Gra ntơưr, txux chi muk kriê shux xênhz thax tsav tox siêz hâur têx hnuz phax tar moz Covid-19

Txix thâuv shux xênhz cxuô cấp tsuv so ntơưr tiv moz Covid-19, iz ciêz iz jiês, chor cưk kriê ntơưr ntơưv tsêr cơưv Phưv thôngz mênhx chêx chôngz lok zos Phổ thông Dân tộc niêv txir zus mor cxênhx 2 xã Cổ Linh, huyện Pác Nặm tưz sik hlôngr njo muk yênhx jêx jok chiê gra têx ntơưr muk trâu shux xênhz cơưv hâur tsêr. Ban giám hiệu tsêr cơưv tưz muôx cui tinhv, muôz six hơưv chiê têx lênhx cưk kriê ntơưr tsênhv nhoz kriê trâu luz jok tưs mak tuôx kriê trâu têx nhuôs shux xênhz. Lớp cơưv muôx têx kênh jiês zos tsêr vênhx huôv hâur jok, cux têx jiês zos kêr tax px iz luz tsêr tưs lox đar mê njik....chiê kriê ntơưr trâu chor nhuôs. Seiz pov têx cưk kriê ntơưr moz siêz viv shux xênhz, chor uô niêv uô txir cux muôz jông six hơưv chiê trâu têx nhuôs cơưv txux. Zơưv Lý Hồng Thái, nhoz xã Cổ Linh, huyện pác Nặm heik:“Cêr muk lol lok six phiv liv, ntux nas mak bluô taz sik têx cưk kriê ntơưr cux moz siêz, sir jos tuôx kriê ntơưr trâu chor nhuôv, qơư muôx 5-6 lênhx nhuôs xưz, lok têx cưk kriê cux tuôx kriê mê nhuôv cơưv hur si. Têx nhuôs lok six shir phaz, ntêr lơưv tsi tâu muk cơưv viv li lơưr cux ndo chor cưk kriê ntơưr”.

Tiv tsi tâu muôx têx qơư jông trâu nhuôs shux xênhz nhoz cơưv ntơưr, mạng  internet lok tsi muôx, ntâu chuôz zis cux zuôr tsi tâu tâu têx chuôz zênhx phưx vưv trâu chor nhuôs cơưv đhâu ti vi, mạng internet viv li ntâu tsêr cơưv tox siêz li: Ntơưv xã Cổ Linh puôr lênhx kriê trâu têx nhuôs ntơưr trơưk li faz tsưr ziv heik sâuv. Cưk kriê Phạm Tuấn An, thơưx seiz car tsêr cơưv Phổ thông Dân tộc niêv txir zus mor cxênhx 2 xã Cổ Linh, huyện Pắc Nặm heik pâuz: Muôx têx hnuz hur si hâur ciêz ntux lok nas tsi so thiêz no, taz sik chor cưk kriê cux muk yênhx châuv cêik cêr đêz chiê kriê ntơưr trâu têx mê nhuôv:“Nhoz jêx jok mal tsi uô, tsi kriê trâu iz lớp jux juk, muôx kênh jiês iz luz jok muôx hur si txix lơp 6 txos lơp 9. Chor cưk kriê muk kriê ntơưr trâu luz jok ntơư tsuv kriê tas hur si trâu têx lớp cơưv nhoz co. Muôx kênh jax cơưv muôx iz lênhx cưk kriê xưz, mak tsuv đhiê muk kriê trâu 2, 3 kror qơư”.

Hâur têx tas cik sơưr nzor, thâuv nhiv kruôr pov cêr txôngs, chor cưk kriê ntơưr thax tsav tox siêz Bắc Kạn tưz bax tâu cxix cxuô têx ntơưr, chuôz zênhx uz no phưx vưv kriê ntơưr muk yênhx châuv cêik cêr đêz đhâu têx xuz jôngr, har tsuôs chiê kriê txux chi trâu têx nhuôs shux xênhz./.

(VOV4-Riê Lâux cxeik, nhênhv)

PHÊNHV CHÊI TÊZ QƠƯS

3 HOV NÊNHS TÂU THÊV NHIÊX SO LÂUL, PAZ TXƯV BHXH NTƠƯV TSÊR

Bảo hiểm xar hôiv (BHXH) Việt Nam nhiv kruôr hêik cơ quan Bưu điện tsưr tsix thêv nhiêx hli so lâul, paz txưv nhiêx BHXH ntơưv tsêr trâu chor nênhs: Nênhs tâu sơưv nhiêx hli so lâul, nênhs tâu paz txưv BHXH txix 80 shông tror sâur; nênhs sơưv tsik tâu muôx 80 shông muôx moz gênhs, muk lok phiv liv, chiv chir tuôx tsik tâu thiêz khov tsik tâu trâu têx nênhs txơưr paz; nênhs sơưv trâus moz têx zav moz phiv liv tsênhv chơưv kho tsik nhoz hâur tsêr kho moz. Taz por lênhx nênhs, ngaz tuk nhiêx txiêx thâuv tsưr tsix thêv, muôz nhiêx ntơưv tsêr trâu nênhs tâu sơưv.

Chor nênhs sơưv nhiêx hli so lâul, paz txưv BHXH nhoz thax tsav qơư cêv kuôk tiv caz moz, BHXH Việt Nam hêik Bưu Điện sik côngv đros Chính quyền tiv phaz, Ban chox kriê phax tar moz Covid-19 thiêz cơ quan BHXH muôx tsưr ziv thêv, muôz nhiêx ndar six hơưv, ngaz tuk trâus nênhs sơưv, huv đros tsar tov tsênhv tsênhz ntơưv tiv phaz….

Nhạc cắt

Đuô li, BHXH Việt Nam hêik BHXH têx tỉnh, thành phố sik côngv đros Bưu điện hêik trâu UBND têx tỉnh, thành phố pâuz lok tsưr ziv thêv, muôz nhiêx hli so lâul, paz txưv BHXH hli 4/2020 thiêz chor hli lơưr co hâur ntu phax tar moz Covid-19 lơưr kruôz kriê thiêz hêik pâuz tsưr ziv, six hơưv thêv nhiêx huv đros trâu qênhx shênhx tsênhv tsênhz ntơưv tiv phaz.

Cxaz nzir nênhs uô hâux lưv muôz nhiêx, cxaz nzir têx qơư thêv, muôz nhêx chiê txo grêk tsơưs chor nênhs tâu sơưv li six hơưv nhoz tok, txar jav tâu nhoz uô cê chôngz nênhs, taz por ngaz tuk trâu nênhs sơưv huv lơưr Chính phủ thiêz Thủ tướng Chính phủ li chox kriê./.

(Thanh Thủy-Lik Thox cxêik nhênhv)