Kuz Tổng Bí thư Lê Khả Phiêu:

Đôngx chir Đỗ Mười zos lênhx heik li chas uô li ntơư

Uô ntêx zos uô tsâuk kuz Tổng Bí thư Lê Khả Phiêu tưz tsês six hơưv, hnuz nhôngs sik thav đros Đeix nta suôz VN. Uô li kuz Tổng Bí thư Lê Khả Phiêu, cox xar li chas lok zơưv Đỗ Mười têx côngz đas jos paz Đảng thiêz tsôngv px VN hâur tir ntâul trok châuz tsưx phưv têz qơưk?

Kuz Tổng bí thư Lê Khả Phiêu: Cur pov Đảng iz lênhx canr bôv hâu nov thênhv siêz, uô hâux lưv tâu ntâu shông; uô ntêx cách mạng hli 8, txơưv thâuv trâus tros châuz ntêk cxov nhoz tux, zơưv Đỗ Mười cux uô siêz truôx bo, viv li thâuv lênhk lês uô cxuô luôs hâux lưv puôr lênhx uô tâu tiêr jông. Zos heik txos têx hâux lưv choz zok trâu tix lâus, txơưv hâur ntu tưs lok tix lâus Mười puôr lênhx uô tâu truôx, tsês chiê ntâu kror jông hâur cxuô luôs hâux lưv. Muôx têx heik mênhx, muôx lok six tsơưs lênhx chox car, lês uô ntâu hâux lưv hâur têx bộ, ngênhx li zơưv Đỗ Mười. Tix lâus Mười zos iz lênhx moz siêz  uô hâux lưv viv têz qơưk, sơưr tơưv txênhz tir ntâul trok châuz hâur tsêr tux Hỏa Lò. Thâuv tơưv tsêr tux lok, sir jos đros tir ntâul trok châuz, tsês chiê ntâu cêr shir phaz. Tix lâus uô Bộ trưởng, đhâu ntơư uô phưv Thủ tướng, Chủ tịch Hôiv đôngx Bôv trưởng, uô Thường trực Bộ chính trị. Tix lâus muôx ntâu tsưr ziv jông đros tir ntâul trok châuz tsưx phưv têz qơưk li: Sir jos uô nuv, siêz jông, sưv jê  tsôngv px, heik li chas uô li ntơư, tsi nhiêv lav tâuk lav heik tsi zos chei. Heik cxuô tix lâus tuk tiz nênhs lok six siêz jông, pâuz ntâu zav, chox car uô tâu ntâu luôs hâux lưv jông, muôx têx heik co zos uô tâu jông cơưk, txơưv thâuv tsênhv uô hâux lưv lok cux iz zav li thâuv so.

Kuz Tổng Bí thư Đỗ Mười zos iz hâur têx lênhx hâu nov uô ntêx nyuôs hâur têx shông xuz thơưx têz qơưk hlôngr yiêz, uô li trơưk cox, kror tưs zos kuz Tổng Bí thư Đỗ Mười li têx uô tâu jông thâuv hâur ntu co?

Kuz Tổng Bí thư Lê Khả Phiêu: Thâuv co muôx ntâu lênhx hâu nov thênhv siêz, hâur ntơư muôx tix lâus Nguyễn Văn Linh. Tix lâus Mười tuôr tâu chei jông, taz sik sir jos tơưv txênhz, lês uô cxuô luôs hâux lưv tsi tiêk viv zuk iz lênhs. Tix lâus cêr uô nênhx li co zos jông, xeir tsov canr bôv cux uô truôx jông, tix lâus lênhx tiz nênhs ho sir jos moz siêz uô nuv, siêz ndax thiêz jông viv li zos heik đhâu mê njik pêz cux pov jông. Chôngz lênhx ntâu tuk canr bôv njênhs njôngr thiêz muôz tix lâus Mười sêiz tsiv grê, pov tâu tix lâus têx tsưr ziv lês uô hâux lưv, siêz jông, li ntơư canr bôv yênhx nênhs, hâux lưv cách mạng, hâux lưv Đảng huôv tsar tâu trơưk tsưr tsưr ziv, siêz xar. Co cux zos iz kro jông trâu sđ cơưv shâuv, uô trơưk.

Uô li thor cox heik pâuz nzir. Zos lênhx muôx ntâu shông đros đreiv thiêz zos Tổng Bí thư uô kaz, kuz Tổng Bí thư Đỗ Mười, muôx têx cox muôx ntâu chiv nhênhv jông đros kuz Tổng Bí thư Đỗ Mười zov? Cox heik mê njik lol nêz têx cêr chiv nhênhv jông ntơư  trâu têx lênhx nhiêv mnôngs Đeix nta suôz VN pâuz thiêz pok tâu?

Kuz Tổng Bí thư Lê Khả Phiêu: Zos tổng Bí thư txuôk lơưr tix lâus, thâuv hur si 2 lênhs puôr lênhx tưz so. Tix lâus khênhr nus cur tiêk, têz qơưk hlôngr yiêz li chas lơưv, pok phiv liv thiêz. Zơưv lok six moz siêz cxiv tsa têz qơưk hlôngr yiêz, taz sik têx phiv liv ntơư zos hâux lưv zuôr trâus uô, uô ntêx hlo. Thâuv ntu co phênhv ntâu zos chêx tsôngk trâu cxiv tsa Đảng, taz sik zov chênhr cxiv tsa chính trị thiêz iz chas ntơư seiz hloz txos cxiv tsa tsưr tsix, lar heik zos tsưr tsix Đảng ntơưv qơư. Hâux lưv cxiv tsa lênhx đảng viên thiêz Canr bôv Đảng viên cêr uô ntêx nyuôs mak uô jông 2 kror li heik co. Iz kro thiêz zos vênhv tôngv tsôngv px đros seiz kaz Đảng,  seiz kaz đảng viên thiêz gôngr ziv chênhv, tsưr ziv cxiv tsa Đảng, cxiv tsa đảng viên./.

Thor uô cox tsâus ntâu, kuz Tổng Bí thư Lê Khả Phiêu, cox tưz tsês six hơưv, hnuz nhôngs đros pêz thav!

(Lại Hoa VOV1-Riê Lâux cxeik, nhênhv)

“Huôz pox niêv” zos hêir nênhs Cơ Tu têx nxêik cêr jông siêz

          Trơưk li TS Lưu hùng, kuz phưv Giám đốc sêiz car tsêr tsês hêir nênhs VN têx cêr nênhx vênhx huôv jông hêik pâuz tiêk: Lênhx nênhs muk huôz pox niêv, tsuv zos lênhx nênhs bluô nux, muôx côngz nto bê. Viv zos thâuv muk huôz pox niêv co, tus tuz ntơư tsuv nhav tas hur tiz si jêx jos thiêz tos tus nxêik niêv txir, hu tus grê nox yôngz cok.

          Tos tuz ntơư tsuv huôz li chas? Hâur jêx jos hnuz ntênhk, hur si têx cưr tix nênhx tsa cxênhz jê, tsuv đros paz zuk, trâu thâuv tus nxêik co tsênhv taz tov nthuôr uô cêr lov jêv đhiê pax vuôs; tus tuz co tsuv muk đros đhiê cêr lov jêv uô cê; thâuv co, têx cưr tix fôngx zưs cxênhz jê, tsuv sêi đrơưv đros ntêk cxov tus nxêik zuk nhiêv co cưr đhiê lok tsêr đros trâu chôngz lênhx ntâu tus nhoz iz thax tsav co kư đrông ntưk.

           “Huôz pox niêv, tos tuz tsuv trâus tus nxêik niêv txir hu grê nox yôngz cok yax oz pêz bâus. Lar hêik zos tos tuz tsuv trâus tos nxêik jêx jos bluô iz tus tưv, chiê tso tsês têx uô zuôv cêr co. Thiêz tos tuz tsuv zos têx chuôz ziv bluô nux thiêx chuôz car muk huôz tâu pox niêv. Viv zos hâur ntu đrav ntêx, zos muôx iz tus nxêik mak đaz lâus lok sik tus muôv tưz tuôx krêiz tsês. Chênhr zos li hêik ntơư, thâuv zuôr muk huôz iz tus nxêik lok uô nhaz tsuv zos chuôz zis bluô nux, muôx ntâu nhiêx txiêx thêv trâu tus nxêik co niêv txir thiêz thêv trâu jêx jos”.

          Cox xar tiêk “Huôz pox niêv, zos iz kro uô zuôv chêi? Taz sik hêir nênhs Cơ Tu xav mak ntơư zos iz kro cêr jông siêz trâu têx nxêik hêir nênhs Cơ Tu. Viv zos lênhx nxêik jông gâux thiêz zos lênhx nxêik gruôs, tsiv txiêx thiêx tâu tus tuz hluôk co tuôx huôz chox muk uô nhaz. Taz sik, phênhv ntâu cux zos tus tuz thiêz tus nxêik co tưz zênhx siz nhiêv thiêz siz thav jông siêz, lav uô txux huôz xưz. Tsênhz mênhx, zos tus nxêik co tsik nhiêv tus tuz mak cux zênhx huôz tsik tâu tus nxêik ntơư chox muk uô nhaz.

           “Sđ tsik cxoz xar tiêk: Huôz pox niêv zos iz kro tsik jông; zos chuôz zis tưs muôx cxêik, tâu têx tuz hluôk tuôx huôz chox muk uô nhaz mak cux zos iz kro cêr shir phaz. Viv zuk tus nxêik co jông gâux, tsiv txiêx, gruôs khưr huôv tsar cêr uô nox thiêx tâu têx tuz hluôk tuôx huôz chox muk uô nhaz. Taz sik, muôx iz đraz tuz nxêik cux zênhx siz nhiêv, uô gâux uô đrâus jông, iz tus tso tsik tâu iz tus tsês, lav uô txux huôz li hêik sâu chox tus cxêik co lok uô nhaz, uô txix gơưv, uô luz nênhx yar ntux đris. Zos huôz tiês tiês mak tus nxêik co tsik nhiêv tus tuz, tsuv tâu tso tus nxêik tror trâu niêv txir thiêz tus tuz co tsuv trâus bluô hnhar”.

          Taz sik, tsơưs tsơưs thiêx muôx kênh tus huôz tâu pox niêv lok thiêx ho xa pox niêv tror kaz muk trâu tus nxêik niêv thiêz txir. Taz sik zos muôx yưv li hêik ntơư mak jêx jos tsuv tâu sơưr lok tu. Tos tuz tsuv tâu gra cxuô zav tuôx thor tus nxêik co niêv txir, viv uô ruôr hiêv tsik jông txos tus nxêik luz côngz bê.

Nhạc cắt

          Niêv lâuk  Hồ Thị Minh Tâm, nhoz xã Hoà Bắc, huyện Hoà Vang, đrôngl Đà Nẵng hêik pâuz tiêk: Hâur ntu đrav ntêx, hêir nênhs Cơ tu li têx tuz, zuôr ntâu tus pox niêv. Pir li tus niêv lâuk tsik muôx txox hmông tâu tas siv nênhx mak, tus vâur tâu vax huôv muk zuôr tus niêv hluôk lok uô pox niêv. Viv zos li chas mak niêv lâuk Tâm thav li no.

          “Cur muôx 4 tus niêv hluôk, cur cux chiê cur chor niêv hluôk hluz cur tus txir. Ntơư cux zos iz kro tuôr tsês tâu chuôz zênhx chuôz tav. Zos tov kaz hmôngr tsik jông, cur tâu tas siv nênhx mak thiêx muôx tus lok hluz cur chor mê nhuôv thiêz muôx tus lok tuôr cur têx chuôz zênhx chuôz tav, tsik chiê  đuô tus txơưr lok zuôr zuk tus txir thiêz lok zuôr zuk têx chuôz zênhx chuôz tav ntơư.

          Tsôngv…! Hêir nênhs cơ Tu chax chêk zuôr pox niêv li hêik ntơư cux zos chor lâuk, pos zơưs thiêz niêv lâuk Tâm ntu đrav ntêx xưz. Hêir nênhs Cơ Tu têx tuz nxêik hluôk nhiv no, iz tus nhiêv iz tus tiês tiês thiêx tâu siz zuôr lok uô txix gơưv lok sik muk zuôr đuô cxuô hêir nênhs txơưr li choz tsiz lok sik hêir nênhs Bru…. chiê cxiv tsa chuôz zis uô luz nênhx yar ntux đris./.

                                                 (Tsu Vưx cxêik nhênhv-VOV4)