Cách mạng hli 10 Nga tưz tsês ntâu txux chi, tsưr ziv tsiv grê trâu VN hâur ntu têz qơưs hlôngr yiêz

Hêik lok têx muôx liv tsiv grê hâur cách mạng hli 10 Nga, zơưv hloz Hôx tưz xav tênhv: Jông tiz zav li luz hnuz chi cax, cách mạng hli 10 Nga chi cax lul thôngz ntiêx têz, uô trâu yênhx triệu lênhx nênhs sâuv ntiêx têz muk đhâu têx cêr trâus tsiv txov. Hâur lịch sử tsik tâu muôx iz jiês cách mạng tưs muôx liv lox nto bê lul li ntơư  thiêz “Cách mạng hli 10 Nga tưz uô trâu cxuô lênhx nênhs laox tôngv hur si sâuv ntiêx têz muk đhâu têx cêr tsiv txov-cxiv kho têz qơưs truôx tuk”.

Trơưk li cách mạng hli 10 Nga luk hu zâuv, Đảng cộng sản VN sêiz car, zos zơưv hloz Hôx xar tơưv thiêz yax kriê cách mạng VN. Têix nus têx tsênhz mênhx, kaz shông 80 hâur shông thế kỷ 20, zos Đảng cộng sản VN sêiz car, shông 1986, VN tưz chuôz piz hlôngr yiêz huôv tsar cxuô zav trơưk xã hội chủ nghĩa.  Giáo sư Tạ Ngọc Tấn, phó chủ tịch hội đôngx lý luận Trung ương hêik:

“Têx muôx liv hâur cách hli 10 Nga, tưz kriz uô muôx ntâu hlôngr yiêz, muôx liv trâu sđ luz nênhx thiêz cêr nox nhoz muk lok sâuv ntiêx têz ziv hnuz ziv muôx ntau kror jông”.

Pâuz tâu têx muôx liv tsiv grê lok chính trị đhâu muôx yưv nhoz Liên Xô thiêz cxuô têz qơưs Đông Âu; Đảng pêz têz qơưs tưz uô siêz truôx bo tror cxiv kho đuô cxuô luôs hâux lưv uô cov huv đros chiê cxiv tsa xã hội chủ nghĩa VN truôx tuk. Txix têx luôs hâux lưv sêiz car tưz tâu Đảng pêz têz qơưs hlôngr yiêz uô trơưk chủ nghĩa Mác Lê nin thiêz zơưv hloz Hôx têx tsưr ziv txux chi, cêr nênhx jông, viv têz qơưs truôx tuk, viv chủ nghĩa  xã hội. Txơưv li chas, siêz cux truôx bo uô trơưk zơưv hloz Hôx têx cêr nênhx jông- cách mạng hli 10 Nga. Giáo sư Tiến Sỹ Mạch Quang Thắng, Viện lịch sử Đảng, học viện chính trị têz qơưs HCM hêik:

“Têx têz qơưs tsênhv taz tov cxiv kho chủ nghĩa xã hội, hâur ntơư muôx VN tsênhv yuôr ntâu cêr txov nhêv uô tsik tâu truôx. Txix ntơư, viv Mác ăng ghen thiêz zơưv Lê nin txix têx tsik huv đros hâu nov Xô Viết, đhâu cách mạng hli 10 Nga, sir zôngv tsik tâu trơưk, tsuv xar tơưv ntâu faz tsưr ziv uô cov huv đros. Hâur iz luz têz qơưs muôx ntâu lịch sử jông txơưr tsik siz thôngx thiêz luôs hâux lưv huôv tsar uô trơưk chủ nghĩa cộng sản, zos VN thiêz iz cxiê têz qơưs txơưr têx tsưr ziv sir jos huôv tsar uô”.

Trơưk li giáo sư, tiến sỹ Mạch Quang Thắng njuôk xav,  Viện lịch sử Đảng, Học viện chính trị HCM, VN tsênhv taz tov sir jos uô trơưk. Cách mạng hli 10 Nga, Cách mạng hli 10 Nga tưz tsês ntâu txux chi, tsưr ziv tsiv grê trâu VN hâur ntu têz qơưs hlôngr yiêz, uô huv đros hâur cxuô ntu thiêz cxiv tsa Đảng zos iz luôs hâux lưv zov chênhr đros trâu huôv tsar cêr fôngx zưs jông trâu cxuô têz qơưs. Kuz phó Thủ tướng Vũ Khoan cux xav tiêk: Hâur ntu têz qơưs hlôngr yiêz nhiv no, thâuv tưs Đảng tưz uô têx luôs liv huv đros px.

“Tsênhz mênhx, zuôr uô cov tâu truôx luôs hâux lưv tưs, tsuv uô huv đros px. Hâur cách mạng hli 10 Nga, uô huv đros px, trơưk px siêz xar thiêz tâu px njênhr njôngr. Zos zav hâux lưv tưs uô huv đros px siêz xar thiêz Đảng sêiz car, txơưv li chas tưz huôv tsar tâu truôx tuk”

100 shông tưz muk đhâu, txơưv li chas cách mạng hli 10 Nga, têx txux chi, tsưr ziv tsiv grê muôx liv lox ntơư cux tsênhv nhoz đros trơưr hâur cxuô ntu thiêz chi cax lul trâu hur si Đang, px chiê sir jos muk cov đhâu têx phiv liv, cxiv kho têz qơưs hlôngr yiêz thiêz uô cov tâu trơưk Đảng li Nghị quyết Đại Hội 12, px bluô nux, têz qơưs vav mênhx, zos đrêiv zơưv hloz Hôx têx tsưr ziv xêir tsov./.

                                                                                                                   (Tsu cxêik nhênhv-TTT)

Tsiêx cxu têx jâuz krâur trâus tưx Aflatoxin

1. Qir tiv:

          Moz zos tiv tsơưr tưx Aflatoxin, tsơưr tưx no tiv iz cxiê zav ndêz uô muôx yưv, muôx ntâu hâur têx poz cưk, lôngx xôngz lok zos tâuv huôz xênhz thiêz iz cxiê njiêr txơưr. Aflatoxin tsi taz zos tsơưr tưx tuôx pưv uô trâus tưx, txu grês đas jos, moz siêz trâuv mak tsênhv uô tuôs tsiêx cxu thâuv nox trâus. Tiv zix thâuv têx zav nox co tsi tâu por coar jông, trâus nông.

          2. Moz yưv

          Tul tsiêx pov tsi nox hâuk, thox plaz, mul tsi tâus cêr, cuz sor, lol njưs, lax nox hâuk tâu. Pov tsênhz tiv zix zos iz chêr yênh yênh, tsi xar mul cêr....zos moz hnhar tul tsiêx pư mul tsi tâus, iz chêr tsi muôx jos, zôngx ziv trâus tuôs sei...

          3. Seiz car pov

          Thâuv tul tsiêx tuôs seiz plaz hnhur pov têx tênhr nyar li njiêr tâuv. Njưs , siêz o. Hlưz tâuz hâu o, lưx thiêz lol nyar.

          4. Kho moz

          Tsưr ziv: Muôz por tsês têx zav nox tuôx pưv, chuôz tsar por hưv tsiêx cxu zos trâus moz.

          Por tsês têx zav nox njuôs xav trâus tuôx pưv, zôngv yuôx trâu tsiêx cxu hâuk zos nox tsuv têx zav nox tuôx pưv. Cxax glucosr lok sik cuô njêr 10%, 2-3 hnuz cxax iz jiês, đhâu 1 six hơưv cxax urotropin 10%, chuôz tsar đas jos trâu tsiêx cxu.

          5. Phax moz

          Tsov cưv jiêz thiêz por coar jông tsiêx cxu li têx zav nox trơưk cui tênhv. Qênhz yuôx zav nox thâuv muôz jâuz krâur trâu tsiêx cxu nox. Poz cưk, kok ntông thiêz têx zav nox trâus tuôx pưv mak tsi puz tsiêx cxu nox./.

                                                                                                (Thanh Thủy- Txâur Vax cxeik nhênhv)