Tsiêz 30 têz qơưs nhoz ntus đriv Lai Châu

          Jiês xuz thơưx tsaz yênhx “Cheix ntux yiêz nhoz thax tsav ntus đriv” tâu tsưr tsix ntơưv Ma Ly Chải, viv li ciês cxôngx thâuv sơưr nzor, tsôngv box têx mênhx cxưx tiv phaz tưz tuôx cxix cxuô. Tsaz yênhx tsưr tsix cxôngx hnuz 30/1 txos hnuz xiêz 1/2, đrâuv têx huôx tôngv uô si lov jêv, tsôngv box nhoz no tsênhv tâu jênhv ntâu phênhv huv tsiêz đros thax nduôr…Pos Chang Gạ Phư tuôx seiz tsaz yênhx shir phaz heik:

        “ Têx jiês li no cur thiêz pox nhuôs jêx jos puôr lênhx lok six shir phaz. Tâu Đảng thiêz têz qơưk tsov cưv, muôz huv tsiêz trâu pox nhuôs viv li lênhx tưs cux shir phaz. Cur xar Đảng, têz qơưk thiêz têx bộ đội tror tsov cưv đuô thiêz chiê pox nhuôs ntus đriv muôx luz tsiêz sor si, sik côngv đros bộ đội pênhz phax por vêv ntus đriv têz qơưk truôx tul”.

          Đros tsôngv box pluôs nhoz ntus đriv Phong Thổ, tỉnh Lai Châu, six hơưv txos tsiêz txơưv tiêk tâu cấp ủy, chinhr quyênx tiv phaz tsov cưv, taz sik bax cxuô zav chiê nox tsiêz mak tsênhv yuôr ntâu phêv li. Viv li, hâux lưv no muôx ziz njiêz tôngv vênhx lok chinhz yênhx lok six lox, gôngr phênhv pheiz kênh cxaz chiê tsôngv box muôx iz luz tsiêz sor si, cxix cxuô. Zơưv Dương Đình Đức, Phưv chủ tịch UB huyện Phong Thổ puz pâuz:

          “ Đros tsưr ziv tsi chiê lênhx tưs tsi muôx tsiêz nox, UB huyện tưz chox kriê têx xã seiz car têx ziv chuôz zis tâu sơưv cêr chei, têx chuôz zis tsi muôx theox chênhv nox tsiêz chiê thix ziv huyện muôz pênhr paz txưv huv tsiêz. Huyện truôx siêz thiêz taz por tas nro tsôngv box têx mênhx cxưx sâuv thax tsav puôr lênhx muôx tsiêz nox sor si”.

          Tsaz yênhx “ Cheix ntux yiêz nhoz thax tsav ntus đriv” tsưr tsix lov jêv đros ntâu huôx tôngv vênhx ziv, tưr thik têx tsưr ziv uô si trâur lâus, thik krơr nduôr blâuv…uô trâu ntus đriv tox siêz Ma Ly Chải ziv sor si đuô. Đại tá Nguyễn Thắng Xuân, Phưv chủ nhiệm chinhr trị Quân khu 2 puz pâuz:

          “ Tsaz yênhx cheix ntux yiêz nhoz ntus đriv zos huôx tôngv lok six coaz tsôngv chiê chuôz tsar cêr niêv côngv siêz hâur tsôngv box thiêz bộ đội pênhr phax, six hơưv nox tsiêz, lưx lươngv vũ trang đros cấp ủy, chính quyênx tiv phaz tưz tsưr tsix huôx tôngv no lok six muôx ziz njiêz. Thôngz đhâu huôx tôngv chiê paz max, tôngv vênhx têx chuôz zis tâu sơưv cêr chei, tiv 2 zos tôngv vênhx tsôngv box thiêz bộ đội pênhz phax cxiv tsa cêr coaz siv niêv côngv siêz jông, gôngr phênhv por vêv truôx tul ntus đriv têz qơưk hâur six hơưv nox tsiêz”.

          “ Cheix ntux yiêz nhoz thax tsav ntus đriv” tsênhz tsênhz pheiz kênh têx phêv liv, uô trâu luz tsiêz ziv sor si đuô trâu canr bộ, chiến sĩ thiêz tsôngv box têx mênhx cxưx thax tsav ntus đriv Lai Châu, uô trâu tsôngv box ziv njênhs njôngr Đảng, têz qơưk, chuôz tsar cêr niêv côngv siêz hâur tsôngv box thiêz bộ đội./.

             (Khắc Kiên- Txâur Vax cxeik nhênhv)

Lênhx hluôk nênhs xar uô bluô nux

Xênhz zus thiêz hloz lox ntơưv thax tsav qơư pluôs txov nhêv, viv li, txix ciês thâuv zâu, A Páo tưz xar tiêk zuôr uô bluô nux chiê hlôngr yiêz huôv tsar cêr uô nox cov muôx luz nênhx tsâu sor. Txix thâuv tsênhv cơưv ntơưr, A Páo tưz zênhx xar tâu kror no, viv li tix lâus tsik so zok nriêr sêiz ntâuz ntơưr hêik lok têx lênhx nênhs sir jos hla đhâu têx phiv liv hâur luz nênhx, cơưv ntơưr chiê zos yênhx chor nênhs muôx liv trâu xã hôiv…

Shông 2014, đhâu thâuv cơưv tiêr cao đẳng côngz xưv xã hôiv, tix lâus tror lok trâu zuk qơư nhoz tox siêz. Đros têx txux chi, chênhz zênhv tưz cơưv đros têx sir jos nriêr pâuz sâuv ntâuz ntơưr, pov chir…A Páo tưz sik thav đros chuôz zis txêik 30 triệu đêiv pênhr zênhx hangx tsênhv chêi xã hôiv huyện thiêz txêik nzir cưr tix, nênhx tsa yưv pênhr chiê cxiv uô tsêr guôzz huôv tsar tu zus.

Páo Xênhv Shôngx hêik: “Đhâu nriêr pâuz puz pov, tưz tsik zos nhoz thành phố mak ciês ntơưv Mù Cang Chải, têx zav nox li: jâuz hur tsênhv muôx tsik ntâu, tsik tâu hêik txos kêiz, ol, kê kêiz, ol viv li sir zôngv têx kror zuk zênhx muôx hâur kôngz nuv li: poz cưk, blêx, kok ntông, tsơưz…chiê tu zus kêiz ntês kê, kêiz ol muôs grêix thiêz gruôz lơưr tsưr ziv tu zus hur. Viv li, têx hax huv tâu chuôz zis uô, muôs thâuv tưs gri cux siêz đuô đrâuv ciêz đrôngs thiêz tsik txâuk chiê muôs”.

Nhiv no, Paor tsênhv tu zus muôx 500 tuk ol đêx ntês kê; xar muôx 100 tuk ol nkruôz; 50 ntâu tuk kêiz, xar muôx iz puô tuk gruôz, 10 tuk buô thiêz 8 tuk nhux tưv đros luôv blêx, uô krâur tu zus tsiêx cxu, chos blêx, poz cưk, chos thiêz por vêv jôngr, đros phênhv sâu muôx 150 triệu đêiv ntâu iz shông.

Niêv tix Lý Thị Thiêm-Bí thư Đoàn xã Lao Chai puz pâuz nzir: “Zos xã tox siêz, pêx xênhv luz nênhx tsênhv yuôr ntâu kror tsov nhêv, txux chi, jênhv pâuz tsênhv kik, tiv zix zos chênhz zênhv thiêz sir zôngv têx khoa học, kỹ thuật trâu uô xênhz yar tsênhv tsơưs thiêz phênhv ntâu zos uô lơưr cxôngx nzor. Viv li, yưv pênhr, huôv tsar têx tsưr ziv tu zus tsiêx cxu, kêiz ol sir zôngv khoa học, kỹ thuật chiê uô xưk li hluôk nênhs Páo Xênhv Shôngx lok six tsuv tâu kriz uô đêz đar. Tưz tsik zos paz muôx phênhv sâu truôx tuk paz trâu chuôz zis uô bluô nux xưz mak tsênhv zos tsưr ziv chiê yax kriê, hêik trâu ntâu lênhx hluôk nênhs txơưr chiê cơưv shâuv uô trơưk, paz cxuôv yêiz thiv pluôs sêiz thiêz truôx đrênhk trâu tiv phaz”.

Khov sir jos yưv pênhr, hlôngr yiêz tsưr ziv uô xênhz yar, nhiv no, Páo tưz zuôr tâu yêz ô tô lok phưx vưv zoz qơưx thâux xa hax huv trâu pox nhuôs hâur thax tsav; muôx tsar tov tror yưv pênhr kriz đar tsưr ziv tu zus thiêz trơưk li tsưr ziv njuôk xav, hâur ntu zuôr txos no tix lâus tsênhv zuôr zus nzir kêiz Hmôngz, kêiz đuz grêis muôx nhoz tiv phaz./.

                        (Báo Yên Bái-Lik Thox cxêik nhênhv)