Tiên Yên- Suôv qơư uô muôx ntâu cxuô heir nênhs thax tsav Đông Bắc têx txux chi vênhx huôv

Tiên Yên nhoz đruôz đraz hâur thax tsav Đông Bắc tỉnh Quảng Ninh, zos qơư muôx cêr muk lol trâu trôngx đriv Móng Cái, qơư tsav yêz za ntiêx têz qơư Vân Đồn, TP Hạ Long thiêz tỉnh Lạng Sơn....đros thiêz têx txux chi vênhx huôv jông, ntâu chiv xênhz đrox tsuôs cxuô zav, jông chiê huôv tsar ju lix, lar heik zos ju lix côngv thôngx.

Txơưv tiêk ntux lok mê njik nas yâur, taz sik lok six chôngz lênhx tsôngv box cxuô heir nênhs li: Cho, Tày, Sán Chí tưz tuôx trâu ntơưv Tsênhv qơư vênhx huôv thêv thao thax tsav Đông Bắc, huyện Tiên Yên txix ciês thâuv lok six nzor chiê seiz côngv thôngx cxuô heir nênhs thax tsav Đông Bắc, Quảng Ninh nthuôr uô lov jêv heik gâux, heik cưr cxiêx. Niêv lâuk Phùn Thị Cứu,  nênhs Cho Thanh Y xã Phong Dụ heik pâuz:“Cur tuôx no thâuv tsâuk ntux, lok mê njik nas thiêz txix pêv tsêr tuôx đrav no zos 7 cêik. Nhiv no cur jâuv ntơưv nor seiz, pov sđ tuôx cxix cxuô lok six chôngz li no mak jông siêz cơưk”.

Txix shông 2017, ntênhs ciêz Vênhx huôv-Thêv thao cxuô heir nênhs thax tsav Đông Bắc, Quảng Ninh qir tâu uô thiêz txos nhiv no tưz yênhx hâux lưv trâu cxuô heir nênhs thax tsav Đông Bắc Quảng Ninh siz chuôs njiz, nthuôr uô têx txux chi cêr lov jêv; zos six hơưv chiê tsôngv box cxuô heir nênhs sik cơưv shâuv tsưr ziv tuôr truôx, por hưv tsês cxuô heir nênhs têx txux chi cêr nênhx vênhx huôv jông tsi chiê pôngz plox. Iz chas nthuôr uô têx txux chi lov jêv li: Sik tưr gruôv gox sâuv tus đêx Tiên Yên, hội ciêz OCOP...... Ntênhs ciêz vênhx huôv, Thêv thao cxuô heir nênhs Đông Bắc, Quảng Ninh tsênhv muôx tsaz yênhx cheix kôngz lôngk siêr nhoz Soóng Cọ, ciêz Hà Lâu, Hội sik tu zus keiz hloz lox jông, keiz sik sav jông gâux.  Tiên Yên thiêz côngz fur Quyết tinhv côngk nhav thị trấn Tiên Yên krêz uô tâu lox đar, ciêz đrôngs jông jav hov IV. Zơưv Cao Tường Huy,  Phưv Chủ tịch thường trực Ủy ban tỉnh Quảng Ninh heik:“Đảng bộ hâu nov thiêz tsôngv px huyện Tiên Yên pov tsênhz zuk li txơưx jênhv hâur cxiv tsa Tiên Yên huôv tsar lok kinh tế, muôx ntâu zav txux chi vênhx huôv jông thiêz truôx tuk lol chính trị, côx phax txiv ngaz, ndar txos tror uô thị xã Tiên Yên uô ntêx shông 2027, paz cxiv tsa tỉnh Quảng Ninh yênhx TP nhoz T.Ư, huôv tsar jông lok cxuô zav”.

Ntênhs ciêz vênhx huôv, thêv thao cxuô heir nênhs Đông Bắc, Quảng Ninh têx hâux lưv, txux chi nthuôr uô lov jêv sâuv tsi tiêk hu zâuv tsôngv px sđ, mak tsênhv zos lul zaz zâuv tsôngv kruô sđ tuôx trâu thax tsav qơư no chiê đros côngv cêr lov jêv, seiz cxuô heir nênhs thax tsav Đông Bắc nthuôr uô têx txux chi vênhx huôv jông. Co cux zos Quảng Ninh iz hâur têx luôs hâux lưv uô cxơưz cxiz ju lix hâur kaz shông, ndar txos hu zâuv muôx 3 tsov lênhx kruô tuôx ndis shuôs têz qơưk, khav tinhv Quảng Ninh zos qơư jông thiêz truôx tuk trâu tsôngv kruô sđ tuôx ndis seiz têz qơưk uô si./.

(TTĐB-Riê Lâux cxeik, nhênhv)

Trà Vinh moz siêz khơưk tsês chiê hêir nênhs khme ntênhk hội Ok om bok

Zos têx tỉnh muôx chôngz tsôngv px hêir nênhs khme huôv tsar cêr uô nênhx nhoz li: Sóc Trăng, Bạc Liêu, Kiên Giang…ntênhk hội Ok om bok, thâuv tưs tưz tsưr tsix tưr gruôv gox đêx; taz sik nhoz Trà Vinh ho tsưr tsix txi côngv hli. Iz chas tsưr tsix txi côngv hli hâur chuôz zis, hâur tsêr mnov, cxuô lênhx sđ cux chêx chongk trâu ntơưv thax tsav qơư di tích vênhx huôv, lịch sử pos om ntơưv phươngx 8, đrôngl Trà Vinh chiê sik đros côngv kriz uô ntênhk hội txuôk đros  nthuôr uô cêr lov jêv huv đros hêir nênhs khme chax chêk cxôngx nzor. Zơưv À cha Thạch Thanh, nhoz xã Đôn Xuân, huyện Duyên Hải hêik pâuz: “Đảng, têz qơưs thâuv tưs cux moz siêz cxơưz cxiz tsôngv px hêir nênhs khme tuôr truôx, khơưk tsês chiê hêir nênhs co têx txux chi, vênhx huôv jông cxôngx nzor tsik chiê pôngz plox”

Ntênhk hội shông no tâu kriz uô hâur 7 hnuz; ntơư zos piêr kriê lok du lix faz Đông tiêx đras Cửu Long; kriz ciêz zuôr muôs hax huv txuôk đros du lix; nthuôr uô cêr lov jêv hêik gâux, hêik cưr cxiêx khme; tưr hnar tsôngk tiêz tsôngk trik yo jông jav; tưr gruôv gox đêx….Lar hêik zos ntênhk hội Ok om bok chax chêk txi công hli đros trâu kriz nthuôr uô ntâu cêr lov jêv. Zơưv Lâm Phen nhoz xã Lương Hòa, huyện Châu Thành – zos iz lênhx khơưk tsês têx txux chi, vênhx huov jông ntơư tâu 30 ntâu shông đhâu lok hêik pâuz:“Têx chuôz zênhx  cxuô zav hâur chuôz zis zos chor lâuk thâuv ntêx li, zos chuôz zis tưs tsênhv khơưk tsês tâu, puôr lênhx gra tuôx trâu ntơưv no tsês chiê têx mê tuz mê nhuôv tov kaz pâuz txos chor lâuk đrav ntêx têx chuôz zênhx chuôz tav kuz đrav ntêx”

Kror uô trâu chôngz lênhx ntâu tus moz siêz txos zos têx tsôngk tiêz tsôngk trik yo cxôngx nzor đros trâu ntênhk hội tưr hnar hêir nênhs khme têx tsôngk tiêz tsôngk trik yo jông jav. Tsênhz tiês, shông no muôx 9 huyện thiêz thị xã Trà Vinh đros trâu 120 lênhx tuz nxêik hluôk tuôx tưr uô cê.  Hội tưr hnar tsôngk tiêz tsôngk trik yo jông jav cux chênhr zos hêik kriê hêir nênhs tsơưs têx txux chi, vênhx huôv jông trâu tsôngv kruô sđ pâuz  txos. Zơưv Thạch Mu Ni, Phưv tsar Ban mênhx cxưx tỉnh Trà Vinh hêik pâuz: “Tưr gruôv gox đêx tâu hâu nov tỉnh Trà Vinh kriz uô txix thâuv cxiv tsa tâu tỉnh. Tưr gruôv gox đêx zos hêir nênhs khme iz vênhx huôv jông cxôngx nzor. Chênhr zos li hêik ntơư, txơưv lênhx tưs cux tok njôngr txos trâu hnuz kriz tưr gruôv gox đêx chiê tuôx đros sêiz côngv đros cêr lov jêv”

Ntênhk hội Ok om bok, zos iz ntênhk hội uô txuôk đros hêir nênhs khme Nam bộ chax chêk, tâu Bộ vênhx huôv côngk nhav zos têz qơưs iz zav txux chi, vênhx huôv jông, tâu sâu tsês trâu hâur ntâuz ntơưr shông 2014 thiêz xix ntơư txos trâu nhiv no, ntênhk hội co tâu kriz uô đêz đar trâu cxuô thax tsav qơư tsik chiê pôngz plox./.

                                         (Tsu cxêik nhênhv-CQTTĐB Sông Cửu Long)