Yên Bái: Paz nôngz nhux tưv trâu tsôngv box thax tsav trâus đêx nas cuôr yôngz uô hiêv

Zơưv Lò Văn Bóng, nhoz jok Nà Lốc, xã Thạch Lương, huyện Văn Chấn chuôz zis zos chuôz zis pluôs hâur xã. Hâur jiês đêx nas cuôr yôngz thâuv hâur hli 10 shông uô ntêx, chuôz zis 2 cxênhz ntâu xưv phaz liêx blêx tưz trâus ar, poz jêz cxuz tas; pak njêl tưz zuôr txos hnuz jông ntâuk muôz muôs taz sik cux trâus đêx nas cuôr yôngz lơưv tas, chuôz zis tưz pluôs lok ziv trâus txov đuô nzir.

Txix hâu nov ntơưv qơư, chor nênhs siêz jông têx cêr paz thiêz zuk têx sir jos, lar heik zos nhiv kruôr no tâu paz iz tuk nôngz nhux, zơưv chuôz zis ziv muôx nzir đas jos hla đhâu têx cêr txov. Zơưv Lò Văn Bóng, nhoz jok Nà Lốc, xã Thạch Lương heik:

“Đêx nas cuôr yôngz tas hur si lơưv, nhiv no tâu têz qơưk moz siêz, paz iz tuk nôngz nhux chiê tu zus huôv tsar uô nox, cxuz cêr yeiz pluôs. Cur uô tsâuk ntâu txos Đảng, têz qơưk tưz đros moz siêz txos pêz tsôngv px thiêz”.

Hâur hli 5 shông no, tsôngv box thax tsav trâus đêx nas uô ruôr hiêv ntơưv têx xã Hạnh Sơn, Phúc Sơn thiêz Thạch Lương, huyện Văn Chấn tror tâu paz 30 tuk nôngz nhux txix Tỉnh đoanx Yên Bái thiêz ntơưr pov tsir hluôk tsaz yênhx “siz chos paz trâu têx nênhs pluôs, txov nhêv”. Đhâu hlo thâuv lênhk tâu têx nôngz nhux muôz puz trâu tsôngv box pluôs, hâu nov ntơưv qơư tưz kriê tsôngv box tsưr ziv tu, phax tar moz trâu têx nhux. Zơưv Hà Văn Tuấn, Chủ tịch Ủy ban xã Thạch Lương, huyện Văn Chấn heik:

“Txos nhiv no têx chuôz zis tâu paz nôngz nhux tưz cxiv uô tâu qơư cơư, taz por lok vêv xênhz cux li bax tâu têx jâuz tâux trâu nhux nox.  Chor nhux co tưz paz txo grêk tsơưs cêr yeiz pluôs trâu têx chuôz zis trâus ntux uô ruôr hiêv hâur shông 2017”.

Văn Chấn zos iz hâur 3 huyện, thị faz Tây hâur tỉnh Yên Bái trâus uô ruôr hiêv hnhar đuô hur si hâur jiês đêx nas cuôr yôngz hli 10 shông uô ntêx, đros thiêz 9 lênhx nênhs trâul tuôs thiêz pôngz plox mông, iz cxênhz ntâu luz tsêr trâus uô hiêv, yênhx châuv ha kôngz lôngk trâus sâu tsi tâu. Iz chas ntơư, tsêr nhiêx tsênhv chei XH huyện cux qir uô hâux lưv nduô tsês six hơưv, hnuz nhôngs thêv têx nux grik, muôz trâu tsôngv box kêr txeik têx pênhr zuôr nhiêx nju tsơưs chiê zuôr nôngz nhux tưv lok zus, zuôr meir uz no phưx vưv uô liêx têz, paz tsôngv box truôx tuk luz nênhx. Zơưv Đỗ Long Thảo, Giám đốc tsêr nhiêx tsênhv chei huyện Văn Chấn, tỉnh Yên Bái heik:

“Chiê tror paz tsôngv box hâur thax tsav trâus đêx nas uô ruôr hiêv, tsêr nhiêx tsênhv chei XH tưz đros têx xã, thị trấn qênhz shuôs hur si têx chuôz zis tsuv tâu yêik txar qơư nhoz hâur thax tsav trâus đêx nas uô hiêv chiê paz max lok sik tso txeik pênhr nhiêx tsênhv chei chiê lơưr yưv pênhr huôv tsar uô nox uô hnar”.

Txix tsôngv box sđ têx sir jos; hâu nov ntơưv qơư cêr moz siêz txos  thiêz côngv thôngx li sik côngv tês paz, têx chuôz zis tsôngv box thax tsav trâus đêx nas cuôr yôngz Văn Chấn, tỉnh Yên Bái tưz jux juk huôv tsar uô nox, tror truôx tuk luz nênhx./.

(Thừa Xuân-Riê Lâux cxeik, nhênhv)

IZ CXIÊ ZAV MOZ KHÊNHR NJIZ HÂUR CHEIX NTUX SOR THIÊZ TSƯR ZIV PHAX TAR

Moz hlưz tâuz hâu Nhật Bản

          Moz hlưz tâu hâu Nhật bản:

          Moz hlưz tâuz hâu Nhật Bản zos zav moz cấp tính. Moz uô ruôr hiêv zov chênhr txos tâuz hâu, mê nhuôs tsi tâu muôx 15 shông khênhr trâus moz tiv zix. Nênhs hloz tiêr nênhs zos tsi tâu cxax yuôx phax moz njuôs xav cux zuôr trâus moz thâuv mul ndis shuôk ju lix, lox tôngv, uô côngz xưv ntơưv têx thax tsav qơư muôx chor nênhs trâus moz hlưz tâuz hâu Nhật bản huôv xênhz.

          Moz hlưz tâuz hâu Nhật Bản tsi cik cxôngx lênhx nênhs trâu lênhx nênhs. Moz tâu siz cik đhâu zôngr tov. Zôngr tov tsiêx cxu muôx moz ( fênhx yax mak zos cxôngx buô) đhâu cov tov lênhx nênhs thiêz cik moz trâu lênhx nênhs.

          Moz khênhr muôx têx moz yưv li cuz sor, điês tâuz hâu, ntuôr; moz hnhar đuô mak iz chêr tsi muôx jos, njuôs xav uô tuôs lênhx nênhs siêz 10-20%.

          Cục y tế dưv phax puz pâuz moz hlưz tâuz hâu Nhật bản tưz muôx yuôx phax moz viv li hâux lưv cxax yuô phax moz zos lok six coaz tsôngv, muôx chêx cuk thiêz jông tiv zix.

          Phax tar moz hlưz tâuz hâu Nhật Bản:

          Uô jông vêv xênhz tênhx qơư, tsêr nhoz, vêv xênhz guôx tu zus tsiêx cxu, tsi chiê zôngr muôx qơư ntês kê huôv tsar. Txar guôx tu zus tsiêx cxu mul đêz tsêr nhoz, tuô veiv....

          Thâuv pư tsuv đei vix tsav, yax six zôngv têx tsưr ziv tuô zôngr. Tsi chiê mê nhuôs uô si jê guôx tu zus tsiêx cxu.

          Uô jông vêv xênhz lênhx nênhs, yax six zôngv yuôx phongx nzuôr tês, taz por zav nox, nox siêr, hâuk bâu.

          Tsi njiz nênhs trâus moz ntâu thiêz chox ntâuz bok kror ndâux thâuv tsoz phưz nênhs moz.

          Đros caz moz uô moz hlưz tâuz hâu Nhật Bản tsuv cxax yuô phax moz cxix cxuô thiêz cxax yuôr tir thêir trơưk six hơưv hnuz nhôngs/.

(Thu Thùy- Txâur Vax cxeik nhênhv)