Jax sâu thưr 3, hnuz xiêz 8-9-2015:

Lai Châu hlôngr yiêz kriê kriê ntơưr trâu xã tox siêz Tả Lèng

Shông tưs cux li ntơư, thâuv zuôr txos trâu shông cơưv yiêz, cxuô lênhx cưk kriê nhoz tsêr cơưv, niêv txir zus mor cấp iz Tả Lèng, cux tsênhv sik phêiz muk trâu cxuô  jos hâur thax tsav chiê hêik niêv txir tso têx tuz nxêik tror tuôx cơưv ntơưr. Shông cơưv no, tsêr cơưv muôx 26 lớp, 610  lênhx shuv xênhz; hâur ntơư muôx 150 lênhx tuôx nhoz ciês hâur tsêr cơưv chiê cơưv ntơưr. Cux li têx shông uô ntêx, chiê cxuô lênhx shuv xênhz tror tuôx cơưv cxix cxuô, hâur ntu đhâu, cưk kriê Nguyễn Thị Thanh tưz đros iz cxiê cưk kriê hâur tsêr cơưv muk trâu jos phìn Ngan-Sin Chải chiê hêik niêv txir tso cxuô lênhx tuz nxêik tror tuôx cơưv ntơưr.

Cưk kriê Thanh thav tiêk: Jos Phìn Ngan-Sin Chải, muôx iz cxiê ziv chuôz zis Hmôngz nhoz hâur thax tsav, luz nênhx tsênhv yuôr ntâu cêr txov nhêv; li ntơư, thâuv chor tuz nxêik shuv xênhz hâur tsêr cơưv, tâu so tror lok tsêr, zênhx zos đros đrêiv niêv txir muk pư têz, khưr uô kôngz lôngk hâur yênhx hnuz. Taz sik, đhâu ntâu jiês zaz zâuv yax kriê, txos trâu nhiv no 100% lênhx tuz nxêik txâuk shông puôr lênhx tâu tuôx trâu tsêr cơưv cxix cxuô.

Băng: “Hâur ntu đrav ntêx, luôs hâux lưv zaz zâuv, yax kriê tsôngv tuz cxêik shuv xênhz tuôx trâu tsêr cơưv cux tsênhv njiz ntâu phiv liv. Taz sik shông no tsôngv tuz nxêik shuv xênhz tưz thôngz xar thiêz txơưr đuô ntu đrav ntêx, cxuô lênhx shuv xênhz tâu tuôx trâu tsêr cơưv cxix cxuô. Shông no cux zaz zâuv tâu chor tuz cxêik shuv xênhz nhoz jos Phìn Ngan-Sin Chải tuôx trâu tsêr cơưv”.

Txơưr tsêr cơưv cấp iz niêv txir zus mor, viv shuv xênhz cấp oz Tả Lèng hnuz nhôngl shông siêz, phênhv ntâu tsuôk paz niêv txir hâur ziv chuôz zis khưr uô liêx têz, tsik zôngx ziv zaz zâuv tuôx trâu tsêr cơưv. Chênhr viv li, cxuô lênhx cưk kriê hâur tsêr cơưv tưz muk trâu cxuô xã, jêx jos fuô yax kriê thiêz tưz zaz zâuv tâu 281 lênhx tuz nxêik tror tuôx trâu tsêr cơưv.  Cưk kriê Nguyễn Minh Thu, thơưx sêiz car tsêr cơưv cấp oz Tả Lèng hêik pâuz:

Băng: “Hâur ntu so chêix so sor, iz cxiê lênhx shuv xênhz muk uô khưr uô kôngz lôngk pư hâur têz; iz cxiê ho zuôr pox niêv, zuôr txir; chênhr viv li, luôs hâux lưv zaz zâuv yax kriê tsôngv tuz nxêik tuôx trâu tsêr cơưv cxix cxuô tsênhv phiv liv. Chênhr zos li hêik ntơư, pêz tưz tso cxuô lênhx cưk kriê muk trâu cxuô xã, jêx jos zaz zâuv tsôngv tuz nxêik tuôx trâu tsêr cơưv cxix cxuô thiêz pêz cux muôx qơư trâu shuv xênhz pư,  uô mor trâu shuv xênhz nox hâur tsêr cơưv cxix cxuô”.

Uô tâu têx kror li hêik ntơư, hâur shông cơưv no, Tả Lèng tsuv hêik txos cấp uỷ Đảng hâu nov ntơưv qơư đros yax kriê, zaz zâuv tsôngv tuz cxêik tuôx trâu tsêr cơưv cxix cxuô. Zơưv Lương Việt Thảo, chủ tịch uỷ ban xã Tả Lèng hêik pâuz nzir:

Băng: “Txix thâuv pêz tso tơưv chêi phạt thiêz bluô chor ziv chuôz zis tsik tso tuz nxêik tuôx trâu tsêr cơưv, tưz pov njôngr luôs hâux lưv kriê cơưv ntơưr muôx kror hlôngr yiêz. Shông cơưv 2015, hur si cxuô ban ngênhx hâur xã puôr lênhx đros yax kriê, zaz zâuv tsôngv tuz nxêik tuôx trâu tsêr cơưv cxix cxuô”.

Txix hlôngr yiêz cxuô faz tsưr ziv yax kriê cxuô lênhx uô niêv uô txir thiêz zaz zâuv tsôngv tuz nxêik shuv xênhz tuôx trâu tsêr cơưv; tsêr cơưv cấp oz Tả Lèng, huyện Tam Đường, tỉnh Lai Châu tưz pov muôx ntâu kror hlôngr yiêz thiêz paz phênhv txo grêk yêiz pluôs đros trâu luôs hâux lưv cxiv tsa jêx jos yiêz./.

                                                                         (Khắc Kiên)

Phênhv “Nôngx mênhx zuôr tsuv pâuz” hnuz  xiêz  8/9/2015:

PIZ UÔ TXIX TU ZUS YIK

Đhâu thâuv ndis shuôk iz cxiê tsưr ziv uô hâur thax tsav zuk huyện thiêz đrâuv oz chas huyện zos Đoanx hluôk nênhs xã tsưr tsix, hâur shông 2013, tix lâus Lý piz uô nox uô hâuk txix tu zus yik. Xuz thơưx tsik tâu muôx tsưr ziv uô, viv li tix lâus zus siv 10 tuk yik. Đhâu iz shông, paz yik huôv vav thiêz sâu tâu lok kinh tế siêz, shông 2014, tix lâus Lý txêik 40 triệu đêiv nhiêx txix zênhx hangx kôngz nuv thiêz huôv tsar jêx jok, zênhx hangx tsênhv chêi xã hội huyện chiê uô tsêr guôx, zus cxaz nzir yik.

Cê uô cê cơưv shâuv tsưr ziv huôv tsar tu zus, tix lâus tưz pâuz tâu tsưr ziv tsoz phưz, phax moz txos xêir six hơưv tu zus huv đros chêix muôl muôs. Viv li, chuôz zis qơư tu zus thiêz paz yik ziv hnuz ziv huôv vav ntâu đuô, paz yik muôx 120 ntâu tuk. Đuô li, tix lâus Lý tsênhv zus nzir 10 tuk nhux tưv, nhux đas thiêz chos xar muôx 10 hec ta txir lưv tsiz, keo. Phênhv sâu txix tsoz chos, tu zus tsiêx cxu, iz shông tix lâus sâu tâu yênhx puô triệu đêiv thiêz tưz paz trâu luz nênhx hlôngr yiêz đuô.

Zos iz hâur chor hluôk xuz thơưx ciês nhoz xã Giáo Liêm zus yik; txix tix lâus Lý têx tsưr ziv huôv tsar tu zus yik ntơư; tưz muôx chôngz lênhx hluôk nênhs hâur thax tsav xã thiêz đrâuv oz chas xã tuôx sêiz shuôk tix lâus qơư tu zus chiê cơưv shâuv. Pâuz tâu têx tsưr ziv huôv tsar tu zus yik, zos zav tsiêx sâu tâu lok kinh tế siêz thiêz huv đros thax tsav qơư nhoz; hur si têx tsưr ziv huôv tsar tu zus li chas, tix lâus puôr lênhx hêik kriê trâu sơưr đơưk pâuz chiê cơưv shâuv huôv tsar uô trơưk.

Tiv zix, lênhx hluôk nênhs tưs tsik muôx pênhr, tix lâus cux shir phaz lul muôz pênhr nhiêx kir txêik tsik zuôr nhiêx liv. Nus lok lok têx tsưr ziv tu zus tsiêx cxu, tix lâus Lý hêik: “Zov chênhr zos tsuv tsov cưv txos tuk tsiêx zuk zus, sir jos cơưv shâuv chiê pâuz tâu tsưr ziv tsoz phưz hâur yênhx hnuz…sêiz shuôk jông chor tsiêx cxu thiêz tus tsiêx tưs muôx moz ươk, zênhx txơưr đuô chor tsik trâus cik moz ơưk”.

Phênhv “Nôngx mênhx zuor tsuv pâuz” ciêz no, zos Đêix VN côngv đros tsênhv qơư  cxiz  kôngz têz qơưk uô./.

                                                (VOV4-Ly cxêik-nhênhv)