Yưv pênhr yênhx cxênhz tỷ đeiv chiê ju lix Mộc Châu huôv tsar

          Qơư tu zus nhux tso cuô mis Mộc Châu zos Công ty cổ phần nôngz nhux tso cuô mis Mộc Châu li dự án yiêz muôx bê hu “Têx qơư tu zus nhux tso cuô mis Công nghệ siêz Mộc Châu”. Dự án no nhoz hâur 11 dự án nhiv kuôr tâu tỉnh Sơn La thôngx ziv yưv pênhr hâur đraz hli 10 nhiv kruôr đhâu. Pos Phạm Ngọc Trâm, hlôngr njêx muôk đối ngoại thiêz lênhs nênhs điều phối Công ty cổ phần cuô mis Vn Vinamilk- tsưr yưv pênhr tsênhv hâur dự án Vinamilk puz pâuz, dự án no zuôr tâu krêz uô đros tas nro pênhr yưv uô zos 1 cxênhz tỷ đeiv sâuv 15 hecta ar ntơưv huyện Mộc Châu. Xiv huv, jix vuv cungz muôx qơư tu zus nhux tso cuô mis công nghệ siêz (đros 4 cxênhz tul) thiêz trâur nuv ju lix ndis shuôk uô si sâuv tas nro thax tav tiêx đrox nhoz tox siêz Mộc Châu.

          Thâuv jênhv tỉnh Sơn La li chủ trương, nhiv no công ty tsênhv ciêr chênhr krêz uô têx trus njuôs siv tsênhz mênhx thiêz uô têx ntâuz ntơưr lok ar têz, cux xưk li cxơưz tiês hâux lưv tso chei cxiv tsa...Njuôs xav shông 2024- thâuv dự án uô tiêr chox lok huôx tôngv zuôr zos qơư coaz tsôngv, đros têx trâur nuv ndis shuôk jông trâu tsôngv kruô heik taz thiêz ju lix Mộc Châu, Sơn La heik taz, gôngr phênhv cxơưz tiês huôv tsar KTXH tiv phaz:

          “Ntu uô têx ntâuz ntơưr yưv pênhr, pêz cux njiz têx phêv liv; tsuv uô hâux lưv đros ntâu chiz coaz, sở nganhx, muôx têx tsênhv muk pov cov trâu Thủ tướng chính phuv. Taz sik lênhs tov tỉnh Sơn La, huyện Mộc Châu, cux xưk li têx sở, nganhx sir jos uô, sik côngv jông đros tsưr yưv pênhr, viv li tưz car chêx tâu têx phêv liv hâur iz ntu tsi ntêr. Txos nhiv no, Mộc Châu Milk thiêz Công ty lox zos Vinamilk tưz tâu choz tsưr ziv yưv pênhr. No zos yênhx tix tso pov tỉnh Sơn La, huyện Mộc Châu li têx sir jos sik côngv đros tsưr yưv pênhr”.

          Đhâu 4 shông krêz uô, dự án tưz uô tiêr ntâu luôk hâux lưv, côngz tsinhx yiêz li: tsêr nox hâuk, tsêr kruô so, villas, Bungalow so; qơư ndis shuôk ju lix, tsêr shâuv golf, qơư uô si, qơư kôngz nuv công nghệ siêz.....iz shông zaz zâuv yênhx cxênhz, yênhx vav jiês kruô tuôx ndis shuôk uô si, tuôx so. Ntu krêz uô dự án đrâuv car chêx hâux lưv uô trâu 200 nênhs lox tôngv tiv phaz, công ty thâuv tưs cux sir jos sik côngv đros chính quyênx tiv phaz hâur ntâu huôx tôngv jông siêz, nox nhoz xã hội; tas nro nhiêx txiêx Công ty tưz gôngr paz cxiv tsa tsêr niêv côngv siêz, paz ziv chuôz zis pluôs, yưv pênhr cxiv tsa jos ntus đriv tsi muôx zax zênhz...hâur 4 shông đhâu zos zuôr xar 5 tỷ đeiv. Zơưv Nguyễn Văn Hùng, Chủ tịch Tập đoàn ntiêx têz Phượng Hoàng puz pâuz:

          “Thâuv jênhv uô dự án no, pêz uô trơưk têx trus mak Sở tsưr ziv thiêz yưv pênhr tỉnh Sơn La heik kriê chiê uô têx ntâuz ntơưr yưv pênhr”.

          Lơưr zơưv Long Trung Tâm, Chủ tịch UB huyện Mộc Châu, chiê zaz zâuv ntâu lênhx nênhs yưv pênhr, tiv zix zos têx lênhx nênhs yưv pênhr lox trâu tỉnh, Sơn La tưz huiz tôngv tas nro cxix luôk chính trị uô, krêz uô uô cê têx tsưr ziv, coaz tsôngv tiv zix zos hlôngr yiêz tênhx qơư muôv muôs, muôz siêz pênhr xưv tơưv txênhz, paz jôngv tiv zix trâu têx lênhx nênhs yưv pênhr tuôx seiz shuôk, krêz uô dự án sâuv thax tsav.

          Ntơưv huyện Mộc Châu, hâur 5 shông tror lok no, tas nro tưz muôx 49 dự án, đros tas nro pênhr yưv uô zos 7 cxênhz tỷ đeiv ntâu đăng cir lok thax tsav ju lix têz qơưk Mộc Châu’ 24 dự án hâur têx no txos nhiv no tưz uô tiêr thiêz chox lok huôx tôngv; chor tsênhv yuôr tsênhv tror tâu krêz uô:

          “ Huyện Mộc Châu tưz yênhx lix tuêv zaoz zâuv yưv pênhr zos Phưv Chủ tịch phưv txơưx kinh têr huyện uô tuêv tsar. Lênhx nênhs cxaz chuôz zos iz cxiê chiz coaz ban nganhx thiêz têx xã muôx dự án krêz uô sâuv thax tsav. Đros têx dự án tsênhv mak huyện zuôr tsưr tsix mnôngs hâur yênhx ciêz lok hâux lưv krêz uô thiêz sir jos sik côngv đros têx lênhx nênhs yưv pênhr car chêx têx phêv liv chiê krêz uô dự án”.

          Đros hâux lưv cxơưz tiês zaz zâuv lênhx nênhs yưv pênhr, tỉnh Sơn La thiêz têx tiv phaz cux tsênhv tsov cưv muôz siêz tsơưr lượngv lênhx nênhs lok ju lix chiê tuôv zênhv zoz qơưx sik côngv, sir jos cxiv tsa iz lênhx tsôngv box zos iz lênhx nênhs paz heik kriê ju lix hâur thax tsav./.

(Thu Thùy-Txâur Vax cxeik nhênhv)