Tsêr sor siêz trâu nênhs pluôs

          Lol nhoz hâur luz tsêr yiêz, zơưv Trần Văn Cường, nhoz phường Thanh Khê Tây, quận Thanh Khê, thành phố Đà Nẵng tsênhv xar tiêk: ntơư zos zuk bâu suôr; taz sik muôx tsênhz tiês. Zơưv Cường heik, thâuv ntêx, zơưv chuôz zis nhoz hâur luz tsêr cấp 4, trur tsêr puôk tsuôx tas, chuôz zis luz nênhx lok six txov nhêv. Niêx hnuz, zơưv đros pox niêv mul muôs jâuz thiêz txir ntông, shuôz njês tov ciêz; nhiêx txiêx cux tsuôk txâuk cxơưx luz nênhx hâur niêx hnuz. Hâur shôngk shông no, zơưv Cường 2 niêv txir tâu thành phố Đà Nẵng thiêz Zênhx hangx Công thương Việt Nam paz txưv 50 tsov đeiv, đros chor nhiêx txiêx txeik tâu cxaz, viv li cxiv uô tâu luz tsêr truôx jông đuô:

          “ Thâuv ntêx 2 niêv txir cux txov nhêv, chuôz zis pluôs, tsêr nhoz qơư kis viv li lol nas mak lok six lax. Chinhr quyênx tiv phaz paz txưv nhiêx txiêx uô tsêr nhoz, chuôz zis jông siêz hênhr. Nhiv no muôx tsêr jông nhoz lơưv, 2 niêv txir cxơưx uô nox xưz”.

          Pos Hà Thị Chỉ nhoz phường Thanh Bình, quận Hải Châu, thành phố Đà Nẵng, tul txir tâu tas siv nênhx lơưv nzor, iz lênhx tsoz phưz 6 tul mê nhuôs tsênhv zâu. Chuôz zis lok six txov nhêv, tsi car xar txos hâux lưv cxiv uô tsêr yiêz chiê nhoz. Hâur ntu nhiv kruôr đhâu tsik ntêr no, pos Chỉ tâu UB MTTQ Việt Nam quận Hải Châu Thành phố Đà Nẵng paz 60 tsov đeiv nhiêx chiê cxiv uô tsêr yiêz. Pos Hà Thị Chỉ puz pâuz:

          “ Cur zos ziv chuôz zis pluôs muôx tul mê nhuôs zâu trâus sêv khiz lok luz chêr, chinhr quyênx đoanx thể paz max trâu cur. Lok six jông siêz, luz tsêr thâuv ntêx mak lok six xơư nas. Cxôngx thâuv lol nhoz luz tsêr yiêz truôx jông đuô, lol nas mak tsi tsuv cxơưx lơưv thiêz. Uô tsâus ntâu txos chinhr quyênx, têx đoanx thêv”.

          Txos nhiv no, TP Đà Nẵng tưz vênhv tôngv ntâu taz viv, lênhx nênhs jông siêz gôngr zuôr xar 200 tỷ đeiv trâu “ Cuiv viv nênhs pluôs”. Cxôngx chor nhiêx txiêx no, Ủy ban MTTQ Việt Nam thành phố Đà Nẵng đros chinhr quyênx têx tiv phaz cxiv uô yiêz thiêz kho đuô 10 cxênhz ntâu luz tsêr niêv côngv siêz muôz trâu chor chuôz zis pluôs. Pos Nguyễn Thị Kim Liên, Giám đốc Công ty TNHH muôv muôs Ân Điển, Thành phố Đà Nẵng thâuv tưs cux sik côngv đros tsaz yênhx cxiv tsa tsêr nhoz khơưk muôz trâu chuôz zis pluôs puz pâuz, Công ty tưz paz 1 tỷ đeiv ntâu chiê paz max nênhs pluôs nhoz TP Đà Nẵng thiêz têx tỉnh Quảng Nam, Quảng Bình:

          “ Thâuv tưs cux nriêr têx lênhx nênhs muôx luz nênhx txov nhêv zuôr trâus tâu paz txưv chiê paz lơưr hla đhâu cêr pluôs, muôx luz nênhx ngaz tul đuô. Niêx shông pêz puôr lênhx gôngr paz, zos paz tâu tul tsi mak cur puôr lênhx sir tas đas jos pênhr xưv chiê paz max”.

          Shông no, chor nhiêx txiêx muôz paz  cxiv uô tsêr nhoz trâu ziv chuôz zis pluôs chuôz ndê pir đros niêx shông. Zos thâuv ntêx, đros phênhv paz zos 35 tsov đeiv cxiv uô iz luz tsêr mak nhiv no chuôz ndê txos 50-60 tsov đeiv muôz cxiv uô iz luz. Iz chas paz txưv tsêr nhoz, Mặt trận tổ quốv Việt Nam thành phố Đà Nẵng tsênhv paz pênhr chiê têx chuôz ziz pluôs huôv tsar cêr uô nox, muôv muôs hax huv; khơưk muôz học bổng trâu shux xênhz pluôs sir jos cơưv ntơưr hênhr. Pos Lê Thị Thái Dương, Phưv chủ tịch UBMTTQ Việt Nam thành phố Đà Nẵng puz pâuz:

          “ Pir đros niêx shông, kror yiêz zos pêz uô lơưr Trung ương li cui chế hâur cxiv tsa thiêz kho đuô tsêr nhoz puôr lênhx muôx UB thành phố li pênhr puz txeik uô ntêx chiê sik côngv tês cxiv tsa, kho đuô tsêr nhoz trâu chuôz zis pluôs. Tas nro thành phố zuôr vênhv tôngv muôx nhos 20 tỷ đeiv iz shông chiê cxiv tsa, kho đuô tsêr nhoz trâu ziv chuôz zis pluôs thiêz chuôz zis tâu sơưv cêr chei ngaz tul luz nênhx. Hâur shôngk shông 2018, Mặt trận thành phố tưz bax tsiêz trâu nênhs pluôs, têx doanh nghiệp têx lênhx nênhs jông siêz cux jông siêz sik côngv đros uô”./.

            (TTMT-Txâur Vax cxeik nhênhv)

PHÊNHV HÊIK LOK CHÊI TÊZ QƠƯS

Phax tar cuz tox cuz jôngr

Tsôngv pox nhuôs sơưr đơưk hmor yuô! Hâur chêix ntux kruôr, zôngx ziv muôx yưv hluôr tơưk cuz tox cuz jôngr. Chiê kriz uô luôs hâux lưv phax tar cuz tox cuz jôngr, tsưx phưv truôx têx jôngr nhiv no muôx nhoz cxuô thax tsav qơư, pêz thor hêik iz cxiê tsênhv njiêz hâur Chính phủ li Nghị định cui tênhv lok phax cuz thiêz tuô cuz jôngr.

I/ Phax tar cuz tox cuz jôngr:

a) Muôx cui tênhv, chêi, fiêx hêik pâuz, txưr hluôr tơưl tâu tso ntơưv têx qơư cui tênhv, huv đros trâu cxuô thax tsav jôngr;

b) Muôx ntâu côngz trinhx phax cuz thiêz tuô cuz jôngr lơưr cui tênhv, huv đros trâu thax tsav muôx jôngr ntông;

c) Muôx têx tsưr ziv phax tar cuz jôngr huv đros  chiê ngaz tuk phax cuz thiêz tuô cuz jôngr nhoz yênhx thax tsav jôngr;

d) Muôx bax cxuô zav chuôz zênhx phax cuz thiêz tuô cuz jôngr huv đros yênhx zav jôngr lơưr cui tênhv;

đ) Muôx lưx lươngv phax cuz thiêz tuô cuz jôngr tâu kriê jông txux chi, cxaz nzir hâux lưv phax cuz thiêz tuô cuz jôngr thiêz tsưr tsix sêiz jor tsik so, tax tâu zoz qơưx phax cuz thiêz tuô cuz ntơưv qơư;

e) Muôx ntâuz ntơưr sêiz car truôx têx hâux lưv phax cuz thiêz tuô cuz jôngr lơưr cui tênhv.

2. Đros têx thax tsav jôngr zôngx ziv cuz, iz chas uô lơưr têx cui tênhv ntơưv ntu 1grê no tsuv uô tsưr ziv kho đuô côngz trinhx phax cuz thiêz tuô cuz jôngr thiêz tsưr tsix uô têx tsưr ziv phax cuz thiêz tuô cuz jôngr cov tiêr uô ntêx chêix ntux kruôr hâur yênhx shông, muôx tsưr tsix qênhz yuôx sêiz jor thâuv phiv liv zôngx ziv cuz jôngr siêz.

Đros têx thax tsav jôngr lâuk, tsuv bax đêx uô cov txâuk nông trâu têx qơư zôngx ziv trâus hluôr tơưk txêik cuz.

3. Đros thiêz chor thax tsav jôngr muôx cêr hlâu, txox cêr hluô tênhv siêz, car tok têx pa tơưl thiêz hax huv dầu mỏ muk đhâu mak tsuv muôx cêr thêir hluôr tơưl cuz, thax tsav ngaz tuk huv đros yênhx zav côngz trinhx lơưr chêi têz qơưs li cui tênhv thiêz tsik so qênhz yuôx, uô cov hur si têx zav zôngx ziv cuz muôx hâur txox cêr thêir hluôr tơưl txêik cuz co.

*/ Ngaz tuk lok phax tar cuz thiêz tuô cuz thâuv tâu chêi sir zôngv hluôr tơưl hâur har jôngr, ntus jôngr:

1. Uô ntêx thâuv hlơưr têz, nênhs sir zôngv hluôr tơưl tsuv cêv iz ndis chiê tir tar hluôr tơưl txêik cuz trâu har jôngr; thâuv hlơưr mak tsuv chiê nênhs sêiz jor, muôx txâuk nênhs chiê tuô hluôr tơưl thâuv hluôr tơưl cuz txêik trâu hâur har jôngr; thâuv hlơưr têz tas tsuv tuô cov têx hluôr ndêis, ntông tsênhv chis cuz cov tuôs tas hur si.

2. Hlơưr cxuô zav tâux nhov chiê bax ar chos jôngr thiêz txo grêk tsơưs  têx zav zôngx ziv cuz hâur jôngr, nênhs sir zôngv hluôr tơưl tsuv uô têx tsưr ziv ngaz tuk lok phax cuz thiêz tuô cuz jôngr lơưr Bôv kôngz nuv cui tênhv.

3. Sir zôngv hluôr tơưl ntơưv têx qơư, côngz trinhx, công trường thiêz tsêr nhoz hâur har jôngr tsik chiê hluôr tơưk txêik cuz trâu hâur jôngr; đhâu thâuv sir zôngv hluôr tơưl tas, tsuv muôz hluôr tơưl tuô cov tuôs tas hur si./.

(Thu Thùy-Lik Thox cxêik nhênhv)