Jax sâu hnuz xiêz 7/8/2015:

Laox Cai: Phiv liv yêik cxuô ziv chuôz  zis muk đhâu têx qơư riêz nênhs

 

 

Sa Pa, zos thax tsav muôx ntâu trôngz, câuv har nxaz, muôx ntâu tus đêx ntưk lok đhâu, tsik so trâus đêx nas ruôr hiêv txos. Hâur jiês ntux lok nas nhiv kruôr đhâu no, Cxuô xã li: Sử Pán, Bản Khoang, Trung Chải, huyện Sa Pa, pov muôx yưv ntâu thax tsav ar trâus tu plêz, xưz lox. Muôx yưv têx riêz nênhs li hêik ntơư, uỷ ban huyện tưz yêik zênhx max 29 ziv chuôz zis px muk nhoz trâu têx qơư tsik riêz nênhs. Nhiv no, hâur thax tsav huyện, tsênhv yuôr 26 ziv chuôz zis px nhoz trâu thax tsav qơư riêz nênhs, zôngx ziv trâus ar poz cxuz, tsik tâu yêik muk nhoz trau qơư yiêz. Zơưv Nguyễn Tiến Thành, tsar phôngx kinh tế huyện Sa Pa hêik pâuz:

Băng: “Huyện Sa Pa tsuv yêik 29 ziv chuôz zis muk nhoz tax trâu qơư yiêz thiêz 37 ziv chuôz zis tsuv yêik nhoz trâu têx qơư taz por. Nhiv no, Ban sêiz car tir thêir nas chuô huyện tsênhv taz tov đros cxuô ngênhx, hâu nov ntơưv qơư uô cov tiêr cxuô luôs hâux lưv, cxiv kho têx đêx nas ruôr hiêv hâur ntu nhiv kruôr đhâu”.

Iz chas huyện Sa Pa, ntơưv huyện Bát Xát, Mường Khương, Văn Bàn, Bảo Yên,, Si Ma Cai, cux yuôr ntâu ziv chuôz zis px tsênhv nhoz trâu thax tsav qơư riêz nênhs. Trơưk li thôngz sâu, nhiv no hâur thax tsav tỉnh Laox Cai, tsênhv yuôr 56 ziv chuôz zis; hâur ntơư muôx 36 ziv chuôz zis tưz muôx ntơưr yêik nhoz trâu qơư yiêz thiêz muôx nzir 20 ziv chuôz zis tsênhv tsik tâu yêik nhoz qơư yiêz. Trơưk li zơưv Nguyễn Anh Tuấn, Giám đốc sở kôngz nuv huôv tsar tox siêz tỉnh Laox Cai hêik pâuz, luôs hâux lưv yêik cxuô ziv chuôz zis muk cov đhâu têx qơư riêz nênhs tsênhv njiz ntâu phiv liv, viv ar uô tsêr yuôr tsơưs hênhr. Đros ntơư, iz cxiê ziv chuôz zis px tsik muôx nhiêx txiêx txâuk yêik muk nhoz trâu qơư yiêz.

Băng: “Nhiv no, trơưk li pêz njuôk xav, tsuv yêik 148 ziv chuôz zis muk nhoz trâu qơư yiêz. Đhâu qênhz shuôk, pov muôx nzir ntâu ziv chuôz zis tsênhv nhoz trâu thax tsav qơư riêz nênhs thiêz pêz cux cxươz cxiz cxuô huyện, tsuv zênhx max zok nriêr qơư chiê cxuô ziv chuôz zis nhoz thax tsav qơư riêz nênhs muk nhoz têx qơư yiêz, tsik chiê đêx nas ruôr hiêv txos tsôngv px sđ luz nênhx”.

Đhâu thôngz sâu, hâur jiês ntux nas lok nhiv kruôr đhâu, đêx nas tưz uô puôk tsuôx txos 14 ziv chuôz zis nhoz hâur thax tsav huyện Sa Pa, huyện Bắc Hà, tỉnh Laox Cai têx vax tsêr, chuôz zênhx chuôz tav.Hâur 3 hnuz 31/7 txos hnuz xiêz 2/8, tỉnh Laox Cai tưz yêik zênhx max 41 ziv chuôz zis muk đhâu thax tsav qơư yiêz nênhs. Zơưv Quảng Văn Việt, phó chánh văn phôngx Ban sêiz car tir thêir nas chuô-chơưv paz lênhx nênhs tỉnh Laox Cai cux hêik:

Băng: “Tsôngv px sđ tsuv ndo njôngr chênhr phax tir thêir đêx nas chuô thiêz tsuv ndo njôngr sox sêiz thax tsav ar trâus tu plêz, xưz lox. Zos pov thax tsav tưs ar zôngx ziv trâus poz, tsuv yêik zênhx max muk đrêiv trâu thax tsav qơư yiêz. Lar hêik zos cxuô ziv chuôz zis nhoz thax tsav qơư tsik so trâus đêx nas ruôr hiêv txos”.

Cux trơưk li zơưv Quảng Văn Việt hêik pâuz, muôx têx jiês ntux tsênhv zuôr lok nas lox; chênhr zos li hêik ntơư, hâu nov cxuô tsênhv qơư nhoz tỉnh Laox Cai tsuv tso cán bộ sox njôngr hâur yênhx hnuz yênhx hmo, zos thâuv tưs pov ntux lok nas lox, tsuv đros paz tsôngv px sđ tir thêir nas chuô tsik chiê ruôr hiêv txos sđ luz nênhx./.

                                                                                (An Kiên)

 

Phênhv “ Nriêr pâuz lok cêr chei têz qươk” thưr xiêz 7.8.2015:

PHÊNHV YAX MÔNG HEIK KRIÊ ZAOZ ZUX PHAR LUÔX

 

          Grê 14:

1.     Nhoz pêz têz qơưs Việt Nam, têx qênhx lênhx nênhs, qênhx công dân lok chính trị, dân sự, kinh tế, vênhx huôv, xã hội tâu côngz jênhv, seiz jông, por vêv, taz por lơưr Hiến pháp thiêz phar luôx.

2.     Qênhx lênhx nênhs, qênhx công dân tsuôk tâu txu grês lơưr Luôx li cui tênhv zos zuôr trâus viv lik zơưx côx phax, txiv ngaz têz qơưs, taz por xã hội, shưz xar xã hội, côngv thôngx li đas jos.

Grê 15:

1.     Tsôngv box li qênhx liv reik đros đreiv tsôngv box li hâux lưv uô.

2.     Cxuô lênhx nênhs tsuv seiz tâus lênhx nênhs txơưr li qênhx.

3.     Tsôngv box muôx txơưx jênhv uô luôs hâux lưv đros têz qơưs thiêz xã hội.

4.     Hâux lưv uô qênhx lênhx nênhs, qênhx tsôngv box tsi uô cxâuv txos liv zix têz qơưs, mênhx cxưx, lênhx nênhs txơưr đuô li qênhx thiêz liv zix huv cêr chei.

Grê 16:

1.     Cxuô lênhx nênhs puôr lênhx uô nênhx huv đros cêr chei têz qơưs.

2.     Tsi phênhz pêx hâur luz nênhx chính trị, dân sự, kinh têr, vênhx huôv, xã hôiv.

Grê 17:

1.     Tsôngv box têz qơưs Việt Nam zos lênhx nênhs muôx quốc tịch Việt Nam.

2.     Tsôngv box Việt Nam tsi tâu ntiêz, choz trâu luôs oz chas têz qơưs.

3.     Tsôngv box Việt Nam nhoz đrâuv luôs oz chas têz qơưk tâu têz qơưs Việt Nam por hưv.

Grê 18

1.     Nênhs Việt Nam nhoz uô nênhx đrâuv luôs oz chas têz qơưs zos côngv thôngx mênhx cxưx Việt Nam li iz pưv phênhv.

2.     Têz qơưk Việt Nam cxơưz cxiz thiêz paz max chiê nênhs Việt Nam nhoz uô nênhx đrâuv luôk oz chas têz qơưs tuôr truôx thiêz phuôx huiz vênhx huôv mênhx cxưx Việt Nam, ndo njôngr txos chuôz zis thiêz kuz têz qơưs, gôngr phênhv cxiv tsa têz qơưs.

Grê 19:

Cxuô lênhx nênhs muôx qênhx tâu nhoz uô nênhx. Lênhx nênhs li txox siêr tâu phar luôx por hưv.

Grê 20:

1.     Cxuô lênhx nênhs muôx qênhx tâu phar luôx por hưv lok đas jos, luz côngz luz bê; tsi trâus ntâus tsiv lok sik uô ruôr hiêv txos luz chêr, đas jos, luz côngz luz bê.

2.     Tsi muôx lênhx tưs trâus ntês cxov zos tsi muôx Toà án li cuiz tênhv, Viện kiểm sát li cuiz tênhv lok sik thôngz đhâu, tsi xav lênhx nênhs uô cxâuv trâus ntês tâu. Hâux lưv ntês cxov, cơư lênhx nênhs zos luật cui tênhv.

3.     Cxuô lênhx nênhs muôx qênhx tâu puz zuk li iz pưv phênhv sâuv luz chêr lok sik puz luz chêr lơưr luật cui tênhv. Hâux lưv siv y học, dược học, khoa học lok sik siv tul tsi sâuv lênhx nênhs li luz chêr tsuv tâu lênhx nênhs co thôngx ziv.

( Tuyết Lan- Txâur Vax cxeik nhênhv)