Lào Cai: Hax huv chuôr tâu muôs ntâu tov têx ciêz tsi pâuz nyei

          Ciêz Cốc Lếu, đrôngs Lào Cai, tỉnh Lào Cai zos ciêz lox đros ntâu zav hax huv tâu thâux gra muôv muôs ntơưv no. Ntơưv no, trik yo, khâu, điện thoại chuôr gra bê têx hãng nto bê li Adidas, Nike, Samsung, Iphon...tâu muôs lok six ntâu. Grê têx zav hax huv no tsuôk bâuv iz đraz, muôx têx luz điện thoại gra bê Vertu, zos hax huv tsênhv zav xaz zênhz cux yênhx puôk tsov, taz sik ntơưv ciêz Cốc Lếu tsuôk muôx grê muôs 500 cxênhz đeiv! Ntêr lok no, qênhx shênhx no tâu uô tsênhv tsênhz ciês ntơưv ciêz Cốc Lếu taz sik tsi trâus yưr lir. Iz lênhx tsôngv box heik pâuz:

          “ No zos hax huv chuôr xưz, nhoz no lênhx tưs cux pâuz. Thâuv mul têx qơư muôv muôs lox mak zuôr phênhz pêx tâu. Thix ziv lưx lươngv coar lik niêv ciêz yưr lir txos qơư”.

          Lơưr cui tênhv, muôv muôs hax huv chuôr cxôngx 30 tsov ndê mul zuôr trâus yưr lir hình sự, chiê “ jav tâu” luật têx ziv chuôz zis muôv muôs nhoz ciêz Cốc Lếu khênhr piêr muôs têx hax huv chuôr tsi tâu nto 30 tsov đeiv. Zơưv Nguyễn Kiến Quốc, Qênhx tuêv tsar Tuêv 1, Chi cục coar lik niêv ciêz tỉnh Lào Cai puz pâuz: Lok six tsơưs lênhx nênhs tsiv uô tsênhv têx hãng hax huv tuôx sik côngv đros lưx lươngv coar lik niêv ciêz chiê phênhz pêx, yưr lir hax huv chuôr. Hâur shông đhâu, taz viv yưr lir 1 txuz uô cxâuv lok hax huv chuôr:

          “ Jav tsi tâu qênhx shênhx thâuv tsi pov lưx lươngv coar lik niêv ciêz mak tsôngv box ho piêr muôs têx hax huv chuôr. Cux zos ntus đriv trôngx đriv cui tênhv tsôngv box tâu zuôr hax huv saz đrâuv têz qơưk lok, đhâu co six fênhx zuôr tsês chiê muôs viv li tsênhv yuôr ntâu”.

          Thượng tá, Trịnh Minh Phú, Phưv tsar Công an huyện Si Ma Cai puz pâuz: Hax huv tsi txâuk tsơưr lươngv lok six lax yưr lir, zav hax huv no phênhv ntâu zos tâu tsiv uô ntơưv huyện Vĩnh Tường, Thổ Tang, tỉnh Vĩnh Phúc.

          “ Hâur shông nhiv kruôr đhâu yưr lir 2,3 lênhx nênhs uô cxâuv, phênhv ntâu zos uô cxâuv hành chinhr. Taz viv choz trâu lưx lươngv coar lik niêv ciêz thiêz y tế yưr lir lơưr cui tênhv viv tsi tâu txâuk chiê yưr lir hình sự”.

          Pâuz tsênhz qơư tsiv uô taz sik tsi muôx tsưr ziv yưr lir, co zos qênhx shênhx tsi taz muôx nhoz Lào Cai, nhiv no ntơưv têx ciêz nhoz Lạng Sơn, Móng Cái, Quảng Ninh hax huv chuôr, hax huv tsi txâuk tsơưr lươngv cux tâu muôs lok six ntâu. Hâux lưv co tso pov têx chiz coaz muôx txơưx jênhv , hâur taz viv tsênhv zos lưx lươngv coar lik niêv ciêz ntơưv thax tsav buôk ntus đriv li chêx cuk côngz xưv tsênhv kis. Zơưv Trần Hữu Linh, Tổng cục tsar Cục coar lik niêv ciêz heik: Xar yưr lir txos qơư hax huv chuôr mak lưx lươngv coar lik niêv ciêz li pưs txux zos lok six coaz tsôngv:

          “ Bộ công thương tsênhv muôz trâu chinhr phuv seiz nghị định yưr lir uô cxâuv hành chinhr yiêz hâur vênhv thix muôv muôs hlôngr trâu Nghị định 185 chiê muôz siêz chêx cuk yưr lir uô cxâuv. NJuôs xav txos quý 2 shông 2019 zuôr tso tơưv thiêz zuôr txu grês tâu têx tsi tâu huv đros”.

          Six hơưv kaz shôngk shông, tsôngv box li zoz qơưx sir zôngv, sâu zuôr hax huv zuôr chuôz ndê. No cux zos six hơưv têx lênhx nênhs fêv nhiês muôv muôs hax huv chuôr liv zôngv muôz shơư đros hax huv tsênhv chiê muôs trâu nênhs sir zôngv. Têx chêr trik yo, gơưv khâu tâu uô chuôr tâu muôs ntâu nhoz têx thax tsav ntus đriv thâuv tưz tâu gra lok hâur têz qơưk muôs mak nênhs sir zôngv txơưv txơưx li chas cux lok six lax phênhz pêx tâu chor tưs zos chuôr, chor tưs zos tsênhz tiês./.

(VOV- Txâur Vax cxeik nhênhv)

NUK, TÊZ LOK CHEI BHXH, BHYT

Muôx moz gênhs ntêr hnuz pok tâu côngz BHYT tsi tas nhiêx

Cur uô hâux lưv hâur công ty taz sik trâus moz njưk thiêz tsuv muk kho moz tsi so. Zos li trâus muôx moz ntêr hnuz  pok tâu côngz BHYT tsi tas nhiêx?

Phênhv tâu sơưv BHYT tsi tas nhiêx no pok tâu tsov cưv?

Khov lok têx moz gênhs tsuv kho ntêr hnuz tâu tso tơưv đros Bộ Y tế Thông tư 14 hnuz 12/05/2016 mak moz njưk zos zav moz tsuv kho  ntêr.

Trơưk li Grê 42, BHXH VN Quyết tinhv 595 shông 2017 cui tinhv: “5. Nênhs lox tôngv so hâux lưv, tâu sơưv chei muôx moz gênhs txix 14 hnuz uô hâux lưv tror zar sâuv hâur hli trơưk chei têz qơưk cui tinhv lok BHXH mak tsi tâu thêv nhiêx BHXH, BHYT, bảo hiểm tsi muôx hâux lưv uô, bảo hiểm trâus moz trâus saz hâur six hơưv uô nuv...., taz sik cux tâu sơưv têx chei BHYT”.

Trơưk Grê 22 chei BHYT kho đuô, cxaz nzir shông 2014 cui tinhv phênhv tâu sơưv BHYT:

1. Lênhx nênhs cxaz chuôz BHYT thâuv muk seiz njuôk shuôs, kho moz trơưk cui tinhv ntơưv têx grê 26, 27 thiêz 28 hâur chei no mak tâu cuiv nhiêx BHYT  thêv têx nhiêx txiêx seiz njuôk shuôs, kho moz hâur cui tinhv tâu sơưv têx chei li đrav kaz:

đ) 80% nhiêx txiêx seiz njuôk shuôs, kho moz trâu têx lênhx nênhs txơưr đuô”.

Li ntơư, thâuv cox so hâux lưv sơưv chei muôx moz gênhs ntêr hnuz tsi tâu côngz ntơưr BHYT tsi tas nhiêx. Cox cux zôngv zuk ntơưr BHYT, taz sik tsi thêv têx nhiêx BHYT thiêz cux tâu sơưv chei BHYT trơưk li zuk tâu sơưv BHYT thâuv kho moz gênhs ntêr hnuz zos 80% thâuv muk seiz njuôk shuôs, kho moz trơưk cui tinhv./.

(Thu Thùy-Riê Lâux cxeik, nhênhv)