Iz shông muôx ntâu kror jông cxiv tsa jêx jok yiêz nhoz Yên Bái

Uô lơưr cxiv tsa jêx jok yiêz, hâur shông đhâu huyện Văn Yên, tỉnh Yên Bái tưz huiz tôngv yênhx châuv tiv đêiv chiê kriz uô chor luôs hâux lưv cxiv tsa jêx jok yiêz. Đros co zos tror yax kriê đêz đar txos trâu cxuô cxênhx nênhs pêx xênhv lok tsưr ziv, tsiv gri cxiv tsa jêx jok yiêz. Thâuv sơưr đơưk tưz to tâuz thôngz, pox nhuôs sơưr đơưk huyện Văn Yên tưz muôz ar, paz đas jos, nhiêx txiêx trâu cxiv tsa jêx jok yiêz. Iz zav li niêv tix Vương Thị Rớt, nhoz xar An Thịnh, huyện Văn Yên li ziv chuôz zis, thâuv kriz uô txox cêr Cây Đa-Lạc Hồng, chuôz zis tưz tsik zos muôz 160 yiv ndis ar trâu uô cêr mak tsênhv jông siêz ruôr iz qar tsêr chiê txox cêr tâu uô ndax đuô. Niêv tix Vương Thị Rớt hêik:“Cur chuôz zis pov uô huv đros mak jông siêz muôz xưz thiêz ruôr tsêr chiê uô cov txox cêr jông muk lok trâu jêx jok đuô, tsik xar li chak hlo, tsik hêik li uz li no hlo”.

Ntơưv huyện Trấn Yên, txix cxiv tsa jêx jok yiêz mak luz huyện tox siêz no tưz  muôx ntâu hlôngr yiêz, pêx xênhv luz nênhx ziv hnuz ziv tâu gra siêz đuô. Txos nhiv no, 100% chor jêx jok hâur huyện muôx cêr yêz lox muk lok; hâur co, 65% chor cêr tưz tâu uô txix bê tông. Têx côngz trinhx đêx liv, ciêz tsênhv qơư xar, tsêr cơưv ntơưr, tsêr vênhx huôv…sâuv thax tsav tâu uô truôx đuô, taz por phưx vưv trâu muôl muôs hax huv, huôv tsar kinh têr-xar hôiv ntơưv tiv phaz. Zơưv Trần Đồng, phưv chủ tịch UBND huyện Trấn Yên, tỉnh Yên Bái puz pâuz:“Huyện Trấn Yên xav jênhv côngz xưv yax kriê zos iz hâur têx tsênhv njiêz lok six zov chênhr hâur cxiv tsa jêx jok yiêz. Chor nênhs tsuv tâu yêx kriê xuz thơưx ciês zos cán bọ, công chức cấp xar mak hêik cov lơưr pâuz tsênhz ciês viv lơưr zos chor nênhs zuôr hêik trâu pêx xênhv pâuz tâu cxiv tsa jêx jok yiêz zos phưx vưv gra siêz luz nênhx trâu pêx xênhv sơưr đơưk”.

Hâur shông 2018, Yên Bái muôx nzir 13 xar tax ploz tsênhr jêx jok yiêz, gra tas nro chor xar jêx jok yiêz nhoz tỉnh ndê 64 xar. Cux txix cxiv tsa jêx jok yiêz, tỉnh Yên Bái tưz uô tâu chor thax tsav uô nox li: Thax tsav chos blêx tsơưr lươngv siêz; thax tsav chos ntông nox txir, cuêv fix…đros tas nro thax tsav muôx 260 cxênhz ntâu hec ta. Txix co, paz chuôz ndê nganhx kôngz nuv tâu muôx 4,5% iz shông. Tỉnh li tsưr zov zos txos shông 2020, tỉnh li phênhv sâu xav lênhx nênhs nhoz jêx jok zos 32 triệu đêiv iz lênhx nênhs iz shông, siêz đuô oz jiês pir li shông 2015; tas nro tỉnh muôx 64/157 xar uô tiêr cxiv tsa jêx jok yiêz thiêz Trấn Yên tâu côngz jênhv zos huyện jêx jok yiêz.

Txix pêx xênhv thiêz chính quyền cxuô cấp li têx sir jos, têx xar jêx jok yiêz tưz thiêz tsênhv zos têx qơư huôv tsar jông lok kinh têr-xar hôiv ntơưv thax tsav tỉnh Yên Bái./.

(Thừa Xuân-Lik Thox cxêik nhênhv)

Phax tar thaz phưz nox nhiêx 2018: Iz shông muôx ntâu luôk hâux lưv tsuv tsov cưv

Têx hnuz xuz thơưx hâur shông 2018, bị cáo Đinh La Thăng, Trịnh Xuân Thanh đros 20 lênhx nênhs muôx lênhx coaz trâus tik cêr cxâuv “ Cxoz txưv uô tsi trơưk Têz qơưk li cui tênhv lok coar lik kinh têr uô ruôr hiêv zov chênhr” thiêz “ Thaz uz chuôz zênhx chuôz tas” nhoz Tập đoàn trox pa (PVN) thiêz Tổng công ty cổ phần cxiv đhok trox pa Việt Nam (PVC). Iz hâux lưv tso pov côngz xưv phax tar thaz phưz  tsi muôx “ thax tsav trâus txưr” qir tâu uô.

          Têx txuz anr lox, phưx txuôx; ntâu lênhx cán bộ thênhv siêz hâur Đảng trâus yưr lir kỷ luật, chox lok tik cêr cxâuv lơưr Pháp luật li cui tênhv. Lơưr zos têx lênhx nênhs ntu đrav ntêx cux muôx côngz lox trâu têz qơưk, tưz hla đhâu cxuô phêv liv hâur cxuô ntu, taz sik hla tsi đhâu siêz xar nox nhiêx txiêx chiê sâu liv trâu zuk... Txuz án tưr nhiêx cxênhz tỷ đhâu mạng lênhx coaz txos kuz Tổng cục tsar Tổng cục Cảnh sát Phan Văn Vĩnh thiêz kuz Cục tsar Cục cảnh sát phax tar nênhs phamv cxâuv công nghệ siêz Nguyễn Thanh Hóa trâus Tòa án tỉnh Phú Thọ chox lok tik cêr cxâuv hâur hli 11 nhiv kruôr đhâu zos iz hâux lưv heik tơưv tsênhz mênhx. Đhâu seiz car côngz xưv phax tar thaz phưz nox nhiêx hâur shông 2018, Giáo sư Tiến sỹ Hoàng Chí Bảo, kuz Ủy viên Hội đồng Lý Luận trung ương ntâus grê:“Cur xar tiêk, cuz nxor tiv zix zos têx txuz thaz phưz nox nhiêx lox, hâur co têx txuz thaz phưz nox nhiêx mê mak uô ruôr hiêv txos đảng viên li suôz bê, tas nro têx txuz anr lox muôx yưv nhiv kruôr đhâu tso pov qênhx shênhx no. Tsôngv box cux pov Đảng muôx têx hlôngr yiêz jông hâur sir jos tir tar thaz phưz nox nhiêx, chox lok tik cêr cxâuv tsênhz mênhx chiê sđ pâuz”.

          Shông 2018, côngz xưv tơưv txênhz phax tar thaz phưz nox nhiêx hlôngr yiêz jông. Cxôngx hnuz xiêz 1/10/2017 txos hnuz 30/9/2018, đhâu huôx tôngv seiz car tưz pov 78 txuz, 106 lênhx nênhs thaz phưz nox nhiêx thiêz muôx lênhx coaz txos thaz phưz; đhâu côngz xưv car chêx pênhr cov pov muôx 40 txuz, 87 lênhx nênhs muôx têx hâux lưv thaz phưz nox nhiêx ( chuôz ndê 66% ntâu chor txuz). Lưx lươngv Công an li chiz coaz qênhz yuôx thix ziv qênhz yuôx 427 txuz, 889 lênhx nênhs uô cxâuv lok thaz phưz; tưz ntâus grê qênhz yuôx thix ziv tik cêr cxâuv 212 txuz, 488 lênhx nênhs. Tsuv heik zos pir đros shông 2017, têx lênhx nênhs tâu qênhz pov, yưr lir viv thaz phưz nox nhiêx ntâu đuô, krêz đar đuô, tiv zix zos hâur co muôx têx lênhx zos cán bộ hâur quân đội, công an, têx nganhx mak ntêr lok no tsôngv box lax pov thiêz heik tơưv tâu thâuv muôx têx uô cxâuv. Kror no tso pov tsênhz mênhx chinhz yênhx “ tsi muôx qơư txưr” tsi muôx têx tsov cưv hâur tơưv txênhz phax tar thaz phưz nox nhiêx. Zơưv Cao Văn Thống, Ủy viên UB qênhz yuôx Trung ương khóa 12 xar li no:“Hâux lưv co tso pov pêz Đảng li truôx siêz chinhr trị, Ban chấp hành Trung ương, đ/c Tổng Bí thư li chox kriê đros chinhz yênhx tơưv txênhz phax tar thaz phưz zos truôx siêz phax tar txos qơư, tsi muôx qơư trâus txưr, tsi muôx têx tsov cưv. Li đ/c Tổng bí thư tưz heik: Kror chuz hluôr tơưk tưz chis cuz tuôx lơưv mak tơưk kruôr lok sik tơưk nhôngs cux zuôr cuz tas”.

          Shông 2018, côngz xưv cxiv tsa, hlôngr yiêz Đảng tror tâu cxơưz tiês uô thiêz phuôx huiz chêx cuk têx shông tov ntêx. Cxôngx ciês hâur six cxiv txos nhiv no, hâur tsi nto 3 shông, 60 ntâu cán bộ nhoz Trung ương coar lik tưz trâus kỷ luật, hâur co muôx 5 lênhx tsênhv zos Ủy viên Trung ương Đảng. Têx hnuz kaz shôngk shông 2018, Phêv ziv Trung ương 9 tso tsês tsi puz uô Ủy viên Trung ương Đảng, Phưv bí thư Thường trực thành ủy, Ủy viên Ban thường vụ Thành ủy TP.HCM six cxiv 2015-2020 đros zơưv Tất Thành Cang viv tưz muôx têx uô cxâuv zov chênhr. Tổng bí thư, Chủ tịch têz qơưk Nguyễn Phú Trọng phuôx plov hâur jiês khiêz phêv Phêv ziv Trung ương 9, khóa 12 tưz heik mênhx “ Lok six qiv siêz! Taz sik viv Đảng, têz qơưk li kỷ luật, viv Đảng li truôx vênhs, hur si thiêz tsôngv box li siêz xar, pêz tsuv uô, thiêz zuôr tror uô jông hâur ntu zuôr txos”.

          Chênhr đros têx siêz sir jos co, đros Đảng, têz qơưk li chox kriê hâur côngz xưv phax tar thaz huôz shông 2018 tưz sâu jênhv ntâu luôk hâux lưv uô tâu jông hâur xã hội. Chinhz yênhx co, siêz sir jos co zuôr tror tâu phuôx huiz đuô thiêz hâur shông 2019 chiê côngz xưv phax tar thaz phưz nox nhiêx tax tâu ntâu chêx cuk đuô, tuôv zênhv jông tsôngv box tas nro têz qơưk li siêz xar njôngr đros Đảng, têz qơưk li lênhs tov./.

(PV Đeix TNVN- Txâur Vax cxeik nhênhv)