Jax sâu thưr 5, hnuz xiêz 8/12/2016:

Tu zus shuôz njêk trơưk ntus đêx đas

Zơưv Lò Văn Khặn, nhoz jos Trặm, xã Chiềng  Bằng, zos ziv chuôz zis xuz thơưx cxiv uô qơư tu zus shuôz njêk trơưk ntus đêx đas. Zơưv Khặn hêik pâuz: Luz jos ntơư yêik lok nhoz txix hli 10 shông 2005, tsôngv px sđ luz nênhx cux yuôr ntâu cêr txov nhêv, viv ar tsêz chos kôngz lôngk tsik muôx ntâu, luôs hâux lưv ntâuk shuôz njêk hâur niêv đêx đas cux tsik yuôr. Chênhr zos li hêik ntơư, txix shông 2010, zơưv thiêz iz cxiê ziv chuôz zis  hâur jos tưz chuôz piz thêir qơư huôv tsar tu zus siv shuôz njêk trơưk ntus đêx đas. Taz sik, tsik tâu pâuz tsưr ziv huôv tsar uô thiêz tu zus, shuôz njêk hloz tsik yuô jông. Txix ntơư thiêx tâu cán bộ cxiz kôngz  yax kriê tsưr ziv huôv tsar uô thiêz tu zus; đhâu ntơư, shuôz njêk hloz jông; xav iz kror qơư tu zus, sâu tâu 8 tax shuôz njêk, px muôx luz nênhx truôx tuk jux juk. Xav txos trâu nhiv no, tsôngv px hauar jos tưz muôx 36 ziv chuôz zis uô qơư huôv tsar tu zus shuôz njêk trơưk ntus đêx đas, chiê muôs trâu tuz luôv ciêz đrôngl. Zơưv Lò Văn Khặn hêik pâuz:

 “Hâur ntu đrav ntêx, tsêz chos blêx chos poz cưk, sâu tâu tsơưs; nhiv no hlôngr tsưr ziv huôv tsar tu zus shuôz njêk, px muôx phênhv sâu tâu ntâu đuô, ziv chuôz zis tưz hla đhâu cêr yêiz pluôs”.

Pâuz tâu huôv tsar tu zus shuôz njêk trơưk ntus đêx đas, paz phênhv sâu tâu nhiêx txiêx, shông 2012, Hợp tác xã tu zus shuôz njêk Chiềng Bằng, tưz cxiv tsa tâu 18 lênhx, chiê huôv tsar tu zus cxuô zav shuôz njêk li: njêk nox jâuz, njêk pok nêiz, njêk kar….Xav txos trâu nhiv no, hợp tác xã tưz muôx 46 xã viên, cxiv uô tâu 280 kror qơư tu zus shuôz njêk. Đros ntơư, hợp tác xã Chiềng Bằng cux tsênhv huôv tsar tu zus tâu muôx 1.200 tus ok; xav iz lênhx sâu tâu 80-100 triệu hâur iz shông. Zơưv Lò Văn Hặc, uô hâux lưv tu zus  shuôz njêk-Chiềng Bằng hêik pâuz:

 “Xuz thơưx, zuk tsuv thâux chox muk muôs trâu ciêz đrôngl, taz sik nhiv no, txos thâuv six hơưv muôs, tưz muôx nênhs tsar yêz tuôx zuôr ciês ntơưv qơư chiê thâux chox muk muôs trâu ciêz đrôngl Hà Nội”.

Xã Chiềng Bằng muôx24 luz jos, hâur ntơư muôx 21 luz jos yêik nhoz qơư yiêz; xav hâur têx shông đhâu lok no, tsôngv px sđ tưz huôv tsar tu zus shuôz njêk trơưk ntus đêx đas, tsôngv px muôx phênhv sâu tâu thiêz muôx luz nênhx truôx tuk jux juk. Xã muôx 12 hợp tác xã huôv tsar tu zus shuôz njêk, uô tâu 1.000 kror qơư tu zus cxuô zav shuôz njêk. Phênhv ntâu, cxuô lênhx tu zus shuôz njêk ntơư, puôr lênhx tâu cơưv tsik so tsưr ziv huôv tsar tu zus. Zơưv Lò Văn Thuỷ, Bí thư Đảng uỷ xã Chiềng Bằng, huyện Quỳnh Nhai hêik pâuz:

 “Đảng uỷ xã cux chêx chôngk cxươz cxiz, zok nriêr shuôz njêk trâu tsôngv px sđ huôv tsar tu zus-huôv tsar cêr uô nox”.

Tsôngv px yêik nhoz thax tsav qơư yiêz Chiềng Bằng, tưz zok nriêr tâu faz tsưr ziv huôv tsar cêr uô nox trơưk ntus đêx đas; taz sik tsôngv px nhoz thax tsav ntơưv no cux tsênhv tok njôngr têz qơưs paz pênhr nhiêx thiêz paz nôngz shuôz njêk trâu px huôv tsar uô thiêx zuôr uô tâu truôx zok đrêiv tsưr ziv tso tơưv./.

                                                  (Tsuv cxêik nhênhv-Hồng Việt)

Phênhv  thưr 5 hnuz 8/12/2016

Bir thư đoanx xar uô lơưr lâul Hôx

Xênhz zus thiêz hloz lox hâur iz chuôz zis uô kôngz nuv, txix thâuv zâu Phamv Xuân Tư tưz zênhx xar uô bluô nux txix ciês sâuv zuk qơư nhoz. Shông 2013, thâuv huyênv Ân Thi uô tsaz yênhx sik pâur ar lok uô cê, đros sir jos hla đhâu cêr pluôs, Phamv Xuân Tư tưz đros chuôz zis muôz tas nro têx ar huôv tsar uô tsik tâu nox chiê uô qơư huôv tsar uô nox cov tâu truôx. Shông 2014, thâuv cơưv tiêr tsêr cơưv kyr thuâtk tênhv Hưng Yên, Tư cuêz tênhv lok têz qơưk huôv tsar kinh têr chuôz zis. Nhiv kruôr piz uô, muôx tsik txâuk tsưr ziv lok huôv tsar tu zus; viv li tix lâus Tư tưz huôv tsar uô tsik tâu truôx. Chor kêiz ok zus jiês xuz thơưx trâus cik caz moz ơưk tuôs zuôr tas. Đhâu ntơư, Phamv Xuân Tư tsênhv truôx siêz bo đros cơưv têx lớp kriê cơưv tsưr ziv huôv tsar uô nox yiêz. Đros co, tix lâus cux cơưv chor ziv chuôz zis huôv tsar tu zus tâu truôx, cov zuk muôx txâuk tsưr ziv tu zus. Hla đhâu têx phiv liv, txos nhiv no tix lâus Phamv Xuân Tư tưz kriz đar qơư tu zus, huôv tsar cêr uô nox muôx 4 ha, hâur co sir zôngv 1,5 ha chiê tu zus suôz njêl đros trâu tu zus 5000 tuk ok. Iz chas ntơư, tix lâus tsênhv zus kêiz, buô thiêz chos 3000 tsoz ntông nox txir cxuô zav li: Txir lưv tsiz, txir chuôz thox Đaix Loan, Mo mômgk Thair Lan…txix qơư uô nox, iz shông tix lâus Tư sâu tâu 500 triêuv đêiv ntâu, đhâu thâuv yưx tas têx côngk đas jos uô, tix lâus sâu tâu liv muôx 250 triêuv đêiv iz shông. Tix lâus Phamv Xuân Tư hêik:

 “Zuk ndo njôngr txos lâul Hôx lo luk hêik “Hêik tsơưs uô ntâu”, “kror tưs phiv liv mak muôx hluôk nênhs”, cơưv shâuv lâul Hôx zuk tsik so uô ntêx hlo hâur huôv star kinh têr. Thâuv nhiv kruôr piz tu zus cux njiz ntâu phiv liv, tsik tâu muôx chênhz zênhv xêir nôngz thiêz ntu tưs trâus muôx caz moz, qơư muôs…”

Txix zuk li chênhz zênhv hâur huôv tsar tsưr ziv uô nox, Phamv Xuân Tư tưz hêik trâu đoanx hluôk nênhs –Hôiv liên hiêpv hluôk nênhs xar Hôx Tungs Mâuv, cxiv tsa qơư sik paz huôv tsar kinh têr. Nhiv no uô ntơư, puôr lênhx paz muôx hâux lưv uô truôx trâu chôngz hluôk nênhs tiv phaz. Tix lâus Tư tsik so paz trâu chor hluôk nênhs cxiv tsa qơư uô nox ntơưv tiv phaz. Tix lâus cux paz zuz nôngz, kruôz kriê tsưr ziv, chênhz zênhv tu zus chiê paz trâu chor hluôk nênhs nhiv kruôr piz uô nox huôv tsar kinh têr trâu zuk chuôz zis, txo grêk tsơưs têx phiv liv njiz trâus hâur uô nox. Tưz tsik zos txơưx uô kinh têr, 10 shông uô bir thư chi đoanx, Đangv viên hluôk Phamv Xuâb Tư zênhx tsik so uô ntêx hlo hâur cxuô phongz yaox…Hêik lok Phamv Xuân Tư, Bir thư đoanx hluôk nênhs huyênv Ân Thi Đinh Quôcz Hưng puz pâuz:

 “Nhiv no mak tsưr ziv no zos huyênv Ân Thi li iz hâur chor tsưr ziv uô nox tâu jông tiv zix. Đhâu tsưr ziv no tưz tsik zos chor hluôk nênhs hâur huyênv tuôx ndis shuôk, cơưv shâuv mak iz cxiê huyênv txơưr đuô li Phux Cưx, Tiên Lưr cux tuôx cơưv shâuv chiê kriz uô ntơưv tiv phaz”.

Đros trâu têx luôs hâux lưv uô tâu ntơư, tix lâus Phamv Xuâv Tư zos iz hâur chor hluôk nênhs uô ntêx hlo uô lơưr lâul Hôx li têx luk kriê./.

(TTT-Lik Thox cxêik nhênhv)