Tsôngv box thax tsav tox siêz Yên Bái muôz ar, paz côngk đas jos krêz uô cêr muk lol jêx jok

Ciês thâuv tâu xã heik pâuz lok luôs hâux lưv uô cêr luôv suôz jêz, xi măng txix 3 thiêr krêz uô đar 5 thiêr, pos Hoàng Thị Thị chuôz zis cux xưk li ntâu chuôz zis tsôngv px hâur jok Quyết Thắng, xã Tô Mậu, huyện Lục Yên, tỉnh Yên Bái lok six shir phaz. Iz chas ntơư, pos Thị chuôz zis tưz shir phaz, jông siêz muôz yênhx puô xưv phaz ar têz, txiêr por tsês têx shôngz ntông chos tâu chiê krêz uô cêr cov đar jông muk lol:“Krêz uô cêr lox đar, jông muk lol, hur tiz si tsôngv box sđ lênhx tưs cux jông siêz thiêz shir phaz muôz zuk têx ar têz chiê trâu uô cêr cov zôngx ziv muk lol”.

Zơưv Hoàng Kim Ba, Bí thư Đảng ủy, Chủ tịch Ủy ban xã Tô Mậu heik pâuz: Tsôngv px lok six shir phaz thiêz thôngx ziv trâu hâux lưv krêz uô cêr lox đar chiê muk lol, viv luz nênhx ziv hnuz huôv tsar jông thiêz cêr đar 5 thiêr zuôr zôngx ziv muk đuô thâuv têx yêz ntâu jux juk tuôx, tsôngv box sđ zoz qơưx muk lol cux ntâu đuô:“Pêz tso têx tổ côngz xưv muk têx jok, chuôs njiz têx chuôz zis, phênhv lơưr px jông siêz, thôngx ziv đros. Muôx têx pov, phôngz yaox gôngr ar nhiv no, px lơưr tưz pâuz tsênhz muôx liv thiêz jông li chas, px lok six jông siêz, thôngx ziv đros”.

Zơưv Triệu Văn Huấn, Bí thư Đảng ủy xã Mường Lai, huyện Lục Yên heik pâuz, thâuv muôx tsưr ziv krêz uô têx cêr muk lol hâur thax tsav cov lox đar,  tsôngv px zos têx lênhx xuz thơưx hlo jông siêz uô luôs hâux lưv no, hur si lok sâuv gôngr ar, hnuz côngz.... Chênhr zos px jông siêz, thôngx ziv li ntơư, xã muôx qơư chiê cxiv tsa tsưr ziv krêz uô đar têx cêr muk lol jêx jok muôx 5 thiêr, iz kro lok six lax uô tâu nhoz thax tsav tox siêz:“Đảng ủy, hâu nov ntơưv qơư tưz tso tơưv Nghị quyết, cxiv tsa tsưr ziv tsênhv tsênhz chiê jux juk krêz uô đar têx cêr muk lol, sir jos cov txox cêr muk chênhr hâur jok đar txix 5 thiêr tror zar sâuv. Xuz thơưx fuô kriê uô, phênhv ntâu tsôngv px hâur thax tsav xã tưz pâuz tâu têx jông lok krêz uô đar, cxiv kho têx cêr cov jông tâus muk lol, viv li tưz sir jos đros uô trơưk tsưr ziv fuô kriê”.

Tsi tiêk jông siêz, thôngx ziv trâu cxiv uô, kho đuô têx cêr muk lol jêx jok đar 5 thiêr, tsôngv px tox siêz Lục Yên cux shir phaz, jông siêz gôngr ar têz, chuôz zênhx, shôngz ntông chiê krêz uô têx muk lol hâur xã. Txox cêr muk txix xã Mai Sơn trâu Lâm Thượng-Tân Phượng zos iz kro uô tâu li heik co. Txox cêr no tâu yưv pênhr cxiv uô txix hli 5/2020, zos Ban seiz car dưv anr yưv pênhr cxiv tsa huyện Lục Yên uô tsưr yưv pênhr, hur si txox cêr no ntêr muôx 15 cêik ntâu, xav tas nro têx nhiêx txiêx uô zos 38 tyv đeiv thiêz tsi muôx nhiêx pâux nzir, paz max zuôr ar uô cêr. Taz sk, têx chuôz zis tsôngv px nhoz trơưk 2 saz ntus cêr  co puôr lênhx jông siêz, shir phaz lus gôngr ar, txiêr por tsês têx shôngz ntông, yêv nja vax chiê uô cêr. Zơưv Nguyễn Văn Sơn, nhoz jok Sơn Trung, xã Mai Sơn heik:“No zos sđ hâux lưv, têz qơưk uô cêr trâu zuk mul, zuk tsi têix nus đaz tsi”.

Têx txox cêr “Đảng tsưr ziv kriê, px jông siêz, thôngx ziv uô trơưk” ziv hnuz ziv tâu cxiv uô ntâu, krêz đar đuô txix tsôngv px cxuô heir nênhs huyện Lục Yên têx cêr sik thôngx siêz, sik paz đas jos, gôngr phênhv uô qơư truôx thiêz cxơưz đas jos trâu huôv tsar kinh tế, gra siêz luz nênhx nox nhoz trâu tsôngv px txix thax tsav qơư kis txos tox siêz, thax tsav txov nhêv./.

(Đinh Tuấn-Riê Lâux cxeik, nhênhv)

TUÔR TSÊS TSÔNGV BOX MÊNHX CXƯX TSƠƯS NÊNHS LUK HEIK

          Jiês khiêz phêv tiv 8, côx hôiv khóa 14 tưz thôngz đhâu Nghị quyết 88 lok thôngz đhâu Đề án huôv tsar KTXH thax tsav tsôngv box mênhx cxưx tsơưs nênhs thiêz tox siêz ntu 2021-2030. Hâur co, khav tênhv têx mênhx cxưx li tsưr ziv tuôr tsês thiêz huôv tsar têx tsiv grê, cêr vênhx huôv chax chês jông. Luk heik, ntơưr sâu zos iz hâur têx cêr vênhx huôv jông. Lơưr Phan Thanh Bình sêiz car UB vênhx huôv, zaoz zux, hluôk nênhs thiêz mê nhuôs zâu, côngz xưv kriê ntơưr thiêz cơưv mênhx cxưx luk cux lok six zov chênhr, viv  no zos hâux lưv tsuv uô cov tâu truôx chiê tuôr tsês tsôngv box mênhx cxưx  tsơưs nênhs li luk heik, ntơưr sâu:“Pêz thix ziv tsov cưv kriê luk mênhx cxưx, thox cxov cưk kriê nênhs mênhx cxưx. Tsuv muôx tsaz yênhx thox cxov cưk kriê zos nênhs mênhx cxưx tsơưs nênhs. Viv nhiv no cưk kriê mênhx cxưx nhoz thax tsav mênhx cxưx tsênhv tsơus. Viv li zuôr trâus sik côngv têx dự án txơưr muôx lênhx coaz txos vênhv thix mênhx cxưx tsơưs nênhs. Nhiv no hâur têx huôx tôngv mak muôx têx dự án muôx lênhx coaz txos mênhx cxưx tsơưs nênhs viv li pêz tsuv tror thôngx ziv chiê muôx iz tsaz yênhx lox”.

          Nhiv no, tsôngv box têx mênhx cxưx tsơưs nênhs tsênhv zôngv luk choz tsiz chiê thav hâur niêx hnuz. Viv li, phênhv ntâu iz pưv phênhv hluôk nênhs zos nênhs mênhx cxưx tsơưs nênhs tsi txơưx heik luk mênhx cxưx, uô trâu tsôngv box mênhx cxưx tsơưs nênhs li luk heik, ntơưr sâu jux jus trâus pôngz plox. Zơưv Thông Minh Lợi, nênhs Chăm nhoz thị trấn Ma Lâm, tỉnh Bình Thuận puz pâuz:       “ Muôx ntơưr sâu zos lok six tsiv grê. Ntơưr sâu thâuv tưs cux reik đros luk heik. Taz sik nhiv no, luk heik shơư cxuô zav luk têx mênhx cxưx txơưr. Li cur, thâu thav luk Chăm cur tsuôk thav tâu 30%, xar heik tul tsi ntêr mak heik tsi tâu, tsuv seiz ntơưr”.

          Hâux lưv tuôr tsês tsôngv box mênhx cxưx tsơưs nênhs li luk heik, ntơưr sâu tsênhv tâu têx cấp, têx nganhx cxôngx trung ương txos tiv phaz tsênhv tâu krêz uô jông. Cxôngx shông 2004, tỉnh Sơn La tưz chox kriê nhênhz chơưv cxiv sâu tsaz yênhx, cxeix laov ntâuz ntơưr kriê ntơưr ntơưv tiv phaz thiêz kriê ntơưr mênhx cxưx Thái trâu cán bộ, công chức, lưx lươngv vũ trang uô côngz xưv nhoz thax tsav tsôngv box mênhx cxưx tsơưs nênhs. Tiv zix, ntơưv tỉnh Bình Thuận, tas nro têx tsêr cơưv cxênhx 1 puôr lênhx tsês 4 tiết hâur iz ciêz chiê kriê ntơưr Chăm trâu shux xênhz cxôngx lớp 1 txos lớp 5. Zơưv Lư Đức Huấn, nhoz huyện Bắc Bình puz pâuz:“Chiê tuôr tsês ntơưr Chăm, kror coaz tsôngv tiv zix zos têz qơưk tsuv muôx chế độ chính sách thox cxov cưk kriê. Tiv zix zos paz têx tiv phaz sik côngv đros têx chức sắc tôn giáo kriê trâu tsôngv box cxôngx têx kror zôngx ziv tiv zix chiê tuôr tsês phongz cxưx mênhx cxưx, tuôr tsês ntơưr sâu lêx ntêr. Pêz lok six cxơưx tov kaz no luk heik, ntơưr sâu trâus pôngz plox”.

          Khov muôx Đangv thiêz têz qơưk li tsênhv chêi huv đros, têx shôngk đhâu hâux lưv tuôr tsês luk heik, ntơưr mênhx cxưx tsơus nênhs tâu krêz uô đêz đar, ciês hâur iz cxiê tsêr coưv phổ thôngz thiêz qơư zaoz zux txơưr nhoz thax tsav mênhx cxưx tsơus nênhs. Tiv zix, têz qơưk nhiv no cux tsov cưv txos tsênhv chêi paz nênhs cơưv thiêz nênhs kriê nhoz thax tsav tsôngv box mênhx cxưx tsơưs nênhs. Muôx têx môn luk mênhx cxuêx nhoz têx tsêr cơưv cao đẳng, đại học chiê thox cxov cưk kriê kriê luk mênhx cxưx nhoz têx cấp. Thôngx cxix, nhênhz chơưv cxiv tsa ntơưr sâu trâu têx mênhx cxưx tsi tâu muôx ntơur trâu zuk mênhx cxưx./.

(Hải Phong-Txâur Vax cxeik nhênhv)