Jax sâu thưr 4 hnuz 6/7/2016

Sir jos tax tâu tsưr ziv 90% pêx xênhv cxaz chuôz BHYT

Nus: Thor cox hêik trâu sđ pâuz mê njik, Thủ tướng chính phủ nhiv kruôr cir tso tơưv cuêz tênhv kho đuô tsưr ziv txix 80% ndê 90% lênhx nênhs muôx ntơưr BHYT hâur  shông 2020, zuôr tso tơưv têx luôs hâux lưv tưs trâu nganhx BHXH hâur qênhx shênhx kriz uô?

Têz: Nhiv no, iz cxiê tỉnh muôx nênhs sir zôngv BHYT chôngz đuô 90%, muôx iz cxiê tỉnh chôngz đuô 95% ntâu. Iz cxiê tỉnh tox siêz faz Bắc tâu nhiêx txiêx têz qơưk paz zuôr BHYT trâu chor nếnh sli mênhx cxưx tsơưs nênhs, nênhs pluôs mak chor nênhs cxaz chuôz zuôr chôngz. Ntơưv tiêx đras niêv đêx Cửu Long, nênhs cxaz chuôz BHYT têz cux tsênhv nhoz phênhv kik, xar muôx 60-70% chor nênhs cxaz chuôz. Viv li, uô ntêx zos khov trâu pêx xênhv li cxaz chuôz thiêz chor tiv phaz paz trâu chor chuôz zis zuôr pluôs cxaz chuôz BHYT. Lơưr luật BHYT li cuiz tênhv nhiz no, nhiêx txiêx têz qơưk paz 70% phênhv nhiêx thêv BHYT trâu chuôz zis zuôr xar pluôs. Taz sik, nhiv no muôx 10 ntâu tiv phaz tsik tâu paz trâu chor chuôz zis zuôr xar pluôs. Kror no cux uô muôx yưv phiv liv thâuv xcaz chuôz BHYT.

Iz cxiê kror txơưr đuô xưk li chor doanh nghiệp nhiv no cux tsênhv yuôr nux gri BHYT, tiv zix zos chor doanh nghiệp zâu, tư nhân. Shux xênhz, shông tiv iz, tiv oz têx jâuz cxaz chuôz cxix cxuô, taz sik chor shông tov kaz ho tsik cxaz chuôz. Chor vênhv thix no uô muôx yưv phiv liv trâu  nênhs cxaz chuôz BHYT têr ntu zuôr txos.

Nus: Ntơưv ntâu tsêr kho moz cux tsênhv muôx yưv qênhx shênhx phênhz chor nênhs njuôk kho moz muôx ntơưr BHYT thiêz uô ntâuz ntơưr  thêv nhiêx txiêx njuôk kho moz njiz phiv liv. cux li ziv chênhv lok vênhv thix no zos li chak, thor cox hêik  pâuz nzir?

Têz: Hâur ntu đhâu, chor qơư kho moz muôx  muôx ntâu sir jos hâur tok jênhv nênhs moz. Ntâu tsêr kho moz puôr lênhx muôx qơư tok jênhv thiêz kruôz kriê nênhs moz, tsuv muk kror tưs thâuv tuôx njuôk kho moz. Taz sik, tiv chor nênhs moz muôx chôngz tsênhv thâuv chor qơư njuôk kho moz thiêz tok jênhv tax tsik tâu tâu  zoz qơưx uô trâu nênhs moz tsuv nhoz tok ntêr.

Hâur ntu zuôr txos, thâuv sir zôngv cxiv luôs công nghệ thôngz mông siz txuôk nhoz chor qơư njuôk kho moz đros cơ quan bảo hiểm mak ntâuz ntơưr uô zuôr hlôngr yiêz jông, paz trâu nênhs moz, nênhs tuôx njuôk kho moz zôngx ziv đuô. Pêz cux muk sêiz kaz ntơưv chor qơư njuôk kho moz, zos pov kror qơư tưs muôx nênhs tuôx njuôk moz chôngz, mak hêik tsêr kho moz cxaz nzir qơư njuôk shuôk. Thôngx cxix zuôr txo grêk chor ntơưr njuôk kho moz xuz thơưx ntơưv chor qơư co chiê tsik muôx ntâu hênhr thiêz taz por tsơưr lươngv hâur njuôk kho moz.

Nus: Ntu zuôr txos, nganhx BHXH Việt Nam zuôr kriz uô chor tsưr ziv tưs cov chor nênhs cxaz chuôz BHYT chôngz đuô 90% trâu shông 2020?

Têz: BHXH Việt Nam zuôr hêik pâuz thiêz hêik trâu chính phủ muôx têx tsưr ziv chiê  chuôz cxaz chor nênhs cxaz chuôz BHYT xưk li: Choz nzir txơưx jênhv, qênhx trâu BHYT Việt Nam hâur tsưr ziv uô tas nro pêx xênhv cxaz chuôz BHYT. Hâur co, zuôr uô muôx têx tsưr ziv zôngx ziv đuô hâur cxaz chuôz BHYT ziv chuôz zis, tsik zos cxaz chuôz uô cê, iz lênhx nênhs zuôr cxaz chuôz tâu nhoz têx ntu siz txơưr hâur shông, paz tsar tov trâu pêx xênhv tsik tas iz chor nhiêx ntâu trâu 3 lok sik 5 lênhx nênhs uô iz tês. Đros pêx xênhv uô nênhx nhoz têx thax tsav li bãi ngang, hêik chính phủ paz tsar tov muôx six hơưv sir zôngv thể. Lok saz chor tiv phaz cux xưk li bax nhiêx txiêx paz trâu nênhs zuôr xar pluôs cxaz chuôz BHYT. Bộ zoz zux thiêz thox cxov cux tsuv hêik li chak cov shux xênhz cxaz chuôz BHYT cxix cxuô tiv zix. BHYT tưz paz muôx siz bâus hâur tsoz phưz đas jos, nênhs cxaz chuôz zuôr njiz phiv liv lok nhiêx txiêx thâuv gri dịch vụ y tế hlôngr yiêz./.

thor uô cox tsâus ntâu!

(TTT-Lik Thox cxêik nhênhv)

Phênhv thưr 4, hnuz 06/7/2016:

PHÊNHV  PHAX TIR THÊIR NTUX NAS CHUÔ UÔ RUÔR HIÊV

Têx zuôr tsuv pâuz thâuv tso mê nhuôv muk uô luôv đêx

Lơưr bác sỹ nguyễn Trần Nam-Tsêr kho moz mê nhuôv zâu 2, TP HCM, uô luôv đêx cê jông trâu đas jos cê paz txo grêk luz chêr tsi yuô cuz, zos jax thêv thao jông yax trâu têx poz cxax, iz chêr huôv tsar. Chênhr viv li, chiê têx mê nhuôv uô cơưv uô luôv đêx nzor zuôr paz trâu têx nhuôs lox thiêz siêz tuôx, lar heik zos têx nhuôv tsênhv nhoz hnuz nhôngs hloz lox.

Taz  sik, têx lênhx nênhs nhênhz chơưv heik, uô luôv đêx cux muôx ntâu kror tsi jông li: Têx nhuôs zôngx ziv trâus moz kror muôs, cik tâu têx moz li: khâuk têx tơưr grêix, uô poz…. Chiê txo grêk tsơưs têx li heik no, chor uô niêv uô txir tsuv tsưv ziv têx li đrav kaz:

-Bax cxix cxuô têx chuôz zênhx zuôr trâus txos trâu mê nhuôv li: câuk mov, tsov kror muôs uô luôv đêx, yo hnar muk hâur đêx, yuôx trâu kror muôs, đêx zâus kror ndâux….

-Tsi chiê têx nhuôs uô luôv đêx thâuv tar sur ( txix 11 six tar sur txos 3 six zar hnuz kêix) viv thâuv ntơư mê nhuôv zôngx ziv trâus kâus yar ntux. Tas cik nzor thiêz thâuv zuôr tsâuk ntux zos têx luz six hơưv jông trâu chor nhuôs shâuv uô luôv đêx.

-Uô ntêx thâuv zuôr grêk muk uô luôv đêx, tsuv chiê têx nhuôs đhiê, uô si iz mê njik cov iz chêr muôs li tso muk hâur đêx uô luôv đêx chiê txar jav têx tsi jông li: tu lênhs lok sik tas jos thâuv tsênhv taz tov uô luôv đêx.

-Tsuv chiê têx nhuôs uô luôv đêx ntơưv têx pak đêx huv đros chor nhuôs hnuz nhôngs. Tsuv chiê têx nhuôs buôk ti, sưv jux juk trâu têx pak đêx, shâuv uô luôv đêx, chiê têx nhuôs shâuv uô luôv đêx trâu têx pak đêx hur, nyiêz, tsi yuô muôx chôngz nênhs uô luôv đêx….

-Thâuv mê nhuôv nhiv kruôr uô luôv đêx tas, tơưv  hâur đêx lok tsuv muôz têx txox fuôv lox, đar lok câur mê nhuôv li tsi trâus chuô thiêz tror muôz nhuôv đa têx đêx hur, li tsi muôx têx kiês nênhs lo mê nhuôv iz chêr, đhâu ntơư muôz fuôv so mê nhuôv iz chêr cov kruôr, muôz trik yo trâu hnar./.

( Thanh Thủy-Riê Lâux  cxeik, nhênhv)