Lai Châu sêi đrơưv txar qơư nhoz trâu chor ziv chuôz zis hâur thax tsav riêz nênhs muk trâu têx qơư ngaz tuk

Jok Hua Cuổi, xar Nậm Cuổi, huyện Sìn Hồ zos qơư muôx115 ziv chuôz zis, đros muôx 500 lênhx nênhs zos tsôngv box Thái đuz uô nênhx nhoz. Tiv thax tsav ar nxaz, oz pêz shông jê lok no, ntơưv hâur jok pov muôx caz xưz poz ntêr muôx yênhx puô thiêr, viv li pêx xênhv lok six cxơưx. Chiê taz por ngaz tuk trâu pêx xênhv, huyện Sìn Hồ tưz muôz yênhx châuv tiv nhiêx chiê kriz uô qơư nhoz yiêz, nzor txar chor ziv chuôz zis muk đhâu thax tsav qơư riêz nênhs no. zơưv Hà Xuân Yên, Chỉ huy trưởng công trường, Công ty TNHH yưv pênhr thiêz cxiv tsa Mạnh Quân, taz viv kriz uô plas qơư nhoz yiêz Hua Cuổi puz pâuz: Txos nhiv no tưz uô tiêr tâu muôx 60% hâux lưv thiêz tsênhv sir jos kriz uô cov uô tiêr tâu sêi tiv zix:

“Công ty tưz chox têx chuôz zênhx cxuô zav tuôx trâu ntơưv no. Nhiv no mak tsênhv muôx 4 luz mêir khơưz, oz luz mêir thoz huk, oz luz mêir luôv thiêz 6 luz yêz lox thâux ar tsênhv kriz uô plas qơư nhoz. Chuôz lov mak tưz bax tâu muôx 2.000 yiv thôngx suôz jêz thiêz 4.000 yiv thôngx poz jêz, chiê taz por uô tâu li tsưr ziv tưz tso tơưv”.

Lơưr thôngz sâu, huyện Sìn Hồ tsênhv yuôr muôx 220 ntâu ziv chuôz zis uô nênhx nhoz ntơưv têx qơư phiv liv zôngx ziv njiz trâus đêx ngaz cuôr, ar poz, tsêx trung ntơưv 5 xar: Nậm Cuổi, Nậm Hăn, Pu Sam Cáp, Nậm Mạ thiêz Tả Ngảo. Chiê taz por ngaz tuk trâu pêx xênhv thiêz cxuô zav hâur chêix ntux nas chuô no, chinhr quyền ntơưv qơư tsênhv sir jos uô tas nro cxuô tsưr ziv chiê paz uô sêi chor dự án txar qơư nhoz trâu pêx xênhv. Thôngx cxix, yưv pênhr uô cêr, vax tsêr cxuô zav thiêz paz jông tiv zix cxuô kror trâu uô nênhx nhoz thiêz uô nox chiê pêx xênhv nzor truôx tuk luz nênhx ntơưv qơư nhoz yiêz. Zơưv Nguyễn Quốc Vương, Phưv Chủ tịch UBND huyện Sìn Hồ puz pâuz:

“Pêz tưz chox krê Ban sêiz car dự án, chox kriê taz viv kriz uô sir jos bax chuôz zênhx cxuô zav thiêz lênhx nênhs chiê uô cov tâu sêi. Nhiv no mak hâux lưv uô plas qơư nhoz tưz uô zuôr xar tiêr lơưv. Thâuv uô tâu tiêr mak pêz zuôr txar pêx xênhv lok nhoz; thôngx cxix zuôr tror yưv pênhr uô cxuô kror zov chênhr chiê paz trâu pêx xênhv xênhz huôx thiêz uô nênhx nhoz muk ntêr”.

Thôngz sâu txix cơ quan muôx vax huôv tỉnh Lai Châu, txix shông 2016 txos nhiv no, tas nro tỉnh tưz muôx 70 ntâu lênhx nênhs tuôs thiêz tsik pov tiv đêx ngaz cuôr, ar poz. Đros co, ntơưv qơư cux muôx zuôr xar 2.000 luz tsêr trâus puôk tsuôx, yênhx puô côngz trinhx công côngv, cxuô zav thiêz tsoz chos trâus ar, poz jêz poz luk cxuz…xav têx trâus hiêv mak tas muôx 1.500 tiv đêiv. Zơưv Vũ Xuân Tính, Phưv Chánh Văn phòng Ban sêiz car ntux têz ruôr hiêv thiêz zok nriêr chơưv paz tỉnh Lai Châu puz pâuz: Nhiv no côngz xưv hêik pâuz phax tar muôx đêx ngaz cuôr, ar poz ntơưv cxuô thax tsav qơư cux tsênhv khov phênhv ntâu trâu chor xor mông hêik pâuz lok ntux yar ntux nas thiêz txix pêx xênhv li têx chênhz zênhv. Lơưr tsưr ziv, ntu 2021-2025, tỉnh Lai Châu zuôr kriz uô 39 dự án, chiê txar xar muôx 2.100 ziv chuôz zis tơưv đhâu têx qơưk phiv liv lok ar poz, đêx nagz cuôr đros tas nro chor pênhr yưv uô muôx 570 tiv đêiv ntâu. Ciês shông 2021, zuôr kriz uô 10 dự án, hâur co muôx 7 dự án zos uô txix shông 2020 lok thiêz txar qơư nhoz trâu 320 ntâu ziv chuôz zis.

“Ntux têz ruôr hiêv sâuv thax tsav tỉnh Lai Châu mak txơưr txar lok six phiv liv thiêz lax pâuz tâu, uô hiêv ntâu txos pêx xênhv thiêz têz qơưk li vax tsêr cxuô zav. Cxuô cấp chinhr quyền tưz chiv chir cxiv uô tsưr ziv yênhx shông huv đros trâu cxuô thax tsav qơư thiêz kriz uô jông chor lưx lươngv ntơưv qơư, chiê xưv lik tâu têx phiv liv muôx yưv. Đrâuv chinhr quyền bax kriz uô, pêx xênhv cux tưz pâuz tâu txos qênhx shênhx thiêz têx phiv liv trâu lênhx nênhs thiêz cxuô zav, thâuv pov muôx yưv têx phiv liv mak cux tưz hêik trâu chiênhr quyền pâuz, txar muk trâu têx qơư nhoz ngaz tuk đuô”.

Cux lơưr zơưv Vũ Xuân Tính, đrâuv cấp ủy, chinhr quyền cxuô cấp thiêz cơ quan muôx txơưx jênhv ntơưv qơư li sir jos, cxuô lênhx nênhs cux tsuv sir jos kriz uô têx tsưr ziv chiê phax tar ntux têz ruôr hiêv, ntux nas chuô, đêx ngaz cuôr, li tsik nhoz pư ntơưv têx tsêr têz, tsik muk muôz tơưl, ntâuk cxov njêl ntơưv têx đêx lok sik muk lok đhâu đêx thâuv muôx ntux nas chuô lox chiê tsik njiz trâus phiv liv trâu lênhx nênhs thiêz cxuô zav. Thâuv muôx yưv têx phiv liv, tsuv hêik ciês trâu chính quyền ntơưv qơư thiêz cơ quan muôx vax huôv pâuz chiê sêi đrơưv kriz uô têx tsưr ziv chiê phax tar, chiê paz txo grêk tsơưs têx trâus hiêv./.

(Khắc Kiên-Lik Thox cxêik nhênhv)

Uô lơưr bảo hiểm điện tử thiêz têx jông trâu y tế tox siêz

Qơư đas cir seiz njuôk shuôs moz ntơưv Tsênhv qơư huyện Mường Chà, tỉnh Điện Biên, txơưv tiêk zos thax tsav tox siêz đêz đrôngs, taz sik nhoz no tưz muôx ntâu lênhx px sir zôngv ntơưr seiz njuôk shuôs moz txix đhok uô lơưr bảo hiểm điện tử chiê uô têx ntâuz ntơưr đas cir seiz njuôk shuôs, kho moz. Hâux lưv sir zôngv uô lơưr bảo hiểm điện tử gra lok ntâu kror jông thiêz zôngx ziv đuô pir li têx ntơưr seiz njuôk shuôs moz thâuv ntêx. Tix lâus Lường Văn Nhưởng, nhoz xã Mường Mươn, huyện Mường Chà heik:

“Hlôngr đhok uô lơưr bảo hiểm điện tử li heik sâuv trâu hâur meir xor tôngx muk seiz njuôk shuôs moz zôngx ziv đuô, tiv iz zos xưk li thâuv ntêx zôngv têx ntơưr tso hâur hnaz mak zuôr uô ntuôs, uô plox têx sôr seiz njiê pov tsi tsênhz; tiv 2 zos nyei tsav zuk uô têx ntơưr co ntuz, tsi jông. Cur muk seiz njuôk shuôs moz txix đhok uô li heik sâuv hâur xor tôngx zôngx ziv đuô lok six ntâu pir li gra têx ntơưr seiz njuôk shuôs moz gra đros zuk. Ntâuz ntơưr tsuôk sâu tus sôr krêz đeiv ntơưr seiz njuôk shuôs moz zênhx tâu lơưv”.

Bác sĩ Tạ Thị Huệ, canr bôv Tsênhv qơư Y tế huyện Mường Chà heik pâuz: Tsi tiêk zôngx ziv trâu px thâuv tuôx seiz shuôs moz, uô lơưr bảo hiểm điện tử cux paz pêz chor nênhs uô hâux lưv zôngx ziv đuô hâur uô têx ntâuz ntơưr seiz njuôk shuôs moz trâu nênhs moz, tsi chiê nênhs moz tsuv muk lol, pôngz ntâu six hơưv, hnuz nhôngs viv tsi ndo kaz gra têx ntâuz ntơưr cxix cxuô:

“Uô lơưr bảo hiểm điện tử muôx iz cxiê têx zôngx ziv, co zos nênhs moz zuôr tâu sơưv hur si bảo hiểm têx chei paz, thâuv muk seiz njuôk shuôs moz tsi ndo gra cxuô têx ntâuz ntơưr đros cux uô tâu. Iz kro thiêz zos têx mông sâu sâuv đeiv ntơưr muôx têx tsi yuô pov tsênhz mak nhiv no uô lơưr bảo hiểm điện tử, têx li heik co puôr lênhx muôx têx krêz tâu seiz zôngx ziv thiêz px zuôr tâu sơưv hur si iz cxiê têx tsênhv chei paz thâuv muk seiz njuôk shuôs moz”.

Six hơưv đhâu, BHXH huyện Mường Chà tưz sir jos yax kriê txos trâu tsôngv px cxuô jêx jok lol têx jông thâuv đhok uô lơưr bảo hiểm điện tử. Lar heik, thôngz đhâu yax kriê, chênhr têx lênhx px tưz đhok uô lơưr li heik co zuôr zos têx lênhx muk đros kriê, heik trâu chor nênhs hâur chuôz zis thiêz jêx jok pâuz txos têx muôx liv ntơư. Khov li co, txos nhiv no, Mường Chà zos thax tsav qơư xuz thơưx hâur tỉnh Điện Biên đhok uô lơưr bảo hiểm điện tử, muôx 3 cxênhz ntâu lênhx nênhs. Tix lâus Zis Xênhv Thox, nhoz xã Sa Lông, huyện Mường Chà, Điện Biên heik:

“Đhok li heik sâuv lok six zôngx ziv sir zôngv, thâuv tưs zuk đhok uô tâu, muôx sôr, hâur co muôx lok six ntâu têx mông jông cik txos zuk vax huôv, têx tsênhv chei tâu paz, muôx sôr, six hơưv hnuz nhôngs zuk zuôr ntơưr bảo hiểm. Đhâu jiês no, cur zuôr kriê trâu tsôngv cưr tix nênhx tsa sđ hâur jok đros uô hur si chiê zôngx ziv uô têx ntâuz ntơưr thâuv muk seiz njuôk shuôs moz gênhk”.

Zơưv Nguyễn Xuân Thảnh, Phưv Giám đốc BHXH tỉnh Điện Biên heik pâuz: Đhâu 6 luz hlik fuô uô lơưr bảo hiểm điện tử, txos nhiv no hâur tas nro thax tsav tỉnh tưz muôx zuôr xar 30 cxênhz lênhx nênhs xa têx ntâuz ntơưr đas cir uô bảo hiểm điện tử, xar muôx 19 cxênhz lênhx tưz đhok chox lok sir zôngv kho njuôk moz.

Txix têx phiv liv lok cêr muk lol, iz cxiê lênhx px tsi yuô tâu muôx txux chi, tsưr ziv jênhv pâuz, canr bôv uô hâux lưv tưz yax kriê ntâu faz tsưr ziv chiê px sđ pâuz tsênhz, cxix cxuô.  Taz sik, yax kriê trâu chor px pâuz ntâuz pâuz ntơưr chiê kriê lơưr đhok uô ntêx, đhâu co txix chor nênhs no zuôr zos têx lênhx kriê trâu chor nênhs hâur tsêr đhok uô trơưk:

“BHXH tỉnh tror chuôz tsar tiês luôs hâux lưv yax kriê txos trâu px chiê px sđ pâuz tâu mênhx têx zôngx ziv thiêz jông hâur uô lơưr bảo hiểm điện tử. BHXH tỉnh tưz yênhx lix têx tổ muk paz kriê đhok uô li heik sâuv, txix ntơư, choz hâux lưv trâu yênhx tổ, seiz kaz taz viv sir zôngv nênhs lox tôngv, chor nênhs cxaz chuôz BHXH, BHYT chiê kriê uô”.

BHXH tỉnh Điện Biên muôx tsưr ziv tror yax kriê, uô lơưr bảo hiểm điện tử txos trâu chôngz lênhx ntâu tus px cov ziv hnuz ziv muôx ntâu lênhx sir zôngv bảo hiểm điện tử. Lar heik zos xar cov 100% lênhx nênhs hâur thax tsav tỉnh đhok tâu tas bảo hiểm điện tử chiê px sđ tâu sir zôngv têx muôx liv ntơư./.

(Vũ Lợi-Riê Lâux cxeik, nhênhv)