Por hưv, tuôr tsês chiê txux chi heik gâux Then nhoz suôv qơư Nguyên Bình

Xã Vũ Minh, huyện Nguyên Bình muôx 60% ntâu jênh sôr zos nênhs Tày, Nùng. Txix thâuv nzor lok, têx txux chi heik gâux then, sli…. lok six zov chênhr, thâuv tưs tưz zuôr tsuv muôx hâur tsôngv box nhoz no luz nênhx xênhz huôx niêx hnuz. Đinh Văn Thức, lênhx txơưx heik gâux Then, ntâuk trax Tính zos lênhx nênhs sơưr yênhx lix câu lạc bộ gâux Then-Tính Minh Thanh chiê hu zâuv chôngz lênhx ntâu tus đros uô thiêz por hưv, tuôr tsês nênhs Tày, Nùng têx txux chi  vênhx huôv jông trâu cxênhx hluôk tov kaz. Đinh Văn Thức heik pâuz:“Thâuv xuz thơưx cux tsuôk zos shâuv heik gâux cov lov jêv xưz, taz sik thâuv heik gâux uô si lov jêv lơưv tâu sđ kruôs thiêz heik cov muk nthuôr uô trâu luôs lưv thax tsav qơư chiê sđ seiz.Jux juk tror tâu muk nthuôr uô têx cêr lov jêv co, tâu tsôngv cưr tix nênhx tsa heik tiêk, xar chiê trâu têx tuz nhuôs zâu cơưv shâuv, nthuôr uô têx txux chi jông ntơư thiêz chor nhuôv shux xênhz tsênhv ơưv cxênhx nhuôs zâu, cxênhx iz, cxênhx 2 thiêz 3 đas cir tuôx cơưv. Txix thâuv ntơư lok tưz paz cxơưz gra cur tsưr ziv, siêz xar yênhx lix câu lạc bộ thiêz nthuôr uô đêz đar trâu sđ seiz, pâuz txos”.

Đinh Văn Thức zos lênhx hluôk đuô hur si hâur lơưr paz chor txơưx hu gâux, heik cưr cxiêx nhoz tỉnh Cao Bằng. Câu lạc bộ hu gâux then-Ntâuk trax tính thiêz heik cưr cxiêx Minh Thanh muôx txix shông 2009 đros thiêz 6 lênhx nênhs. Txos nhiv no, đhâu 10 shông yênhx lix, câu lạc bộ tưz huôv tsar muôx yênhx puô lênhx, hâur co lok six chôngz têx tuz nxeik hluôk, nhuôs zâu. Câu lạc bộ yênhx lix khov lok sâuv sđ siêz nhiêv, xar nthuôr uô têx txux chi cêr lov jêv co thiêz sik thôngx siêz siz chos por hưv, tuôr tsês heir nênhs Tày thiêz Nùng têx txux chi vênhx huôv tsi chiê pôngz plox.

Đinh Văn Thức thiêz têx nhuôs tuôx cơưv shâuv uô têx cêr lov jêv heik sâuv tưz gra têx txux chi jông ntơư muk nthuôr uô trâu ntâu ntênhs hôiv lox hâur thiêz đrâuv luôs 2 chas tỉnh seiz. Txix têx li heik co, mak hu gâux then-Ntâuk trax tính thiêz heik cưr cxiêx trâur lâuk tưz uô ntâu lênhx chôngz tus nhoz suôv qơư Vũ Minh pâuz txos, nhiêv mnôngs têx suôz gâux, cưr cxiêx, suôz trax ntơư. Pos Mạc Thị Phiến, nhoz jok Nà Khoang, xã Vũ Minh, huyện Nguyên Bình heik:“Hu gâux then, ntâuk trax tính nhiv no tưz muôx hâur câu lạc bộ heik cưr cxiêx Minh Thanh, viv li cur lok six jông siêz thiêz shir phaz cơưk. Nhiv no tưz muôx têx nhuôs pâuz thiêz shâuv heik tâu chor txux chi ntơư tsi chiê pôngz plox, phôngz yaox hu gâux, heik cưr cxiêx uô lov jêv hâur xã zuôr ziv hnuz ziv uô tâu jông. Uô tâu li no, cur jông siêz hênhr, vav tiêk tov kaz no câu lạc bộ zuôr muôx ntâu têx txux chi đuô chiê phưx vưv tsôngv px, cov sđ muôx luz nênhx lov jêv, nox nhoz shir phaz đuô”.

Câu lạc bộ hu gâux then-Ntâuk trax tính thiêz heik cưr cxiêx Minh Thanh tưz choz kriê tâu jông têx txux chi cêr lov jêv co trâu cxênhx hluôk, zos qơư chuôz paz đas jos, tsưr ziv trâu ntâu lênhx nênhs nhiêv hu gâux, heik cưr cxiêx. Txix thâuv yênhx lix, têx lênhx hâur câu lạc bộ thâuv tưs tưz moz siêz, sik đros nthuôr uô lov jêv nhoz cxuô cấp txix ntơưv qơư txos trâu tas nro hâur têz qơưk, đros uô têx tsaz ynhx yax mông ntơưv12 xã hâur huyện Nguyên Bình, tâu px sđ kruôs txos. Iz chas đros nthuôr uô têx cêr lov jêv li heik sâuv, Đinh Văn  Thức tsênhv kriê hu gâux then, ntâuk trax tính….trâu sđ ntơưv chuôz zis thiêz. Nhiv no muôx 360 ntâu lênhx nênhs tuôx cơưv, hâur co, lênhx hluôk thiêz hnuz nhôngs zâu đuô hur si muôx 6 shông. Pos Nguyễn Hồng Vân, Phưv Giám đốc Sở Vênhx huôv, Thêv thao thiêz ju lix tỉnh Cao Bằng heik pâuz heik:“Đinh Văn Thức zos heik tâu gâux, cưr cxiêx jông,  moz siêz lês uô hâux lưv txix ciês thâuv nhiv kruôr yênhx lix, txos nhiv no câu lạc bộ tưz muôx cui tinhv uô hâux lưv. Thiêz no cux zos iz hâur têx hâux lưv zuôr txos chiê uô tsaz yênhx thâuv UNESCO côngk nhav gâux then zos di sản vênhx huôv jông. Zuôr txos no, zuôr trâul txos ntâu câu lạc bộ iz zav li co yênhx lix thiêz, no cux zuôr zos câu lạc bộ uô siv uô ntêx chiê pêz nthuôr uô ntâu têx txux chi cêr lov jêv hâur tas nro thax tsav tỉnh hâur ntu zuôr txos”.

Đros thiêz Đinh Văn Thức têx cêr moz siêz lus đros px nhoz suôv qơư no tuôr tsês thiêz nthuôr uô têx txux chi vênhx huôv, câu lạc bộ Minh Thanh tưz thiêz tsênhv sir jos paz por hưv têx txux chi cêr nênhx jông nhoz thax tsav Nguyên Bình tsi chiê pôngz plox./.

(CTV Tiểu Nguyệt-RiêLâux cxeik, nhênhv)