Lai Châu uô truôx luôs hâux lưv sêiz car jiês tưr cơưv tiêr ntơưr  cxênhx pêz têz qơưk hâur chêix ntux nas

Txơưr cxuô shông uô ntêx, jiês thik cơưv tiêr ntơưr cxênhx pêz têz qơưk ntơưv Lai Châu shông no zuôr tsik muôx cán bộ, cưk kriê ntơưr têx tsêr cơưv đại học đros sêiz car jiês thik. Viv li, chiê tsôngv tuz nxêik shuv xênhz thik cov tâu zos đrêiv luôs hâux lưv tso tơưv thiêz côngz xưv bax lênhx nênhs sêiz car tsưr tsix thik tưz tâu tỉnh xêir tsov tâu jông. Chor nênhs uô côngz xưv sêiz shuôk jiês thik tsuv muôx txux chi siêz thiêz sir tas đas jos tsưr ziv sêiz car tưr thi.

Iz chas côngz xưv tsưr tsix thik, hâux lưv cơưv nzir, cxaz nzir txux chi trâu shux xênhz cux tâu nganhx zoz zux tỉnh Lai Châu sir jos uô. Txos nhiv no, chor tsêr cơưv cxênhx pêz sâuv thax tsav tưz uô tiêr tsaz yênhx kriê ntơưr, phênhv tưs kriê nzir cxuô têx txux chi, cux xưk li côngz xưv thik tưr siv trâu shux xênhz uô ntêx thâuv chor shux xênhz hla trâu jiês thik chênhr. Chảo Thị Nhàn, shux xênhz lớp 12B, tsêr cơưv phôv thôngz mênhx cxưx nội trú huyện Sìn Hồ, tỉnh Lai Châu hêik:“Ntu so tiv moz Covid, chor nênhs nhoz qơư kik mak tsar tov cơưv ntơưr cux jông đuô. Pêz nhoz tox siêz, ntâu luz jok tsênhv tsik tâu muôx tênhv, mạng internet chiê nriêr pâuz lok ntâuz ntơưr mak pêz tsênhv yuôr ntâu kror cêr txov. Pêz tưz chiv chir cơưv thiêz zok nriêr ntơưr cơưv nzir thiêz cơưv txix chor ntơưr cưk kriê muôz xa đhâu bưu điện xưz”.

Txơưv tsênhv yuôr ntâu cêr txov lok tsar tov cơưv ntơưr, jiês thik tưr ho tâu tsưr tsix ndax trâu chêix ntux nas, muk lok cux phiv liv, taz sik têx qơư tâu xêir chiê tsưr tsix thik txos nhiv no cux tưz bax jông lok cxuô zav, qơư tsưr tsix thik thiêz qơư nox nhoz trâu shux xênhz, paz trâu chor shux xênhz tso siêz đuô uô ntêx thâuv zuôr piz thik tưr. Hà Duy Khương, shux xênhz lớp 12A, tsêr cơưv cxênhx pêz huyện Sìn Hồ, tỉnh Lai Châu puz pâuz: Tsêr nhoz kuôk qơư thik tưr muôx 10 cêik cêr, ntu đhâu, Khương cux tưz tâu cơưv têx txux chi zos tsêr cơưv kriê. Tsêr cơưv cux  tưz bax trâu chor shux xênhz nhoz đêz qơư nox nhoz hâur chor hnuz thik tưr, viv li Khương zuôr tror tuôx tsêr cơưv uô ntêx jiês thik oz pêz hnuz:“Pêz zuôr sir jos uô txix têx txux chi zuk cơưv tâu, chiê uô cov  tâu jông tiv zix têx jax thik hâur jiês thik zuôr txos”.

Chêix ntux nas chuô shông no, tỉnh Lai Châu tưz muôx yưv ntâu jiês ntux têz uô hiêv, đêx ngaz cuôr, uô hiêv txos ntâu tiv phaz. Zơưv Đinh Trung Tuấn, Giám đốc Sở Zoz zux tỉnh Lai Châu puz pâuz: đros sir jos tsik chiê lênhx shux xênhz tưs tuôx thik tưr lis, lok sik tuôx thik tưr tsik tâu tiv ntux nas chuô, nganhx tưz chox kriê chor tsêr cơưv ntơưr sâuv thax tsav qênhz shuôk chor shux xênhz nhoz đêz chiê bax qơư nox nhoz jê ntơưv qơư thik trâu chor shux xênhz uô ntêx thiêz hâur jiês thik.“Jiês thik cơưv tiêr ntơưr cxênhx pêz nhoz tỉnh Lai Châu zos six hơưv piz muôx ntux nas chuô. Tsưr ziv ngaz tuk trâu nênhs dự thik zos yax kriê trâu shux xênhz tsuv uô jông sêiz shuôk txos têx phiv liv thâuv uô ntêx thiêz hâur chor hnuz thik. Tiv oz zos muôx tsưr ziv chiê shux xênhz nox nhoz jê ntơưv qơư thik hâur têx hnuz thik, tiv zix zos chor shux xênhz muôx luz nênhx txov nhêv. Tiv oz zos côngv đros chor lưx lươngv txơưx jênhv,  chiê uô chak cov sêiz jor tsik chiê lênhx shux xênhz tưs tuôx thik tsik tâu tiv phiv liv txix ntus nas chuô, đêx ngaz cuôr”.

Txos nhiv no, têx tsar tov lok vax tsêr cxuô zav, cux xưk li têx tsưr ziv chiê taz por ngaz tuk ntơưv têx qơư thik, qơư chấm thik ntơưv Lai Châu phênhv tưs tưz tâu bax tiêr. Nganhx Zoz zux têx sir jos thiêz chor lưx lươngv txơưx jênhv, chính quyền têx tiv phaz li têx sik côngv paz hâur phax tar, paz hâur têx hnuz thik zuôr zos têx kror jông chiê jiês thik tưr tâu tsưr tsix ngaz thiêz paz chor shux xênhz thik tưr tâu siêz tiv zix./.

                                          (Khắc Kiên-Lik Thox cxêik nhênhv)

Lênhx nênhs trâul saz thâuv ntu tir ntâuk trol châuz, uô ntêx nyuôs  trâu cxuô luôs hâux lưv hâur ntu têz qơưk tiêx tuk

Jok Phong Lai, xã Xuân Lai, huyện Thọ Xuân, tỉnh Thanh Hoá txox cêr ntêr iz cêik ntâu muk trâu ntus đêx Chu tâu cxiv uô kuôk no 11 shông cux tsênhv lok six grêiv, tsi yuô tâu jông muk lol. Tsôngv px ntơưv qơư thâuv tưs tưz shir phaz thiêz jông siêz viv cêr tâu tas nro tsôngv px sđ sik thôngx siêz, siz chos uô tâu. Chiê muôx tâu txox cêr no, zơưv Hoàng Viết Toán zos lênhx uô ntêx nyuôs heik Ban thường vụ Đảng uỷ xã cov tso chei heik 3 chi bộ jok Phong Lai tso tơưv Nghị quyết lok sâuv uô cêr muk lol. Zos lênhx tsar jok, zơưv Toán đros têx lênhx lês uô hâux lưv hâur jok heik cưr tix nênhx tsa têx nhoz đêz vax tsêr, muk uô hâux lưv đêz trâu cxuô thax tsav qơư hâur têz qơưk siz chos paz nhiêx txiêx, đros px kriz uô cêr muk lol. Đhâu 3 luz hlik heik sđ thiêz uô têx li heik sâuv, txox cêr uô tas nhos 850 tsov đeiv ntơư tưz uô tâu tiêr txix têx nhiêx txiêx sđ sik đros paz. Zơưv Trịnh Khắc Thuần, tsar jok Vênhx huôv Phong Lai, xã Xuân Lai, huyện Thọ Xuân, tỉnh Thanh Hoá heik pâuz, hâur têx hâux lưv, phôngz yaox ntơưv qơư, lênhx tuz lênhv trâul moz thâuv ntu tir ntâuk trol châuz Hoàng Viết Toán thâuv tưs tưz uô ntêx nyuôs hâur cxuô cêr nuv:“Jok phôngz yaox uô cêr mak tsuv heik txos đôngx chir Toán li tổ txiv ngaz thâuv tưs tưz uô ntêx nyuôs. Thiêz txix tổ txiv ngaz no pêz nthuôr uô đar trâu hur si têx jêx jok hâur six hơưv iz hlik, uô cov tâu tiêr hur si txox cêr no”.

Txos shông 2015, uô lơưr Đảng bộ xã tsưr ziv cxiv uô tsêr vênhx huôv jok, cxiv kho têx cêr muk lol, zơưv Toán tror tâu chi bộ thiêz px bo uô tsar ban thiêz tưz heik sđ siz chos paz tâu 650 tsov đeiv ntâu nhiêx cxiv uô tsêr vênhx huôv. Têx cêr muk lol hâur jok cux jux juk tâu uô yiêz, paz trâu jêx jok hôngr yiêz, jông jav đuô. Heik lol lênhx tuz lênhv trâul moz Hoàng Viết Toán, zơưv Nguyễn Ngọc Uyên, Phưv Chủ tịch Uỷ ban xã Xuân Lai, huyện Thọ Xuân, tỉnh Thanh Hoá heik pâuz:“Zơưv Hoàng Viết Toán, tâu tsôngv px sđ hâur thax tsav qơư njênhs thiêz nhiêv, pâuz txos ntâu. Đhâu thâuv lok so lâuk, zơưv thâuv tưs tưz heik têx tuz nhuôs uô lơưr jông Đảng, têz qơưk têx tsênhv chei, cui tinhv, iz chas co, yax kriê px nox nhoz muôx cêr siz hluz siz paz, tsưx phưv truôx thax tsav, qơư nhoz, sik đros cxiv tsa luz nênhx vênhx huôv. Hâur têx jiês xênhz huôx hâur thax tsav qơư, zơưv Toán zos phuôx tôngv uô zav hâux lưv đaz tsi mak px sđ lênhx tưs cux njênhs thiêz uô trơưk. Đros trâu têx uô tâu jông li heik sâuv, yax kriê têx mông txos px cux tâu sei thiêz zôngx ziv đuô”.

Đros tir ntâuk trol châuz nhoz Quảng Trị, txox cêr 9 Nam Lào, shông 1973, zơưv Toán trâul moz nhoz qơư tsav trok Tây, cêr sôr 9 41% thiêz trâul tsơưr tưx da cam. Shông 1976, zơưv lok uô hâux lưv phưx vưv nhoz qơư yiêz cxiv tsa jêx jok, têz qơưk tâu 28 shông, uô đhâu têx luôs hâux lưv li: Bí thư đoanx hluôk nênhs, Chủ tịch Uỷ ban thiêz Bí thư Đảng uỷ xã Xuân Lai. Txơưv tiêk nhoz kror tưs, uô zav hâux lưv đaz tsi tâu đảng bộ thiêz px zok muôz, zơưv puôr lênhx sir jos uô tiêr tâu jông. Lênhx tuz lênhv lâuk trâul moz thâuv ntu tir ntâuk trol châuz Hoàng Viết Toán heik, tror lok qơư nhoz hâur ntu têz qơưk tiêx tuk, tsuv khav tinhv lênhx đảng viên, lênhx tuz lênhv zơưv Hloz Hôx li txux chi, cêr uô nênhx uô ntêx nyuôs hâur cxuô cêr nuv thiêz kriê têx tuz nhuôs cêr huôv tsar uô nox uô hnar:“Uô tuz lênhv tror lok, nhoz hâur ntu têz qơư tiêx tuk, luz nênhx xưk luôs lưv tus, thâuv tưs cux moz siêz txos chuôz zis, nhiêv têz nhiêv qơư, mak đảng, têz qơưk choz zav hâux lưv tưs, đaz tsilok cux sir jos uô cov tiêr. Txơưv six hơưv, hnuz nhôngs tưs zos muôx hâux lưv nhuôz, phiv liv mak ndâux heik, têk tsuv uô chiê px uô trơưk , sik đros cxiv tsa jêx jok, qơư nhoz cov ziv hnuz ziv huôv tsar, vav mênhx”.

Đros thiêz têx txux chi tsưr ziv, côngz đas jos paz hâur ntu uô côngz xưv, nhoz hâur thax tsav qơư, zơưv Hoàng Viết Toán tưz tâu ntâu cxuô cấp têx ntơưr kruôs txos. Taz sik, kror uô trâu zơưv jông siêz thiêz muôx cêr shir phaz đuô hur si zos, chênhr tâu tsôngv cưr tix nênhx tsa sđ njênhs njôngr thiêz seiz hloz, nhiêv txos./.

(Sỹ Đức-Riê Lâux cxeik, nhênhv)