Têx chuôz zis Việt-Lào jông nhiv no

Zơưv Vi Tố Định, Phưv Chủ tịch Hội hữu nghị Việt laox tỉnh Nghệ An chuôz zis nhoz jok 16, phường Trường thi, TP Vinh nhiv no tsênhv lênhk nhav tu zus 5 lênhx shux xênhz nhoz tỉnh Xiêng-Khoang thiêz Hủa Phăn, têz qơưk Lào tuôx. Zơưv Vi Tố Định heik: "Uô ntêx zos paz têx nhuôs chiê lơưr pâuz cxaz nzir ntâu đuô têx luk Choz Tsiz thiêz zuk pâuz lơưr luk. Chor nhuôs  mak kriê trâu pêz lok sâuv cêr xênhz huôx, nox nhoz, nênhs Lào cêr nênhx vênhx huôv thiêz sik đros thav, ndo txos chor lâuk đrav ntêx têx cêr nênhx, uô fôngx zưs jông, viv têx nhuôv co puôr lênhx zos chor đôngx cir canr bôv lok sik têx đôngx chir bôv đôiv lâuk lok sik têx lênhx tsôngv box Lào lok six nhiêv têz nhiêv qơư muôx cêr fôngx zưs jông đros Việt Nam têx tuz nhuôs. Hok lok sâuv pêz mak zos têx chuôz zis zos hội viên Hội hữu nghị Việt-Lào, pêz iz chuôz zis puôr lênhx muôx têx tuz nhuôs lok sik têx lâuk đrav ntêx tưz muôx côngz paz têz qơưk Lào".

Hâur 5 lênhx nhuôv tsênhv tâu nox nhoz ntơưv zơưv Vi Tố Định chuôz zis, muôx lênhx nhuôv Na-lay-văn zos iz lênhx tưz muôx jiês đros lơưr trok châuz tos đrav ntêx li lênhx nhuôv. Shông 1972, zơưv tsênhv zos tuz lênhv pênhz phax Việnt Nam paz têz  qơưk Lào tir ntâuk trok châuz nhoz thax tsav qơư Mường Mọc, tỉnh Xiêng-Khoảng, hok Na-lay-văn lênhx txir thâuv ntơư zos iz lênhx đại đội trưởng seiz car trok châuz têx tuz trok. Tiêv sik li ntơư, taz txix ntâu faz tsưr ziv, nuv uô, zơưv tưz hu zâuv tâu Na-lay-văn lênhx txir chox tâu 100 ntâu lênhx tuz trok lok paz tsôngv box Lào. Đhâu thâuv têz qơưk tiêx tuk, Na-lay-văn txir thiêz zơưv thiêx siz zok nriêr jênhv uô cưr tix, viv li ntơư Na-lay-văn tuôx cơưv Đại học Y khoa Vinh, thiêx tâu zơưv seiz xưk gâuk li zuk lênhx nhuôv hâur tsêr. Zơưv Vi Tố Định tưz muôz iz luz yêz tuôv tênhv lok zos yêz câur tênhv, zuôr ntơưr cơưv, chuôz zênhx phưx vưv cơưv txux thiêz meir tính puz trâu Na-lay-văn chiê sir zôngv hâur 6 shông nhoz cơưv ntơưr ntơưv Việt Nam. Na-lay-văn heik:"Tuôx Việt Nam tâu têx lênhx hluz zuk chuôs li zuk niêv thiêz txir, cur shir phaz thiêz jông siêz cơưk, viv nhoz no cux jông xưk li nhoz hâur zuk qơư,  zuk vax tsêr. Nox nhoz xưk iz zav li iz chuôz zis, viv cxuô zav  niêv txir puôr lênhx paz hur si. Muôx đaz tsi têx, cur puôr lênhx heik trâu niêv thiêz txir, tâu niêv txir paz. Têx thâuv muôx ntênhs hội lok sik txos tsiêz, lơưr Lào cêr nênhx phôngz cxưx, cur muk tsi tâu tsêr mak niêv thiêz txir gơưk tsưr tsix uô ntơưv no trâu pêz. Heik tiês tiês mak cur seiz jông xưk li tsênhv nhoz hâur zuk vax tsêr".

Zuôr xar 5 shông uô lơưr tsaz yênhx heik sâuv, yênhx châuv chuôz zis hội viên nhoz TP Vinh tưz lênhk nhav từ 150 ntâu lênhx nhuôs shux xênhz Lào. Nhiv nợ, ntâu lênhx tưz cơưv tas ntơưr tơưv tsêr cơưv, tror muk têz qơưk Lào lês car uô têx hâux lưv lox hâur têz qơưk , thax tsav qơư nhoz. Sĩ-vốn Bun-tha-vi, Tsar đoanx têx shux xênhz Lào tuôx nhoz cơưv ntơưr ntơưv Nghệ An heik:"Hâur ntu tâu tuôx nox nhoz hâur chuôz zis nênhs Việt Nam, pêz puôr lênhx tâu chor uô niêv thiêz uô txir, cưr tix nênhx tsa nhoz no hluz thiêz paz txos lok six ntâu. Têx thâuv pêz muôx moz gênhs, niêv txir chox pêz muk seiz njuôk shuôs, kho moz trâu tsêr kho moz, muôz nhiêx zuôr yuôx trâu pêz nox, txoz cxơưx iz kro jux juk xưk li zuk têx nênhs hâur tsêr. Muôx kênh jiês njiz phiv liv, muôx tsi txâuk têx zuôr trâus txos hâur cêr xênhz, nox hâuk....., chor niêv txir nhoz tov no puôr lênhx pheiz kênh, seiz shuôs jông hur si".

Hâur thax tsav tỉnh Nghệ An, nhiv no 5 taz viv zos tsêr cơưv Đại học Vinh, Đại học Y khoa Vinh, Cao Đẳng sư phạm thiêz Đại học kinh tế Nghệ An, muôx 400 txos 600 lênhx shux xênhz Lào. Luôs hâux lưv tsês cơưv thiêz chuôz zis têx niêv txir puôs nênhs Việt Nam sik hux jos tưz paz ntâu lênhx shux xênhz Lào cơưv tâu txux chi jông. Têx hnuz ntênhs, hnuz tsiêz, chiv nhênhv têx xor xưv chính trị lox, Hội hữu nghị Việt Lào tỉnh Nghệ An đros tsêr cơưv muôz ntơưr kruôs, học bổng tôngv zênhx têx nhuôs cov sir jos đuô thiêz hâur cêr cơưv txux. Phưv Giáo sư, Tiến sĩ Ngô Đình Phương, Phưv Hiệu trưởng tsêr cơưv Đại học Vinh heik:"Niêx shông pêz uô hâux lưv đros Hội hữu nghị Việt-Lào, chor txir hloz, txir nzơưv sơưr đơưk hâur Hội lok six moz siêz paz thiêz niêx shông muôx nhos 20 txos 30 chuôz zis lênhk nhav têx nhuôs shux xênhz Lào lok tu, cux seiz chuôz zis ntơư cêr nox nhoz xênhz huôx li chas, têx nhuôv lok nhoz hâur co tâu lơưr hluz thiêz paz xưk iz zav li nênhs Việt Nam têx nhuôv".

Phôngz yaox sik côngv siêz, sik đros tu thiêz choz kriê têx nhuôs shux xênhz Lào muôx luz nênhx txov nhêv cêr uô nênhx, tưz paz muôx nzir têx đuôz shav jông heik lok Việt Nam-Lào cêr coaz siv cưr bơưk, lar heik zos hâur ntu 2 têz qơưk tsênhv uô têx nuv chiv nhênhv 55 shông hnuz yênhx lix cêr coaz siv fôngx zưs sik paz./.

                                                                                                                            (TTT-Riê Lâux cxeik, nhênhv)

Kỹ sư Trần Văn Hà thiêz têx tsưr ziv uô liv trâu công ty yênhx puô triệu đêiv

Shông 1995, đhâu thâuv cơưv tas nganhx tênhv công nghiệp-tsêr cơưv cao đẳng tênhv 2, tix lâus Trần Văn Hà lok uô hâux lưv ntơưv công ty cổ phần suôz thax njêr Sơn La, đros kror hâux lưv uô zos kho tênhv. Zos nênhs nhiv kruôr cơưv tas ntơưr muôx tsơưs chênhz zênhv, taz sik xav jênhv zuôr sir jos uô hâux lưv, nhoz hâur công ty viv li tix lâus Hà tưz sir jos nriêr pâuz, sưv đros têx chuôz zênhx, cxiv luôs tênhv hâur tsêr mêir, sêi đrơưv sưv đros kror hâux lưv uô, iz thênhv jux juk muôx txux chi, uô txơưx. Shông 2006, tix lâus Hà tưz muk cơưv nzir ntơưv tsêr cơưv đại học bách khoa Hà Nội:“Cur uô côngz xưv ntơưv tsêr mêir txix chor shông yênhx lix txos nhiv no, cur lok six tso siêz uô hâux lưv hâur công ty”.

Tổ tênhv zos qơư lok six zov chênhr hâur cxiv luôs uô suôz thax njêr. Chor shông đhâu công ty tưz ndê công suất tsêr mêir muôx 4000 tấn iz hnuz. Kror no cux zos tsuv ndê công suất tênhv chiê huv đros công suất mêir. Hok công ty mak tsik tâu muôx mêir phuôx tênhv yiêz. Xar txos công ty têx phiv liv, tix lâus Hà thiêz sơưr đơưk hâur tôv tênhv tưz hêik pâuz sir zôngv mêir phuôx tênhv kuz. Txơưv tưz tsik yuôr ntơưr kriê lôngx đhok mêir, taz sik tix lâus Hà tưz uô jông sêiz shuôk, zok nriêr, cơưv shâuv thiêz lôngx đhok tâu mêir phuôx tênhv công suất lox huv đros công suất hâur tsêr mêir thiêz cxênhx txuôs tâu yênhx puô triệu đêiv trâu công ty. Đuô li, tix lâus tsênhv muôx tsưr ziv txơưr đuô tâu sir zôngv ntâu li: Hlôngr yiêz cxiv luôs cungz tênhv txos têx qơư uô, hlôngr đuô tênhv uô chak cov huv đros công suất mêir. Tix lâus Trần Văn Hà, Tôv trưởng tôv tênhv công ty cổ phần uô suôz thax njêr Sơn La puz pâuz:“Cxiv luôs tênhv oz pêz shông uô ntêx công suất tsênhv tsơưs zuk ndê công suất uô mak tênhv tsik txâuk, pêz hlôngr yiêz đuô cxiv luôs tênhv, đhok nzir iz luz mêir phuôx tênhv yiêz công suất huv đros công suất mêir phuôx tênhv kuz tsik muôx ntâuz ntơưr kriê pêz tsuv lôngx đhok lơưr zuk tsưr ziv pâuz xưz”.

Tưz tsik zos txơưx xar tơưv, sir jos hâur côngz xưv, tix lâus Trần Văn Hà tsik so xar, tsuv nriêr pâuz tsưr ziv txo grêk tsơưs tiv zix têx phiv liv lok tênhv. Tix lâus tsênhv sir jos paz trâu sơưr đơưk hâur tôv tênhv chiê uô côngz xưv muôx chêx cur đuô. Tix lâus Lê Hải Đăng, công nhân tso, kho tênhv công ty cổ phần uô suôz thax njêr Sơn La hêik:“Zos iz lênhx nênhs uô hâux lưv hâur tôv tênhv mak cur pov tix laus Hà zos nênhs sor jos hâur côngz xưv, đros sơưr đơưk mak uô jông hêik kriê têx chor nênhs pâuz tsik tâu cxix cxuô hâur uô zuk hâux lưv”.

Tix lâus Trần Văn Hà li têx sir jos, txơưx xar tơưv, muôx txơưx jênhv hâur uô hâux lưv, paz cxênhx txuôs, txo grêk nhiêx txiêx uô xênhz yar, uô liv trâu tsêr mêir tsuv tâu uô đêz đar thiêz phuôx huiz chiê sơưr đơưk cơưv shâuv uô trơưk./.

                                                                                                            (Thanh Thủy-Lik Thox cxêik nhênhv