Tsôngv box Điện Biên uô jông trơưk cui tênhv hâuk chơưr bia

tsi tsar yêz

          Đại úy Bùi Tuấn Anh, Tuêv phó Tuêv cảnh sát zaoz thôngz, Công an đrôngs Điện Biên Phủ puz pâuz: Ciês thâuv Chinhr phuv li Nghị định 100 muôx txux zôngv, cxôngx hnuz xiêz 1/1/2020, đros hâux lưv uô luz hlik phax tar nênhs phamv cxâuv, taz por txiv ngaz sâuv thax tsav uô ntêx, hâur thiêz đhâu thâuv nox tsiêz Nas shông, taz viv tưz heik lưx lươngv yênhx lix ntâu qơư jor qênhz yuôx, yưr lir uô cxâuv, đros yax mông, heik kriê cêr chei trâu tsôngv box lok sir zôngv chơưr, bia thâuv tsar yêz cxaz chuôz zaoz thôngz li txux hiêv cux xưk li têx qir tiv uô muôx yưv txiêz nanv zaoz thôngz txơưr. Viv Chei phax tar chơưr, bia li txux hiêv muôx phênhv xưv bluô hnhar viv li tưz gôngr phênhv muôz siêz phênhv ntâu tsôngv box li jênhv pâuz, siêz xar uô trơưk cêr chei:“Tsôngv box phênhv ntâu li jênhv pâuz tâu muôz siêz thiêz uô trơưk cêr chei li têx cui tênhv. Hâur six hơưv zuôr txos, Tuêv cảnh sát zaoz thôngz, Công an thành phố zuôr tror heik lưx lươngv yax six mul seiz car sâuv têx cêr, têx tsêr nox hâuk, qơư khênhr muôx qênhx shênhx hâuk chơưr, bia tsar yêz cxaz chuôz zaoz thôngz”.

          Chinhr phuv li Nghị định 100 cui tênhv xưv phuôv uô cxâuv hành chính hâur vênhv thix zaoz thôngz cêr ar thiêz cêr hlâu muôx phênhv xưv bluô siêz tiv zix đros nênhs tsar yêz ô tô hâuk chơưr, bia zos cxôngx 30-40 tsov đeiv, tsi puz tsar yêz hâur 22-24 luz hlik; đros thiêz lênhx nênhs tsar yêz meir mak phênhv xưv bluô siêz tiv zix zos cxôngx 6-8 tsov đeiv, tsi puz tsar yêz cxôngx 22-24 luz hlik. Kror tsuv tsov cưv zos, nênhs mul yêz tuôv, yêz điện cux trâus xưv phuôv cxôngx 600 cxênhz đeiv. Tix lâuk Phan Gia Chiến, tsôngv box xã Thanh Luông, huyện Điện Biên, tỉnh Điện Biên heik:“Đhâu têx xor mông sâuv tivi, sâuv Đeix tâu pâuz Nghị định 100 muôx txux zôngv cxôngx hnuz xiêz 1/1/2020, cur mak uô jông uô trơưk Nghị định no xưz, tưz hâuk chơưr, bia mak tsi tsar yêz thiêz. Đros cxuô lênhx nênhs txơưr thâuv cxaz chuôz zaoz thôngz mak tsuv uô trơưk Nghị định 100 chiê txu grês txiêz nanv zaoz thôngz, taz por trâu zuk cux xưk li cxuô lênhx nênhs cxaz chuôz zaoz thôngz”.

          Đros siêz xar li ntơưv, tix lâuk Hoàng Đình Duân (38 shông) zos iz lênhx nênhs tsar yêz taxi thâux kruô sâuv thax tsav thành phố Điện Biên Phủ puz pâuz:   “Cur zos lênhx nênhs tsar yêz mak thâuv tưs cux uô trơưk, tsi hâuk chơưr, bia. Viv thâuv hâuk chơưr, bia mak zuk tsar yêz zuôr tsi jông, tsôngv kruô zuôr hu ciês tênhv trâu công ty. Thâuv lol công ty mak cux zuôr trâus khiển trách”.

          Thượng tá Trần Văn Vang, Phưv tsar phongx cảnh sát zaoz thôngz, CÔng an tỉnh Điện Biên puz pâuz: đhâu zuôr xar 1 ciêz krêz uô Nghị định 100, tas nro tỉnh tưz qênhz yuôx, heik kriê 675 lênhx nênhs tsar yêz meir, yêz ô tô uô cxâuv cui tênhv. Pov 17 lênhx nênhs hâuk chơưr bia lơưv tsênhv tsar yêz meir cxaz chuôz zaoz thôngz, sâu ntơưr tso chei tsar yêz 5 lênhx nênhs, yưr lir thiêz khiêz 12 tsov đeiv ntâu trâu Tsêr nhiêx txiêx têz qơưk.“Têx jêx jos tox siêz nhoz sâuv thax tsav, phongx cảnh sát zaoz thôngz, Công an tỉnh Điện Biên uô côngz xưv yax mông cxôngx tsưr ziv uô ntơưr, uô băng đĩa xa trâu công an mul txos yênhx ziv chuôz zis muôz trâu pox nhuôs. Tsưr tsix khiêz phêv jêx jos, cir ntơưr uô trơưk chei taz por zaoz thôngz, thâuv hâuk chơưr bia mak tsi tsar yêz cxaz chuôz zaoz thôngz sâuv thax tsav tỉnh”.

          Cxôngx co tso pov, hâux lưv hlôngr yiêz phênhv xưv bluô đros huôx tôngv tsi tsar yêz thâuv tưz hâuk chơưr, bia lơưr Chei phax tsar chơưr, bia li txux hiêv tưz ciêr chênhr tâu tsôngv box Điện Biên uô jông uô trơưk. Cxôngx co muôz siêz phênhv ntâu tsôngv box li jênhv pâuz lok hâux lưv tưz hâuk chơưr, bia mak tsi tsar yêz cxaz chuôz zaoz thôngz, gôngr phênhv txu grês têx txuz txiêz nanv pôngz siêz mak qir tiv phênhv ntâu zos tiv hâuk chơưr, bia uô muôx yưv./.

(Vũ Lợi- Txâur Vax cxeik nhênhv)

Iz lênhx cưk yuôx sir tas đas jos tsưr ziv chơưv kho moz trâu tsôngv têx lênhx nênhs trâus moz hnhar

Chuôs njiz pêz chor sâu xor xưv, niêv lâuk Phạm Thị Thương (nhoz phường 6, TP Cà Mau) shir phaz, luôs nxi. Cêr shir phaz ntơư zos viv niêv lâuk chuôz zis lênhx nhuôv tuz tsênhv zuôr muôx 3 shông-zos Trần Hoàng Huy tưz tsi kuôx, nhoz tsưv, nox hâuk tâuk li luôs lưv tuk thiêz đas jos tưz nhoz khênhr jux juk. Lênhx nhuôv Huy tuôx trâu tsêr kho moz thâuv tsênhv lok six moz plaz hênhr thiêz tâu njuôk xav zos moz têx hnhur, đhâu thâuv nhoz chơưv kho moz ntêr hnuz taz sik tul moz cux tsi jông ntâus hlo. bác sĩ Lê Văn Khen tưz seiz njuôk shuôs thiêz muôz fêis seiz zos viv moz li chas, qênhz pov tuk nhuôv no trâus moz hnhur mok, huôv txox hlaz ntơưk. Trơưk li luôs lưv tuk cưk yuôx, bác sỹ  mak, lơưr zuôr muôz fêis lox chiê txiêr kror moz co, taz sik bác sĩ Khen tsi uô li ntơư, tix lâus muôz meir tsov txiêr kror moz xưz. Luôs hâux lưv fêis txiêr têx moz li heik sâuv 100% zos fêis txiêr li bác sĩ Khen uô, tsuôk zos têx lênhx muôx txux chi siêz thiêx uô tâu li co. Bác sĩ Lê Văn Khen heik:“Tsuv moz siêz uô hâux lưv, zuk sir jos uô lơưr têx tsưr ziv pâuz tâu chiê fêis kho moz trâu têx nhuôs zâu. Chor cưk yuôx, bác sĩ hâur khoa cux sir jos cơưv shâuv, uô trơưk têx tsưr ziv uô nuv. Pêz zuôr uô hur tiz si têx txux chi, tsưr ziv pâuz tâu chiê chơưv kho moz trâu nhuôs zâu. Lênhx nhuôv Huy tuk moz lok six phiv liv, taz sik pêz tưz uô tâu. No cux zos iz kro zov chênhr thiêz hâux lưv lox mak pêz chor cưk yuôx hâur khoa kho moz no uô tâu”.

Six hơưv đhâu, bác sĩ Khen tưz muôx ntâu txux chi jông, uô lơưr têx tsưr ziv yiêz chiê chơưv kho moz trâu nhuôs zâu. Nhiv kruôr 2, 3 luz hlik uô ntêx, tix lâus hmôngr jông tâu hlôngr njêx muôs trâu chor cưk yuôx chơưv kho moz nhuôs zâu hâur hur si têz qơưk heik pâuz lol hâux lưv zôngv têx xor xơưs nzir tsôngk tril yo hâur niêx hnuz ntơư, gri 15 cxênhz đeiv hlôngr trâu chor xor zuôr gri civ đuô 2, 3 châuv cxênhz xơưs kror cxaz, chiê txo grêk tsơưs nhiêx txiêx fêis kho moz trâu lênhx nênhs moz li chuôz zis. Chor cưk yuôx, bác sỹ txơưr đuô lơưr zôngv têx xor jông thiêz civ nhiêx xơưs kror cxaz, kror cxaz tsênhv vôngk, tix lâus zôngv têx xor li heik sâuv taz sik ho tsi pov uô chas. Kuôk no 4 shông ntâu, bác sĩ Khen tưz zos phưv Giám đốc seiz car têx hâux lưv fêis kho moz hâur tsêr kho moz Hoàn Mỹ Minh Hải, đros thiêz nhiêx hli 2, 3 châuv tsov đeiv iz hlik. Hâur iz jiês jâuv đros thav pêv, bác sĩ Võ Thành Lợi, Giám đốc Tsêr kho moz xênhz zus nhuôs Cà Mau heik: “Phênhv ntâu, hâur tỉnh têx lênhx nhuôs zâu trâus muôx moz tsuv fêis kho  mak puôr lênhx xa muk trâu têx tsêr kho moz lox, lok six phiv liv thiêz txov trâu lênhx nênhs moz chuôz zis, viv li Tsêr kho moz xênhz zus nhuôs xar yênhx lix Khoa ngoại taz sik muôx tsi txâuk lênhx nênhs, têx cưk yuôx txơưx njê uô hâux lưv”. “Cur lok lês uô zav hâux lưv no pok tâu”, bác sĩ Khen tưz nuk li ntơư thiêz đhâu co tix lâus muôz zuk li hâux lưv tso tsês lok cir ntâuz ntơưr đros Tsêr kho moz xênhz zus nhuôs uô hâux lưv chơưv kho moz thiêz tâu nhiêx hli tsơưs đuô lok six ntâu pir li thâuv uô hâux lưv nhoz tsêr kho moz Hoàn Mỹ Minh Hải. Bác sĩ Khen heik:“Đros thiêz cur, kror tưs zôngx ziv, XH zuôr trâul txos chiê huôv tsar uô zuk têx txux chi tsưr ziv mak qơư co thiêx zos tsênhz tiês, muôx liv. Uô hâux lưv lênhx nênhs lok sik hâux lưv têz qơưk tsi zov chênhr, lar heik zos hâux lưv tưs zuk uô tâu ntâu paz trâu XH, muôx liv, paz jông trâu lênhx nênhs moz, tsôngv px ntơưv zuk qơư nhoz mak zuk uô xưz”.

Nhiv no, muôx têx lênhx nênhs moz lơưr thêv nhiêx txiêx ndê txos 100 tsov đeiv iz hlik chiê tâu têx lênhx bác sĩ Khen seiz njuôk shuôs, kho moz taz sik bác sĩ Khen cux tsi xar uô. Viv, đros thiêz tix lâus “Chor nhuôs zâu cêr shir phaz, đros luôs lưv tuk muôx suôz luôs, uô si lov jêv” thiêz “paz txux chi, đas jos trâu têx qơư zuôr trâul txos zuk zos iz cêr shir phaz thiêz jông lơưv”, txơưv zuôr tsơưs đuô lok six ntâu lok tix lâus cux jông siêz. Bác sĩ Võ Anh Hoang, kaz Giám đốc Sở Y tế Cà Mau, nhiv no zos Giám đốc tsêr kho moz Hoàn Mỹ Minh Hải heik:“Đhâu thâuv lok uô hâux lưv trâu tsêr kho moz Hoàn Mỹ, bác sĩ Khen muk cơưv nzir têx txux chi, tsưr ziv uô hâux lưv lok sâuv fêis kho moz. Khen lok six moz siêz uô nuv, sir jos lês uô jông têx hâux lưv zok muôz. Tix lâus tsưr ziv, siêz xar zos lok uô hâux lưv trâu tsêr kho moz têz qơưk chiê huôv tsar zuk têx txux chi, tsưr ziv tưz pâuz thiêz cơưv tâu ntơư. Nhoz no, tix lâus cux uô têx nuv co, taz sik cê zos lênhx seiz car sđ uô hâux lưv, cê uô zuk li têx nuv mak tsi yuô tâu trơưk li zuk tsưr ziv, siêz xar”.

Nhoz Cà Mau thiêz txơưv suôv qơư tưs hâur hur si têz qơưk cux tsênhv muôx têx lênhx cưk yuôx, bác sĩ tâu têz qơưk muôz nhiêx, tso muk cơưv cxaz nzir txux chi, tsưr ziv uô hâux lưv chiê lok paz ntơưv  qơư, taz sik tsi tâu tâu ntêr tưz tso hâux lưv tsês, chiê muk uô hâux lưv saz đrâuv têx tsêr kho moz xiz nênhs. Qir tiv phênhv ntâu zos nhiêx txiêx tsơưs. Uô ntêx thâuv zuôr muk uô đuô lưv zav hâux lưv “tsuv ndo njôngr têx luk chos tsês”, tsi cxoz tiêk, mav thêv têx nhiêx txiêx tror kaz thâuv muk uô lưv zav hâux lưv. Bác sĩ Lê Văn Khen tsi tâu paz nhiêx muk cơưv taz sik ntâu shông cux tâu têx nhiêx hli tsơưs thiêz sir jos moz siêz lês uô jông hâux lưv trâu têx qơư zuôr trâul txos zuk paz./.

                                  (VOVĐBSCL-Riê Lâux cxeik, nhênhv)