Cê bax tsiêz, tsôngv px Điện biên cê gra siêz tsưr ziv phax tar moz

Hâur têx hnuz zuôr txos tsiêz 30 têz qơưs, cxuô tsênhv qơư muôv muôs huv, ciêz đrôngs lox hâur thax tsav tỉnh Điện Biên, muôx chôngz lênhx ntâu tus tuôx zuôr huv. Trơưk li sêiz pov, phênhv ntâu tsôngv px puôr lênhx chox ntâuz bos kror ndâux chiê phax tar moz Covid-19. Pos Đặng thị Thanh, nhoz TP Điện Biên Phủ heik pâuz: Cur thâuv tưs tưz heik chor nênhs hâur tsêr cov chênhr phax, bax têx tsưr ziv phax txar jav thâuv muk zuôr huv nhoz têx qơư muôx chôngz nênhs, chiê sik đros phax tar moz, taz por tsiêz truôx tuk trâu côngv thôngx sđ:“Tsênhz tiês muk trâu têx qơư chôngz nênhs li no cux tsi jông, taz sik viv zuôr zuôr uz zuôr no cux tsuv muk xưz, taz tsuv chox ntâuz bos kror ndâux, tsơưs muk lol, nhoz jê đros chôngz nênhs, sir jos uô tâu li chas mak zuk uô li ntơư”.

Txix tsôngv px sđ zoz qơưx zuôr trâul txos zuôr ntâu têx huv uz no hâur six hơưv zuôr txos tsiêz têz qơưk, chor ciêz đrôngs, tsênhv qơư  muôv muôs huv hâur thax tsav TP Điện Biên Phủ bax zuôr nzir têx huv, heik tsênhz gri muôs chiê px xeir tsov, tsi trâul cxơưx lok tsar ndê gri hâur six hơưv phax tar moz. Chiê phax tir moz Covid-19, uô ntêx thâuv kruô zuôr muk đhâu kror trôngx puôr lênhx tâu chor nênhs muôs huv heik cov muôz cuô yuôx nzuôr têk thiêz chox ntâuz bos kror ndâux hur si. Niêv lâuk Nguyễn Thị Nghĩa, nhoz TP Điện Biên Phủ heik:“Thâuv nhoz hâur tsêr cux bax ntâuz bos kror ndâux đros trâu cxuô zav chiê  muk zuôr huv taz por đas jos trâu zuk thiêz chor nênhs hâur tsêr. Cur zuôr nduôr thax tsiêz, têx huv uz no zuôr trâul txos trâu chuôz zis xưz, cux tsi zuôr ntâu lok bax tsês, tsuôk zuôr iz kro mê njik lol nox tsiêz. Thiêz cux zuôr muôx txâuk huv trâu sđ zuôr, njênhs njôngr lok Đảng, Chính phủ, hâur 10 hnuz thiêz zuôr phax tir thêir tâu moz xưz, iz zav li têx jiês uô ntêx ntơư”.

Xav tinhv no zos six hơưv tsôngv px sđ zuôr trâul txos ntâu têx hax huv hâur shông, chênhr viv li iz chas luôs hâux lưv phax tar moz covid-19, cxuô ngênhx muôx vax huôv hâur tỉnh Điện Biên cux sir jos qênhz yuôx, qênhz shuôs hâux lưv taz por truôx tuk zav nox, pâuz tsênhz qơư uô têx hax huv ntơưv têx ciêz đrôngs, qơư muôs huv  chiê taz por đas jos, jông trâu lênhx nênhs sir zôngv. Pos Nguyễn Thúy Hồng, Chi cục tsar Chi cục vêv xênhz truôx tuk zav nox tỉnh Điện Biên heik pâuz:“Pêz Đoanx lênhx ngênhx vêv xênhz truôx tuk zav nox tsênhv uô 2 hâux lưv chênhr, zos qênhz yuôx shuôs đuô têx ban chox kriê huyện, thị xã, TP hâux lưv seiz car têx hax huv. Tiv 2 zos qênhz yuôx chor doanh nghiệp, têx qơư tsiv uô, zuôr muôs huv thiêz têx qơư côngz ntâu zav nox. Lok luôs hâux lưv no, pêz nhênhz chơưv trâu tỉnh uô iz tês cxuô tsưr ziv, hâux lưv qênhz yuôx shuôs hâur thax tsav tinh đros thiêz 130 đoanx tsênhv taz tov qênhz yuôx, lar heik zos têx ciêz đrôngs lox, doanh nghiệp lox  hâur thax tsav tỉnh”.

Nhiv no, tỉnh Điện Biên muôx iz lênhx nênhs tâu nhoz jê, buôk ti lênhx nênhs moz thiêz 28 lênhx zos chor tâu nhoz jê đros lênhx nênhs tâu buôk đros tus nênhs moz Covid-19 thiêz puôr lênhx đhâu seiz njuôk shuôs moz jiês iz tsi pov muôx moz li chas txơưr txar. Taz sik txix têx moz huôv xênhz phiv liv đros trâu cxơưz tiês luôs hâux lưv yax kriê, viv li px hâur thax tsav puôr lênhx uô jông lơưr têx cui tinhv lok por hưv, lar heik zos thâuv muk ciêz zuôr têx huv tsiêz uz no ntơưv têx qơư muôx chôngz nênhs./.

(Vũ Lợi-Riê Lâux cxeik, nhênhv)