Tsôngv pêx xênhv Hà Nam li ntênhk hôiv grêk uô liêx

Ntênhk hôiv grêk uô liêx shông no muôx tsênhv njiêz “Lok vênhx huôv Quảng Yên”, no zos pêx xênhv Hà Nam li ntênhk hôiv piz txix phôngx cxưx uô ntênhk “Hạ điền” thiêz “Thượng điền”. Ntênhk hôiv no tưz muôx thâuv nzor lok, taz sik qir tiv ntâu kror mak ntênhk hôiv co tưz tsik muôx hâur pêx xênhv nhoz no li luz nênhx đhâu oz pêz châuv shông lok, taz sik hâur têx hnuz no, cxuô suôz trax, suôz đruôk tror đror nxiê ntưk thiêz cux zos ntênhk hôiv ho tror muôx yưv đros đrêiv tsôngv px thax tsav ntơư li luz nênhx. Pos Tô Thị Thu, Bí thư Đảng ủy phường phong Cốc, nhoz qơư tsưr tsix ntênhk hôiv grêk uô liêx puz pâuz: “Ntênhk hôiv tror tâu uô txix shông 2007, đhâu co tâu tsưr tsix txix shông 2009 thiez shông 2013, ndaz ndơưv uô tiêr di tích li ntênhk hôiv shông no tror tâu tsưr tsix. No zos pêx xênhv nhoz tiv phaz li ntênhk hôiv cxôngx nzor. Ntênhk hôiv no muôx tsiv gri đros nênhs nhoz no zos khov trâu ntux têz…”.

Ntênhk txi côngv uô kôngz lôngk zos chiê thor cov muôx ntux yar ntux nas paz sđ têx kôngz lôngk hloz jông, sâu tâu nju kôngz, muôx luz nênhx tsâu sor, chuôz zis shir phaz. Hnoz chor lâul piêr tiêk, tênhk hôiv grêk uô liêx tsik so tâu tsưr tsix trâu hâur hlik hli 6 zênhz lix, zos six hơưv chêix chos blêx. Six hơưv uô ntênhk hôiv hâur oz hnuz. Hnuz chênhr, têik cik sơưr nzor đhâu txi côngv uô kôngz lôngk ntơưv tsêr txi côngv, lênhx nênhs txi côngv grêk muk hâur liêx ntơưv qơư txi côngv tsêz chos têx blêx xuz thơưx ciês đros muôx sơưr đơưk hâur jok sêiz njiê. Hâur đruôz đraz liêx muôx iz  tsoz nxông đêi têx blôngx ntông chiê châuv đaz, muôx đuôz li blêx, njêl, suôz, kêiz, buô…hêik tơưv muôx iz chêix kôngz lôngk jông sâu tâu nju. Đhâu kror no tas mak cxuô chuôz zis thiêx tâu chos blêx trâu hâur zuk chor liêx. Xêir tsov nênhs sơưr lok txi côngv cux lok six zov chênhr, pos Tô Thị Thu puz pâuz nzir:“Nênhs sơưr txix côngv mak tsuv zos nênhs jông, chuôz zis shir phaz, têx tuz nhuôs hloz lox, txơưx uô nox mak thiêx tâu muk chos chor blêx xuz thơưx co. Thâuv ntêx no thax tsav poz hiêr Hà Nam zos qơư kik đuô pir li đêx hiêr, viv li sơưr đơưk tsuv sir jos uô. Txix co, xar sir jos mak sik tưr chêix fuô cux zos iz kror chiê zoz zux cêr côngv siêz nhoz sơưr đơưk ntơưv no”.

Đros phênhv ntênhk mak têx huôx tôngv li sik tưr uô luôv đêx, nthuôr uô cêr lov jêv, hu gâux, sik tưr chos blêx, sik tưr chêix fuôx… cux chênhr zos zaz zâuv chôngz nênhx tsôngv kruô tuôx đros sêiz shuôk.

Zơưv Phạm Văn Thanh, lênhx nênhs nhoz phường Phong Cốc hêik tiêk sơưr đơưk nhoz no lênhx tưs cux tok njôngr txos hnuz hôiv no, sơưr đơưk bax fuôx, têx zav trâu hôiv sik tưr, sir jos cơưv shâuv uô ntêx zuôr sik tưr.“Lơưr jok Phong Cốc li phôngx cxux mak hnuz no zos sik tưr uô luôv đêx, hnuz tov kaz thiêx zos hnuz chênhr hôiv. Pêz tuôr tsês chiê pox côngz, zơưv côngz, tiv phaz têx phôngx cxưx tưz muôx 582 shông lok no. Cur zos nênhs lơưr chor lâul txix muôx 17 shông, shông no cur tưz muôx 56 shông, txơưv pêz muôx ntâu hâux lưv taz sik muôz tso tsês chiê tuôr chiê têx ntênhk hôiv no. Chiê tror uô thiêz zaz zâuv tsôngv kruô đêz jê, têx tuz nhuôs uô nox nhoz cxiê qơư tror lok zuk qơư nhoz, jok Phong Cốc no”.

Njiê pov tâu nênhs Quảng Yên li ntênhk hôiv mak thiêx pâuz tâu txos nênhs nhoz no li siêz xar tsês trâu zuk têx ntênhk hôiv. Tsôngv kruô sêiz shuôk cux kruôk txos têx fuôx sik tưr lok uô ntêx ciês. Nênhs cxaz chuôz sik tưr cux sir tas jos, chiê cov zênhx hâur jiês co. Niêv tix Bùi Thị Hới, lênhx nênhs nhoz jok Phong Cốc cxaz chuôz chêix fuôx sik tưr hêik:

“Pêz zos pêx xênhv, pêz pov jêx jok muôx ntênhk hôiv cxôngx nzor txix chor lâul tsês chiê lok txos nhiv no. Pêz cux tsênhv tuôr chiê tâu mak cur cux lok six shir phaz”.

Ntênhk hôiv grêk uô liêx tâu tuôr chiê li iz vênhx huôv tsiv gri paz phênhv uô jông đuô trâu chax chês lịch sử, vênhx huôv nhoz thax tsav qơư ntơư./.

                                                                                                                                (TTĐB-Lik Thox cxêik nhênhv)

\

Điện Biên: Tsuv đros paz hêir nênhs Lok tsuôk nhoz Na Sang II uô luôs hâux lưv ntok ntâuz

          Tsưr ziv ntok ntâuz zos hêir nênhs Lok Tsuôk nhoz Điện Biên iz luôs hâux lưv uô muôx đros đrêiv hâur luz nênhx đhâu ntâu tiêv lok. Taz sik hâur ntu têz qơưs hlôngr yiêz nhiv no, hâur ciêz đrôngl muôx ntâu zav ntâuz, tsôngk trik yo jông jav, chuôs li hêir nênhs Lok tsuôk luôs hâux lưv ntok ntâuz tưz trâus plox lơưv jux juk; viv zos têx ntâuz ntok uô tâu ntơư muôs tsik tâu grê siêz.

          Chênhr zos li hêik ntơư, luôs hâux lưv tuôr tsês chiê hêir nênhs Lok Tsuôk sauv thax tsav tỉnh Điện Biên têx txux chi, cêr nênhx vênhx huôv jông tsik chiê plox, zos iz luôs hâux lưv zov chênhr tsuv uô cov tâu truôx. Xav hâur shông 2004, cơ quan sik côngv đros Nhật Bản (JiCa) tưz đros ủy Ban tỉnh Điện Biên huôv tsar luôs hâux lưv ntok ntâuz trâu ntơưv jos Na Sang II. Txix ntơư, hợp tác xã ntok ntâuz Na Sang tưz cxiv tsa tâu muôx 30 lênhx nênhs uô thiêz txix ntơư txos trâu nhiv no, hêir nênhs Lok tsuôk têx ntâuz ntok uô tâu ntơư tưz muôx muôs trâu cxuô thax tsav qơư.

          Lò Thị Viên, phưv sêiz car hợp tác xã ntok ntâuz Na Sang II, tsik so muk trâu cxuô jêx jos chiê yax kriê zaz zâuv tsôngv px sđ tsuv huôk njôngr six hơưv hnuz nhôngl ntok ntâuz thiêz zos lênhx nênhs zok nriêr qơư muôs.

           “Cur lok six nhiêv ntok zav ntâuz no thiêz cur truôx siêz zok nriêr qơư muôs têx ntâuz ntok tâu ntơư. Nhiv no cux huôv tsar uô tâu truôx jux juk”.

          Hêir nênhs Lok Tsuôk tsưr ziv ntok ntâuz tưz tror huôv tsar tâu truôx jux juk. Taz sik, têx qơư huôv tsar uô ntơư tsênhv tsik tâu kriz uô ntâu thiêz phênhv ntâu zos tsôngv px sđ ntok ntâuz trâu thâuv luz chêix khưr tsêz chos kôngz lôngk tas. Đros ntơư, têx qơư huôv tsar uô ntok ntâuz cux li qơư muôs tsik tâu truôx pês tsơưs. Zơưv Nguyễn Văn Đóa, Bí thư Đảng ủy xã Núa Ngam, huyện Điện Biên hêik pâuz:

           “Px mak cux tsik zôngx ziv gra têx ntâuz ntơư chox muk muôs trâu ciêz đrôngl. Viv li, chor nênhs ntok ntâuz tsuv huôv tsar uô txuôk đros cxuô cấp cxuô ngênhx đros zok nriêr qơư muôs têx hax huv px uô tâuntơư”.

          Hêir nênhs Lok tsuôk têx ntâuz ntok tâu cux txêix pax jông jav txơưr tsik thôngx chor. Ntơư zos txêix uô cxuô zav pax muôx đros đrêiv hâur luz nênhx thiêz iz thênhv jux juk uô trâu cxuô hêir nênhs txơửr đuô sâuv thax tsav pâuz txos cux li paz phênhv trâu chor ntok ntâuz sâu tâu nhiêx txiêx chox lok cxiv kho chuôz zis, muôx luz nênhx tsâu sor./.

                                                                                                                                      (Tsu cxêik nhênhv-TTT)