Pêx xênhv jok Ngoa tso siêz lok qơư nhoz yiêz ngaz tuk

Pêx xênhv nhoz jok Ngoa, xar Phúc Sơn, thị xar Nghĩa Lộ cux tsênhv ndo njôngr txos jiês đêx ngaz cuôr yôngz lịch sử thâuv hli 10/2017. Chor đêx huôv lox cuôr đros têx ar, poz jêz thiêz shôngz ntông lok tưz cuôr tas cxuô zav tsoz chos thiêz iz cxiê lênhx nênhs. Niêv tix Lường Thị Xoa, nhoz jok Ngoa puz pâuz, đhâu jiês đêx ngaz cuôr co, oz pêz shông đhâu, txos trâu chêix ntux nas, txơưv lênhx tưs cux lok six cxơưx. Đhâu ntâu shông nhoz tok, hla trâu hli zuôr txos, niêv tix chuôz zis zuôr cxiv uô tsêr trâu ntơưv qơư nhoz yiêz, ntơưv thax tsav ar qơư nhoz kuz chiê chuôz zis zôngv huôv tsar cêr uô nox:“Têz qơưk moz siêz zok nriêr qơư nhoz siêz, pêx xênhv lok shir phaz thiêz tso siêz. Cxiv uô tâu vax tsêr, pêz zuôr njêis yêv cxuô zav lok nhoz ntơưv kror qơư co”.

Thax tsav qơư niêv tix Xoa chuôz zis tâu yêik lok nhoz yiêz no đar muôx 3 héc ta, tâu cxiv uô đhâu muôx yưv jiês đêx ngaz cuôr lịch sử shông 2017. Txos nhiv no tas nro plas tsêr thiêz tênhv tênhz, cêr muk lok tưz tâu yưv pênhr uô cxix cxuô, txêik tok 52 ziv chuôz zis lok nhoz qơư yiêz. Xav iz chuôz zis tâu phêiz 180 txos 200 thiêr ar chiê uô tsêr nhoz. Tix lâus Hoàng Văn Duyên, nhoz jok Ngoa puz pâuz: đhâu thâuv tâu paz ar nhoz, tix lâus chuôz zis tâu sơưr đơưk hâur jok paz cxiv uô đuô luz tsêr ntông chiê nhoz. Pir li qơư nhoz kuz mak ar grêiv đuô, taz sik no zos kror qơư nhoz ngaz tuk đuô, tsik cxơưx đêx nas chuô uô ruôr hiêv:“Lok nhoz ntơưv kror qơư nhoz yiêz no mak pêz lok six tso siêz, truôx siêz uô nox, viv nhoz kror qơư kuz, thâuv tưs cux cxơưx tsav muôx đêx ngaz cuôr, thâuv đruôz hnuz tsik luôx tưs, taz sik zos hmo ntux  cux cxơưx hênhr”.

Ntơưv qơư nhoz yiêz, phênhv ntâu zos chor chuôz zis ruôr zuk chor vax tsêr kuz lok uô đuô tsêr nhoz. Chor chuôz zis muôx nhiêx nhiêx cux bax tâu cxuô zav cxiv uô tsêr yiêz nhoz. Zơư Hoàng Văn Yên muôx 70 shông hnuz nhôngs, nhoz ntơưv qơư nhoz kuz, nhiv no tâu txar lok  nhoz qơư yiêz shir phaz hêik:“Txar lok nhoz ntơưv no mak cur cux lok six tso siêz. Ntux nas chuô, đêx ngaz cuôr lok cux tsik cxơưx lơưv. Lok ntơưv no mak jêx jok thiêz têx tuz nhuôs cux paz hnuz côngz chiê uô tsêr nhoz”.

Zơưv Hoàng Văn Hải, Phưv Chủ tịch UBND xar Phúc Sơn, thị xar Nghĩa Lộ puz pâuz: Qơư nhoz yiêz jos Ngoa, xar Phúc Sơn tâu kriz uô lơưr Hôiv đôngx tỉnh li Nghị quyết, chiê muôz 5% têx ar hâur xã uô qơư nhoz trâu chor chuôz zis njiz trâus phiv liv tiv ntux têz uô ruôr hiêv. Hâur co, têz qơưk paz uô têx plas tsêr, cxiv uô cêr cxuô zav thiêz tik tênhv tênhz; paz nhiêx txiêx txar qơư nhoz muôx 15 triệu đêiv thiêz paz khơưz têx kror đêx trâu yênhx ziv chuôz zis:“Đhâu thâuv tâu muôz ar, pox nhuôs tưz yêik zênhzz max lok nhoz trâu qơư yiêz. Nhiv no muôx 52/97 ziv chuôz zis txar lok nhoz, chor chuôz zis txơưr mak xar tưz muk uô ntâuz ntơưr thiêz chor chuôz zis cux hêik zuôr txar lok nhoz ntơưv qơư nhoz yiêz uô ntêx tsiêz”.

Trơưk li luôs hâux lưv tso tơưv, txix nhiv no txos kaz shông, tas nro chor chuôz zis nhoz jok Ngoa zuôr tâu txar lok nhoz qơư yiêz, paz trâu pêx xênhv muôx luz nênhx truôx tuk tsâu sor./.

(Đinh Tuấn-Lik Thox cxêik nhênhv)

Lênhx cưk yuôx lâul têx yuôx đrox njuôz

Muk txos TP Bắc Kạn, tỉnh Bắc Kạn, nus txos lênhx cưk yuôx Nguyễn Văn Cư, chuôs li lênhx tưs cux puôr lênhx pâuz txos, viv zơưv Cư tsi tiêk zos Phưv Chủ tịch Hôiv têx lênhx cưk yuôx đrox njuôz, mak tsênhv zos lênhx cxiv tsa Hợp tác xã yuôx đrox njuôz xuz thơưx nhoz Bắc Kạn, cux zos iz tus cưk yuôx muôx suôz bê nto đros trâu têx yuôx đrox njuôz jông thiêz. Thax qơư đar muôx 2, 3 cxênhz xưv phaz tâu zơưv Cư pheiz, cxiv uô 2, 3 kror qơư li: Qơư đa têx cuô đêx yuôx, qơư cxôngr yuôx, qơư seiz njuôk shuôs moz, qơư trâu têx yuôx. Zơưv Nguyễn Văn Cư tưx lênhk nhav, nưk zos iz tus hmôngr jông thâuv tâu xênhz zus trâu iz chuôz zis muôx lơưr chor lâul ntâu fax, pâuz muôz têx yuôx đrox njuôz chơưv kho moz gênhk thiêz tâu tsôngv box Cho kriê tsês ntâu zav yuôx đrox njuôz jông. Zos lênhx nhuôv hloz, txix thâuv muôx 20 shông zơưv Cư tưz cơưv shâuv chor lâul têx tsưr ziv sâu muôz yuôx đrox njuôz chơưv kho moz. Tiêv sik li ntơư, taz têx shôngz ntông, jôngr lox iz hnuz tsơưs jux juk, ntâu zav yuôx đrox njuôz jông cux ziv hnuz ziv tsi muôx tas, uô zơưv xar tsưr ziv, sir jos zok nriêr têx yuôx lok chos siv tsês hâur têx vax, xuz jôngr ntông jê vax tsêr… Shông 2013, Hợp tác xã yuôx đrox njuôz Bắc Kạn qir tâu yênhx lix: “Yuôx đrox njuôz lok six jông thiêz jông chơưv kho têx moz gênhk. Cur cux tsênhv xar njôngr thiêz muôx tsưr ziv, xar kriê tsês têx yuôx đrox njuôz co trâu chor tuz nhuôs chiê tov kaz no lơưr pâuz sâu đê têx yuôx ntơư paz đros chơưv kho moz gênhk trâu tsôngv cưr tix nênhx tsa sơưr đơưk. Iz chas co, cur quyết tinhv yênhx lix Hợp tác xã yuôx đrox njuôz chiê uô zuz chos, por hưv tâu têx yuôx jông, zos tsi uô li zuôr por hưv tsi tâu tsês chor yuôx no, iz hnuz trâul pôngz jux juk, chor nhuôs zuôr ziv hnuz ziv tsi pâuz txos têx yuôx đrox njuôz ntơư”.

Sâuv ar têz đar muôx 10 ha ntâu, zơưv Cư uô zuz, chos ntâu zav yuôx đrox njuôz jông li: Kaz huz, yuôx kho moz hâur châus, hmaz lâuv liêz….. Đhâu ntâu jiês uô zuz, chos tsi tâu trơưk tsưr ziv, nhiv no zơưv tưz uô tâu yênhx côngz. Têx yuôx đrox njuôz ntơư iz shông tưz gra lok phênhv sâu txix 300-400 tsov đeiv, paz tsar ndê Hợp tác xã yuôx đrox njuôz Bắc Kạn muôx 12 lênhx nênhs uô hâux lưv, zos zơưv Cư uô thơưx seiz car li phênhv sâu tâu txix 2-3 tyv đeiv iz shông, xav kror đruôz đraz iz lênhx nênhs uô hâux lưv hâur Hợp tác xã muôx phênhv sâu txix 4-5 tsov đeiv iz hlik. Chiê Hợp tác xã huôv tsar truôx, zơưv tus nxeik thiêz tus vâur puôr lênhx tưz cơưv tas ntơưr ntơưv têx tsêr cơưv, cơưv uô cưk yuôx lok, têx lênhx nênhs uô hâux lưv hâur Hợp tác xã cux tâu kriê, cơưv shâuv têx tsưr ziv sâu đê yuôx, muôz yuôx chơưv kho moz, viv zơưv Cư xar tiêk: Muôx txux chi li muôx têx por hưv thiêz tuôr tâu truôx tsês têx tsưr ziv sâu đê, muôz chor yuôx co chơưv kho moz gênhk. Zơưv Nguyễn Văn Cư heik pâuz nzir:“Cur tsưr ziv xar, xuz thơưx zos tror yưv pênhr uô zuz, chos ntâu têx yuôx đrox njuôz thiêz muôz tsơưk nhox uô coz yuôx, đhâu ntơư li xar tsưr ziv tsiv uô yênhx têx njiêr yuôx nox chiê zôngx ziv zôngv hâuk đuô. Cur xar, ziv lâul, hnuz nhôngk ziv siêz mak ziv xar cov tâu têx tsưr ziv jông chiê tsiv uô yuôx chơưv kho moz gênhk. Cur nhav nxiês, chos yuôx đrox njuôz zos iz tsưr ziv jông thiêz uô tâu, chos uô tâu trâu iz siv nênhx zar tov kaz no trâu têx tuz nhuôs”.

Zơưv Dương Văn Huấn, Chủ tịch lien minh Hợp tác xã tỉnh Bắc Kạn heik pâuz, Hợp tác xã yuôx đrox njuôz Bắc Kạn li têx hâux lưv uô tâu heik sâuv tưz krêz iz hâu cêr yiêz trâu kinh tế tập thể hâur tỉnh tox siêz cơưv shâuv, uô trơưk:“No zos tsưr ziv uô nox lok six jông, tsuv tâu nthuôr đêz đar trâu sơưr đơưk cơưv shâuv, uô trơưk. Liên minh hợp tác xã Bắc Kạn cux tưz nhênhz chơưv trâu Ủy ban tỉnh Bắc Kạn xar tsưr ziv txix nhiv no txos shông 2025, uô ndar txos trâu shông 2030, huôv tsar cov tâu têx hợp tác xã uô têx hâux lưv iz zav li heik sâuv chiê nthuôr đêz đar, huôv tsar chos yuôx đrox njuôz hâur têx xuz jôngr”.

“Hnuz nhôngk ziv siêz, ziv muôx tsưr ziv jông”, zơưv Nguyễn Văn Cư tưz moz siêz lus, uô ntêx nyuôs, xar tsưr ziv uô zuz, chos thiêz por hưv tsês têx yuôx đrox njuôz, no zos iz luôs hâux lưv jông tsiv nhos tâu kruôs txos. Hợp tác xã chos thiêz tsiv uô yuôx đrox njuôz zos zơưv cxiv tsa tsi tiêk paz por hưv tsês têx yuôx đrox njuôz jông, krêz hâu cêr yiêz trâu kinh tế ntơưv qơư, tsênhv paz tsưx phưv truôx cêr chiê siêz, njênhs njôngr trâu phôngz yaox huôv tsar uô nox uô hnar ntơưv qơư hâur tỉnh tox siêz Bắc Kạn./.

(VOVĐB-Riê Lâux cxeik, nhênhv)