Jax sâu thưr 6.7.4.2017:

Phú Thọ taz por zaoz thôngz hâur ntu tsưr tsix ntênhs phêv tsêr mnov Hùng

          Hâur têx hnuz tsưr tsix ntênhs txi côngv huôz teik Hùng- Ntênhs phêv tsêr mnov Hùng shông 2017, têx lưx lươngv cảnh sát zaoz thôngz, cảnh sát cơ động-113, cảnh sát txiv ngaz Công an tỉnh Phú Thọ chuv tôngv tsưr tsix heik kriê cxuô lênhx sđ trâu ntơưv têx qơư coaz tsôngv, têx qơư jor yêz sâuv têx cêr mul lol hâur thành phố Việt Trì thiêz thax tsav di tích lix xưv tsêr mnov Hùng. Hâur co lưx lươngv cảnh sát zaoz thôngz heik têx tuêv mul seiz car têx cêr mul thax tsav di tích, ciêr chênhr heik têx phaz pênhv mul lol thiêz đrês trơưk qơư cui tênhv. Đại úy Nguyễn Văn Thành, Tuêv tsar tuêv qênhz yuôx số 1, phòng cảnh sát zaoz thôngz, Công an tỉnh Phú Thọ puz pâuz:

          “ Hnuz tsưr tsix ntênhs phêv, tsôngv kruô tuôx tsêr mnov Hùng lok six chôngz, yêz cxaz chuôz zaoz thôngz cux ntâu. Chênhr viv li pêz tưz heik lưx lươngv mul jor sâuv têx txox cêr lox hâur thành phố cux xưk li têx cêr mul tsêr mnov Hùng. Pêz chuôz tsar lưx lươngv cxôngx thâuv sơưr nzor thiêz chuôz tsar phaz pênhv, chuôz zênhx kỹ thuật chiê taz por uô jông jênhv vưv zos tsi chiê zaoz thôngz mul lol tsi tâu cux xưk li tsi chiê muôx yưv txiêz nanv zaoz thôngz”.

          Hâur 2 hnuz kaz ciêz nhiv kruôr đhâu, tsôngv kruô thiêz chor nênhs tsar yêz tuôx trâu hâur thax tsav qơư tsêr mnov Hùng tưz chuôz ndê, taz sik qênhx shênhx txiv ngaz zaoz thôngz sâuv têx cêr ngaz tul, tsuôk muôx yưv qênhx shênhx yêz mul lol tsi đhâu thâuv sơưr nzor, tsi muôx txiêz nanv zaoz thôngz. Pos Nguyễn Thị Ghi, nhoz Mê Linh- Hà Nội-zos iz lênhx kruô mul sêiz ntênhs phêv tsêr mnov Hùng puz pâuz:

          “ Shông no tuôx tsêr mnov Hùng, têx đồng chí cảnh sát zaoz thôngz heik kriê cêr thiêz paz chox têx mê nhuôs mul đhâu cêr. Shông no cêr mul lol hur đu đuô, têx đồng chí cảnh sát mak jông siêz heik kriê cêr đuô”.

          Chiê txu grês chor nênhs tsar yêz hâur tỉnh thiêz têx tỉnh txơưr mul lol đhâu thax tsav tsêr mnov Hùng hâur ntu tsưr tsix ntênhs phêv, công an tỉnh Phú Thọ tưz đros công an têx tỉnh Yên Bái, Tuyên Quang, Vĩnh Phúc thiêz đrôngs Hà Nội pheiz cêr mul lol. Shông no, Ban tsưr tsix ntênhs txi côngv huôz teik Hùng- ntênhs phêv tsêr mnov Hùng tsi tso chei trâu têx qơư jor yêz meir jor sâuv ntus cêr 32C. Nganhx zaoz thôngz vênhv teiv cxok fiêx txưr tsik puz yêz ô tô thâux kruô mul lok đhâu iz cxiê ntu cêr hâur thax tsav qơư di tích. Công an tỉnh Phú Thọ cux yênhx lix tsênhv qơư thôngz xor mông thiêz sêiz car qơư di tích lix xưv tsêr mnov Hùng chiê seiz car chor nênhs tsar yêz muk lok hâur thax tsav. Đại tá Hà Minh Tân- Phưv giám đốc công an tỉnh Phú Thọ puz pâuz, cxôngx nhiv no txos hnuz tsưr tsix ntênhs, tsôngv kruô tuôx tsêr mnov Hùng, cux zuôr tror chuôz ndê, viv li têx lưx lươngv muôx txơưx jênhv tưz uô jông luôs hâux lưv sêiz car chiê taz por zaoz thôngz, txiv ngaz hâur thax tsav tsưr tsix ntênhs cux xưk li thành phố Việt Trì.

          “ Đros thiêz lưx lươngv nhiv no, pêz huiz tôngv uô ntêx zos ntơưv công an thành phố Việt Trì zos 100% ( muôx 500 cán bộ, chiến sĩ) đros lưx lươngv công an tỉnh thiêz huiz tôngv lưx lươngv công an têx huyện chiê uô côngz xưv phưx vưv ntênhs txi côngv zos 1 cxênhz ntâu lênhx nênhs... tas nro hâur thax tsav ntênhs phêv...puôr lênhx muôx qơư seiz car, paz trâu tsênhv qơư chỉ huiz seiz car”.

          Đros thiêz Công an tỉnh Phú Thọ li têx lưx lươngv muôx txơưx jênhv li têx sir jos zuôr paz trâu qênhx shênhx zaoz thôngz, txiv ngaz ntơưv thax tsav di tích lix xưv tsêr mnov Hùng thiêz thành phố Việt Trì tâu taz por, chiê tsôngv kruô mul lol zôngx ziv đuô trâu tsêr mnov huôz teik Hùng hâur shông no./.

                              (TTT- Txâur Vax cxeik nhênhv)

Phênhv thưr 6 hnuz xiêz 7/4/2017

PHÊNHV TSÊNHV CHÊI TÊZ QƠƯS

Sơn La: Tsênhv chêi cxơưz cxiz yưv pênhr huôv tsar jêx jok

      Nghị quyết cuiz tênhv tỉnh Sơn La li iz cxiê tsênhv chêi trâu chor doanh nghiệp, hợp tác xã yưv pênhr trâu kôngz nuv, jêx jok sâuv thax tsav tỉnh ntu 2015-2020, sir zôngv trâu nênhs yưv pênhr doanh nghiệp, hợp tác xa tâu yênhx lix, cir ntơưr uô trơưk chêi têz qơưs Việt Nam li cuiz tênhv, yưv pênhr huôv tsar chor hax huv sâuv thax tsav tỉnh Sơn La.

      Bê ntơưr hax huv, tsar tov doanh nghiệp, hợp tác xã tâu paz yưv pênhr: Doanh nghiệp, hợp tác xã yưv pênhr huôv tsar chor hax huv thiêz tax tâu têx tsar tov li đrav kaz tâu paz lơưr cuiz tênhv ntơưv tsênhv chêi no:

       Hâux lưv chos kôngz lôngk: Muôx têx sự án tâu cơ quan muôx qênhx xav jênhv chiê chos têx zav tsoz chos uô yuôx txix 50 ha tror sâur, chos txix 20 ha ta jâuz ngaz tuk tror sâur, tâu cơ quan têz qơưk muôx qêhz côngz jênhv yưv pểnh, sir zôngv txix 30% lox tôngv tiv phaz tror sâur hâur tas nro chor lox tôngv.

      Tu zus tsiêx cxu: Doanh nghiệp muôx dự án tâu cơ quan muôx qênhx xav jênhv tu zus nhux tưv nôngz tiv phaz (txix 500 tuk tror sâur đros thiêz nhux tưv muôs grêix (lok sik 500 tuk tror sâur  tas nro zos nhux, tưv muôs grêix), nhux cao sản nôngz zuôr saz đrâuv lok 200 tuk tror sâur, sir zôngv txix 30% lox tôngv tiv phaz tror sâur hâur tas nro lox tôngv, taz por vêv xênhz thú y, ngaz tuk phax tar caz moz, ngaz tuk zav nox, por vêv tênhv qơư.

       Tu zus tsiêz đêx: Dự án their vax zus njêl hâur đêx (tsơưs tiv zix 10 luz vax) lơưr tỉnh li tsaz yênhx (tâu cơ quan têz qơưk muôx qênhx côngz jênhv yưv pênhr) sâuv chor pak đêx tênhv nhoz thax tsav Sơn La, sir zôngv txix 30% lox tôngv tiv phaz tror sâur hâur tas nro lox tôngv.

       Tsênhv chêi paz:

      Paz 100% nhiêx txiêx trâu côngz xưv xar tơưv uô dự án (lơưr têz qơưk li cuiz tênhv nhiv no lok nhiêx txiêx xar tơưv uô dự án).

       Paz 100% nhiêx txiêx cêir chêx têx ntâuz ntơưr hành chính lơưr cuiz tênhv.

Paz 100% nhiêx txiêx uô ntâuk gri lok tênhx qơư, jênhv por vêv tênhx qơư, đề án por vêv tênhx qơư (lơưr têz qơưk li cuiz tênhv nhiv no lok nhiêx txiêx uô ntâuk gri tênhx qơư, jênhv por vêv tênhx qơư, đề án por vêv tênhx qơư).

      Paz iz jiês 5 triệu đêiv trâu iz kror qơư zus njêl sâuv pak đêx tênhv tênhz nhoz thax tsav tỉnh Sơn La.

       Chor tsênhv chêi txơưr đuô trâu doanh nghiệp, hợp tác xã uô lơưr Chính phủ li Nghị định số 210/2013/NĐ-CP hnuz 19/12/2013 lok tsênhv chêi cxơưz cxiz doanh nghiệp yưv pênhr trâu kôngz nuv, jêx jok./.

(Thu Thùy-Lik Thox cxêik nhênhv)