Huyện Điện Biên, tỉnh Điện Biên sir jos hlôngr yiêz uô ntâuz ntơưr bảo hiểm xar hôiv

Chiê paz đơưk kho têx phiv liv, tsik jông trâu tsưr lox tôngv thiêz pêx xênhv thâuv cxaz chuôz bảo hiểm xar hôiv, bảo hiểm y têr mak têx shông đhâu côngz xưv hlôngr yiêz đuô uô ntâuz ntơưr ntơưv Bảo hiểm xar hôiv huyện Điện Biên, tỉnh Điện Biên tưz sir jos uô cxuô nro, paz muôx ntâu hlôngr yiêz tsênhz mênhx. Xav jênhv tsênhz mênhx têx taz viv sir zôngv lox tôngv thiêz nênhs cxaz chuôz bảo hiểm xar hôiv kror tso siêz thiêz xar uô zôngx ziv zos kror xuz thơưx, viv liv côngz xưv hlôngr yiêz uô ntâuz ntơưr, tiv zix zos sir zôngv công nghệ thôngz mông trâu kriz uô giao dịch điện tử tưz tâu Bảo hiểm xar hôiv huyện Điện Biên kriz uô hâur tas nro cxuô kror txix thêv txos trâu sêiz car nhiêx thêv, paz muôx tâu kror liv trâu pêx xênhv, siêz njênhs trâu nênhs cxaz chuôz bảo hiểm. Zơưv Lương Ngọc Thanh, nênhs nhoz đội 17, xar Thanh Chăn, huyện Điện Biên phêiz kênh:“Đhâu jiês cơưv yax kriê lok bảo hiểm xar hôiv chiv chir zuôr, tâu Đảng, têz qơưk tsov cưv txos thiêz cur tưz jênhv pâuz tâu cxaz chuôz bảo hiểm xar hôiv muôx liv li chak. Cur nhiv no cux tsênhv hluôk, uô lox tôngv tâu, cur chuôz zis cux xar tsês chiê mê njil nhiêx cuiv chiê trâu ntu lâul tov kaz no viv li cur cuêz tênhv cxaz chuôz bảo hiểm xar hôiv chiv chir zuôr”.

Zơưv Kim Mạnh Hùng, Giám đốc Bảo hiểm xar hôiv huyện Điện Biên, tỉnh Điện Biên puz pâuz: côngz xưv hlôngr yiêz uô ntâuz ntơưr hành chính sir zôngv công nghệ thôngz mông tsênhv tâu ntâuk gri zos Bảo hiểm xar hôiv huyện Điện Biên li kror hlôngr yiêz jông tiv zix. Txix co paz tsik tsơưs trâu côngz xưv cxênhx txuôs thiêz six hơưv trâu chor tsưr tsix, tiz nênhs thâuv uô hâux lưv ntơưr uz no lok bảo hiểm xar hôiv, bảo hiểm y têr, bảo hiểm tsik muôx hâux lưv uô. Đros sir jos hlôngr yiêz uô ntâuz ntơưr hành chính, nhiv no cux tsênhv kriz đar chor taz viv sâu ntơưv tiv phaz, sir jos uô côngz xưv yax kriê txos trâu pêx xênhv, khov co chor nênhs cxaz chuôz Bảo hiểm Y têr ziv chuôz zis thiêz Bảo hiểm xar hôiv chiv chir zuôr ziv hnuz ziv chuôz ndê.“Côngz xưv hlôngr yiêz uô ntâuz ntơưr hành chính zos iz kror lok six zov chênhr chiê paz uô trâu chor nênhs tâu sơưv njênhs siêz thiêz tâu uô zôngx ziv, sêiz đuô. Thiêz chiê tsêx trung trâu hlôngr yiêz ntâuz ntơưr hành chính, kror zov chênhr tiv zix cux zos lênhx nênhs chiê uô côngz xưv txêik tok chor nênhs tuôx uô ntâuz ntơưr. Chiê uô chak cov thâuv muôx nênhs tuôx mak lơưr pâuz tâu têx kror zov chênhr tiv zix chiê cêir chêx kror hâux lưv co tâu sêiz tiv zix”.

Lơưr Bảo hiểm xar hôiv huyện Điện Biên, thâuv muôz giao dịch điện tử lok sir zôngv hâur côngz xưv hlôngr yiêz ntâuz ntơưr hành chính, xuz thơưx mak njiz lok six ntâu phiv liv, viv huyện Điện Biên zos tox siêz, thax tsav đar, pêx xênhv nhoz tsik uô cê. Têx taz viv sir zôngv lox tôngv nhoz sâuv thax tsav nhoz đêz, cxiv luôs thôngz mông tsik truôx jông. Chiê uô tâu hâux lưv no, taz viv tưz sik côngv truôx đros chor nênhs cungz mạng chiê trâu têx taz viv sir zôngv lox tôngv kruôz kriê. Đhâu iz ntu chor cán bộ bảo hiểm, chor nênhs cungz mạng li têx sir jos, txos nhiv no tưz muôx 99% têx taz viv sir zôngv lox tôngv giao dịch đhâu điện tử đros cơ quan bảo hiểm xar hôiv. Zơưv Hoàng Minh Toàn, Phưv Giám đốc Bảo hiểm xar hôiv huyện Điện Biên, tỉnh Điện Biên hêik:“Chiê gra siêz tsơưr lươngv đuô thiêz, phưx vưv trâu pêx xênhv, Bảo hiểm huyện Điện Biên tưz tso tơưv têx tsưr ziv sir jos uô côngz xưv yax kriê, hêik pêx xênhv cxaz chuôz bảo hiểm xar hôiv, bảo hiểm y têr. Tsêx trung uô hlôngr yiêz ntâuz ntơưr hành chính uô chak cov pêx xênhv tuôx txos mak tsik njiz têx phiv liv tưs”.

Đros sir jos hlôngr yiêz côngz xưv uô ntâuz ntơưr hành chính, taz por cxix cxuô, ndar six hơưv têx chế độ tsênhv chêi bảo hiểm xar hôiv, bảo hiểm y têr trâu pêx xênhv, bảo hiểm xar hôiv huyện Điện Biên tưz sir jos đros cấp ủy, chính quyền têx tiv phaz gra siêz tsơưr lươngv tsoz phưz đas jos trâu pêx xênhv, paz ngaz tuk xar hôiv sâuv thax tsav, paz uô trâu pêx xênhv njênhs njôngr trâu tsênhv chêi bảo hiểm xar hôiv chiv chir zuôr./.

(Vũ Lợi-Lik Thox cxêik nhênhv)

Phênhv nôngx mênhx zuôr tsuv pâuz

TSƯR ZIV PHAX TAR YEIZ THIÊZ NO TRÂU KEIZ

          Cux xưk li têx zav tsiêx tu zus txơưr, hâur têx hnuz ntux no njiv, zos keiz tsi tâu tsoz phưz, phax tar yeiz thiêz no cov jông mak cux zuôr zôngx ziv trâus têx zav moz cik li:Moz ơưk keiz ok, têx zav moz lok cêr uô pa....Keiz trâus moz thiêz tuôs mak zuôr uô ruôr hiêv lox lok kinh têr trâu nênhs tu zus. Chiê por vêv taz por trâu chuôz zis li jas keiz hâur têx hnuz ntux no njiv, nênhs tu zus tsuv uô jông iz cxiê tsưr ziv li đrav kaz:

          - Bax cxix cxuô têx ntâuz tax their chôngx keiz cov jông, tsi chiê trâus chuô njơưx; đei cxaz kê tênhz đax chiê keiz sor đuô hâur têx hnuz ntux no njiv.

          - Keiz ntês kê mak tsuv zus 6-8 tul hâur iz yiv ndis; keiz zuôr greix mak cxôngx 8-10 tul hâur iz yiv ndis.

Nhạc cắt

          - Taz por muôx krâur cxix cxuô trâu keiz nox, huv đros yênhx jas keiz; puz hâuk đêx hur, sor thiêz puz hâuk cxaz cuô thax Gluco, têx zav vitamin, yuôx chiê muôz siêz đas jos tir tar moz trâu keiz.

          - Yax six uô vêv xênhz chôngx keiz cov hur si thiêz yax six hlôngr têx xuô blêx, hnhaz blês puô hâur chôngx keiz.

          - Lơưr six hơưv tsuv tsuôk yuôx tuô caz moz li: Virkon, Han-Iodine, Benkocid, môngr jêz siz....

Nhạc cắt

          - Cxax cxix cxuô têx zav yuôx phax tar moz trâu keiz tiv zix zos : moz ơưk keiz ok, Niu cát lơ, Gumboro...

          Đrâuv têx tsưr ziv tưz heik sâuv, tsuv yax six seiz njôngr keiz chiê pov nzor, yưr lỉ thâuv muôx keiz trâus têx moz yưv tiv ntux no thiêz yeiz lok sik trâus moz./.

(Thu Thùy- Txâur vax cxeik nhênhv)