So cheix ntux sor thâuv moz huôv xênhz: Nênhs hloz li cêr cxơưx, mê nhuôs li cêr qiv siêz

          Mê nhuôs so nhoz tsêr, niêv txir mak muk uô hâux lưv, ntâu chuôz zis nhoz niêv đrôngs Yên Bái tsi muôx lênhx nênhs jor mê nhuôs, tsuôk lav chiê tul hloz jor tul zâu, niêv txir mav hu xor tênhv lok seiz lok sik seiz njôngr mê nhuôs đhâu camera. Chiê mê nhuôs tsi txov hox, tsi phưx txuôx, niêv thiêz txir tsuv puz mê nhuôs seiz tivi lok sik txov điện thoại yênhx hnuz, txơưv pâuz tiêk uô li ntơưv zos tsi jông trâu mê nhuôs. Tix lâuk Nguyễn Văn Đức nhoz Phường Minh Tân, niêv đrôngs Yên Bái puz pâuz:“Pêz cux lok six cxơưx viv seiz tivi ntâu zuôr uô zênhr shar txos mê nhuôs, taz sik lok six lax chiê car chêx tâu hâux lưv no. Cur tsuv nriêr tsưr ziv khưx phưx cxôngx heik têx pos nhoz tsêr muôx ntâu six hơưv thiêz ntiêr lơưr paz jor mê nhuôs thâuv niêv txir muk uô hâux lưv. Zos chiê niêv txir sik hlôngr nhoz tsêr jor mê nhuôs mak lok six phêv liv”.

          Ntâu ziv chuôz zis mak khov txos pos zơưs, niêv teik zơưv txir paz seiz jor mê nhuôs, taz sik mê nhuôs tsuv nhoz tsêr yênhx hnuz tsi tâu tơưv muk đrâuv jôngr uô si, muôx têx thâuv cux tsuv puz mê nhuôs zôngv điện thoại, coar lik tsi tâu. Thâuv co, mê nhuôs cux zuôr nriêr pâuz têx xor mông tsi jông sâuv mạng, lok sik zôngv điện thoại uô si. Niêv lâuk Trần Thị Hương Giang nhoz phường Yên Ninh, niêv đrôngs Yên Bái puz pâuz: Txơưv pâuz tiêk mê nhuôs cux zuôr seiz têx xor mông tsi jông sâuv mạng, taz sik cux tso siêz đuô chiê mê nhuôs tơưv muk đrâuv jôngr uô si, viv moz tsênhv huôv xênhz, thiêz njuôs xav muôx yưv têx txiêz nanv tsi jông: 

“Nhiv no tsuôk xar njôngr tir tar tâu moz thiêx li chiê mê nhuôs cxaz chuôz muk cơưv ntơưr, nhiv no muôx lênhx nênhs paz jor tưz zos jông hênhr lơưv. Qir thơưx mak li ntơưv, phênhv ntâu zos heik pos zơưs paz jor, tsi chiê seiz điện thoại ntâu, tsi chiê đhiê muk uô si tov têx cêr”.

          Đros têx mê nhuôs shux xênhz, cheix so sor shông no phênhv ntâu zos nhoz tsêr, tsi tâu cxaz chuôz xênhz huôx cheix so sor lok sik têx lớp kriê pênhr xưv nhoz uô nênhx. Tsês six hơưv chiê cơưv cxaz hâur tsêr taz sik phênhv ntâu têx mê nhuôs puôr lênhx xar njôngr muôx tâu iz cheix so sor trơưk li niêx shông. Mê nhuôs Hoàng Linh, nhoz phường Đồng Tâm, niêv đrôngs Yên Bái heik:“Cheix so sor đrâuv tsês six hơưv cơưv ntơưr hâur tsêr, pêz cux tsuôk pâuz seiz tivi thiêz seiz mạng, tsi car muk uô si. Pêz lok six xar njôngr tir tar tâu moz chiê tâu muk shâuv đa đêx thiêz xênhz huôx cheix so sor”.

          Mê nhuôs Trịnh San San cơưv tsêr cơưv cxênhx iz Kim Đồng, niêv đrôngs Yên Bái nhiv kruôr tâu so sor, thiêz tsênhv tos njôngr tir tar tâu moz chiê tâu muk seiz pos zơưs hâur cheix so sor:“Cheix so sor no zos tir tar tâu moz cur zuôr muk seiz cur pos cur zơưv thiêz tâu uô si ntơưv co. Thiêz zos cur niêv cur txir thôngx ziv mak cur zuôr muk shâuv đa đêx chiê txơưx đa đêx”

          Txơưv tsênhv yuôr ntâu phêv liv, taz sik têx lênhx uô niêv uô txir nhoz Yên Bái cux tưz tso siêz đuô thâuv qênhx shênhx moz sâuv thax tsav tưz tir tar tâu jông. Xar njôngr têx huôx tôngv fênhx yax zuôr nzor tâu tsưr tsix thiêz mê nhuôs zuôr muôx tâu iz cheix so sor muôx ziz njiêz, shir phaz./.

(Đinh Tuấn, Thừa Xuân-Txâur Vax cxeik nhênhv)