Ntu cêr ndê tox Pha Đin-txox cêr muôx tsiv gri lox

Zơưv Nguyễn Văn Ký-kuz chor hluôk nênhs uô ntêx hlo thâuv ntêx, nhoz ntơưv tổ 10, phường Quyết Tâm, thành phố Sơn La shông no tưz muôx 84 shông, taz siêz xar txos ntu cxaz chuôz ntâuk tros châuz Điện Biên Phủ cux tsênhv nhoz đrêiv hâur zơưv siêz. Piz muk uô tuz lênhv hli 10/1953, txos hâur hlik hli 3/1954, thâuv pêz chor bôv đôiv piz kriz ntâuk tros châuz Điện Biên Phủ, zơưv đros zos tiểu đội trưởng, đội 34, Đại đội 294, tâu choz jênhv vưv cxuz chor kror bôngk sâuv txox cêr ndê tox Pha Đin. Ntu thâuv co, ntu cêr ndê tox Pha Đin (txox cêr 41, nhiv no zos txox cêr lox 6), trâus tros châuz chor yêz za tso bôngk ruôr hiêv tsik so. Zơưv Ký tror ndo txos: Ntu cêr ndê tox Pha Đin muôx iz kror cêr khâuk lêv xưk li lux yiz nhoz đrav qơư piz ndê tox tuôx đrav Thuận Châu tuôx muk, viv ntu no lêv sêi, bôngk ntâuk tsik so, zơưv thiêz tiểu  đội tsuv tsik so cxuz kror bôngk ntơưv ntu cêr lêv no. Muô têx hmo, tas nro 12 lênhx nênhs hâur tiểu đội cxuz iz hmo txos xar pov cêr lok cux tsik tas. Thâuv co, Đại tá Đinh Đức Thiện, Cục trưởng cục vận tải quân đội luz tuôx muk qênhz yuôx côngz xưv ntâuk tros châuz, hok kror bôngk cux tsênhv tsik tâu cxuz tas. Đros zos tiểu đội trưởng, zơưv Ký cê uô cê xar: nhoz ntơưv no tros châuz tso bôngk tsik so, hok nov lox ho muk đhâu, zos hmôngr tsik jông trâus tuôs mak zuôr nriêr lênhx tưs sêiz car chox kriê côngz xưv ntâuk tros châuz. Viv li zơưv tưz xar thiêz hêik sơưr đơưk muôz chor shông nhoz jê co, nzis trâu hâur kaz plaz yêz ô tô thiêz thiêx tas nro yêz thiêz nênhs muk đhâu kror bôngk:“Thâuv co mak hêik cov sơưr njês mak lênhx tưs cux tsik car khôngr hlo, sơưr njês njênhk xưz, kưz iz suôz chêk thiêx tas nro luz yêz. Li chêk sơưr đơưk shir phaz hênhr, zos thiêx li no mak têx jâuv thiêx tâu tas nro nov hâu jâuv sâuv yêz thiêz. Viv li sơưr đơưk hêik cov cur hêik lênhx nov hâu co muk sâuv yêz chiê sơưr đơưk thiêx muk cov đhâu luz kror bôngk”.

Nhiv no ntu cêr ndê tox Pha Đin tưz tâu kho đuô zos yênhx txox cêr lox jông, cêr đar đuô. Trơưk ntu cêr no muôx pêx xênhv nhoz xar Phỏng Lái, huyện Thuận Châu, tỉnh Sơn La thiêz xar Tỏa Tình, huyện Tuần Giáo, tỉnh Điện Biên sik đros muôl muôs têx hax huv kôngz nuv muôx nhoz tiv phaz, xưk li jâuz, txir, kok, pax thiêz têx tsiêx zus…zơưv Lò Văn Chôn, 94 shông, nhoz jok Lái Lè, xar Phỏng Lái, huyện thuận Châu-lênhx nênhs cux tưz tâu cxaz chuôz ntâuk tros châuz sâuv ntu cêr ndê tox Pha Đin hêik:“Huôv tsar txox cêr lox 6 muk đhâu ntu cêr ndê tox Pha Đin mak pox nhuôs muk lok zôngx ziv đuô, cxuô lênhx sơưr đơưk lok six shir phaz, uô tsâus Đảng, têz qơưk. Pir li luz nênhx thâuv ntê mak nhiv no tưz muôx đuô, cxix cxuô đuô, txâuk nox đuô lơưv”.

Tuôx txos trâu Pha Đin nhiv no, cxuô lênhx nênhs nhiêk muôx nhiêk siêz xar sik txơưr lok ntu cêr đrav ntêx, taz sik muôx iz kror zôngx ziv njiê pov tâu, co zos kror jông gâux, siz txuôk nhoz ntux têz xưk li zos gâuk luz bê hu “Pha-Đin”, đros têx qơư du lịch jông li: vax pax Pha Đin, Pha Đin Top, Pha Đin Part…zos yênhx thax tsav qơư jông trâu tsôngv kruôr tuôs ndis shuôk, uô si./.

(Đắc Thanh-Lik Thox cxêik nhênhv)

Tsưr ziv thêir caz moz vưv trâu lênhx nênhs

          Phênhv ntâu caz moz vưv cik đhâu têx kror cxaz đêr vưv tov  trâus to. Thâuv đêr vưv tov, tsik zos 100% chor nênhs trâus đêr vưv tov uô huôv moz vưv; muôx iz cxiê trâus cik caz moz vưv thâuv đhâu đêr vưv tov, muôx iz cxiê lênhx ho tsik cik. Zov chênhr zos thâuv tus đêr vưv co tov trâus lênhx nênhs thiêz tus đêr co muôx kâuz ndâus ntâu thiêx cik caz moz vưv trâu lênhx nênhs đhâu luz kror cxaz trâus đêr vưv tov to co.

          Chênhr zos li hêik ntơư, zos lênhx nênhs tưs trâus đêr vưv tov mak tsuv zênhx max chox muk chơưv kho thiêz cxax yuôx vắc xin tir thêir caz moz vưv thiêx zos iz faz tsưr ziv jông đuô hur tiz si.

Đros ntơư, tsôngv px sđ tsuv ndo njôngr tiêk: Xav txix thâuv ntêx txos nhiv no, tsik tâu muôx iz zav yuôx đrox njuôz tưs chơưv kho tâu caz moz vưv; Chênhr viv li hêik ntơư, zos lênhx nênhs tưs trâus đêr vưv tov, tsuv tau chox zênhx max muk chơưv kho, cxax yuôx vắc xin tir thêir caz moz vưv thiêz tsik cxoz muôz têx yuôx đrox njuôz  krưr trâu luz kror cxaz đêr vưv tov thiêx tsik uô ruôr hiêv txos lênhx nênhs txox siê.

Iz kro jông đuô hur tiz si zos chuôz zis tưs zus đêr thiêz mir, tsuv tâu cxax yuôx tir thêir caz moz vưv cov zos đrêiv li cưk yuôx thú y hêik kriê.

Tsuv sox sêiz njôngr tus đêr tov trâus lênhx nênhs:

Zos trâus têx tus đêr tso lav tov mak tsuv chox zênhx max lênhx nênhs co muk cxax yuôx vắc xin chiê tir thêir caz moz vưv. Thiêz zos đhâu 15 hnuz, tus đêr tov lênhx nênhs co tsik muôx yưv la chas thiêz nox krâur iz zav li kuz mak tus đêr co tưz tâu chuôz zis cxax yuôx tir thêir caz moz vưv lơưv, sđ tsik txoz cxơưx./.

                       (Tsu cxêik nhênhv-Thu Thuỳ-lưu văn bản-in đĩa)