuôk mak tsênhv tâu tsêr cơưv tso chor shux xênhz hloz lớp siêz đuô sêiz shuôk. Cưk kriê ntơưr Nguyễn thị Kim Thanh, hiệu trưởng tsêr cơưv ntơưr puz pâuz:

 “Kror zôngx ziv zos chor shux xênhz txix pêv jok tuôx ntơưv no mak cxuô zav taz por đuô. Chor shux xênhz tâu nox nhoz, cơưv ntơưr ntơưv tsêr cơưv chênhr mak cur pov chor cưk kriê ntơưr ciês trâu shux xênhz ntơưv lớp viv li tsơưr lươngv taz por. Taz sik phiv liv tiv zix zos chor shux xênhz lớp 1 tsênhv lok six zâu thâuv tuôx ntơưv no niêv txir cux cxơưx, taz sik cux tsuôk zos 1,2 shông xuz thơưx xưz jux juk cux zuôr muôx chêx cur đuô”.

Shông cơưv no, tsêr cơưv phôv thôngx mênhx cxưx niêv txir zus mor cxênhx iz thiêz cxênhx oz xã Trạm Tấu, huyện Trạm Tấu tso shux xênhz 5 tsêr cơưv nhoz jêx jok lok trâu tsêr cơưv chênhr. Tas nro chor shux xênhz txix chor tsêr cơưv nhoz jêx jok lok trâu tsêr cơưv chênhr zos 195 lênhx, uô trâu chor shux xênhz hâur tsêr cơưv ndê muôx 560 lênhx nhoz 18 lớp. chiê tax tâu cxix cxuô zoz qơưx cơưv ntơưr trâu chor shux xênhz, ciês hâur chêix so sor, tsêr cơưv tưz tso shux xênhz nyêis yêv tas nro chor trôngx tos, ntơưr cơưv đros chuôz zênhx cơưv ntơưr txix chor tsêr cơưv nhoz jêx jok lok trâu tsêr cơưv chênhr. Cưk kriê ntơưr Nguyễn thị Thanh Hiền, Hiệu trưởng tsêr cơưv ntơưr puz pâuz:

 “Xuz thơưx mak tsêr cơưv ntơưr uôplas tiêx chiê yêv cxuô zav txix têx tsêr cơưv nhoz jêx jok lok, thiêz cux yêv oz qar zos qar thư viện thiêz chuôz zênhx muk trâu qar hanhx chính chiê zôngv uô 2 qar cơưv ntơưr trâu shông cơưv 2016-2017”.

Pos Nguyễn Lan Hương, phưv trưởng phongx zoz zux thiêz thox cxov huyện Mux Cang Chaiv hêik: Uô lơưr Đêx anr kho đuô têx tsêr cơưv ntơưr, tas nro huyện Mux Cang Chaiv tso tsês tâu 98 tsêr cơưv nhoz jêx jok (hâur co muôx 29 tsêr cơưv nhuôs zâu, 69 tsêr cơưv cxênhx iz). 86 qar cơưv nhoz chor tsêr cơưv ntơưv têx jêx jok tưz tâu txar lok trâu tsêr cơưv chênhr chiê taz por muôx txâuk qơư cơưv ntơưr, nox nhoz trâu shux xênhz…Pos Nguyễn Lan Hương, phưv trưởng phongx zoz zux thiêz thox cxov huyện Mux Cang Chaiv hêik:

 “Cxuô zav, xav tas nro qar cơưv ntơưr, qơư nhoz, qơư uô jâuz mor nox chiê txâuk trâu chor nhuôs li zoz qơưx mak chuôz ndê lok six ntâu. Pêz cux hêik trâu têz qơưk chuôz cxaz yưv pênhr uô cxuô zav chiê tax tâu chor shux xênhz li zoz qơưx. Tiv oz zos thâuv shux xênhz niêv txir zus mor txix chor tsêr cơưv nhoz jêx jok lok nhoz chôngz mak cux phiv liv trâu côngz sêiz shuôk shux xênhz….”

Ntơưv huyện tox siêz Trạm Tấu, 79 tsêr cơưv nhoz jêx jok cux tâu txar lok trâu ntơưv tsêr cơưv chênhr. Chiê cov uô tâu muôx chêx cur, đrâuv têz qơưk, ntâu tập thể, tiz nênhs li pênhr yưv, paz mak tsêr cơưv ntơưr cux tưz sir jos bax cxuô zav chiê tax tâu zoz qơưx kriê thiêz cơưv ntơưr. Pos Lê Thị Huệ, phưv trưởng phongx zoz zux thiêz thox cxov huyện Trạm Tấu puz pâuz:

 “Phongx zoz zux tưz hêik chor tsêr cơưv ntơưr sik cơưv đros chính quyền chor xã thiêz chor nganhx thành viên uô jông côngz xưv yax kriê txos pêx xênhv thiêz shux xênhz niêv txir, shux xênhz lok uô lơưr Đêx anr qênhz shuôk, kho đuô chor tsêr cơưv ntơưr. Phongx zoz zux cux tưz hêik chor tsêr cơưv ntơưr ciês hâur chêix so sor chiê chor cưk kriê ntơưr, cán bộ, thiêz pêx xênhv tiv phaz bax cxuô zav, txar iz cxiê tsêr cơưv nhoz jêx jok lok trâu tsêr cơưv chênhr chiê uô qơư cơưv ntơưr cux xưk li njêis yêv, kho đuô iz cxiê qar ntơưv tsêr cơưv chênhr chiê uô qơư cơưv ntơưr thiêz nox nhoz trâu shux xênhz”.

Txix nhiv no txos shông 2020, tas nro tỉnh Yên Bái zuôr tso tsês tâu 600 luz tsêr cơưv ntơưr nhoz jêx jok. No zos kror hlôngr yiêz hênhr chiê gra siêz tsơưr lươngv kriê cơưv ntơưr trâu thax tsav jêx jos tox siêz, chiê têx tuz nhuôs tsôngv box cxuô mênhx cxưx tâu cơưv ntơưr hâur cxuô luz tsêr cơưv tsênhv qơư cov tâu truôx xưk li chor tsêr cơưv ntơưr qơư kik. Ciês shông cơưv 2016-2017 no, hâux lưv tso tsês chor tsêr cơưv nhoz têx jêx jok tưz tâu uô ntơưv thành phố Yên Bái, thị xã Nghĩa Lộ thiêz oz huyện tox siêz Mux Cang Chaiv thiêz Trạm Tấu. Txơưv tsênhv yuôr ntâu txov nhêv taz sik txos six hơưv no, chor shux xênhz tox siêz cêr cơưv ntơưr cux zôngx ziv. Jiês xuz thơưx, chôngz lênhx shux xênhz tsik tâu dự ntênhk kriz cơv huv đros nhoz chor tsêr cơưv ntơưv têx jêx jok nhiv no tưz muôx hnuz kriz cơưv xưk li chor tsêr cơưv thax tsav kik. Chôngz lênhx shux xênhz tsik tâu pâuz txos têx cêr lox, yêz lox lok sik têx tsêr tâu cxi uô lox jông mak nhiv no tưz tâu pov…thiêz chôngz lênhx cưk kriê ntơưr tưz tsik tsuv ndê trôngz grêk tâus, hla đêx chiê muk kriê ntơưr trâu chor shux xênhz nhoz têx tsêr cơưv jêx jok tox siêz đêz đrôngs./.

(Đinh Tuấn-Lik Thox cxêik nhênhv)

Phênhv thưr 5, hnuz xiêz 6/10/2016:

Sa Ky Na-Lênhx đảng viên hluôk uô ntêx nyuôk trâu cxuô luôs hâux lưv

Sa  Ky na xênhz shông 1991 hâur iz ziv chuôz zis pluôs nhoz jok Chăm, phường 17, quận Bình Thạnh. Txơưv luz nênhx txov nhêv, taz sik Sa Ky-Na thâuv tưs tưz sir jos cơưv ntơưr, chiê tov kaz ho paz tâu trâu ziv chuôz zis hla đhâu têx cêr txov. Tsưr ziv, siêz xar ntơư tưz uô tâu đros hâu nov ntơưv qơư têx cêr paz, lar heik zos chi bộ jos phố cux paz max txos Sa Ky Na uô tâu tier cxuô luôs hâux lưv Đoanx đros tsưr ziv, siêz xar njôngr sir tas zuk txux chi tsưr ziv chiê paz sđ, lar heik zos têx tuz nxeik hluôk, nhuôs zâu heir nênhs Chăm. Hâur chor shông đhâu, Sa Ky Na tưz sir tas zuk txux chi, pênhr xưv chiê vênhv tôngv têx pênhr nhiêx, đas jos….tsoz phưz trâu têx ziv chuôz zis muôx luz nênhx txov nhêv, têx lênhx tsi muôx qơư khov vav, lênhx nênhs trâus tsơưr tưx da cam….hâur phường 17, quận Bình Thạnh.

Đros trâu têx cêr moz siêz lus uô nuv, Sa Ky Na sir jos cơưv shâuv, cơưv cxaz nzir têx tsưr ziv yuôr trâus hâur cêr uô nuv, hâur ntơư muôx hâux lưv kriê têx tsưr ziv zok nriêr hâux lưv uô trâu têx hluôk nênhs, lar heik zos chor hluôk muôx luz nênhx txov nhêv, xar zok nriêr hâux lưv uô nzor nhoz phường 17 thiêz tưz uô tâu trơưk li tsưr ziv, siêz xar. Chênhr viv li, thâuv lênhk txeik tâu quyết tinhv kruôs txos zuk têx nuv uô jông, Sa Ky Na lok six jông siêz thiêz shir phaz heik:

“ Tâu hâu nov ntơưv qơư moz siêz txos. Iz chas ntơư, Đảng ủy, Ủy ban, cxuô ban ngênhx, đoanx thêv sik côngv tês paz zok nriêr hâux lưv uô trâu têx lênhx hluôk nênhs. Cur đros chi đoanx phường sir jos tsưr tsix uô ntâu zav huv chiê paz tsôngv box sđ huôv tsar uô nox, truôx tuk luz nênhx thiêz uô têx hâux lưv hâur XH….”.

Đros têx sir jos hla đhâu phiv liv thiêz cêr txov hâur luz nênhx thiêz têx luôs hâux lưv uô tâu jông, Sa Ky Na tâu Thành Đoanx TP HCM kruôs zos “ lênhx hluôk nênhs uô ntêx nyuôs cơưv shâuv thiêz uô trơưk Lâuk Hôx cêr uô nênhx jông”, tâu Thành ủy thiêz T.Ư kruôs txos ntơưv jiês cơưv ntâuk grê 4 shông uô lơưr cxiv vênhv tôngv “ cơưv shâuv thiêz uô trơưk Lâuk Hôx cêr nênhx jông”. Shông 2012, Sa  Ky Na txơưv tâu bâux xeir tso nhoz hâur Đảng Cộng sản VN. Niêv lâuk Nguyễn Thị Ngọc Linh, Chủ tịch Hội Liên hiệp pox niêv quận Bình Thạnh, TP HCM heik pâuz:

“ Sa Ky Na zos iz lênhx nxeik hluôk sir jos hla đhâu têx phiv liv, txơưv Sa Ky Na chuôz zis lok six txov nhêv, taz sik thâuv tưs cux sir jos đros uô têx hâux lưv jông siêz paz tsôngv cưr tix nênhx tsa sđ. Hu zâuv têx tuz nhuôs heir nênhs Chăm muôx luz nênhx txov nhêv muk cơưv ntơưr, krêz lớp kriê cxaz nzir têx txux chi tsưr ziv trâu chor tuz nxeik nhuôs zâu. Lar heik moz siêz txos huôv tsar côngv thôngx, hâur ziv chuôz zis mak Sa Ky Na zos iz lênhx nhuôv mnôngs luk thiêz tsiv txiêx, tâu Thành đoanx kruôs zos lênhx canr bôv hluôk heir nênhs tsơưs uô tâu nuv jông thiêz sir jos hla đhâu têx phiv liv hâur luz nênhx nox nhoz”.

Sa Ky Na tsiv nhos zos tsov iêr chi cax thiêz jông chiê ntâu lênhx hluôk cơưv shâuv, uô trơưk./.

( TTTPHCM-Riê Lâux cxeik, nhênhv)