Jax sâu thưr 5, hnuz xiêz 7/1/2016

600 lênhx phưv Chủ tịch xã muôx “ hâu cêr muk”.

PV: Thor cox puz pâuz, hâur six hơưv đhâu, tsôngv box sơưr đơưk lok six moz siêz txos shuôs qơư, phênhz hâux lưv uô trâu têx lênhx phưv Chủ tịch xã thâuv dưv anr tưz zuôr suôx câuv. Hâu cêr muk trâu têx lênhx phưv Chủ tịch xã txưv zênhv tsênhv zos luôs hâux lưv tâu ntâu thax tsav moz siêz txos nhiv no. Uô li, Bộ Nội vụ tưz muôx tsưr ziv đơưk uô hâux lưv no li chas?

Zơưv Vũ Đăng Minh: Tsưr ziv phênhz qơư uô hâux lưv hâur six hơưv zuôr txos, lơưr Luật tsưr tsix hâu nov ntơưv qơư, iz xã hov 3 tsuôk tâu iz lênhx phưv Chủ tịch. Viv li, chiê taz por iz lênhx nênhs tror tâu nhoz uô hâux lưv tax txos thâuv suôx câuv lok hli 7/2017, Bộ Nội vụ tưz nhênhz chơưv thiêz muôx ntơưr heik trâu Thủ tướng chiê thôngz đhâu Bộ Chính trị, Ban Bí thư tso ziv chênhv. Lok sâuv cui tinhv, têx xã tsênhv uô dưv anr tror tâu zuôr 2 lênhx phưv chủ tịch xã, hâur ntơư iz lênhx phưv chủ tịch xã zos lênhx nhoz hâur dưv anr. Tiv 2, phênhz sir zôngv txix nhiv no txos trâu thâuv suôx câuv dưv anr. Hâur six hơưv uô hâux lưv, lênhx hluôk tưs muôx txâuk txux chi, tsưr ziv, pênhr xưv uô nuv mak seiz lok thax tsav qơư ntơư zoz qơưx xeir zuôr chiê phênhz uô têx hâux lưv txơưr đuô cov fiv đros lênhx nênhs ntơư pênhr xưv, têx txux chi cơưv tas lok. Yuôr đuô li đhâu thâuv suôx câuv dưv anr, tỉnh muôx txơưx jênhv phênhz qơư uô hâux lưv trâu lơưr txix ntơưv cấp xã txos cấp huyện, taz por trơưk chei, cui tinhv li: Lênhx hluôk tưs uô tiêr tâu jông têx luôs hâux lưv zok muôz mak puôr lênhx tâu phênhz qơư, hâux lưv uô huv đros zuk pênhr xưv, txux chi uô nuv.

PV:Cox nhiv kruôr heik txos hâux lưv cxaz nzir iz chei trâu dưv anr, uô li pok uô cxaz nzir lênhx tiz nênhs uô hâux lưv ntơưv têx thax tsav lok tsi uô thiêz ntơư pok zuôr huv đros zos pêz tsênhv sir jos chiê txo grêk tsơưs têx lênhx nênhs uô hâux lưv?

Zơưv Vũ Đăng Minh: Chuôz tsar trâu ntơưv qơư tsi uô hiêv li chas txos ntơưv qơư. Lơưr Thủ tướng chính phủ quyết tinhv 08 hnuz 26/01/2011 mak têx lênhx hluôk hâur dưv anr zos têz qơưs li nênhs. Tsưr ziv phênhz zos: Têx thax tsav tsênhv yuôr tsi txâuk nênhs uô hâux lưv mak zuôr ciês têx lênhx nênhs hâur dưv anr ntơư lok uô hâux lưv. Tsưr ziv 2 zos têx tỉnh tưz zuôr txâuk nênhs uô hâux lưv lơưr cui tinhv, thâuv xeir zuôr yiêz, tsov cưv zuôr têx lênhx hluôk hâur dưv anr no uô ntêx. Tsưr ziv 3, zos hur si 2 tsưr ziv sâuv uô tsi tâu mak Bộ Nội vụ heik trâu Chính phủ cxiv kho đuô hâur têz qơưs têx chei, cui tinhv xeir zuôr lênhx nênhs uô hâux lưv.

PV: Uô li, thor cox heik pâuz mê njik, đhâu qênhz shuôs têx chei, cui tinhv xeir zuôr lênhx nênhs uô hâux lưv ntơưv têx tỉnh cxaz chuôz dưv anr, pok sênhv ntâu lênhx, thiêz tâu pêk tsơưs % tsưr ziv xeir zuôr têx lênhx hluôk hâur dưv anr heik sâuv uô hâux lưv?

Zơưv Vũ Đăng Minh: Iz tỉnh tsôngz fênhx 2, 3 châuv lênhx phưv chủ tịch, ntâu yax zos tỉnh Hà Giang thiêz Thanh Hóa, yuôr têx tỉnh đrâuv mak muôx 15 txos 20 lênhx phưv Chủ tịch, muôx kênh luz tỉnh tsuôk muôx 7 txos 10 lênhx Phưv Chủ tịch. Têx lênhx ntơư pir li tas nro tỉnh tsưr ziv xeir zuôr mak tsi uô hiêv li chas txos. Viv ntâu tỉnh tsênhv yuôr ntâu lênhx nênhs tưz zôngv tsi tâu tas. Tiv 2, pêz uô lơưr chei txo grêk tsơưs lênhx nênhs uô hâux lưv, ntơư chênhr zos six hơưv cxaz nzir, xeir zuôr têx lênhx tiz lênhx nênhs muôx txux chi tsưr ziv jông uô nuv. Co zos vax huôv sir zôngv viv Chính phủ tưz chuôz tsar lênhx nênhs trâu têx thax tsav chiê phênhz qơư, hâux lưv uô huv đros. Hâur ntu têx hluôk uô hâux lưv ntơưv xã 5 shông, trơưk têz qơưs têx chei, cui tinhv thâuv txưv 5 shông mak zos six hơưv, cui tinhv chiê qênhz seiz, xeir zuôr lơưr lok uô hâux lưv têz qơưs hâur cxix luôs chính trị. Tiv 2, chor hluôk muôx  5 shông uô đreiv hâux lưv ntơưv qơư thiêz lơưr tsưr ziv, siêz xar zos xar nhoz uô hâux lưv ntêr trâu thax tsav qơư co zos iz kro jông, tsi thav đhâu 5 shông, lơưr thor lok uô hâux lưv trâu têx đrôngs mak xar tror nhoz uô hâux lưv ntơưv thax qơư ntơư. Li co, ntơư zos six hơưv jông chiê ntơưv qơư muôx têx xeir zuôr têx lênhx tiz nênhs muôx txâuk txux chi, tsưr ziv, pênhr xưv lok lênhk uô têx nuv phưx vưv tsôngv lax pêx xênhv.

PV: Hâur six hơưv zuôr txos, Bộ Nội vụ muôx têx tsưr ziv tưs trâu thax tsav tox siêz đêz đrôngs chuôz tsar lênhx nênhs zos têx lênhx hluôk muôx txux chi tsưr ziv uô nuv trâu têx thax tsav txov nhêv na zov?

Zơưv Vũ Đăng Minh: Nhiv no Bộ Nội vụ tsênhv tâu Chính phủ choz tror fuô uô đêx anr 500 lênhx hluôk nênhs muôx txux chi tsưr ziv siêz lok uô hâux lưv paz trâu huôv tsar thax tsav tox siêz. Ntơư zos đêx anr jông xưk li đêx anr 600 lênhx Phưv Chủ tịch xã, têx tsưr ziv, cui tinhv xeir zuôr jông iz zav taz sik txơưr  lok sâuv qơư uô hâux lưv. Chor hluôk heik ntơư xeir lok uô 5 zav nuv li: văn phòng thôngz sâu, qênhz shuôs đêx ar liêx têz, cxiv tsa tênhx qơư, qênhz nhiêx txiêx, tư pháp hộ tịch thiêz vênhx huôv XH. Nhiv no tâu zuôr xar 2 shông taz sik ntâu lênhx tâu ntơưv qơư xeir zuôr uô têx nuv hâur thax tsav thiêz zuôr txos no six cxiv bo xeir HĐND, ntâu lênhx hluôk tâu xeir nhoz, uô têx hâux lưv XH. Đhâu ntơư, chor hluôk khav tinhv tâu zuk txux chi, pênhr xưv uô nuv, muôx nzir lênhx nênhs uô têx nuv ntơưv qơư, iz chas co cux zos six hơưv jông chiê trâu lơưr shâuv uô sưv jux juk têx hâux lưv thiêz iz hnuz hloz tiêr siêz jux juk. Ntâu lênhx thâuv cơưv tas ntơưr Đại học lok shâuv uô nuv 3 luz hlik mak tsi pâuz đaz tsi hlo, taz sik thâuv lok ntơưv qơư buôk ti car uô đreiv têx hâux lưv zok muôz 3-6 hlik, chor hluôk tưz pâuz tâu sei têx tsưr ziv uô, viv lơưr tâu pov, tâu pâuz tsênhz txos têx nuv uô li chas, lơưr chênhr zos têx lênhx buôk ti car uô đreiv luôs hâux lưv no. Txos nhiv no, ntâu lênhx hluôk zos nênhs Choz Tsiz tưz muôx têx heik tâu 2, 3 zav luk, ntơư zos iz kro lok six jông, viv tsi pâuz tsôngv box luk mak lax uô tâu hâux lưv đros tsôngv box. Co zos qơư kriê shâuv tsưr ziv uô nuv trâu têx lênhx hluôk nênhs.

PV: Thor uô cox tsâus ntâu, tưz tsês six hơưv, hnuz nhôngs đros pêz thav!

                               (TTT-Riê Lâux cxeik, nhênhv)