Thor tsi nhoz chuôz zis pluôs- Hâux lưv jông huôv tsar txo grêk cêr pluôs nhoz tỉnh Kon Tum

          Hâur 83 ziv chuôz zis tsôngv box nhoz tỉnh Kon Tum shông nhiv kruôr đhâu txưv zênhv uô ntơưr thor tsi nhoz chuôz zis pluôs, mak xã Đăk Trăm, huyện Đăk Tô chêx chôngk ntâu tiv zix zos 21 ziv. No zos tiv phaz muôx chôngz tsôngv box mênhx cxưx tsơưs nênhs Xơ Đăng nhoz uô nênhx thiêz pox nhuôs li phênhv sâu zos khov txos uô kôngz lôngk. Niêv lâuk Y Loan, 28 shông đros chuôz zis chiv chir uô ntơưr thor tsi zos chuôz zis pluôs puz pâuz, niêv lâuk chuôz zis muôx 5 sào kok ntông, 1 sào bời lời thiêz 2 sào blêx liêx. Mênhv chêx tsoz chos xưk li kuz, taz sik khov muôx cán bộ cxêz kôngz heik kriê tsưr ziv tsoz phưz mak tsoz chos huôv tsar jông, phênhv sâu tâu siêz đuô, luz nênhx ngaz tul viv li chiv chir thor tsi zos thiêz zis pluôs thiêz tâu chinhr quyênx tiv phaz thôngx ziv. Niêv lâuk Loan heik, chuôz zis thor tsi zos chuôz zis pluôs cux zos xar tsês phênhv paz txưv trâu têx chuôz zis txov nhêv đuô zuk:

          “2 niêv txir tsênhv muôx đas jos uô hâux lưv. Tsês têx phênhv paz txưv nênhs pluôs trâu têx chuôz zis muôx lênhx lâuk nênhs, nênhs trâus sêv khiz lok luz chêr, nênhs moz gênhs...”

          Lơưr zơưv Trương Đình Tuệ, Chủ tịch UB xã Đăk Trăm, huyện Đăk Tô, hâux lưv xã muôx ntâu chuôz zis chiv chir uô ntơưr thor tsi zos chuôz zis pluôs tưz kahv tênhv tâu chêx cuk têz qơưk li tsaz yênhx txu grês cêr pluôs truôx vênhs ntu 2016-2020. Kror no cux tso pov tsôngv box jênhv pâuz tâu lok côngz xưv cxuôv cêr yeiz pluôs, cxôngx co sir jos uô nox uô hâuk, huôv tsar kinh têr chiê hla đhâu cêr pluôs truôx vênhs, yênhx trus sir jos uô bluô nux:

          “No zos iz hâur têx hâux lưv jông hâur uô Đảng, têz qơưk li chủ trương cêr chei lok côngz xưv txu grês cêr pluôs. Iz cxiê ziv chuôz zis sâuv thax tsav xã chiv chir hla đhâu cêr pluôs gôngr phênhv lox hâur côngz xưv yax mông, vênhv tôngv têx chuôz zis pluôs sir jos uô nox uô hâuk, sir jos uô bluô nux”.

          Chiz coaz muôx txơưx jênhv tỉnh Kon Tum li ntâus grê tso pov, chor chuôz zis chiv chir uô ntơưr thor tsi zos chuôz zis pluôs thâuv ntêx puôr lênhx muôx luz nênhx txov nhêv, pênhr muôx tsi ntâu, phênhv sâu kis; ar têz thiêz yênhx tưv uô kôngz kis. Thâuv tâu paz txưv thôngz đhâu têx dưv án huôv tsar uô kôngz longk tưz muôz siêz phênhv sâu cxôngx 20-40% pir đros thâuv ntêx. Zơưv Nguyễn Trung Thuận, Phưv Giám đốc Sở lox tôngv saz pênhz thiêz xã hội tỉnh Kon Tum puz pâuz, đros sâu jênhv kruôk txos, taz viv zuôr heik tỉnh tror paz txưv pênhr chiê têx ziv chuôz zis chiv chir hla đhâu cêr pluôs huôv tsar cêr uô nox uô hâuk trâu chuôz zis:

          “Nganhx lox tôngv đros têx nganhx muôx txơưx jênhv thiêz chinhr quyênx tiv phaz uô ntêx zos sâu jênhv, kruôk têx chuôz zis jông co thiêz seiz co zos têx đeiv iêr chi cax luk chiê têx chuôz zis pluôs txơưr uô lơưr. Tiv 2 zos pêz zuôr heik chinhr quyênx tiv phaz uô têx chính sách paz txưv pênhr trâu chor chuôz zis pluôs txeik cov lơưr huôv tsar uô nox uô hâuk”.

          Hâux lưv shông 2019 nhiv kruôr đhâu muôx 83 ziv chuôz zis uô ntơưr thor tsi zos chuôz zis pluôs zos iz hâux lưv jông hâur uô tsaz yênhx txu grês cêr pluôs truôx vênhs ntu 2016-2020 ntơưv tiv phaz. Xav txos nhiv no tỉnh Kon Tum tưz txu grês tâu chor ziv chuôz zis pluôs yuôr 13% ntâu. No zos hâux lưv jông chiê tỉnh Kon Tum uô tiêr jông tsưr ziv txu grês cêr pluôs truôx vênhs ntu 2021-2025 txu grês 304% ziv chuôz zis pluôs iz shôngk./.

(Khoa Điềm- Txâur Vax cxeik nhênhv)