Jax sâu thưr 7.8.4.2017:

Mường Lò li mor blâuv muôz yuôx jak jông

          Cxur chiê uô mor blâuv tsuv zos zav cxur kaz, tâu chos sâuv đras liêx Mường Lò, muôx tul đêx Thia ntưs đhâu. Lok sik cxur blâuv Tú Lệ, zav cxur kaz nto bê sâuv tas nro têz qơưk, tâu chos kuôk Mường Lò tsi đêz.

          Hu uô mor blâuv muôz 5 zav yuôx jak jông gâux, viv muôx liêz, njuôz, xiêr, đax thiêz đơưz. Chiê muôx tâu têx jông gâux li no, têx hluôk gâux nênhs Thái tưz zôngv têx zav đrox yuôx jak chiê mor liêz, xiêr, njuôz, đax, đơưz lok six jông seiz, nox lok six tsư ha.

          Têx zav đrox yuôx tâu đê thâuv sơưr nzor, chox lol nzuôr cov hur, tuôr thiêz uô siêr chiê muôx tâu tâu têx jông gâux co. Cxur chox mul tsâu đêx đhâu iz hmo, hnuz tov kaz bu lol chuz cov siêr.

          Thâuv chuz tsuv tsov cưv trâur tơưs cov tsi nqo pa. Đhâu 30 phênhz mak mor siêr. Cxur blâuv Mường Lò thâuv siêr lok six jôngx thiêz tsư ha, txơưv thâuv tsênhv sor lok sik tưz txiêk, taz sik thâuv puôz cux tsi lo tês. Mor siêr, tâu heik lol tso trâu hâur fax, muôz uô iz luz pax lok six jông gâux. Pos Lò Thị Hạc, nhoz jos Đêu, xã Nghĩa An, thị xã Nghĩa Lộ puz pâuz:

          “ Tsưr ziv uô mor blâuv no muôx cxôngx nzor lol, uô hâur têx hnuz ntênhs, hnuz tsiêz, txi côngv pos zơưs lok sik tiêv kruô...”

          Lơưr nênhs Thái Mường Lò li siêz xar, trôngx mor blâuv jông gâux no tâu muôz uô yênh luz pax lâus, viv pov zav pax no txơưv ndo txos Tây Bắc, tso pov siêz nhiêv têz nhiêv qơư, ndo txos têx cxênhx nênhs tov ntêx....Nghệ nhân Điêu Thị Siêng, nhoz jos Đêu 2, xã Nghĩa An, thị xã Nghĩa Lộ puz pâuz:

          “ Mor blâuv liêz zos tso pov siêz xar njôngr. Mor blâuv xiêr tso pov têz qơưk jông jav. Mor blâuv đax tso pov luz nênhx tsâu sor. Mor blâuv njuôz tso pov têz qơưk jông gâux Tây Bắc. Mor blâuv đơưz tso pov lênhx nênhs li luz siêz jông. Đros thiêz zav mor blâuv no, nênhs Thái xar njôngr muôx iz luz nênhx tsâu sor, shir phaz lov jêv”.

          Shông 2008, tsôngv box mênhx cxưx Thái nhoz xã Nghĩa An, thị xã Nghĩa Lộ li zav mor blâuv no tưz tâu đăng cir kỷ lục Guiness Việt Nam zos trôngx mor lox tiv zix hnhar 1,3 tênhr, đar 2,8 yiv ndis, tuôz xar muôx 2 đok. Chiê muôx tâu trôngx mor no, 200 ntâu ziv chuôz zis tsôngv box nênhs Thái tưz zôngv 300 ntâu luz tsu chuz mor blâuv, 200 cir yuôx chiê uô. Nhiv no tuôx txos jêx jos tưs nhoz thị xã Nghĩa Lộ thiêz têx xã thax tsav Mường Lò huyện Văn Chấn, tsôngv kruô puôr lênhx tâu nox zav mor blâuv no. Nox đros greix kruôr, njês cxiêz thiêz jâuz pêv har jôngr mak zav kaz đuô. Niêv lâuk Lường Thị Minh, nhoz jos Đêu 3, xã Nghĩa An, thị xã Nghĩa Lộ puz pâuz:

          “ Cur uô ju lix côngv thôngx tos lok six chôngz kruô hâur thiêz đrâuv luôk oz chas têz qơưk tuôx, puôr lênhx lok six nhiêv nox zav mor blâuv no. Thâuv muôx six hơưv tror tuôx thâuv tưs cux heik chuôz zis uô mor blâuv. Muôx têx lênhx tsênhv cơưv shâuv chiê chiv chir uô. Taz sik zos xar nox kaz mak tsuv uô cxôngx cxur thiêz đêx nhoz ntơưv no”.

          Mor blâuv muôz yuôx jak zos iz zav nox jông đros tsôngv kruô tuôx seiz shuôk txos thax tsav qơư Mường Lò, nhoz faz Bắc pêz têz qơưs chiê cxaz chuôz ntênhs phêv cheix ntux yiêz./.

                                    (Đinh Tuấn-Txâur Vax cxeik nhênhv)