Jax sâu thưr 2, hnuz xiêz 6/3/2017:

Cxur ntơưv Điện Biên

    Zos tsôngv kruô tuôx ndis ntux sêiz shuôk têz qơưs txos Điện Biên, thâuv tưs cux zênhx xêir zav cxur tsư ha huôv tsar uô tâu ntơưv Điện Biên chox muk nox. Pos Nguyễn Hồng Vân iz lênhx kruô nhoz Hà Nội cux hêik pâuz tiêk: Zav cxur Điên Biên thâuv uô tâu mor siêr mak tsư kaz hênhr, lênhx tưs cux nhiêv nox.

   “Cur nhiêv nox zav cxur uô ntơưv Điện Biên, viv zav cxur co nox kaz thiêz jôngx. Thâuv tưs tuôx sêiz shuôk têz qơưs txos Điện Biên, cur cux zênhx zuôr zav cxur ntơư chox muk puz têx fôngx zưs, nênhs cxênhz jê nox”.

Đras blêx liêx Muôk Thênhz lox đar, zos 7.700ha, tsêz chos 2 chiv hâur iz shông. Đros ntơư, tsôngv px sđ tsênhv muôz zav nôngz blêx  IR64 chox lok tsêz chos chiê muôs trâu tuz luôv ciêz đrôngl. Phênhv ntâu zos nhoz trâu xã Thanh Xương, tsêz chos 630 ha, hâur iz shông sâu tâu 4 cxênhz tấn. Zơưv Lò Văn Bun, sêiz car hợp tác xã, xã Thanh Xương hêik pâuz:

    “Thauav txos chêix tsêz chos kôngz, pêz cux cxuô cán bộ cxiz kôngz xã yax kriê tsưr ziv trâu tsôngv px sđ huôv tsar tsêz chos kôngz thiêz txos thâuv blêx taz tov huôv hloz, pêz cux tror muk qênhz yuôx; yax kriê tsôngv px fông qir cov zos đrêiv tsưr ziv kriê”

    Hâur ntâu shông đhâu, huyện Điện Biên uô trơưk luôs hauax lưv tso tơưv zos yax kriê tsôngv px sđ hlôngr yiêz tsưr ziv huôv tsar tsêz chos kôngz lôngk, viv thax tsav đras liêx Muôk Thênhz, muôx đêx lok thơưv niêx thơưv shông, zôngx ziv huôv tsar tsêz chos kôngz lôngk, blêx zôngx ziv huôv hloz jông, sâu tâu nju kôngz. Zơưv Nguyễn Hữu Khởi, chủ tịch uỷ ban huyện Điện Biên hêik pâuz nzir:

   “Điện Biên uô trơưk luôs hâux lưv tso tơưv zos muôz zav nôngz kôngz yiêz, sâu tâu nju kôngz lok tsêz chos chiê uô hax huv muôs trâu tuz luôv ciêz đrôngl. Kror tiv 2 zos muôz nôngz kôngz paz trâu px zos đrêiv li tỉnh quyết tênhv”.

Chiê huôv tsar cov tâu truôx zav nôngz blêx tsư ha ntơưv Điện Biên, tsik chiê txuôv shơư đuô cxuô zav nôngz txơưr. Chênhr zos li hêik ntơư, tsêiz no, Uỷ ban  tỉnh Điện Biên tưz tso tơưv quyết tênhv sir zôngv thiêz tsik chiê zav nôngz blêx tsư ha ntơư txuôv trâu zav nôngz txơưr đuô. Nhiv no, iz cxiê công ty tưz ký ntơưr  đros px huôv tsar uô; thâuv uô tâu ntơư, chiê công ty, doanh nghiệp tuôx sâu zuôr. Zơưv Bùi Minh Hải-phưv sêiz car sở kôngz nuv huôv tsar tox siêz tỉnh Điện Biên hêik pâuz:

    “Pêz sik đros huôv tsar uô thiêz zuôr chor cxur uô tâu ntơưv Điện Biên. Pêz chêx chôngk đros iz cxiê công ty huôv tsar nôngz kôngz nto bê, huôv tsar uô cov tâu truôx zav nôngz IR64 thiêz pêz chêx chôngk yax kriê tsôngv px sđ tsêz chos cov tâu zos đrêiv tsưr ziv tso tơưv”.

Sđ siz chos côngv uô đros tsôngv px ntơưv qơư, txơưv li chas, têx cxur tsư kaz tsư ha ntơưv Điện Biên cux zuôr huôv tsar tâu truôx thiêz muôx chôngz lênhx kruô pâuz txos./.

                                     (Tsu cxêik nhênhv-Bích Thuỷ, CQTTTB)

Phênhv thưr 2.6.3.2017:

Thâuv Đangv sik côngv tês cxơưx trâu tsôngv box

          Chiê tsôngv box muôx luz nênhx jông đuô, lênhs tov thành phố Hồ Chí Minh lok six tsov cưv chox kriê yênhx trus car chêx têx vênhv thix li: yêz mul lol tsi tâu, đêx ngaz, tênhx qơư trâus kiês nênhs, cxiv ngaz xã hôiv, taz por zaoz thôngz.... Li hâux lưv txar yênhx cxênhz luz tsêr nhoz buôk njưk đêx, thành phố li qơư tsov txos zos tsi taz uô niêv đrôngs jông đuô mak tsênhv reik đros hâux lưv tsưr tsix đuô tsôngv box luz nênhx, muôz hâux lưv uô trâu tsôngv box. Ntơưv jiês njiz 322 lênhx bí thư đảng ủy phường, xã, thị trấn, lênhx nênhs sơưr thơưx thành ủy TP xar tiêk: Canr bov tsuôk jê tsôngv box, seiz njôngr thiêz mnôngs tsôngv box li ziv chênhv thix ziv. Pir li hâux lưv zaoz thôngz mul lol tsi tâu ntơưv qar yêz za Tân Sơn Nhất, zơưv Đinh La Thăng heik:

          “ Đảng bộ, chinhr quyênx thành phố, têx quận, phường sik đros uô uô cê têx tsưr ziv, têx tsưr ziv yưv pênhr tsi tâu phuôx huiz tâu mak pêz car chêx. Tsênhz mênhx li vênhv thix qar yêz za Tân Sơn Nhất hâur têx hnuz uô ntêx, hâur thiêz đhâu thâuv nox tsiêz mak tsi muôx yưv. Pêz sik đros uô mak zuôr uô tâu jông xưz”.

          Uô Bí thư thành ủy li chox kriê, pos Thái Thị Kim Thanh, bí thư Đảng ủy phường Bến Nghé, quận 1 puz pâuz: phường truôx siêz cxiv tsa iz chinhr quyênx jê tsôngv box cxôngx uô ntâu huôx tôngv tsoz phưz luz nênhx trâu tsôngv box li: uô tsênhz mênhx têx ntâuz ntơưr hành chính, chuôz tsar coar lik njuôs xav, krêz đar têx qơư tsôngv box nhoz, car chêx qênhx shênhx zaoz thôngz mul lol tsi tâu thiêz txiêz nanv zaoz thôngz. Yuôr ntơưv phường 2, quận Phú Nhuận, pos Nguyễn Thị Thanh Thảo, Bí thư Đảng ủy, chủ tịch UB phường puz pâuz, Đảng ủy phường li jênhv vưv chinhr trị zos tsoz phưz jông tiv zix luz nênhx chinhz yênhx trâu tsôngv box tiv phaz:

          “ Jênhv vưv chính trị coaz tsôngv mak phường tso tơưv zos uô li chas chiê tsôngv box tso siêz. Viv li kror xuz thơưx tsuv tsoz phưz zos tsôngv box tiv phaz li luz nênhx chinhz yênhx. Tsuv paz tsôngv box hla đhâu cêr pluôs. Đảng ủy phường li siêz xar zos tsi chiê ziv chuôz zis tâu sơưv cêr chei, nênhs muôx côngz đros cơưx mênhv zos chuôz zis pluôs”.

          Xar car chêx tsôngv box li têx kror uô tsi tâu jông, cấp ủy, chinhr quyênx thiêz iz lênhx đảng viên nhoz no tsuv uô jông côngz xưv vênhv tôngv tsôngv box chiê jê tsôngv box, pâuz thôngz tsôngv box li siêz xar njôngr. Zơưv Nguyễn Trọng Nghĩa, Bí thư Đảng ủy phường 8, Quận 8 puz pâuz:

          “ Đảng ủy tsưr tsix têx phêv ziv yax six sik njiz sik thav đros tsôngv box, njiz têx đảng viên muôx hnuz nhôngs siêz nhoz hâur đảng bộ; yênhx ciêz pêz tsưr tsix mul njiz tsôngv box.... Đhâu co, pêz mnôngs thiêz car chêx tâu iz cxiê vênhv thix muôx yưv ciês ntơưv thax tsav”.

          Chủ tịch Hồ Chí Minh hêik kriê tiêk: Canr bộ zos cxuô hâux lưv li hâur pâus. Cxôngx Hloz li lul heik kriê, pêz pov tsênhz hâux lưv tsôngv box puk njênhs Đảng lok tsik njênhs, zos thôngz đhâu cấp ủy Đảng, chinhr quyênx thiêz iz lênhx canr bộ đảng viên li chêx cuk hâux lưv uô. Zos cxuô cấp ủy thiêz iz lênhx đảng viên puôr lênhx paz cxơưx tsôngv box li cxuô luôs hâux lưv mak njênhs njôngr pêz têz qơưk zuôr uô tâu qơư tsov txos zos: tsôngv box bluô nux, têz qơưk huôv tsar, côngz fênhx, jênh chuv, vav mênhx./.

                                   (TTHCM- Txâur Vax cxeik nhênhv)