Jax sâu hnuz xiêz 8.8.2015:

HÊIR NÊNHS MƯỜNG SUÔZ KRÔNGZ MÊ NHUÔS

          Nhiv kruôr đhâu no zos niêv lâuk Đinh Kiều Dung nhoz jos Bo, xã Kim Bình, huyện Kim Bôi, tỉnh Hoà Bình, zos iz lênhx nênhs lok six moz siêz nhiêv hêir nênhs Mươngx suôz krôngz mê nhuôv. Đros niêv lâuk, têx krôngz mê nhuôv jông co tsi zos chiv chir muôx:

Băng: “ Cur pov cur lok six môngr jông viv cxôngx thâuv tsênhv zâu tưz tâu mnôngs zuk pos zơưs, niêv txir suôz krôngz mê nhuôv trâur lâuk lok six jong. Thâuv hloz lox cur ho cơưv shâuv pos zơưs, niêv txir. Tov kaz no thâuv cxaz chuôz côngz xưv hâur quân đội, huôx tôngv vênhx ziv cur ho tâu sênhr suôz heik, taz sik zuk têz qơưs li têx jax krôngz mê nhuôv trâur lâuk mak thâuv tưs cux ndo njôngr txos”.

          Heik tiêk “Hêir nênhs Mươngx suôz krôngz mê nhuôs” zos tsưr ziv zaoz zux, viv têx lo lul hâur cxuô jax krôngz mê nhuôs zos kruôz kriê tuz nhuôs nhoz uô nênhx jông, seiz tâus nênhs lâus, nhiêv têz nhiêv qơư. Thâuv pâuz thôngz têx lo lul krôngz mê nhuôs thiêx li yênhx iz lênhx nênhs jông- co zos pos Đinh Thị Thuê, nhoz jos Bo, xã Kim Bình, huyện Kim Bôi, tỉnh Hoà Bình- iz lênhx nênhs txơưx sênhr suôz krôngz mê nhuôs lok six jông. Pos heik:

Băng: “Pêz muk piêr uô vênhx ziv ntơưv huyện, heik suôz krôngz mê nhuôs, lênhx nênhs tuôx seiz cux lol cuô muôs. Lênhx tưs mnôngs tâu krôngz mê nhuôv thiêx li pâuz thôngz tâu”.

          Mênhx cxưx Mươngx li suôz krôngz mê nhuôs muôx 3 zav. Krôngz mê nhuôs đruôz hnuz, krôngz mê nhuôs hmo ntux thiêz iz zav tsi taz krôngz mê nhuôs mak fênhx yax cux heik tâu. Nênhs heik tsuôk kêr lul chiê heik tơưv zuk li siêz xar trâu lênhx nênhs mnôngs.

Băng: “ Zuk hluz têx tuz nhuôs, puz tuz nhuôs nox nhoz, taz sik thâuv tuz nhuôs nox mor tsi hu,tsi zâuv zuk mak lok six qiv siêz viv li tso tuz nhuôs tsês tsir mul. Thâuv tuz nhuôs sơưr tsi pov niêv mav li mul nriêr, niêv tsenhv qiv siêz hu li chas cux tsi lol tsêr….têx jax suôz krôngz mê nhuôv lok six jông li co, lênhx tưs cux nhiêv mnôngs”.

          Txơưv tiêk qiv moz siêz, taz sik thâuv tưs cux xar njôngr txos zuk têx tuz nhuôs. Kêr têx jax suôz krôngz mê nhuôv chiê kruôz kriê tuz nhuôs uô nênhs jông. Kror jông tiv zix hâur têx suôz krôngz mê nhuôs zos kror co.

          Nhiv no, muôx lok six tsơưs têx lênhx niêv nênhs Mường txơưx krôngz mê nhuôs li co, têx tuz nhuôs nhiv no tsi tâu mnôngs têx pos têx niêv heik têx jax suôz krôngz jông li co lơưv.

Suôz krôngz mê nhuôs….

          Tsôngv box…yuô! Hêir nênhs Mươngx têx suôz krôngz mê nhuôv trâur lâuk - nênhs Mườngx li iz cêr nênhx vênhx huôv tsiv grê, zos iz mênhx cxưx li kror txưv haox. Taz sik, muôx ntâu lênhx tuz nhuôs, hluôk nênhs zos mênhx cxưx Mườngx nhiv no tsi pâuz, tsi nhiêv têx  suôz krôngz mê nhuôv trâur lâul no, co zos tiv kror tưs? Hâur phênhv “ Niêr pâuz lok cxuô mênhx cxưx li cêr nênhx vênhx huôv jông” ciêz tov kaz, pêz tror sik đros nriêr pâuz thiêz mnôngs tsôngv box li ziv chênhv heik txos hâux lưv por hưv thiêz phuôv tsar vênhx huôv Mươngx./.

( VOV4-Txâur Vax cxeik nhênhv)