Jax sâu thưr 2, hnuz xiêz 7/12/2015
Siz zuôr nzor nhoz tox siêz-kror phiv
liv lax hêik
Tiv yênhx tưv kik, nhiv kruôr muôx 14 shông, Cầm Thị
Thiệu tưz lok uô zơưv Nguyễ Văn Tiến, jok Hạnh Phúc, xã Lang Thíp, huyện Văn
Yên, tỉnh Yên Bái tuk nhaz. Nhiv no, nhoz trâu iz lênhx nxêik li hnuz nhôngs
jông gâux tiv zix, Thiệu tsuv sir jos zok nriêr yênhx pluôs nox trâu chuôz zis.
Câm Thị Thiệu hêik:
“Thâuv ntêx no tsik pâuz đaz tsi viv li cur
tưz zuôr txir nzor, nhiv no oz niêv txir luz nêhx lok six txov nhêv, khov trâu
chuôz zis, niêv txir viv li lok six phiv liv hâur luz nênhx”.
Lang Thíp zos huyện Văn Yên li luz xã tox siêz, phênhv
ntâu zos tsôngv box mênhx cxưx tsơưs nêhs uô nênhx nhoz. Iz huôv xã tsuôk muôx
6.000 tâu lênhx nênhs, taz sik txix hâur shôngk shông txos nhiv no tưz muôx 16
gơưv siz zuôr nzor. Txơưv tiêk ntu đhâu chính quyền tiv phaz tưz sir jos yax
kriê, zoz zux, hêik pêx xêhv siz zuôr nzor huv hnuz nhôngs pháp luật cuiz
tênhv. Cux tưz pov công an tso tơưv cuêz tênhv khởi tố 2 vuv án, 2 lênhx nênhs
lok vênhv thix no, taz sik ntâu chuôz zis cux tsik hlôngr đuô siêz xar tsênhv
fênhx chiê chor nhuôs siz zuôr nzor. Zơưv Lê Minh Lập, phưv chủ tịch UBND xã
Lang Thíp, huyện Văn Yên, tỉnh Yên Bái puz pâuz:
“Lang Thíp muôx chôngz tsôngv box mênhx cxưx
tsơưs nênhs nhoz, tsar tov kinh tế xã hội tsênhv yuôr ntâu txov nhêv, yênhx tưv
kik viv li siz zuôr nzor cux tsênhv muôx nhoz têx tuz nhuôs tsôngv box mênhx
cxưx. Hâur ntu đhâu, chính quyền tiv phaz tưz cxiv tsa, yênhx lix chor ban yax
kriê, zoz zux pháp luật, txơưv tiêk tưz uô jông côngz xưv yax kriê, taz sik
chiê chor nhuôs siz zuôr nzor cux tsênhv muôx tiv yênhx tưv kik”.
Tưz tsik zos xã Lang Thíp, huyện Văn Yên, qênhx shênhx
siz zuôr nzor cux tsênhv muôx nhoz tas nro chor xã tox siêz tỉnh Yên Bái, txơưv
tiêk chính quyền thiêz chor nênhs uô côngz xưv dân số tưz sir jos yax kriê hâur
cxiê shông. Chôngz lênhx cán bộ dân số nhoz chor xã thâuv thav txos vênhv thix
siz zuôr nzor mak tsuôk pâuz cho hâu xưz. Iz phênhv tưs pêx xênhv tsik pauz
pháp luật mak cux lav hêik, ntâu chuôz zis zênhx pâuz tiêk zuôv chêi sik cux
chiê chor nhuôs siz zuôr nzor. Lơưr chi cục dân số-tsưr ziv xênhz zus nhuôs
hâur chuôz zis tỉnh Yên Bái, nhiv no tsưr ziv uô txo grêk qênhx shênhx siz zuôr
nzor thiêz zuôr siz jê tsênhv tâu kriz uô nhoz 15 xã tox siêz, txov hêv ntơưv 4
huyện: Văn Chấn, Văn Yên, Trạm Tấu, Mù Cang Chải. Txix hâur shôngk shông txos
nhiv no tưz uô tâu 200 jiês yax kriê trâu 1.900 lênhx nênhs zos: chor gơưv niêv
txir nhoz hâur hnuz nhôngs xênhz zus mê nhuôs, hluôk nênhs, chor nênhs zuôr
muôx yưv siz zuôr nzor siêz, siz zuôr siz jê. Đros co zos yênhx cxênhz đêiv
ntơưr hêik lok hâux lưv no tâu muôz txos sơưr đơưk. Taz sik li, hâur 337 gơưv
niêv txir siz zuôr cux muôx 19% ntâu chor gơưv niêv txir siz zuôr nzor. Li co,
đhâu sir jos yưv pênhr lênhx nênhs thiêz cxuô zav, siz zuôr nzor cux chuôz ndê
5% pir li shông 2014. Pos Vũ Thị Nga, phưv chi cục trưởng, chi cục dân số-tsưr
ziv xênhz zus nhuôs hâur chuôz zis tỉnh Yên Bái puz pâuz:
“Qênhx shênhx siz zuôr nzor cux muôx nhoz
tox siêz, thax tsav tsôngv box mênhx cxưx tsơưs nênhs. Côngz xưv yax kriê mak
tưz tâuv xav jênhv zos chor hluôk nênhs, tiv zix zos chor nênhs muôx mê nhuôs
zuôr siz zuôr nzor. Tưz hêik kriê ciês ntơưv chuôz zis, hâur chor jiês cơưv jêx
jok…Ntu đhâu tưz kriz uô muôx ntâu chêx cur jông, taz sik iz cxiê lênhx nênhs
jênhv pâuz tsênhv kik, viv li cux uô tsik tâu ntâu”.
Nganhx txơưx jênhv thiêz chính quyền chor tiv phaz sir
jos uô têx tsưr ziv chiê txo grêk tsơưs siz zuôr nzor. Pêx xênhv tâu yax kriê
ziv hnuz ziv pâuz đuô pháp luật, hâur co muôx luật siz zuôr thiêz chuôz zis.
Taz sik li, siz zuôr nzor cux tsênhv muôx, têx qơư tsênhv chuôz ndê thiêz.
Qênhx shênhx, qir tiv puôr lênhx tâu hêik mênhx, tsưr ziv uô cux tưz muôx thiêz
tâu sir jos uô, taz sik chêx cur mak tsik pov nhoz tưs. Siz zuôr nzor nhoz tox
siêz Yên Bái cux tsênhv zos iz kror phiv liv lax hêik tas./.
(Đinh
Tuấn-Lik Thox cxêik nênhv)
Phênhv
thưr 2, hnuz xiêz 7/12/2015
Tsôngv box nênhs VN nhoz đrâuv luôs 2
chas têz qơưs gôngr ziv chênhv trâu Đảng têx ntâuz ntơưr Đại hội 12
Đhâu hlo thâuv hur si têx ntâuz ntơưr bax thôngz đhâu
trâu Đảng Đại hội 12 tâu heik yưv sâuv têx xor mông chiê trâu tsôngv box sơưr
đơưk pâuz, đros gôngr ziv chênhv, Ủy ban
têz qơưs lok nênhs VN nhoz đrâuv luôs 2 chas têz qơưs, Bộ Ngoại giao tưz xa têx
ntơưr txos trâu Đại sứ quán VN ntơưv têx têz qơưs chiê tsôngv box nênhs VN nhoz
co tâu buôk ti, pâuz txos têx ntâuz ntơưr no. Lơưr zơưv Vũ Hồng Nam, Thứ trưởng
Bộ Ngoại giao, seiz car Ủy ban têz qơưs lok nênhs VN nhoz đrâuv luôs 2 chas
têz qơưs, luôs hâux lưv tsôngv box gôngr
ziv chênhv trâu Đảng têx ntâuz ntơưr Đại hội, zos jiês xênhz huôx chính trị zov
chênhr, đêz đar chiê sir jos uô cov tâu côngz fênhx trơưk cxuô lênhx cxuô tuk
li txux chi tsưr ziv, siêz xar heik cxuô thiêz tsôngv box nênhs VN nhoz đrâuv
luôs 2 chas têz qơưs heik taz:
“ Pêz tso
tơưv têx mông lok sâuv zuôr tsôngv box sơưr đơưk ziv chênhv trâu Đảng têx ntâuz
ntơưr Đại hội sâuv website ntơưr pov tsir. Iz chas ntơư Ủy ban qơư lênhk txeik
têx mông thâuv tưs tưz uô đreiv hâux lưv lênhk txeik tsôngv box nênhs VN nhoz
đrâuv luôs 2 chas têz qơưs têx mông xa lok. Pêz chêx tsôngk têx ziv chênhv
ntơư, xa trâu têx cơ quan muôx vax huôv”.
Ntâu hội, đoanx nênhs VN nhoz đrâuv luôs 2 chas têz
qơưs tưz tsưr tsix zuôr tsôngv box nênhs VN nhoz luôs 2 chas têz qơưs li ziv
chênhv. Têx ntâuz ntơưr bax trâu Đảng
Đại hội 12 tâu tso tơưv zuôr tsôngv box ziv chênhv tưz uô muôx cêr jông siêz,
shir phaz trâu tsôngv box nênhs VN nhoz luôs 2 chas têz qơưs. Viv ntơư zos
Đảng, têz qơưs têx cêr moz siêz txos tsôngv box hâur têz qơưs thiêz têx lênhx
nênhs VN nhoz đrâuv luôs 2 chas têz qơưs chiê cxuô lênhx tsôngv box sơưr đơưk
puôr lênhx muôx têx gôngr ziv chênhv, cxiv tsa trâu Đảng têx ntâuz ntơưr Đại
hội.
Iz cxiê lênhx tsôngv box nhoz luôs 2 chas têz qơưs
khav tinhv, 5 shông đhâu, txơưv VN njiz trâus tsi tsơưs têx phiv liv tiv nxor loangv nhiêx txiêx thiêz
kinh tế sâuv ntiêx têz taz sik ngênhx kinh tế pêz têz qơưs tưz sir jos hla đhâu
ntâu phiv liv, chuôz tsar kinh tế cux uô tâu trơưk tsưr ziv, siêz xar. Zơưv Lý
Thừa Vĩnh, nênhs VN uô nênhx nhoz Hàn Quốc, iz jiês tror lok VN puôr lênhx muôx
cêr shir phaz, jông siêz viv seiz pov têz qơưs hlôngr yiêz ntâu:
“ Iz shôngk
cur lok VN 2, 3 jiês. VN tưz yênhx thax tsav qơư sưv jông đros cur. Cur seiz
pov VN tưz hlôngr yiêz lok six ntâu pir li 20 shông đrav ntêx. Hà Nội, TP HCM
thiêz têx tỉnh, thành txơưr đuô tưz hlôngr yiêz ntâu cơưs. Cur jông siêz thiêz
shir phaz viv kror ntơư”.
Zơưv Nguyễn Huy Thắng, doanh nhân nênhs VN nhoz ntơưv
têz qơưs Đức heik, tis njiê seiz 30 shông hlôngr yiêz, VN tưz uô tâu ntâu luôs
hâux lưv, ntơư zos kror jông zuôr tsuv tâu sâu jênhv thiêz sir jos uô cov tâu
jông đuô. Txos nhiv no, tsôngv box nênhs VN nhoz luôs 2 chas têz qơưs thiêz têx
lênhx nênhs yưv pênhr uô luôs 2 chas thax tsav, têz qơưs moz siêz txos hâux lưv
yưv pênhr tror lok cxiv tsa têz qơưs, hâur ntơư muôx têx đrôngs lox li: Hà Nội,
TP HCM. Taz sik, chiê hu zâuv sir jos moz siêz đuô txos luôs hâux lưv uô no
txix têx pênhr jos doanh nhân zos tsôngv box nênhs VN nhoz luôs 2 chas têz qơưs
đrâuv, têz qơưs tsuv muôz jông six hơưv trâu têx lênhx tsôngv box heik sâuv zuôr tsêr, zuôr ar:
“ Cur seiz,
nhiv kruôr đhâu pêz tưz krêz đar trôngx trâu tsôngv box nênhs VN nhoz
đrâuv luôs 2 chas têz qơưs, muôz jông
six hơưv, têx chei yưv pênhr uô trâu lơưr xưk li tsôngv box nhoz hâur têz qơưs,
tâu sơưv hur si têx chei paz. Đros têx chei paz lok sâuv tsêr nhoz, nhiv kruôr
đhâu têz qơưs nhiv kruôr chiê tsôngv box nênhs VN nhoz luôs 2 chas têz qơưs iz
luz tsêr lox, tsi tâu muôz vax huôv zuôr ar, sir zôngv ar. Nhiv no tsôngv box
nênhs VN nhoz luôs 2 chas têz qơưs thâuv zuôr tsêr nhoz ntơưv VN, tsuôk tâu sir
zôngv xưz, tsi tâu chei zuôr ciês. Zos lênhx tsôngv box tưs tâu zuôr ciês ar
nhoz mak zuôr jông đuô viv li ntơư doanh nhân nênhs VN nhoz luôs 2 chas
têz qơưs muôx têx tâu yưv pênhr cxiv uô
tsêr nhoz, tsêr meir, qơư tsoz phưz, tu têx lênhx lâuk nênhs…. Viv li, têz qơưs
tsuv muôz jông six hơưv trâu têx lênhx tsôngv box heik sâuv chiê lơưr tâu zuôr
ar, zuôr tsêr nhoz”.
Tsôngv box nênhs VN nhoz đrâuv luôs iz cxiê têz qơưs
cux heik tơưv tsưr ziv, siêz xar lok iz cxiê chei, cui tinhv đối ngoại, zoz zux
thox cxov…. Sir jos tuôr truôx jông cêr sik thôngx siêz tas nro cxuô heir nênhs
cux zos tsênhv njiêz zov chênhr tâu tsôngv box nênhs VN nhoz đrâuv luôs 2 chas
têz qơưs gôngr ziv chênhv trâu Đảng têx ntâuz ntơưr Đại hội 12. Heik cxuô
tsôngv box nênhs VN nhoz luôs 2 chas têz qơưs njênhs njôngr Đại hội 12 zuôr bo
xeir tâu têx lênhx muôx txâuk đas jos, pênhr xưv chiê lês car têx hâux lưv têz
qơưs, chox car têz qơưs hla đhâu têx phiv liv, huôv tsar jông./.
(
VOV5-Riê Lâux cxeik, nhênhv)
Viết bình luận