Lai Châu tuôr truôx “thax tsav taz por” paz kinh têr hôx phưx thiêz huôv tsar

          Têx lưx lươngv muôx txơưx jênhv uô hâux lưv ntơưv qơư seiz car moz Covid-19 số 2 sâuv niêv cêr 32, nhoz thax tsav xã Mường Kim, huyện Than Uyên, tỉnh Lai Châu têx hnuz no ziv muôx ntâu hâux lưv uô thâuv lênhx nênhs thiêz yêz muk lok ntâu đuô. Thâuv ntêx, thành phố Hà Nội thiêz iz cxiê tiv phaz uô tsưr ziv cêv kuôk xã hội lơưr Chỉ thị 16, iz hnuz tsuôk muôx 2,3 châuv jiês yêz muk lok sâuv thax tsav, nhiv no mak ndê txos 2,3 puôk jiês. Tix lâuk Phan Huy Đa, tuôx cxôngx huyện Vĩnh Tường, tỉnh Vĩnh Phúc puz pâuz, zos nênhs tsar yêz muk ntâu viv li tix lâuk thâuv tưs cux gra lơưr ntâuz ntơưr muôx lênhx coaz txos côngz xưv phax tar moz Covid-19. Thâuv muk đhâu qơư seiz car moz muk Lai Châu, tix lâuk tâu lưx lươngv muôx txơưx jênhv thôngz sâu xor mông, heik kriê y tế thiêz yax mông đhâu co muk lok zôngx ziv đuô:       “Cur oz niêv txir muk cxôngx Vĩnh Phúc thâux hax huv kôngz nuv muk đhâu thax tsav Lai Châu. Cxôngx ntơưv tsêr tuôx txos ntơưv no cán bộ ntơưv têx qơư seiz car moz uô jông cui tênhv thiêz paz chiê tsôngv box muk lok tâu. Thâuv tuôx no pêz cux muôx cxix cxuô ntâuz ntơưr muk cêr thiêz tâu cán bộ phax tar heik kriê. Muk hâur thax tsav mak pêz uô trơưk têx qơư co li cui tênhv, six hơưv muk lok cux uô trơưk cui tênhv”.

          Cux xưk li têx tiv phaz txơưr nhoz Lai Châu, xã Mường Kim, huyện Than Uyên tưz yênhx lix Sở chỉ huiz Ban chox kriê phax tar moz Covid-19 chiê coar lik, chox kriê côngz xưv phax tar moz muôx chêx cuk. Zơưv Lò Quyết Thắng, Chủ tịch UB xã Mường Kim puz pâuz: Jiês moz huôv xênhz cxôngx hli 4 txos nhiv no, tiv phaz muôx 1 cxênhz 700 lênhx tsôngv box cxôngx têx tỉnh saz đrâuv tror lok tiv phaz, muôx 35 lênhx lok cxôngx Trung Quốc lok. Nhiv no tsênhv muôx 1 cxênhz 500 ntâu lênhx tsi tâu tror lok, viv li xã tưz vênhv tôngv 100% têx ziv chuôz zis cir ntơưr heik kriê trâu lơưr li lênhx nênhs cxênhz jê tsi cxoz chiv chir tror lok tiv phaz chiê uô jông côngz xưv phax tar moz Covid-19:“Tsôngv box zos nênhs lox tôngv muk uô hâux lưv đêz thâuv tror lok tiv phaz mak pêz phuôx huiz tuêv chiv chir coar lik thiêz cán bộ phưv txơưx jêx jos li pưs txux. Thâuv tsôngv box tror lok tiv phaz tsuv heik kriê y tế thiêz pov trâu tsar jos, chiê tsar jos pov cov trâu Ban chox kriê pâuz tâu qênhx shênhx thâuv tsôngv box tror lok thax tsav”.

          Zos thax tsav trôngx đriv tỉnh Lai Châu, huyện Than Uyên muôx 4 txox cêr lox muk lok têx tỉnh Lào Cai, Yên Bái thiêz Sơn La. Lơưr thôngz sâu, nhiv no têx lênhx nênhs tiv phaz tsi nhoz ntơưv tiv phaz zos 6 cxênhz 300 ntâu lênhx; hâur co muôx 2 cxênhz 100 ntâu lênhx tsênhv uô hâux lưv nhoz têx thax tsav muôx moz huôv xênhz. Chiê pâuz tâu xor mông, seiz car jông hâux lưv tsôngv box cxôngx têx tỉnh saz đrâuv tror lok tiv phaz, tir tar moz, huyện tsênhv tuôr truôx 50 tuêv ntâu qênhz yuôx, seiz car, njuôs siv moz sei; 130 ntâu tuêv chiv chir coar lik, tuêv hluôk nênhs uô ntêx nyuôk phax tar moz. Zơưv Lò Văn Hương, Chủ tịch UB huyện Thân Uyên puz pâuz: tiv phaz tsênhv sir jos krêz uô côngz xưv phax tar moz Covid-19 đros chinhz yênhx “phax tar moz li phax tar tros châuz” đros tsưr ziv “4 ntơưv qơư” sir jos tuôx truôx tiv phaz zos “thax tsav taz por” chiê ngaz tul tsôngv box li hâux lưv tsiv uô thiêz luz nênhx:    “Uô ntêx mak đros têx hax huv jix vuv li nox hâuk têx ziv chuôz zis tsuv muôx đeiv cêv kuôk chiê taz por. Uô jông hâux lưv heik kriê y tế thâuv muk têx qơư muôv muôs jix vuv; krêz uô hâux lưv quét mã QR, njuôs siv chiê taz por huôx tôngv”.

          Thâuv TP Hà Nội thiêz iz cxiê tiv phaz txu grês têx tsưr ziv phax tar moz Covid-19, tsôngv box saz đrâuv tỉnh tror lok Lai Châu zuôr chuôz ndê. Viv li ntơưv jiês khiêz phêv Ban chox kriê phax tar moz Covid-19 nhiv kruôr đhâu, lênhs tov UB tỉnh Lai châu tưz heik têx lưx lươngv muôx txơưx jênhv thiêz chinhr quyênx ntơưv qơư tsov cưv phax tar moz cxôngx nzor, cxôngx đêz. Zơưv Tống Thanh Hải, Phưv Chủ tịch Thường trực Ub tỉnh Lai châu, Phưv Tsar Ban thường trực tỉnh li Ban chox kriê phax tar moz Covid-19 heik: “Tsôngv box tror lok tiv phaz lok six chôngz, viv li lưx lươngv muôx txơưx jênhv tsuv qênhz yuôx jông têx yêz muk lok, viv no zos hâux lưv zuôr trâus tsov cưv, coar lik jông; tsuv seiz car jông têx lênhx nênhs cêv kuôk ntơưv tsêr nhoz, nhoz qơư côngv thôngx. Têx tiv phaz cux tsuv lok six chuv tôngv hâur vênhv thix cêv kuôk ntơưv qơư nhoz, qơư uô côngz xưv, công trường...cov taz por”.

          Cux lơưr Phưv chủ tịch UB tỉnh Lai Châu, tas nro cxix luôk chinhr trị li chuv tôngv, uô jông côngv đros tsôngv box li têx sir jos zuôr paz tiv phaz tuôr truôx “thax tsav taz por” tsi muôx moz huôv xênhz, paz chiê kinh têr tror tâu hôx phưx thiêz huôv tsar./.

(Khắc Kiên-Txâur Vax cxeik nhênhv)

Muôz pênhr nhiêx cxiv uô côngz trênhx đêx trâu px hêir nênhs tsơưs nhoz thax tsav Tây Nguyên

          Txix trung ương pênhr nhiêx ntu 2015-2020, tỉnh Gia Lai tâu têz qơưs muôz pênhr nhiêx cxiv uô 8 côngz trênhx tok đêx lok uô 12 cxênhz ha tsoz chos cxuô zav thiêz muôx txâuk đêx trâu yênhx vạn ziv chuôz zis px sir zôngv, xav hur si pênhr nhiêx cxiv uô tas xar 2 cxênhz tỷ đêiv. Hâur 8 côngz trênhx co, muôx iz cxiê côngz trênhx lox li: Pak đêx thầu Dầu ntơưv huyện Đắc Pơ, cxiv uô tas zuôr xar 200 tỷ đêiv thiêz pak đêx Pleil Thơ Ga, huyện Chư sê, pênhr nhiêx cxiv uô tas 229 tỷ đêiv.

          Zos iz luz tỉnh huôv tsar kôngz lôngk, chos cxuô zav tsoz chos, đêx sir zôngv tsêz chos kôngz lôngk, phênhv ntâu zos tok đêx nas. Chênhr zos li ntơư, luôs hâux lưv muôz pênhr nhiêx cxiv uô cxuô côngz trênhx tok đêx trâu tsôngv px hâur thax tsav tỉnh Gia Lai cux zov chênhr cơưs thiêz tsuv tâu cxiv uô thiêx paz tâu trâu tsôngv px huôv tsar cêr uô nox.

          8 côngz trênhx tok đêx chêx chôngk tâu Trung ương muôz pênhr nhiêx cxiv uô ntu 2015-2020, tâu cxiv uô tiêr zuôr paz tâu trâu tsôngv px hâur thax tsav tỉnh muôx txâuk đêx sir zôngv tsêz chos kôngz lôngk, iz thênhv jux juk px muôx luz nênhx truôx tuk.

          Ntơưv tỉnh Đắc Lắc, cxuô côngz trênhx tok đêx cux tâu têz qơưs muôz pênhr nhiêx cxiv uô; lar hêik zos côngz trênhx tok đêx lok trâu tsôngv px hêir nênhs tsơưs huôv tsar tsêz chos kôngz lôngk. Sinh x Ma chuôz zis nhoz xã Cư San, huyện M Đrắk, tỉnh Đắc Lắc, zos ziv chuôz zis yêik uô ntêx lok nhoz trâu qơư nhoz yiêz xã Cư Ea Lang, huyên Ea Ka shir phaz lul hêik:“Chor txir  nzơưv ntơưv xã cux moz siêz txos cur chuôz zis. Paz đros cxiv uô tsêr, vor tsêr thiêz đros njêis têx chuôz zênhx chuôz tav ntơưv qơư nhoz kuz lok trâu qơư nhoz yiêz ntơưv no. Cur chuôz zis tâu xã phêiz 5 sào ar liêx, 5 sào ar têz, cax ntus nas cik sâuv no cur zuôr chuôz piz uô”

          Trơưk Trần Văn Thanh-chủ tịch uỷ ban xã Cư ELang, huyện Ea Ka hêik pâuz: Cxuô chuôz zis yêik lok nhoz trâu ntơưv no, xã cux hêik tsôngv px sđ iz chuôz zis phêiz 1 sào ar uô tsêr nhoz, 5 sào ar liêx chos blêx, 5 sào ar têz chiê tsêz chos kôngz lôngk, zos đrêiv tỉnh quy tênhv:“Xã cux xav tênhv, ntơư zos hâux lưv chính trị zov chênhr li luôs hâux lưv tưz tso tơưv; tsênhv qơư tưz bax cxuô lực lươngx, tok chor chuôz zis px ntơư lok cov truôx tuk, muôx luz nênhx shir phaz lul”

          Tây Nguyên tâu xav zos thax tsav qơư zôngx ziv chos ntâu cxuô zav tsoz chos muôs trâu oz chas têz qơưs, muôx phênhv sâu tâu nhiêx txiêx trâu tsôngv px thiêz têz qơưs. Chênhr zos li hêik ntơư, hâur ntâu shông đhâu lok no, Chính phủ tưz muôz ntâu pênhr nhiêx cxiv uô ntâu côngz trênhx tok đêx lok trâu thax tsav tsôngv px hêir nênhs tsơưs cov muôx txâuk đêx huôv tsar tsêz chos cxuô zav tsoz chos-huôv tsar uô kôngz lôngk…

          Trơưk li njuôk xav, chor pênhr nhiêx muôz chox lok cxiv uô cxuô côngz trênhx trâu thax tsav Tây Nguyên hâur ntu 2030 txos trâu shông 2050 zos 103 cxênhz tỷ đêiv./.

                           Tsu cxêik nhênhv-VOV4